ئێمە لە تۆرە کۆمەڵایەتیەکان

کوردستان

سەرمایەدارێك، نەخۆشخانەیەك بۆ چارەسەری كۆرۆنا ئامادە دەكات و چەند قەزاو ناحییەكیش دەرمانڕێژ دەكات


خەڵك – بەشی هەواڵ

سەرمایەدارێك، خەستەخانەیەك بۆ چارەسەری كۆرۆنا ئامادە دەكات و چەند قەزاو ناحییەیەكیش دەرمان رێژ دەكات و لە چوارچێوەی هەوڵێكی خێرخوازیشدا 1000 سەبەتەی خۆراك دەداتە هاونیشتمانیان.

حاجی عومەر، كەسایەتی و سەرمایەداری دیار، بە تۆڕی میدیایی (خەڵك)ی ڕاگەیاند: بینایەكی 30 ژووریمان لە حكومەت وەرگرتووە لەئێستادا سەرقاڵی نۆژەنكردنەوە و بەستنی قەرەوێڵەو تەجیهزكردنین بۆ چارەسەری تووشبووانی ڤایرۆسی كۆرۆنا لە قەزای سەیدسادق.

ڕاشیگەیاند: وەك هەستكردن بە بەرپرسیارێتی و ئەركێكی مرۆیی كە بەرامبەر هاووڵاتیانمان لەسەر شانمانە، هەستاوین بە دەرمانرێژ كردنی،( قەزای سەیدسادق، شارەزوور، بەرزنجە) بڕیارە سبەینێ‌ سەنتەری پارێزگای هەڵەبجە و ناحییەی خورماڵ و سیروان و بیارەو تەوێڵەش دەرمان رێژ بكەین.

ئەو سەرمایەدارە دیارەی قەزای سەیدسادق، بۆ خەڵك ئاشكرایكرد، هەر لەچوارچێوەی هەوڵەكانمان 1000 سەبەتەی خۆراكیمان ئامادە كردووە، كەبریتی یە لەفەردەیەك برنج و تەنەكەیەك ڕۆن، دابەشی سەر هاووڵاتیانی هەڵەبجە و شارەزوور و سەیدسادقی دەكەین.

ناوبراو، ڕەخنەشی لەو كەسانە گرت، كە بەكەم تەماشای هەوڵەكانیان دەكەن و ڕایاگەیاند، ملیۆنەها دینارمان لای حكومەتە، ئەمەی دەیكەین نە بۆ لێخۆش بوونە لەباج نە بۆ خۆپێشخستن و وەرگرتنی پڕۆژەیە، ئەوەی دەیكەن لەبەر خواو خەڵكە، نە پارەی زەكاتە و نەمەرامێكمان بەرامبەر حكومەت پێی هەیە، یەڵكو بەئەركی ئەخلاقی خۆمانی دەزانین دەستگیرۆیی هەژار و نەداری ئەم وڵاتە بین و لەخەم و تەنگانەیاندا هابەش بین .

کوردستان

بەبێ ڕەچاوكردنی هاتوچۆ و كێشەكانیان
“داوا لە ژینگەپارێزان لێكراوە خۆیان بچن مووچەكانیان وەربگرن”


خەڵك-بەشی هەواڵ

ژینگەپارێز و چالاكەوانێكی مەدەنی ڕایدەگەیەنێت، زۆر بەداخەوە لەگەڵ ئەوەی كە ژینگەپارێزان كۆڵەكەی هەموو دەوڵەت و حكومەتێكن بۆ جوان نیشاندانی سیمای شار و دەوڵەت بەڵام لە كوردستان چەوساوەترین چینن وە ئەو چینەن كە كەمترین مووچە وەردەگرن.

گۆرانی نێرگز ژینگەپارێز و چالاكەوانی مەدەنی لە نووسراوێكدا كە ئاڕاستەی لایەنە پەیوەندیدارەكانی كردووە داوا دەكات، هاوكاری كارمەندانی ژینگەپارێز بكەن و مووچەكانیان وەك كارمەندەكانی دیكەی حكومەت بۆ بەرنە ماڵەوە.

دەقی نووسراوەكە..
سڵاو و ڕێز…
بابەت … بە دەنگ هاتن !
پەیامێك بۆ هەموو ویژدان زیندوەكان
پەیامێك بۆ مرۆڤ ناسەكان
پەیامێك بۆ هەرتاكێك حسابی مرۆڤ بوون بۆ بەرامبەری بكات.

