ئێمە لە تۆرە کۆمەڵایەتیەکان

کوردستان

بەڕێوەبەری تەندروستی سلێمانی بۆ حكومەت: دابەشكردنی مووچە قورس نییە و دەتوانین ڕێوشوێنتان بۆ دابنێین

خەڵك – بەشی هەواڵ
بەڕێوەبەری گشتی تەندروستی سلێمانی ڕایدەگەیەنێت پێشنیازیان كردووە قەدەغەكردنی هاتووچۆ تا 15ی مانگی داهاتوو بەردەوام بێت و ئەگەر هاووڵاتییانیش پابەندی ڕێنماییەكان بن، پەتاكە كۆنترۆڵ دەكرێت، سەبارەت بە دابەشكردنی مووچەش دەڵێت دابەشكردنی مووچە ئەركێكی قورس نییە و دەتوانین ڕێوشوێنەكەی بۆ حكومەت دیاری بكەین.

د. سەباح هەورامی بەڕێوەبەری گشتی تەندروستی سلێمانی لە لێدوانێكیدا بۆ بەشی كوردی دەنگی ئەمریكا ڕایگەیاند له‌ ئێستادا بارودۆخ له‌سلێمانی جێگیره‌ به‌ڵام ئێمه‌ ترسی داهاتوومان هه‌یه‌، پێشتر وتمان نزیكه‌ی یانزه‌ هه‌زار كه‌س به‌قاچاغی هاتبونه‌وه‌ و پشكنینیان بۆ نه‌كراوه‌ وه‌ له‌ ئێستاشدا پاش بڵاوبونه‌وه‌ی نه‌خۆشیه‌كه‌ له‌ وڵاتانی ئه‌وروپا ژماره‌یه‌كی زۆر له‌خه‌ڵكی گه‌ڕانه‌وه‌ بۆ كوردستان بۆیه‌ ئێستا ئه‌و دوو شوێنه‌ (ئێران و وڵاتانی ئه‌وروپا) دوو سه‌رچاوه‌ی بڵاوبونه‌وه‌ی نه‌خۆشیه‌كانن له‌كوردستان.

ئەوەشی خستەروو كە لە ڕێی جێبەجێكردنی ڕێنماییەكانەوە دەتوانرێت كۆرۆنا كۆنترۆڵ بكرێت و پێشنیازیشیان بۆ حكومەت كردووە كە ماوەی قەدەغەكردنی هاتووچۆ تا 15/4 درێژ بكاتەوە.

سەبارەت بە پرسی دابەشكردنی مووچەش كە حكومەت بە هۆی قەدەغەكردنی هاتووچۆوە ڕایگرتووە، بەڕێوەبەری گشتی تەندورستی سلێمانی دەڵێت: “به‌دڵنیاییه‌وه‌ ئه‌گه‌ر حكومه‌ت داوا له‌ ئێمه‌ بكات ئێمه‌ ڕێ و شوێنی ته‌ندروستیان ده‌ده‌ینێ چۆن موچه‌ دابه‌ش بكات وه‌ له‌ڕووی هونه‌رییه‌وه‌ پێم وانیه‌ ئه‌ركێكی قورس بێت ئه‌گه‌ر مه‌به‌ستیان بێت ده‌توانن جێ به‌جێی بكه‌ن هه‌م به‌ڕێگای حسابی بانقی- یان تیمی مۆبایل – یاخود له‌ڕێگای پۆلێنكردنی فه‌رمانبه‌ران ده‌توانن هه‌ر ڕۆژه‌ و ژماره‌یه‌كی دیاریكراو خه‌ڵك بچن موچه‌ وه‌ربگرن”.

