ئێمە لە تۆرە کۆمەڵایەتیەکان

کوردستان

وێنە؛ كەرەنتینكردنی كۆمەڵگای سێبیران لە هەولێر بەردەوامە


خەڵک-ئارام سەردار
ماوەی پێنچ ڕۆژ تێپەڕ دەبێت بەسەر کەرەنتینکردنی کۆمەڵگەی سێبیران لەپارێزگای هەولێر، ئەمەش دوای دەرکەوتنی تووشبویەکی كۆرۆنا کەوا بەرکەوتەی لەگەڵ کەسانی تر هەبوو، تاوەکو ئێستاش ژمارەی تووشبووان کە بەرکەوتنیان هەبووە لەگەڵ ئەو تووشبووەی یەکەم گەیشتووەتە ۱٥كەس.

کەرەنتینەکردنی ئەو کۆمەڵگایە کە لە ۱۲۰۰ ماڵ و ٥ هەزار و ۳۰۰ هاووڵاتی پێکدێت بەمەبەستی دەستنیشانکردنی ئەو بەرکەوتووانە بوو کە چەند هاووڵاتی تر تووشی کۆرۆنا بوون، لەهەمان کاتدا ڕێگری کردن لەوەی ڤایرۆسەکە لەڕێگەی کەسانی ترەوە بۆ شوێنی تر بگوازرێتەوە.

لەماوەی ڕۆژانی ڕابردوو ۲۰۰ پشکنین بۆ هاووڵاتییانی سێبیران کراوە، بەڵام هەموو پشکنیەکان نێگەتیڤ بوون، دوێنێش زیاتر لە ٤۰ پشکنینی تر کراوە چاوەڕوان دەکرێت ئەمڕۆ ئەنجامەکانیان دەربچێت، تیمە پزیشکیەکان ئامادەییان لەشوێنەکە هەیە و داواش لەدانیشتوانەکەی کراوە هەر پێویستیەکیان هەبێت بەهەر دەرمانێک بەتایبەت بۆ نەخۆشیە درێژخایەنەکان سەردانی بنکەی تەندروستی سیبیران بکەن و ناویان تۆماربکەن تاوەکو تەندروستی هەولێر بۆیان دابین بکات، هاوکات تیمێکی کردە پزیشکیەکان لەنزیک کۆمەڵگاکەدا جێگیرکراون بۆ پشکنین و چارەسەرکردنی هەر نەخۆشێک دوور لەکۆڕونا.

لەگەڵ ئەوە هەموو هاتووچۆکردنێک قەدەغەیە، بەڵام ڕۆژانە پێویستیەکانی دانیشتوانی کۆمەڵگای سێبیران دابین دەکرێت.

کوردستان

٩ توشبووی دیکەى کۆرۆنا لەهەرێم تۆمارکرا


خەڵک – بەشی هەواڵ

وەزارەتى تەندروستی حکومەتى هەرێم نۆ توشبووی دیکەى ڤایرۆسی کۆرۆنای ڕاگەیاند، بەمەش کۆی گشتی توشبووانى ڤایرۆسی کۆرۆنا لەهەرێمی کوردستان گەیشتە ١٢١ توشبوو.

 

دەقی ڕاگەیەندراوەکە:

 

ڕاگەیاندراوی وەزارەتی تەندروستی
ژمارە (٣٠)

سەبارەت بە نەخۆشی ڤایرۆسی کۆڕۆنای نوێ COVID-19 لە هەرێمی کوردستان، تیمەکانی تەندروستی بۆ کەڕەنتین کردن و دۆزینەوە و پشکنینی هەڵگرانی ئەم ڤایرۆسە ڕۆژانە بەردەوامن بەمەش:
1. کەرەنتین
ژمارەی هاوڵاتیان لە کەڕەنتینەکان (٥٢٧٣) هاوڵاتی بوون لە (٣٥) شوێنی جیاواز، لەئێستادا تەنها (١٤٢٢) هاوڵاتی لە کەرەنتین ماونەتەوە (٤٢٥) لە هەولێر، (٢٨١) لە سلێمانی، (٦٢٨) لە دهۆك، (٣٠) لە هەلەبجە، (٥) لە گەرمیان، (٣٣) لە ڕاپەرین، (٢٠) لە کۆیە وە (٣٦٥١) هاوڵاتی لە کەرەنتین دەرچوونە و گەڕانەوە ناو خانەوادەکانیان دوای تەواو بوونی ماوەی دوو هەفتە لەگەڵ کەڕەنتین کردنی ژمارەیەکی تری کەرەنتین کراو لە ٢٤ کاتژمێری ڕابردوو کە کۆی گشتی بریتی بوو (١٢٩) هاوڵاتی.

