ئێمە لە تۆرە کۆمەڵایەتیەکان

کوردستان

دابەشكردنی مووچە دەستپێدەكاتەوە

خەڵک-ئارام سەردار
بەمەبەستی ئامادەکردنی بانکە حکومیەکان بۆ دابەشکردنی مووچە، بڕیارە ئەمڕۆ پێنچ شەممە ۲٦ی ئاداری ۲۰۲۰ لەلایەن تیمەکانی بەرگری شارستانی بانکە حکومیەکان تەعقیم بکرێن.

عیماد ڕێکانی، بەڕێوەبەری بەرگری شارستانی سۆران بە(خەڵک)ی ڕاگەیاند، ئاگادارکراینەوە کەوا دوو بانک لە سنوری شارۆچکەی سۆران دەرمانڕێژ بکەین بۆ پاككردنەوەی.

وتیشی، کاتژمێر ۱۰ی ئەمڕۆ پێنجشەمە ۲٦ی ئادار، هەڵدەستین بەتەعقیم کردنی هەردوو بانکی دیلمان و ئازادی لە سۆران، بۆ ئامادەکردنیان و پێشوازی کردن لە هاوڵاتیان بەمەبەستی دابەشکردنی مووچە.

بەپێی زانیاریەکان، بڕیارە ڕۆژی شەممە و یەک شەممەی هەفتەی داهاتوو مووچەی وەزارەتی پەروەردە دابەشبکرێت، بە شێوەیەک مووچەی پەروەردەی دەرەوەی شارەکان ڕۆژی شەممە و پەروەردەی ناوەوەی شارەکان ڕۆژی یەک شەممە دابەش بکرێت.

کوردستان

بایکۆت لەچەند فەرمانگەیەکی سلێمانی دەستیپێکرد

خەڵک – بەشی هەواڵ

 

وەک ئەوەی بڕیاربوو ئەمڕۆ دەوامی فەرمانبەرانی بەشێک لە فەرمانگە و بەڕێوەبەرایەتییەکانی سلێمانی بایکۆتی کارەکانیان کرد.

 

بەپێی زانیارییە گەیشتووەکانی دەست (خەڵک)، ئەمڕۆ یەک شەممە فەرمانبەرانی کارەبای سلێمانی، سندوقی نیشتەجێبوون، فەرمانگەکانی باج بایکۆتى دەوامیان کرد.

 

داواکاری سەرەکی ئەم فەرمانبەرانە وەرگرتنی موچەکانیانە لەکاتى خۆیدا، چونکە نزیکی ٥٠ ڕۆژە موچەیەکیان وەرگرتووە.

 

ئەمە لەکاتێکدایە لەتۆڕەکۆمەڵایەتییەکان بەشێوەیەکی فراوان دەنگی ناڕەزایەتی بۆ بایکۆتی دەوام دەستیپێکردووە و ئەنجومەنی فشاریش، لەبەیاننامەیەکدا جەختی لەبایکۆتى سەرتاسەری کردەوە.

 

 

 

بەردەوام بە لە خوێندنەوە

کوردستان

هەڵمەتی كوتان دەستیپێكرد

خەڵك- بەشی هەواڵ

ئەمڕۆ یەك شەممە هەڵمەتی كوتانی منداڵان دەستیپێكرد.

سامان بەرزنجی لە كۆنفرانسێكی رۆژنامەوانیدا دەستپێكردنی هەڵمەتی كوتانی منداڵانی لە هەرێمی كوردستان راگەیاند.

هەڵمەتی كوتان 5 رۆژ دەخانەیەنێت و دژی ئیفلیجی منداڵانە و ساڵانە لە هەرێمی كوردستان بەڕێوەدەچێت.

وەزیری تەندروستی هەرێمی كوردستان لە كۆنفرانسەكەدا وتی: هاوشێوەی ساڵانی پێشوو هەڵمەتی نیشتمانی كوتان دەستپێدەكات، بەڵام بەهۆی رەوشی تەندروستی و بوونی كۆرۆناوە، ئەمساڵ تەنها یەك هەڵمەت ئەنجام دەدرێت بۆ هەندێك لەو شوێنانەی دیاریكراون بەپێی ئەنجامی ساڵانی پێشوو و ئەنجامی كوتان لە بنكە تەندروستییەكان.

وتیشی: ساڵانی پێشوو 2 هەڵمەت لە بەهار و پایزدا ئەنجام دەدرا، بەڵام ئەمساڵ بەهۆی كۆرۆناوە یەك هەڵمەتە كە لە پایزە و ئێستا دەستپێدەكات.

ئاماژەی بەوەشكرد هەڵمەتی كوتان لەلایەن حكومەتی هەرێمەوە بەهاوكاری چەند رێكخراوێك بەڕێوەدەچێت.

بەردەوام بە لە خوێندنەوە

کوردستان

لە گرێسپی شەڕ لەنێوان گروپە چەكدارەكاندا رووی دا

خەڵك- بەشی هەواڵ

لە شاری گرێ سپی رۆژئاوای كوردستان رۆژئاوای كوردستان لە ژێر كۆنترۆڵی گروپە چەكدارە سورییەكانی سەر بە توركیادایە شەڕ لەنێوان ئەو گروپانەدا هەڵگیرسا.

ئاژانسی هاوار بڵاویكردەوە، لە گەڕەكی شەرقی گرێ سپی لەنێوان گروپی ئەحرار ئەلشەرقیە و گروپی جەبهە ئەلشامیەدا شەڕ روویداوە.

بەپێی سەرچاوەكان، كەسێكی مەدەنی بەناوی بەشار ئەسعەد لە شەڕەكەدا كوژراوە.

گرێ سپی لە كۆتایی ساڵی 2019 لەگەڵ شاری سەرێكانی لەلایەن سوپای توركیا و هاوپەیمانەكانی لە گروپە چەكدارە سورییەكان كۆنترۆڵكران.

پێشتریش لە بەهاری 2018 شاری عەفرین و دەوروبەری لەلایەن سوپای توركیا و گروپە چەكدارەكانەوە كۆنترۆڵ كرا.

ئێستا رۆژانە سوپای توركیا و گروپە چەكدارەكان شارو شارۆچكە و دێهاتە هاوسنورییەكانی ناوچەكانی بن دەستی خۆیان تۆپباران دەكەن و ناوە ناوەش هێرش دەكەنە سەر هێزە كوردییەكان.

بەردەوام بە لە خوێندنەوە

کوردستان