هاوڵاتیان هاونیشتیمانیان
لایەنەپەیوەندیدارەكانی بەرەنگاربوونەوەی كۆرۆنا
بەڕێز حكومەتی هەرێمی كوردستان
بەڕێز جەنابی وەزیری شارەوانی
بەڕێزان پەڕلەمانتارە ویژدان زیندوەكان

بۆ مەگەر كارمەندێكی ژینگەپارێز مرۆڤ نیە، بۆ مەگەر ئەو مەترسی لەسەر ژیانی خۆی و ماڵ و منداڵ و كەسوكاری نیە، لەلای هەموومان ڕوون و ئاشكرایە كە لەگەڵ هاتنی ڤایرۆسی كۆرۆنا دابەشكردنی مووچە بەسیستەمێكی پارێزی ڕێكخراوە دەچێتە ماڵی فەرمانبەرەكە، بەڵام بەداخەوە زۆر بەداخەوە لەگەڵ ئەوەی كە ژینگەپارێزان كۆڵەكەی هەموو دەوڵەت و حكومەتێكن بۆ جوان نیشاندانی سیمای شار و دەوڵەت بەڵام لە كوردستان چەوساوەترین چینن وە ئەو چینەن كە كەمترین مووچە وەردەگرن و لە هەموو هەلومەرجێكی ترسناك و خۆشی و ناخۆشی ئەوان لە ئەركی خۆیاندان، بەڵام بەداخەوە داوایان لێكراوە كە خۆیان بچن مووچەكان وەربگرن جا چۆن دەچن و بەچی دەچن و كەی دەچن ئەوە كێشەی خۆیانە، چەنەش چاوەڕوان دەكەن ئەوەش كێشەی خۆیانە.

بۆیە من وەك ژینگەپارێزێك كە بەشانازیەوە ئەوە كارمە ویژدان زیندوەكان بێنە دەنگ و ئەو پەیامەی ئێمە بگەیەنن.

گۆرانی نێرگز
ژینگە پارێز و چالاكەوانی مەدەنی

بەردەوام بە لە خوێندنەوە

کوردستان

“هەرێمی كوردستان، دە ڕۆژی پڕ مەترسی لەبەردەمدایە”


خەڵك-بەشی هەواڵ

بەڕێوەبەری دیوانی وەزارەتی تەندروستی حكومەتی هەرێم ڕایدەگەیەنێت، تكایە لەماڵ بمێننەوە، پابەندی ڕێنماییەكان بن .

خالس قادر بەڕێوەبەری دیوانی وەزارەتی تەندروستی حكومەتی هەرێم لە هەژماری خۆی بڵاویكردەوە، بەداخەوە، ئێستا ئێمە بەرەو لوتكەی پەتاكە دەڕۆین، دە ڕۆژی داهاتوو بۆمان پڕ مەترسییە بۆ تەشەنەكردن و بڵاوبوونەوە یان سنوورداركردنی ڤایرۆسەكە.
وتیشی”دوای ئەوە، دە ڕۆژی سەخت بۆ نەخۆشخانە پزیشك و كارمەندانمان دەست پێدەكات بۆ چارەسەر و چاودێری حاڵەتە قورس و توندەكان گیانلەدەستدانەكان، خودا پەنامان بدا و پشت و پەنامان بێت بتوانین بە كەمترین لەدەستدان ئەو قۆناغەسەختە تێبپەڕێنین”.

ئاماژەی بۆ ئەوەش كرد، دوای ئەوە پەتاكە هێور دەبێتەوە و حاڵەكان ڕوو لە كەمی دەكەن و بەرەو قۆناغی كۆنتڕۆڵكردن دەچین، ئەگەر خەڵك بەباشی پابەند بێت و لەماڵ بمێننەوە و تێكەڵ نەبن و خۆیان و خانەوادەكان و خەڵكی تر بپارێزن بەدڵنیایی پشت بەخوا زیانەكانمان زۆر كەم دەبێت ئەگەر نا ئەنجامەكان هەموومان ئازار دەدات.

بەردەوام بە لە خوێندنەوە

کوردستان

هاووڵاتیانی ڕۆژئاوای كوردستان لە پارەی دوو مانگی ئاو و كارەبا بەخشران


خەڵك-بەشی هەواڵ

بەڕێوەبەرایەتی خۆسەر لە ڕۆژئاوای كوردستان لە پارەی دوو مانگی سەرجەم هاووڵاتیان خۆش بوو.

بەپێی نووسراوێك كە واژووی سەرۆكایەتی هاوبەشی بەڕێوەبەرایەتی خۆسەری ڕۆژئاوای كوردستانی لەسەر ئاماژە بۆ ئەوە دەكات، بەرێوەبەرایەتی خۆسەر لە پارەی دوو مانگی ئاو و كارەبای هاوڵاتیان خۆشبوو.

ئاشكراشیدەكات، لێخۆشبوونەكە وەك هاوكارییەكە بۆ هاووڵاتیان لەم كاتی قەدەغەی هاتوچۆ و هاتنی ڤایرۆسی كۆرۆنایەدا.

بەردەوام بە لە خوێندنەوە

کوردستان