2. پشکنین
لەماوەی ٢٤ کاتژمێری ڕابردوو (٥٢١) پشکنین کراوە، (٤٠٧) هەولێر، (٩٧) سلێمانی، (١٧) دهۆك.
دەرەنجام (٩) تووشبووی نوێ تۆمارکرا وە بەم شێوەیەی خوارەوە:-

• پارێزگای هەولێر (٨) پۆزەتیڤ، کە (٢) ئافرەت تەمەن (٤١)، (٣١) ساڵ و (١) پیاو تەمەن (٣٢) ساڵ، (٢) منداڵ (٩)، (٣) ساڵ کە بەرکەوتەی تووشبووانی پێشوون.
• پارێزگای هەلەبجە (١) پۆزەتیڤ، کە پیاوێکی تەمەن (٣٧) ساڵ.

3. ئاماری گشتی
کۆی گشتی هەڵگرانی ڤایرۆسی کۆڕۆنای نوێ COVID-19 لە هەرێمی کوردستان (١٢١) تووشبوو، لەنێویاندا (٢) مردن هەیە و (٥١) نەخۆش چاکبووەتەوە، و ئەوانی تر هەموویان لەژێر چاودێری پزیشکی دان.

وێڕای دەستخۆشی بۆ تیمەکانی وەزارەتی ناوەخۆ و تیمەکانی پزیشکی کە لە کاردان جارێکی تر تکا دەکەین هاوڵاتیان بە هیچ شێوەیەك نەیەنە دەرەوە لە ماڵەکانیان وە پابەندبن بە ڕێنماییەکانی تەندروستی و بەرکەوتەی کەسی تر نەبن وە لەکاتی پێویستدا پەیوەندی بکەبن بە هێڵی گەرمی ژمارە (١٢٢).

وەزارەتی تەندروستی
حکومەتی هەرێمی کوردستان
٢٨ی ئازاری٢٠٢٠

بەردەوام بە لە خوێندنەوە

کوردستان

بانكەكان و فەرمانگە حکومییەکانی سلێمانی پاکژدەکرێنەوە


خەڵک – بەشی هەواڵ

وەك ئامادەكاری بۆ دابەشكردنی مووچەی فەرمانبەران بانكەكان و فەرمانگە حکومییەکان پاکژدەکرێنەوە.

 

سەباح هەورامی بەڕێوەبەری تەندروستى سلێمانى ڕایگەیاند، وەك ئامادەكاری بۆ دابەشكردنی مووچەی فەرمانبەران بانكەكان دەرمانڕێژ دەكرێن، هەڵمەتی پاککژکردنەوەی فەرمانگە حکومیەکان بەرێوەدەچێت.

 

ئاماژەى بەئەوەشدا، ئەم هەڵمەتە لە پێناو جێبەجێکردنی ڕێکارە تەندروستییەکانە دژی ڤایرۆسی کۆرۆنا.

بەردەوام بە لە خوێندنەوە

کوردستان

شێوازی دابەشكردنی موچەی شەهیدان ئاشكراكرا


خەڵك- نزار جەزا

موچەی شەهیدان لە سبەینێ یەك شەممەوە بۆ ماوەی پێنج ڕۆژ دەست بەدابەشكردنی دەكرێت.

ئەدیب لەتیف بەڕێوەبەری بەڕێوەبەرایەتی شەهیدان و ئەنفالكراوانی سلێمانی بە(خەڵك)ی ڕاگەیاند، موچەی شەهیدان لەماوەی پێنج ڕۆژدا دابەشدەكرێت.

باسی لەئەوەشكرد، ڕۆژی یەك شەممە و دوو شەممە موچەی شەهیدانی سەنگەر دابەشدەكرێت.

ئەوەشی خستەڕوو، ڕۆژی سێ شەممە موچەی جینۆساید دابەشدەكرێت، كە بریتییە لە بەركەوتووانی چەكی كیمیایی و ئەنفال و جینۆساید.

 

ئاماژەی بەئەوەشدا، ڕۆژی چوار شەممە و پێنج شەممە موچەی شەهیدانی هاوڵاتی دابەشدەكرێت.

 

باسی لەئەوەشكرد، لەگەڵ قائیمقامیەت قسەیان كردووە، موچەخۆرەكانیان بەو باجەی كە پێیانە دەتوانن هاتوچۆ بكەن و بڕۆن بۆ بانكەكانیان بۆ وەرگرتنی موچەكانیان و گرفتی هاتوچۆیان بۆ دروستنابێت.

 

بەردەوام بە لە خوێندنەوە

کوردستان