ئێمە لە تۆرە کۆمەڵایەتیەکان

ئابوری

زیانی كێڵگە پەلەوەرییەكان لەم مانگەدا ڕاگەیەنرا


خەڵك – بەشی هەواڵ

كۆمەڵەی كێڵگە پەلەوەرییەكان ڕایدەگەیەنن لەم مانگەدا زیانی زۆر بەخاوەن پڕۆژەكان گەیشتووە.

نازم عەبدوڵا جاف، جێگری سەرۆكی كۆمەڵەی كێڵگە پەلەوەرییەكان ڕایگەیاند: لەماوەی ئەم مانگەدا لەتەواوی هەرێمی كوردستان ئەو زیانانەی بەر كەرتی پەلەوەر گەیشتووە خۆی لە پێنج ملیار دینار دەبینێتەوە.

ڕاشیگەیاند: ئەگەر بە تێكڕا لەهەموو هەرێمی كوردستان هەزار هۆڵی بەرهەم هێنانی مریشك وەربگرین هەر هۆڵێك زیانی بە بڕی پێنج ملۆن دینار لێ كەوتبێت ئەوا بەتێكڕا هۆڵەكانی بەرهەم هێنانی مریشك لەم ماوەیەدا بڕی پێنج ملیار دینار زیانیان پێگەیشتووە.

نازم عەبدوڵا جاف ئاماژەی بەوەشدا:” هۆكاری زیانەكان بۆ ئەوە دەگەڕێتەوە كە زیاتر لە دوو ملێۆن و ٥٠٠ هەزار مریشك لەناو هۆڵەكاندا هەیە وەهیچ بازاڕێك نییە بۆ ساغكردنەوەی مریشك، چونكە هەموو دوكانەكانی فرۆشتنی مریشك داخراون و هیچ سەربڕخانەیەكی گەورەشمان نییە كە ڕۆژانە فریای سەربڕینی مریشكی زۆر بكەوێت بۆیە مریشكەكان دەمێننەوە، پێویستە عەلەف و خۆراكی زیاتری بدەینی كە ئەمەش پارەی زۆری دەوێت لەكاتێكدا نرخی هەر تەنێك عەلەف ١٠٠ دۆلار لەسەرمان گرانبووە، نەوبونی بازاڕیش وایكردووە نرخ هەرزان بێت و زیانەكان زۆرتر بێت لەسەرمان”.

جێگری سەرۆكی كۆمەڵەی كێڵگە پەلەوەرییەكان داوادەكات پارێزگاری سلێمانی و قائیمقامیەت كاربكەن بۆكردنەوەی دوكانەكانی مریشك بەپێی ڕێنماییە تەندروستییەكان لەبازاڕەكاندا تاكێشەی كۆمەڵایەتیش دروست نەبێت لەنێوان دوكاندارەكان و كۆفرۆشەكان و خاوەن كێڵگەكان چونكە ئەوپارانەی لایانە نایگەڕێننەوە.

بەهۆی ڤایرۆسی كۆرۆنا و خۆپارێزیكردن و بڵاونەبوونەوەی حكومەتی هەرێم تەواوی بازاڕ و دوكانەكانی داخستووە تا ٤/١ بۆ پاراستنی تەواوی هاووڵاتیان لەو ڤایرۆسە.
ك.ج

ئابوری

دواین بڕیار لەبارەی گەشتە ئاسمانییەكانەوە دەركرا


خەڵك- بەشی هەواڵ

دەسەڵاتی فڕۆكەوانی شارستانی عیراقی ماوەی ڕاگرتنی گەشتە ئاسمانییەكانی تـــــا كاتێكی نادیار ڕاگەیاند.

فڕۆكەخانەی نێودەوڵەتی سلێمانی لە ڕاگەیەنراوێكدا ئاماژەی بەوەكردووە، دەسەڵاتی فڕۆكەوانی شارستانی عیراقی بڕیاری ماوەی ڕاگرتنی گەشتە ئاسمانییەكان لە سەرجەم فڕۆكەخانەكانی عیراق تـــــا كاتێكی نـــادیـــار ڕاگەیاند، تــــا ئاگاداركردنەوەیەكی تر .

ڕاشیگەیاندووە، بڕیارەكە گەشتی فڕۆكەكانی مانگی سوور و سەربازی و یارمەتییە تەندروستییەكان و فریاگوزارییەكان و بارهەڵگر (كارگۆ) ناگرێتەوه.

جەختیشی كردۆتەوە، ‌دەرچوواندنی بڕیارەكەی دەسەڵاتی فڕۆكەوانی شارستانی عیراقی مەترسیداری بارودۆخی‌ بڵاوبوونەوەی ڤایرۆسی كۆرۆنایە، كە ئەمەش لەچوارچێوەی بەرگیری كردن.

