ئێمە لە تۆرە کۆمەڵایەتیەکان

ژینگە

كەشناسی هەرێم لە بارەی كەش و هەوای ڕۆژانی داهاتوو هۆشداری دەدات

خەڵك – بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت، هەرێمی كوردستان دەكەوێتە ژێر كاریگەری درێژبوونەوەی نزمە پاڵە پەستۆكانی دەریای ناوەڕاست و دەریای سوور و نیمچە دوورگەی عەرەبی ، دەشڵیـَت،”جگە لە بارانبارین ئەگەری هاتنی بارستە هەوایەكی تۆزوخۆڵ هەیە و هەندێك جار هەورە تریشقەش دەبێت”.

بەڕێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە ، ئەمڕۆ پێنج شەممە 26-3-2020 سەرەتای هاتنی كاریگەری شەپۆڵە لەسەر ناوچەجیاجیاكانی هەرێم دەردەكەوێت, باران بە شێوەی پچڕپچڕ لە ناوچە شاخاوییەكان دەبارێت سەنتەری پارێزگاكانیش ئەگەری نمە بارانی هەیە.

دەشڵێت،” سبەی هەینی لە شەودا كاریگەری ئەم شەپۆڵە كاردەكاتە سەر تەواوی ناوچەكەمان بارانبارین لە تەواوی ناوچەشاخاوییەكان و سەنتەری پارێزگاكان دەبارێت, ناوچەشاخاوییەكانی پارێزگای دهۆك وەك (دینارتە و ئاكرێ و سەرسەنگ و ئامێدی كانی ماسی) هەروەها بەشێك لە ناوچە شاخاوییەكانی پارێزگای هەولێر وەك (ڕواندز و سۆران و چۆمان حاجی ئۆمەران و سیدەكان بارزان مێرگەسوور) بارانیان زیاتر دەبێت”.

ڕاشیگەیاندووە، ڕۆژی شەممە كاریگەری ئەم شەپۆڵە بەردەوامی دەبێت، جگە لە باران بارین ئەگەری هاتنی بارستە هەوایەكی تۆزوخۆڵ هەیە بۆ سەر ناوچەكەمان لە هەندێ ناوچە بە شێوەی تۆزوخۆڵ و لە هەندێ ناوچە لەگەڵ باران تێكەڵ دەبێت.

لە ڕاگەیەنراوەكەداهاتووە، كاریگەری ئەم شەپۆڵە لە ڕۆژی یەكشەممە لاواز دەبێت و ئاسمان لەو رۆژەدا بە نیمچە هەوری دەمێنێتەوە ڕۆژی دووشەممە دووبارە لە زۆربەی ناوچەكان بارانبارین دەبێت و لە هەمان ڕۆژ باران بارین كۆتای دێت كاریگەری ئەم شەپۆڵە كۆتای دێت.
ئاشكراشیكردووە، لە ماوەی ئەم شەپۆڵەدا پلەكانی گەرما نزم دەبێتەوە و هەندێ جار هەورە تریشقەش دەبێت و ناوچە شاخاوییەكانی پارێزگای دهۆك ئەگەری تەزرە بارینەی هەیە.

ژینگە

كەشناسی: پلەكانی گەرما بەرزتر دەبنەوە

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما بەرز دەبنەوە.

بەپێی پێشبینییەكانی كەشناسی، ئەمڕۆ چوار شەممە ئاسمان ساماڵ و پەڵە هەور دەبێت.

هەر بەپێی پێشبینییەكان، سبەینێ پێنج شەممە، ئاسمان ساماڵ و پەڵە هەور دەبێت و سبەینێ پلەكانی گەرماش چەند پلەیەك بەرز دەبنەوە.

بەردەوام بە لە خوێندنەوە

ژینگە

كەشوهەوای ئەمڕۆ و سبەینێی شارەكانی هەرێمی كوردستان

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما بەرز دەبنەوە.

بەپێی پێشبینییەكانی كەشناسی، ئەمڕۆ دوو شەممە ئاسمان ساماڵ و پەڵە هەور دەبێت.

هەر بەپێی پێشبینییەكان، سبەینێ سێ شەممە، ئاسمان ساماڵ و پەڵە هەور دەبێت و پلەكانی گەرماش بەرز دەبنەوە.

بەردەوام بە لە خوێندنەوە

ژینگە

پۆلیس، چوار كەسی بەتۆمەتی ئەنجامدانی كاری نایاسایی دەستگیر كرد

خەڵك-بەشی هەواڵ

 

بەڕێوەبەرایەتی پۆلیسی دارستان و ژینگەی پارێزگای سلێمانی ڕایدەگەیەنێت، لە سنووری چەمچەماڵ ٣ ڕاوچی دەستگیر كران.

بەڕێوەبەرایەتی پۆلیسی دارستان و ژینگەی پارێزگای سلێمانی لە ڕاگەیەنراوێكدا ئاماژە بۆ ئەوە دەكات، بە مەبەستی پاراستنی سروشت و ژینگەی سنورەكەیان مەفرەزەیەكی بەشی پۆلیسی دارستانی چەمچەماڵ بە هاوبەشی لەگەڵ بنكەی پۆلیسی دارستانی شۆڕش دەرچوون بۆ سەر ڕووباری (باسەرە) لە ئەنجامدا ٤ هاووڵاتیان دەستگیر كرد كە بەشێوەیەكی نایاسایی سەرقاڵی ڕاوكردنی ماسی بوون.

ئاشكراشیكرد، هێزەكانی پۆلیس توانیان دەست بگرن بەسەر ( ٤٠٠ )گرام ژەهری ماسی، ( ٦ ) تۆڕی ڕاوی ماسی، (٢) چەكی جۆری كڵاشینكۆف و ژێرسە، (١) ماتۆڕسكیل.

ڕوونیشیكردەوە، مەفرەزەیەكی بنكەی پۆلیسی دارستانی سەنگاو لە ئەنجامی دەرچوونیان بۆ سنوری گوندی (مەسۆیی بەرگەچ) توانیان هاووڵاتییەك بە تۆمەتی ڕاوكردنی باڵندەی كێوی دەستگیر بكەن و دەستیانگرت بەسەر كڵاشینكۆفێك و  ماتۆڕسكیلێك.

بەردەوام بە لە خوێندنەوە

کوردستان