ئێمە لە تۆرە کۆمەڵایەتیەکان

کوردستان

ژووری ئۆپراسیۆنی پارێزگای هەولێر چەند بڕیارێكی نوێی دەركرد

خەڵك – ئارام سەردار

ئەمشەو ۲٥ی ئاداری ۲۰۲۰ بەسەرپەرشتی فرسەت سۆفی پارێزگاری هەولێر، ژووری ئۆپراسیۆنی پارێزگای هەولێر بۆ بەرەنگاربوونەوەی ڤایرۆسی كۆڕۆنا، كۆبوونەوەیەكی ئەنجامدا و ژمارەیەك بڕیاری دەركرد.

لەڕاگەیەنراوێكدا كە وێنەیەكی بۆ (تۆڕی میدیایی خەڵك) نێردراوە ژووری ئۆپراسیۆنی پارێزگای، هەولێر بۆ بەرەنگاربوونەوەی ڤایرۆسی كۆررۆنا بڕیاریداوە، بانكە ئەهلییەكانی هەولێر، لە ڕۆژانی (یەك شەممە و چوارشەممە) كراوە دەبن لەكاتژمێر (8)ی بەیانی تا (1)ی دوای نیوەڕۆ، بەمەرجی ئەوەی هەر بانكێك لە (5) كارمەند زیاتری لێ نەبێت بۆ ڕاییكردنی كارەكانیان، بۆشیان هەیە تەنها (1) ئۆتۆمبێل بەپێی باجێكی تایبەتی قائیمقامیەتی ناوەندی هەولێر، بۆ هاتوچۆكردنیان بەكاربهێنن.

هاوكات بڕیاریشدراوە:”نووسینگەكانی ئاڵۆگۆڕكردنی دراو، ئەوانەی لەدەرەوەی شەقامی (60)مەترین بەهەمانشێوەی بانكە ئەهلییەكان، ڕۆژانی (یەك شەممە و چوار شەممە) لەكاتژمێر (10)ی بەیانی تا (3)ی دوای نیوەڕۆ كراوە دەبن، هەروەها نووسینگەكانی تری ناو بازاڕی دۆلار فرۆشانی شێخەڵا، دەتوانن لەگەڵ نووسینگەكانی دەرەوەی شەقامی (60) مەتری كە مۆڵەتیان هەیە، یان لە شوێنێكی تری دەرەوەی بازنەی هەمان شەقام، بەشێوەیەكی كاتی شوێنێك بۆ خۆیان دابین بكەن و نووسینگەكانیان بكەنەوە”.

ئەوەشخراوەتەڕوو،”لەسەر تەواوی هێزە ئەمنییەكان و پۆلیس و ئاسایش و بازگەكان و لایەنە پەیوەندیدارەكان، پێویستە ئەم بڕیارەی سەرەوەی ژووری ئۆپراسیۆنی پارێزگای هەولێر جێ بەجێ بكەن”.

لەكۆتایشدا ڕایدەگەیەنن:”دڵنیایی دەدەن بە هاووڵاتییان و هاوشاریانی خۆشەویستی سنووری پارێزگاكەمان، ژووری ئۆپراسیۆنی پارێزگای هەولێر بۆ بەرەنگاربوونەوەی ڤایرۆسی كۆرۆنا، بەهەموو تواناییەوە لە هەوڵەكانی بۆ پاراستن و پارێزگاری لێكردنیان و بەرگرتن لە بڵاوبوونەوەی ڤایرۆسی كۆرۆنا بەردەوامە، لەگەڵ ئەوەشدا جارێكی تر جەخت لەسەر پابەندبوونی هاووڵاتییان بە قەدەغەكردنی هاتوچۆ و بڕیار و ڕێنماییە تەندروستییەكان دەكەینەوە و داواكارین خۆیان بپارێزن و لەماڵەكانیان بمێننەوە”.

ك.ج

کوردستان

بایكۆتی فەرمانگەكانی سلێمانی فراوان دەبێت

خەڵك- بەشی هەواڵ

ئەمڕۆ یەك شەممە بایكۆتی فەرمانگەكانی سلێمانی لەسەر دواكەوتنی موچە لەسەر داوای ئەنجومەنی فشار بەشێوەیەكی بەرفراوان دەستیپێكردووە.

بەپێی زانیارییەكانی گەیشتوو بە (خەڵك) ئەمڕۆ فەرمانگەكانی سندوقی نیشتەجێبوون، كارەبای سلێمانی، بانكە بازرگانی و بانكە پسپۆڕییەكان، باجی خانووبەرە بایكۆتی دەوامیان كردووە و فەرمانبەرەكانیان نەچونە سەركارەكانیان.

دوێنێ ئەنجومەنی فشار لە كۆنفرانسێكی رۆژنامەوانیدا داوای لە فەرمانبەران كرد ئەمڕۆ بایكۆتی سەرتاسەری رابگەیەنن و نەچنەوە سەر كارەكانیان.