بەردەوام بە لە خوێندنەوە

ئابوری

دەوڵەتانی كۆمەڵەی ئۆپیك پلەس ڕێككەوتن
نرخی نەوت بەرزدەبێتەوە و عیراق سزا دەدرێت


خەڵك- بەشی هەواڵ
وڵاتانی كۆمەڵەی ئۆپیك پڵەس، كە پێكهاتوون لە وڵاتانی ئۆپیك و ڕوسیا و چەند وڵاتێكی دیكە ڕێككەوتن بۆ مانگی داهاتووش بەرهەمهێنانی نەوت كەمبكەنەوە و بەوەش نرخی نەوت بەرزدەبێتەوە.

بەپێی هەواڵێكی ئاژانسی (بلومبێرگ) بڵاویكردەوە، وڵاتانی كۆمەڵەی ئۆپیك پڵەس لە كۆبوونەوەی ئەمڕۆیاندا ڕێككەوتن لەسەر ئەوەی ڕێككەوتنەكەیان بۆ كەمكردنەوەی بەرهەمهێنانی نەوت بۆ ماوەی مانگی داهاتووش درێژ بكەنەوە.

بەپێی ڕێككەوتنەكەی مانگی نیسان، بڕی 9.7 ملیۆن بەرمیل نەوتی ڕۆژانە لە هەردوو مانگی ئایار و حوزەیران لەلایەن وڵاتانی بەرهەمێنەری نەوتەوە كەم دەكرێتەوە ئەوەش بۆ ئەوەی پاڵپشتی نرخی نەوت بكات، كە بەهۆی بڵاوبوونەوەی كۆرۆناوە تووشی دابەزینێكی زۆر بووبوو.

هەر بەپێی ڕاپۆرتەكە، پێشبینی دەكرێت بڕی بەرهەمهێنانی نەوت بۆ مانگەكانی تەمموز تاوەكو ئەیلول ب بڕی 7.7 ملیۆن بەرمیلی ڕۆژانە كەم بكرێتەوە و بەوەش نرخی نەوت زیاتر بەرزدەبێتەوە.

هەر بەپێی ئەو ڕێكككەوتنە، ئەو وڵاتانەی تاوەكو ئێستا پابەند نەبوون بە كەمكردنەوەی بەرهەمهێنانی نەوتەوە لە مانگەكانی ئایار و حوزەیران، دەبێت بڕی 100%ی پابەندییەكانیان لە مانگەكانی تەمموز تاوەكو ئەیلول جێبەجێ‌ بكەن و لە پشكی ئەو مانگانە كەمی بكەنەوە.

هەر بەپێی (بلومبێرگ)، بەهۆی ئەوەی عیراق تاوەكو ئێستا پابەندی كەمكردنەوەكە نەبووە، بۆیە دەبێت لەمانگی ئاب (8) ڕۆژانە بڕی 1.3 ملیۆن بەرمیل كەمبكاتەوە.

لە ئێستادا نرخی بەرمیلێك نەوتی برێنت بۆ 42 دۆلار و 48 سەنت و نەوتی خاوی تەكساسی ئەمریكا بۆ 39 دۆلار و 20 سەنت بەرزبۆتەوە.

بەردەوام بە لە خوێندنەوە

ئابوری

پزیشك و كارمەندانی تەندروستی لە سلێمانی بایكۆتی دەوام ڕادەگەیەنن


خەڵك – بەشی هەواڵ
بەهۆی دواكەوتنی مووچەكانیان لە ئێستادا سەرجەم كارمەندانی نەخۆشخانەی شار لە سلێمانی بایكۆتی دەوامیان كردوە و نەخۆشخانەكەیان چۆڵكردووە، داواش دەكەن مووچەكانیان لەكاتی خۆیدا پێ بدرێت، ئەگەرنا دەوام ناكەن.

بەپێی زانیارییەكانی (خەڵك) ژمارەیەكی زۆر لە كارمەندانی نەخۆشخانەی شار بە هۆی بەهۆی دواكەوتنی دابەشكردنی مووچەوە دەوامیان جێهێشت و داوا دەكەن لە كاتی خۆیدا مووچەكانیان پێ بدرێت ئەگەرنا دەوام ناكەن.

(خەڵك) بۆ وەرگرتنی زانیاری لەسەر بایكۆتی كەرتی تەندروستی پەیوەندی بە د. سەباح هەورامی، بەڕێوەبەری گشتی تەندروستی سلێمانی و د. یاد نەقشبەندی، وتەبێژی تەندروستی سلێمانی و د. ئومێد عەلی، بەڕێوەبەری نەخۆشخانەی شار-ەوە كرد، بەڵام هیچكام لە پەیوەندیەكان وەڵام نەدرانەوە.

بوونی بایكۆت لە ئێستادا و بەتایبەت كەرتی تەندروستی كاریگەری خراپی دەبێت لەسەر تەشەنەكردنی ڤایرۆسی كۆرۆنا، كە ئێستا لە ئاستی مەترسیداریە لە شاری سلێمانی.

لای خۆشیەوە، د. ئومێد بە چەند میدیایەكی وتووە، “كارمەندانی تەندروستی نەخۆشخانەكەمان مانیان گرت و لەئێستادا ناخۆشخانەی شار-یان چۆڵكردووە”.

بەردەوام بە لە خوێندنەوە

کوردستان