ئێمە لە تۆرە کۆمەڵایەتیەکان

ئابوری

مامۆستایان لەسەر مووچە پەیامێكی توند بە حكومەتی هەرێم دەدەن

خەڵك- بەشی هەواڵ
مامۆستایانی سەربەخۆ پەیامێك ئاڕاستەی هەر سێ‌ سەرۆكایەتییەكەی هەرێم و حزبە سیاسیەكان دەكەن و ڕایدەگەیەنن، كە دەستبەجێ‌ مووچەی مانگی 12ی ساڵی ڕابردوو دابەشبكەن و لەسەرەتای مانگی نوێ‌ مووچەی مانگی 1ی ئەمساڵ دابەش بكرێت.

مامۆستایانی سەربەخۆ لە بەیاننامەیەكدا، كە وێنەی دراوە بە (خەڵك) ئاماژە بەوەدەكەن، كە گەلی بەشمەینەتی كوردستان بە هەموو چین و توێژەكانیەوە تووشی بارگرانیەكی مەزن بوونەتەوە بەهۆی ئەو شكست و قەیرانە گەورە و دروستكراوانەی دەسەڵاتدارانی هەرێم سەپاندویانە.

ڕاشیدەگەیەنن، لە ئەگەری دەستكاری كردنەوە و زیاتر دواكەوتنی مووچە بە زۆرەملێ‌ لەژێر هەرناو و بیانوویەكدا هۆشداری توند دەدەین و بەرپرسیارێتیەكەی دەخەینە ئەستۆی لایەنی بەرپرس.

مامۆستایانی سەربەخۆ هەر لەبەیاننامەكەیاندا داوای خەرجكردنی دەستبەجێی مووچەی مانگی 12ی ساڵی ڕابردوو دەكەن و دەشڵێن: “لە ڕۆژانی سەرەتای مانگی 4 دەبێت مووچەی مانگی 1ی ئەمساڵ خەرج بكرێت”.

مامۆستایانی سەربەخۆ داوای دابینكردنی دەرماڵەیەكی مەترسی بۆ كارمەندانی تەندروستی دەكەن و داواش دەكەن هێڵەكانی ئینتەرنێت بكرێنە خۆڕایی و میكانیزمێكیش بۆ دابەشكردنی مووچە پەیڕەو بكرێت.

ئابوری

سۆران.. لەماوەی هەفتەیەكدا سەرووی 30 هەزار گەشتیار سەردانی شوێنە گەشتیارییەكانییان كردووە

خەڵك – نزار مستەفا

دوای ڕێنمایی كردنەوەی ڕێگاوبان و نەهێشتنی قەدەغەی هاتوچۆ لەلایەن وەزارەتی ناوخۆ بەهۆی ڤایرۆسی كۆرۆنا و كردنەوەی شوێنە گەشتیارییەكانى هەرێمی كوردستان شوێنە گەشتیارییەكانى سۆرانیش بوژانەوەیەكی باشی بەخۆوە بینیوە.

بارزان محەمەد بەڕێوەبەری گەشتوگوزاری سۆران بە (تۆڕی میدیایی خەڵك)ی ڕاگەیاند”هەموو شوێنە گەشتیارییەكانمان لە سنووری سۆران بەڕێنمایی تەندروستی و خۆپارێزی لەنەخۆشی كۆرۆنا بەڕووی گەشتیارانەوە كرانەوەتەوە و لەڕۆژانی هەینیشدا هاتنی گەشتیاران بۆ ناوچەكەمان ڕوو لەزیادبووندایە”.

بەڕێوەبەری گەشتوگوزاری سۆران وتیشی: “هەر لە ڕۆژی هەینی ڕابردوودا سەرووی 30 هەزار گەشتیار سەردانی شوێنە گەشتیارییەكانی هەر چوار شارۆچكەی (سۆران، ڕواندز، مێرگەسۆر، چۆمان)یان كردووە”.

بارزان محەمەد ئاماژەی بەوەشدا “لەئێستادا ئامادەكاری تەواومان كردووە لە هۆتێل و مۆتێل و شوێنە گەشتیارییەكان و كەپرەكان وچێشتخانەكان بۆ ئەوەی بە باشترین شێواز و ڕێنمایی تەندروستی بۆ گەشتیاران ئەنجامدراوە و هەریەكێك لەو شوێنانەش گەربێت و پابەندی ڕێنماییەكانی خۆپارێزی نەبن ئەوا ڕووبەڕووی سزای یاسایی دەبنەوە و شووێنەكەشی دادەخرێت.

بەڕێوەبەری گەشتوگوزاری سۆران ئەوەشی خستەڕوو:”پێشبینی هاتنی زیاتری گەشتیاران دەكەین بۆ ناوچەكە ئەمەش دوای كرانەوەی ڕێگای ناوەڕاست و باشووری عیراق و هەماهەنگییەكی زۆرباشمان كردووە لەگەڵ گرووپی گەشتیاران و كۆمپانیاكان بۆ هێنانی گەشتیاران”.

