ئێمە لە تۆرە کۆمەڵایەتیەکان

کوردستان

وەزیری ناوخۆى هەرێم چەند بڕیارێكی نوێی دەركرد


خەڵك- بەشی هەواڵ
وەزیری ناوخۆی حكومەتی هەرێمی كوردستان ڕێكاری نوێی خۆپارێزی لەڤایرۆسی كۆرۆنا بۆ هێزە ئەمنی و سەربازییەكان ڕادەگەیەنێت و بڕیار دەدات هیچ ئاڵوگۆڕێك بەو هێزانەی لەئەركدان نەكرێت.

بەپێی بەیانی ژمارە 22ی وەزارەتی ناوخۆی هەرێم، كە ئەمڕۆ 25ی ئادار دەرچووە، لەسەر فەرمانی سەرۆكی حكومەت و بەڕاوێژ لەگەڵ وەزیری پێشمەرگە و بەرپرسانی دەزگای ئاسایش و یەكەكانی (70 و 80) و هێزەكانی زێرەڤانی و بەرگری و فریاكەوتن 3 بڕیاری نوێ‌ دەركراوە.

وەك لە بڕیارەكەدا هاتووە، “هەموو ئەو هێزانەی لەئەركدان لەگەڵ ئەو هێزانەی لە پشوودان هیچ ئاڵوگۆڕێك بە هێزەكانیان ناكرێت و لە ئەركدا دەمێننەوە تا بەفەرمی لەلایەن وەزارەتی ناوخۆوە ئاگادار دەكرێنەوە”.

جەختیشكراوەتەوە، دوای تێپەڕبوونی ئەم دۆخە، ئەو ماوەیەی ئەو هێزانە لە ئەركدابوون بە مۆڵەت بۆیان قەرەبوو دەكرێتەوە.

No photo description available.

کوردستان

ئەمڕۆ بڕیاری نوێ لەبارەى قەدەغەى هاتوچۆوە ڕادەگەیەنرێت


خەڵک – بەشی هەواڵ

 

بڕیارە ئەمڕۆ سێشەممە وەزیری ناوخۆی حکومەتى هەرێم نوێترین بڕیاری حکومەتى هەرێم لەبارەى قەدەغەى هاتوچۆ بخاتەڕوو.

 

ڕێبەر ئەحمەد وەزیری ناوخۆی حکومەتى هەرێم کاتژمێر ٥ی ئەمڕۆ کۆنفڕانسێکی ڕۆژنامەوانی لەشاری هەولێر سازدەکات، کە تێیدا نوێترین بڕیاری حکومەتى هەرێم لەبارەی قەدەغەی هاتوچۆ دەخاتەڕوو.

 

ئەمە لەکاتێکدایە زیاتر لەدوو هەفتەیە قەدەغەی هاتوچۆ لەهەرێمی کوردستان بەمەبەستى خۆپارێزی لەڤایرۆسی کۆرۆنا ڕاگەیەندراوە.

 

بەپێی نوێترین ئاماری وەزارەتى تەندروستی حکومەتى هەرێم تاکو ئێستا ١٦٢ توشبوو بەڤایرۆسی کۆرۆنای نوێ تۆمارکراوە، کە لەناویاندا ٥٦ کەس چاکبوونەتەوە و دوو کەسیش گیانیان لەدەستداوە.

بەردەوام بە لە خوێندنەوە

کوردستان

بۆ گەشەكردن ماوەیەكی زیاتر دەداتە ڤایرۆسەكە
“بەهیچ شێوەیەك دەرزی تێكەڵە بۆ چارەسەری كۆڕۆنا بەكارنایەت”


خەڵك- ئارام سەردار

پزیشكێكی دەرمانساز ڕایدەگەیەنێت، بەهیچ شێوەیەك دەرزی تێكەڵە بۆ چارەسەری كۆڕۆنا بەكارنایەت.

دكتۆرە كەنار فازیل پزیشكی دەرمانساز بە (خەڵك)ی ڕاگەیاند، بۆ چارەسەری كۆڕونا دەتوانرێت زیاتر دەرمانی هایدرۆكسیكلۆرۆكوین بەكاربێت، بەڵام باسی ئەزۆمایسزین نەكراوە، هەرچەندە پێشتر باسكراوە، بەڵام سێ مانگی پێویستە تا لێكۆڵینەوەكان لەسەری دەگەنە ئەنجام، بەس دەتوانرێت بۆ كەمكردنەوەی نیشانەكان بەكاربێت.

دەشڵێت”ڕۆژی شەممە ڕوسیا ڕایگەیاند، ئەوان مێفلۆكوین بەكاردێنن كە ئەویش هەر بۆ مەلاریا بەكاردێت و لەدوای هایدرۆكسیكلۆرۆكوین دێت، بەڵام مێفلۆكوین كاریگەری لاوەكی زیاترە بەتایبەت لەسەر لایەنی دەروونی، بەس وادیارە ڕوسیا ئەوەی پێباشترە كەلەگەڵ ئەنتیبایۆتیك بەبێ ئەوەی جۆرەكەی دیاری بكات بەكاردێنێت، بەڵام جێگای خۆشحاڵیە وەزیری تەندروستی ڕایگەیاند، دەتوانن پێكوتەی سیل BCG بۆ ئەو منداڵە تازە لەدایكبووانە بەكاربێنن كەتائێستا وەریانەگرتووە، بەپێی لێكۆڵینەوەكانیش وەرگرتنی ئەو پێكوتەیە دیارە نیشانەكانی نەخۆشیەكە ئەگەر خوانەخواستە بیگرێت سوكتری دەكات”.