وتیشی: “بۆ نمونه‌ من فه‌رمانگه‌یه‌كم هه‌یه‌ پێنج سه‌د موچه‌ خۆری تێدایه‌ ئه‌گه‌ر بمه‌وێت موچه‌یان بده‌مێ ڕۆژی موچه‌ی سه‌د كه‌س ده‌ده‌م وه‌ ئه‌و سه‌د كه‌سه‌ش دابه‌ش ده‌كه‌م به‌سه‌ر كاتژمێره‌كاندا بۆ نمونه‌ ده‌ڵێم ئه‌وكه‌سانه‌ی به‌ پیتی (ئه‌) ده‌ست پێده‌كه‌ن به‌یانی كاتژمێر نۆ -یانزه‌ بێن وه‌ دوای ئه‌وه‌ به‌پێی پیت به‌سه‌ر كاتژمێره‌كاندا دابه‌شیان ده‌كه‌ین واته‌ میكانیزم هه‌یه‌ بۆ ئه‌وه‌ی نه‌هێڵن قه‌ره‌باڵغی دروست بێت هه‌ر له‌سه‌ر ئه‌و بنه‌مایه‌شه‌ كه‌ ئێمه‌ ده‌ڵێین به‌ به‌رنامه‌ ژیان ده‌ست پێبكرێته‌وه‌ بۆ نمونه‌ قه‌یسه‌ریه‌ك له‌بازاڕدا 300 دوكانه‌ حكومه‌ت ده‌توانێت ناچارییان بكات هه‌ر ڕۆژه‌ی په‌نجا دوكانیان به‌نۆره‌ بكرێته‌وه‌ واته‌ ئه‌و بازاڕه‌ش ناوه‌ستێت خه‌ڵك ئیش و كاره‌كانی ده‌ڕوات و قه‌ره‌باڵغیش دروست نابێت”.

ئابوری

ڕۆژی 25 ئەیلول پارەكەی بەغدا دەگاتە هەرێم
دوای گەیشتنی 320 ملیارەكەی بەغدا دەست بە دابەشكردنی مووچە دەكرێت

خەڵك – بەشی هەواڵ

بڕیارە ڕۆژی پێنج شەممە 25ی ئەیلول حكومەتی ناوەند ئەو بڕ پارەیە ڕەوانەی هەرێم بكات كە وەك مووچەی فەرمانبەرانی هەرێمی كوردستان لەسەری ڕێككەوتوون.

بەپێی زانیارییەكانی (تۆڕی میدیایی خەڵك)، بڕیارە ڕۆژی پێنج شەممەی داهاتوو بەغدا مووچەی ئەم مانگەی فەرمانبەران كە بڕەكەی 320 ملیار دینارە، ڕەوانەی هەرێم بكات، لە هەرێمیش ڕۆژی دوو شەممە دەست بەدابەشكردنی مووچە بكرێت.

هاوكات، هێڤیدار ئەحمەد جێگری سەرۆكی لیژنەی دارایی و كاروباری ئابووری لە پەرلەمانی كوردستان ئاشكرایكردووە،”هەفتەی داهاتوو حكومەتی هەرێمی كوردستان لیستی نوێی مووچە ڕادەگەیەنێت. حكومەت داهاتی ئامادەكردووە و ئەوەی عیراقیش دێت”.

سەبارەت بە چۆنیەتی دابەشكردنی مووچە، هێڤیدار ئەحمەد، ڕایگەیاندووە “ئەوەی حكومەت ڕایگەیاندووە و ئەوەشی سەرۆكی حكومەت باسی كردووە بەپێی داهات مووچە دابەشدەكرێت”.

بەردەوام بە لە خوێندنەوە

کوردستان

جێگری سەرۆك وەزیرانی عیراق: هەرێمی كوردستان بووەتە سەرچاوەی بە قاچاغبردنی نەوت

خەڵك – بەشی هەواڵ

وەزیری دارایی عیراق، هەرێمی كوردستان بە “بەرهەمهێنانی نەوتی زیادە” و “فرۆشتنی بە قاچاغ” تۆمەتبار دەكات و دەڵێت، ئەوە كێشەی بۆ عیراق لەنێو ڕێكخراوی ئۆپێك دروستكردووە. لەبەرامبەردا جێگری سەرۆكی لیژنەی وزە و سامانە سرووشتییەكانی پەرلەمانی كوردستان دەڵێت: لیژنەی نەزاهەی عیراق ئاگادارە كە “نەوت لە شوێنەكانی تری عیراقەوە بە قاچاغ دەبرێت، نەك لە هەرێمی كوردستان”.