بەردەوام بە لە خوێندنەوە

ئابوری

خەڵك؛ وردەكاری بڕیارەكەی حكومەت بۆ پێوەری ئاو ئاشكرادەكات

خەڵك- بەشی هەواڵ
بەپێی ڕێنماییەكانی وەزارەتی شارەوانی و گەشتوگوزاری هەرێم، هەر ماڵ و شوێنێك پێوەری ئاو نەبەستێك مانگانە بڕی 100 تاوەكو 450 هەزار دینار غەرامە دەكرێت و بەڕێوەبەرایەتی گشتی ئاو و ئاوەڕۆی هەرێم دەڵێت: “لەم مانگەوە دەستپێدەكات”.

بەڕێوەبەرایەتی گشتی ئاو و ئاوەڕۆ، كە سەر بە وەزارەتی شارەوانییە لە ڕاگەیەنراوێكدا ئاماژەی بەوەكردووە، كە دەست بە جێبەجێکردنی ماددەی (٩) لە ڕێنمایی ژمارە (١)ی ساڵی ٢٠١٨ دەكەن لەگەڵ ئەنجامدانی خوێندنەوە بۆ پێوەری ئاو لە خولی (٧)، كە لە ٢٠٢٠/٩/١٣ دەست پێ دەکات.

بەپێی نووسراوی بەڕێوەبەرایەتی گشتی ئاو و ئاوەڕۆ ژمارە (٢٢١٩ لە ٢٠٢٠/٩/٨)، كە دەست (خەڵك) كەوتووە، پێویستە ماددەی (٩) لە ڕێنمایی تایبەت بە بەستن و خوێندنەوەی پێوەری ئاوی خواردنەوە لە هەرێمی کوردستان ژمارە (١)ی ساڵی ٢٠١٨ جێبەجێ بکرێت بۆ گشت بەکارهێنەرانی ئاو لە ڕێکەوتی دەستپێکردنی خولی (٧).

بەپێی ڕێنماییەكە، كە دەست (خەڵك) كەوتووە، هەر ماڵێك یان شوێنێكی نیشتەجێبوون یان پەرستگایەك پێوەری ئاوی نەبەستبێت بڕی 100 هەزار دینار غەرامە دەكرێت و دوای 3 مانگ ئەگەر هەر نەیبەست بڕەكە دەبێتە 200 هەزار و بۆ فەرمانگەكان و كەرتی تایبەت و بازرگانی بڕی غەرامەكە زیاترە و زۆرترین غەرامەش بۆ شووشتنگە (غەسل) دیاری كراوە، كە 250 هەزار دینارە و دوای 3 مانگ دەبێتە 450 هەزار دینار.

بەردەوام بە لە خوێندنەوە

ئابوری

پەڕلەمانتارێكی پارتی باسی دابەشكردنی مووچە دەكات

خەڵك- بەشی هەواڵ
بڕیاردەری لیژنەی دارایی پەڕلەمانی عیراق لە پشكی پارتی ڕایدەگەیەنێت، كە مووچەی فەرمانبەران بۆ ئەم مانگە دابین كراوە و كێشەی نییە، بەڵام بۆ مانگەكانی دیكە ئاستەنگ دروست دەبێت.

ئەحمەد سەفار، بڕیاردەری لیژنەی دارایی پەڕلەمانی عیراق لەلێدوانێكی ڕۆژنامەوانیدا، كە میدیاكانی عیراق بڵاویانكردۆتەوە ئاماژەی بەوەكردووە، كە مووچەی فەرمانبەران و خانەنشینان بۆ مانگی ئەیلول دابین كراوە، بەڵام حكومەت تووشی ئاستەنگ دەبێتەوە بۆ دابین كردنی مووچەی مانگەكانی داهاتوو، واتە لە مانگی 10وە كێشەی بۆ دروت دەبێت.

ڕاشیگەیاندووە، كە پڕۆژە یاسای بودجەی گشتی فیدڕاڵی بۆ ساڵی 2020 تا ئێستا نەگەیشتۆتە پەڕلەمان، بۆیە قورسە قسە بكرێت لەسەر ناوەڕۆژی پڕۆژەكە بەهۆی ئەوەی نەگەیشتۆتە بەردەستی پەڕلەمان.

ئاماژەی بەوەشكردووە، داهاتی نەوت لە دابەزیندایە و هەروەها داهاتی نانەوتی، ئەوەش وا لە حكومەت دەكات دووبارە پەنا بباتە بەرقەرز.

لای خۆشیەوە، جەمال كۆچەر، ئەندامی لیژنەی دارایی لە پەڕلەمانی عیراق ڕایگەیاندووە، كە حكومەتی عیراق لەڕێگەی قەرزی ناوخۆییەوە مووچەی مانگەكانی داهاتووی فەرمانبەران دەدات و ئەوەش لە پڕۆژە یاسای بودجە جێگیر كراوە.

جەختیشی كردەوە، كە بەبێ‌ ڕەزامەندی پەڕلەمان بۆ ئەو بڕگەیە، حكومەت نەیدەتوانی مووچە بدات، هەروەها پەڕلەمان ناچار بوو ڕەزامەندی بدات تاوەكو حكومەت بتوانێت قەرز بكات و مووچە بدات.

بەردەوام بە لە خوێندنەوە

کوردستان