ئێمە لە تۆرە کۆمەڵایەتیەکان

کوردستان

مامۆستایەکی زانکۆ داوای ڕەتکردنەوەی خوێندنی ئۆنڵاین دەکەن

خەڵک- ئارام سەردار

وه‌زاره‌تی خوێندنی باڵا و توێژینه‌وه‌ی زانستی بەمەبەستی دۆزینەوەی ڕێگاچارە بۆ دەستپێکردنەوەی خوێندن کە لەئێستادا بەهۆی ڤایرۆسی کۆرۆنا سەرجەم ناوەندەکانی خوێندن وەستاون، هەوڵدەدات بۆ به‌ئۆنڵاینكردنی سیستمی خوێندن لەزانکۆ و پەیمانگاکان، کە چاوەڕوان دەکرێت لەناوەڕاستی مانگی داهاتوو سیستەمەکە جێبەجێ بکرێت، مامۆستایەکی زانکۆش داوای ڕەتکردنەوەی ئەو سیستەمە دەکات.

د.ئەژی ئیبراهیم، مامۆستای زانکۆ لەبارەی پلانی ئۆنڵاین بۆ خوێندن بە(خەڵک)ی ڕاگەیاند، گومان لەوەدا نییە، هەبوونی هەرگرفتێک لە لایەن تاکی کۆمەڵگە خۆشی چارەسەریەتی، ئەم کێشەیەش کێشەی تەنها یەک کەس و شارو یەک ووڵات نیە هەڵبەتە کێشەی سەرتاسەری جیهانە.

دەشڵێت، دیدگای کێشەکان بە ئاسایی وەرگرتن و بە قورس وەرگرتن لە ژێر ڕکێفی خودی مرۆڤەکەدایە بۆ چارەسەر و دروستکردنی کێشە بە هەمان شێوە و باشترین کاریش بکرێت، ڕێژەی زۆرینە ڕای وەربگیرێت لەهەموو پرسەکان.

د.ئەژی ئیبراهیم ئاماژە بۆ ئەوەش دەکات، ماوەی پشووی خوێندن دەستی پێکرد تا ئیستا هیچ وانەیەك لە خوێندکار نەڕۆیشتووە، چونکە خوێندکاران پشووەکەی خۆیان تاوکو ۲٦/۳/۲۰۲۰ بووە، هەموو ساڵیش وابووە، بۆیە ئەوەی دەمێنێتەوە لەمەودوا هەژمار دەکرێت.

ڕوونیشی دەکاتەوە، تێکڕای خوێندن بخوێندرێت دوو محازەرەیە، دواتر ڕاستەوخۆ تاقیکردنەوی میدتێرمی دووەم دەست پێ دەکات کە بە دوو قۆناغدا دەڕوات، سیستمی کۆرسی و سستمی ساڵانەش وەکو زانکۆ، ماوەی نێوان هەردوو تاقیکردەوە، یەک هەفتە پشووە، دواتر تاقیکردنەوەی پڕاکتیکی و دواتر تاقیكردنەوەی نوسین دەست پێ دەکات بۆیە پیویست بە درێژکردنەوەی خوێندن بەئۆنڵاین ناکات.

ئابوری

ڕۆژی 25 ئەیلول پارەكەی بەغدا دەگاتە هەرێم
دوای گەیشتنی 320 ملیارەكەی بەغدا دەست بە دابەشكردنی مووچە دەكرێت

خەڵك – بەشی هەواڵ

بڕیارە ڕۆژی پێنج شەممە 25ی ئەیلول حكومەتی ناوەند ئەو بڕ پارەیە ڕەوانەی هەرێم بكات كە وەك مووچەی فەرمانبەرانی هەرێمی كوردستان لەسەری ڕێككەوتوون.

بەپێی زانیارییەكانی (تۆڕی میدیایی خەڵك)، بڕیارە ڕۆژی پێنج شەممەی داهاتوو بەغدا مووچەی ئەم مانگەی فەرمانبەران كە بڕەكەی 320 ملیار دینارە، ڕەوانەی هەرێم بكات، لە هەرێمیش ڕۆژی دوو شەممە دەست بەدابەشكردنی مووچە بكرێت.

هاوكات، هێڤیدار ئەحمەد جێگری سەرۆكی لیژنەی دارایی و كاروباری ئابووری لە پەرلەمانی كوردستان ئاشكرایكردووە،”هەفتەی داهاتوو حكومەتی هەرێمی كوردستان لیستی نوێی مووچە ڕادەگەیەنێت. حكومەت داهاتی ئامادەكردووە و ئەوەی عیراقیش دێت”.

سەبارەت بە چۆنیەتی دابەشكردنی مووچە، هێڤیدار ئەحمەد، ڕایگەیاندووە “ئەوەی حكومەت ڕایگەیاندووە و ئەوەشی سەرۆكی حكومەت باسی كردووە بەپێی داهات مووچە دابەشدەكرێت”.