هاوكات لە تۆڕە كۆمەڵایەتییەكانەوە بانگەواز بۆ بایكۆتی بەڕێوەبەرایەتی هاتوچۆی سلێمانیش كراوە لە ئەمڕۆوە.

زیاتر لە 40 رۆژە فەرمانبەرانی هەرێمی كوردستان موچەیان وەرنەگرتووە و موچەی 5 مانگی دیكەی ئەمساڵیشیان بۆ پاشەكەوتكراوە.

حكومەتی هەرێمی كوردستان بۆ دەستكردن بە دابەشكردنی موچەی مانگی 10 چاوەڕێی ناردنی 320 ملیار دینارەكەی بەغدا دەكات، كە تا ئێستا روون نییە كەی دەینێرێت.

بەپێی سەرچاوە نافەڕمییەكان، حكومەتی هەرێمی كوردستان لە حاڵی نەهاتنی 320 ملیارەكە بە داهاتی خۆی موچە بە لێبڕینی 40% دابەشدەكات بۆ مانگی 10.

بەپێی سەرچاوەكان بۆ مانگەكانی 10 و 11 و 12 حكومەتی هەرێمی كوردستان دەتوانێت تەنها یەك موچەی دیكە بدات بە 320 ملیارەكەوە یان بە بێ 320 ملیارەكە، كە حكومەتی عێراق تەنها یەك جاری دیكە ئەو بڕە پارەیە دەنێرێـت تا ساڵی نوێ.

بەردەوام بە لە خوێندنەوە

کوردستان

هاتوچۆی سلێمانی شۆفێران ئاگاداردەکاتەوە

خەڵک – بەشی هەواڵ
هاتوچۆی سلێمانی ئاگاداری شۆفێران دەکاتەوە، بەهۆی بارانبارینەوە ئەگەری خلیسکان لەسەر شەقام زۆرە، بۆیە پێویستە خێراییەکانیان کەمبکەنەوە بۆ خوار ئاستی ڕێگەپێدان.
لەئاگادارینامەیەکدا هاتوچۆی سلێمانی، شۆفێران ئاگادار ده‌كاتەوە‌، شه‌قامه‌كانی ناوه‌وه‌ و ده‌وروبه‌ری سلێمانی، به‌هۆی بارینی بارانه‌وه‌ ته‌ڕبوون‌و ئه‌گه‌ری خلیسكانی ئۆتۆمبێل زۆره‌، بۆیه‌ پێویسته‌ ئاستی خێرایی بۆ خوار ئاستی ڕێگه‌پێدراو كه‌مبكرێته‌وه‌.
ئەمە لەکاتێکدایە ماوەى چەند ڕۆژێکە بارانبارین بەردەوامی هەیە و بەپێی پێشبینییەکانی بەڕێوەبەرایەتی کەشناسی و بوومەلەرزەزانی هەرێم، كاریگه‌ری ئه‌م شه‌پۆله‌ به‌فر و بارانه‌ی كه‌ هه‌رێمی كوردستانی گرته‌وه‌، بۆ ئەمڕۆ یه‌ك شه‌ممه‌ به‌رده‌وامی ده‌بێت، زیاتر پارێزگای سلێمانی و ناوچه‌كانی ڕۆژهه‌ڵاتی هه‌رێم به‌شێوه‌ی نمه‌ باران و به‌فر له‌ ناوچه‌ شاخاوییه‌ سنوورییه‌كاندا دەگرێتەوە، و‌ هه‌روه‌ها لێزمە باران و بروسكه‌ ش به‌تایبه‌تی له‌ناوچه‌كانی گه‌رمیان, و له‌كاته‌كانی ئێواره‌ كاریگه‌ری ئه‌م شه‌پۆڵه‌ لەسەر هەرێم کەم دەبێتەوە.
بەردەوام بە لە خوێندنەوە

کوردستان

یەکێتی و گۆڕان کۆدەبنەوە

خەڵک – بەشی هەواڵ

 

بڕیارە ئەمڕۆ یەک شەممە بزوتنەوەى گۆڕان و یەکێتیی نیشتیمانیی کوردستان لەئاستی باڵا کۆببنەوە.

 

شاندێکی باڵای بزوتنەوەى گۆڕان سەردانی دەباشان دەکات و لەگەڵ یەکێتیی نیشتیمانیی کوردستان کبوونەوەیەک لەئاستی باڵادا ئەنجامدەدەن.

 

لەکۆبوونەوەکەدا باس لەبارودۆخی ئێستای کوردستان و پەیوەندییەکانی هەرێم و عیراق و پەیوەندییەکانی نێوان هەردوولا و پرسی لامەرکەزی سلێمانی دەکرێت.

بەردەوام بە لە خوێندنەوە

کوردستان