عەلی عەلاوی جێگری سەرۆك وەزیرانی عیراق، كە هاوكات وەزیری داراییە بە ئاژانسی “S&P Global Platts”ی ڕاگەیاندووە، “هەرێمی كوردستان بووەتە سەرچاوەی بە قاچاغبردنی نەوت و بەرهەمهێنانی نەوتی زیادە”، كە بە وتەی عەلاوی، ئەوەش وایكردووە عیراق كە دووەم گەورەترین بەرهەمهێنەری نەوتی نێو ڕێكخراوی ئۆپێكە، شكستبێنێت لە پابەندبوون بە ڕێككەوتنی ئۆپێك پڵەس لە كەمكردنەوەی بەرهەمهێنانی نەوت.

عەلاوی ئەوەشی ئاشكراكردووە، هەرێمی كوردستان ڕۆژانە 450 بۆ 470 هەزار بەرمیل نەوت بەرهەمدەهێنێت. دەشڵێت “بەڵام ئەو بڕە دیار نییە كە بە ڕێگەی قاچاغ دەفرۆشرێت، چونكە لە هەندێ كێڵگەی نەوت دزەپێكردنی نەوت هەیە، كە بە تانكەر بۆ هەندێ شوێن دەبرێت و بڕەكەی نازانین چەندە”.

لەبەرامبەر ئەو لێدوانەی وەزیری دارایی عیراقەوە، گوڵیزار ڕەشید جێگری سەرۆكی لیژنەی وزە و سەرچاوە سرووشتییەكانی پەرلەمانی كوردستان ڕایگەیاندووە”هەرێمی كوردستان شوێنی بە قاچاغبردنی نەوت نییە، بەڵكو ئەوە لە شوێنەكانی تری عیراق نەوت بە قاچاغ دەبرێت و لیژنەی نەزاهەی عیراقیش سەلماندوویەتی”.

جێگری سەرۆكی لیژنەی وزە و سەرچاوە سرووشتییەكان دەشڵێت، هەرێمی كوردستان لە نەخشەی وزەی جیهانیدا متمانەی بۆ كۆمپانیا نەوتییە جیهانییەكان دروستكردووە، وەك؛ كۆمپانیاكانی ئێكسۆن مۆبیل، گازپرۆم، شێڤرۆن و چەند كۆمپانیایەكی تر، “ئەگەر حكومەتی عیراق دەیەوێت ئامارەكان بزانێت، با سەیری ئامارەكانی كۆمپانیای دیلۆیت بكات كە داتا و زانیاری لەبارەی هەناردەكردنی نەوتی هەرێمی كوردستان بڵاودەكاتەوە”.

بەردەوام بە لە خوێندنەوە

کوردستان

ئەردۆغان داوای هەماهەنگی نێودەوڵەتی دەكات بۆ لەناوبردنی (پەكەكە)

خەڵك- بەشی هەواڵ
سەرۆكی توركیا داوای هەماهەنگییەكی “ڕاستگۆیانە” دەكات لە كۆمەڵی نێودەوڵەتی لەپێناو لەناوبردنی پارتی كرێكارانی كوردستان (پەكەكە) لە عیراق، كە بە وتەی ئەو:” دەكرێت “بە هەمان شێوەی داعش ڕیشەكێش بكرێت”.

ئەردۆغان لە نایەمەیەكی لەڕێی ڤیدیۆ بۆ كۆمەڵی گشتی نەتەوە یەكگرتووەكان لە میانی كردنەوەی خولی 75، ئەو قسانەی كرد و ڕایگەیاند:”كۆمەڵی نێودەوڵەتی ناتوانێت چارەسەرێكی هەمیشەیی بۆ پرسی سوریا بدۆزێتەوە، تا یەك هەڵوێست نەبێت بەرانبەر بە هەموو ڕێكخراوە تیرۆریستییەكان”.

ئەردۆغان دەڵێت:”توركیا ژمارەیەكی زۆری پەنابەری لەخۆگرتووە لەسەر ئاستی جیهان و بەرگری لە تەواوی شكۆی مرۆڤایەتی دەكات لەڕێی ئەو قوربانیانەی پێشكەشیان دەكات”.

لەلایەكی ترەوە سەرۆكی توركیا وتی:”ئەو وڵاتانەی خواستی خۆیان بۆ كردنەوەی باڵیۆزخانە لە قودس دەربڕیوە، هاوبەش دەبن لە زیاتر ئاڵۆزكردنی كێشەكە”.

بەردەوام بە لە خوێندنەوە

کوردستان