بەردەوام بە لە خوێندنەوە

کوردستان

جێگری سەرۆك وەزیرانی عیراق: هەرێمی كوردستان بووەتە سەرچاوەی بە قاچاغبردنی نەوت

خەڵك – بەشی هەواڵ

وەزیری دارایی عیراق، هەرێمی كوردستان بە “بەرهەمهێنانی نەوتی زیادە” و “فرۆشتنی بە قاچاغ” تۆمەتبار دەكات و دەڵێت، ئەوە كێشەی بۆ عیراق لەنێو ڕێكخراوی ئۆپێك دروستكردووە. لەبەرامبەردا جێگری سەرۆكی لیژنەی وزە و سامانە سرووشتییەكانی پەرلەمانی كوردستان دەڵێت: لیژنەی نەزاهەی عیراق ئاگادارە كە “نەوت لە شوێنەكانی تری عیراقەوە بە قاچاغ دەبرێت، نەك لە هەرێمی كوردستان”.

عەلی عەلاوی جێگری سەرۆك وەزیرانی عیراق، كە هاوكات وەزیری داراییە بە ئاژانسی “S&P Global Platts”ی ڕاگەیاندووە، “هەرێمی كوردستان بووەتە سەرچاوەی بە قاچاغبردنی نەوت و بەرهەمهێنانی نەوتی زیادە”، كە بە وتەی عەلاوی، ئەوەش وایكردووە عیراق كە دووەم گەورەترین بەرهەمهێنەری نەوتی نێو ڕێكخراوی ئۆپێكە، شكستبێنێت لە پابەندبوون بە ڕێككەوتنی ئۆپێك پڵەس لە كەمكردنەوەی بەرهەمهێنانی نەوت.

عەلاوی ئەوەشی ئاشكراكردووە، هەرێمی كوردستان ڕۆژانە 450 بۆ 470 هەزار بەرمیل نەوت بەرهەمدەهێنێت. دەشڵێت “بەڵام ئەو بڕە دیار نییە كە بە ڕێگەی قاچاغ دەفرۆشرێت، چونكە لە هەندێ كێڵگەی نەوت دزەپێكردنی نەوت هەیە، كە بە تانكەر بۆ هەندێ شوێن دەبرێت و بڕەكەی نازانین چەندە”.

لەبەرامبەر ئەو لێدوانەی وەزیری دارایی عیراقەوە، گوڵیزار ڕەشید جێگری سەرۆكی لیژنەی وزە و سەرچاوە سرووشتییەكانی پەرلەمانی كوردستان ڕایگەیاندووە”هەرێمی كوردستان شوێنی بە قاچاغبردنی نەوت نییە، بەڵكو ئەوە لە شوێنەكانی تری عیراق نەوت بە قاچاغ دەبرێت و لیژنەی نەزاهەی عیراقیش سەلماندوویەتی”.

جێگری سەرۆكی لیژنەی وزە و سەرچاوە سرووشتییەكان دەشڵێت، هەرێمی كوردستان لە نەخشەی وزەی جیهانیدا متمانەی بۆ كۆمپانیا نەوتییە جیهانییەكان دروستكردووە، وەك؛ كۆمپانیاكانی ئێكسۆن مۆبیل، گازپرۆم، شێڤرۆن و چەند كۆمپانیایەكی تر، “ئەگەر حكومەتی عیراق دەیەوێت ئامارەكان بزانێت، با سەیری ئامارەكانی كۆمپانیای دیلۆیت بكات كە داتا و زانیاری لەبارەی هەناردەكردنی نەوتی هەرێمی كوردستان بڵاودەكاتەوە”.

بەردەوام بە لە خوێندنەوە

کوردستان

ئەردۆغان داوای هەماهەنگی نێودەوڵەتی دەكات بۆ لەناوبردنی (پەكەكە)

خەڵك- بەشی هەواڵ
سەرۆكی توركیا داوای هەماهەنگییەكی “ڕاستگۆیانە” دەكات لە كۆمەڵی نێودەوڵەتی لەپێناو لەناوبردنی پارتی كرێكارانی كوردستان (پەكەكە) لە عیراق، كە بە وتەی ئەو:” دەكرێت “بە هەمان شێوەی داعش ڕیشەكێش بكرێت”.

ئەردۆغان لە نایەمەیەكی لەڕێی ڤیدیۆ بۆ كۆمەڵی گشتی نەتەوە یەكگرتووەكان لە میانی كردنەوەی خولی 75، ئەو قسانەی كرد و ڕایگەیاند:”كۆمەڵی نێودەوڵەتی ناتوانێت چارەسەرێكی هەمیشەیی بۆ پرسی سوریا بدۆزێتەوە، تا یەك هەڵوێست نەبێت بەرانبەر بە هەموو ڕێكخراوە تیرۆریستییەكان”.

ئەردۆغان دەڵێت:”توركیا ژمارەیەكی زۆری پەنابەری لەخۆگرتووە لەسەر ئاستی جیهان و بەرگری لە تەواوی شكۆی مرۆڤایەتی دەكات لەڕێی ئەو قوربانیانەی پێشكەشیان دەكات”.

لەلایەكی ترەوە سەرۆكی توركیا وتی:”ئەو وڵاتانەی خواستی خۆیان بۆ كردنەوەی باڵیۆزخانە لە قودس دەربڕیوە، هاوبەش دەبن لە زیاتر ئاڵۆزكردنی كێشەكە”.

بەردەوام بە لە خوێندنەوە

کوردستان