ئاماژەی بۆ ئەوەشكرد، بەهیچ شێوەیەك دەرزی تێكەڵە بۆ چارەسەری كۆڕۆنا بەكارنایەت، تەنانەت هیچ بنەمایەكی زانستی نیە دەرزی تێكەڵ بۆ هیچ جۆرە نەخۆشیەك بەكاربێت، چونكە نابێت چەند دەرمانێكی جیاواز تێكەڵ بكرێن، چونكە زۆرینەی ئەو گەنجانەی لەئەوروپا تووشی كۆڕۆنابوون بەبێ ئەوەی هیچ نەخۆشیەكی تریان هەبێت، بەڵام كەنەخۆش دەبن دەبێ لەنەخۆشخانە چارەسەر بكرێن، دەركەوتووە پێشتر زۆر دەرمانی ئازارشكێنیان بەكارهێناوە بەتایبەت ئەو ئازارشكێنانەی كەوا سیفەتی دژە هەوكردنیشیان تێدایە، بۆیە ئامۆژگاری گەنجەكانیان كردووە كەوا پاراستیمۆڵ بەكاربێنن.

ناوبراو ڕەتیشیكردەوە، هیچ دەرمانێك هەبێت بۆ چارەسەری ڤایرۆس، بەكارهێنانی دەرزی تێكەڵەش وادەكات هیچ دەرمانێك كاریگەری لەسەر نەخۆشیە بەكتریاییەكان نەبێت، بەتایبەت ئەنتیبایۆتیك كە بەهیچ شێوەیەك پەیوەندی بەچارەسەری هەڵامەت نیە، بۆ ئێستاش بەتایبەت وادەكات نیشانەكانی نەخۆشی ڤایرۆسی وون بكات و بۆ كاتێكی تر دوایبخات، بۆیە باش نیە بەكاربێت.

ئەو پزیشكە داواش دەكات، بۆ هەندێ پەتا دەرمانی بەهێز و دەرزی تێكەڵ بەكارنەهێنن، چونكە ئەوە ماوەیەكی زیاتر بەڤایرۆس دەدات كەلەداهاتوو زۆر قوڕستر تووشی نەخۆشیەكە ببیتەوە.

سەبارەت بە بەكارهێنانی ماسك وتی، ئەگەر نەبێت بەهەر ملپێچێك یان لەچكێك دەتوانرێت بەكاربهێنرێت وەك خۆپارێزی.

سەبارەت بەڤیتامینەكان، ئەوەی خستەڕوو، هەمووكات لەشمان پێویستی بە ڤیتامینەكان هەیە، بەڵام ساڵانە بەر لەوەرزی سەرما كۆمەڵێك ڤیتامین پێویستن بۆ ئەوەی بەرگری لەش بەهێزبكەین، تاكو لەحاڵەتی تووشبوون بەهەر ڤایرۆس و بەكتریایەك لەشمان بەرگری بكات، لەوانەش ڤیتامین (C-D-A-E) و فۆلیك ئەسید كە یەكێكە لەڤیتامینەكانی B و زینك، ئێستاش بەتایبەت ڤیتامین C دژی هەموو ڤایرۆسێكە و بەرگری لەش بەهێزدەكات و ڤیتامین D بەپێی تۆێژینەوەكان گرنگە بۆ لەش كە لەزۆربەی وڵات هاووڵاتیان كێشەی كەمی ئەو ڤیتامینەیان هەیە، بۆیە ڤیتامین دی ڕۆژانە نیوكاتژمێر دەتوانرێت لەبەرخۆر دانیشتن وەربگیردرێت یان لەقارچك و ماسی و شیر، ڤیتامین C و بەشێكی تر لەڤیتامینەكانیش لەزۆربەی سەوزەكاندا هەیە، سپێناغیش زۆر گرنگە و سوودی هەیە.

بەردەوام بە لە خوێندنەوە

کوردستان

پزیشكانی چین ڕاپۆرتی هەڵسەنگاندنیان بۆ ڕێكارەكانی هەرێم دایە وەزارەتی تەندروستی


خەڵك- ئارام سەردار

كونسووڵی چین لەهەرێمی كوردستان ڕایدەگەیەنێت، هەموو لایەك دڵنیادەكەینەوە پشتیوانی تەواو دەبین و بەیەكەوە سەردەكەوین بەسەر كۆڕۆنادا.

نی رووچی كونسووڵی چین لەهەرێمی كوردستان لەكۆنفڕانسێكی ڕۆژنامەوانیدا ڕایگەیاند، تیمی پزیشكانی شارەزا لەڤایرۆسی كۆڕۆنا و نەخۆشیە ڤایرۆسیەكان لەگەڵ پزیشكانی هەولێرو سلێمانی زانیاری زۆر باشیان ئاڵوگۆڕكردووە لەسەر ئەو نەخۆشییە، سەرجەم ئەو پرسیارانەشی وەزارەتی تەندروستی و پزیشكان هەیانبووە وەڵامەكانیان وەرگرتووە.

دەشڵێت”هیوادارین ئاڵوگۆڕی ئەو زانیارییە بەنرخانە ببێتە مایەی زیاتر لەیەك نزیكبوونەوەمان، تێبینیەكانیش لەسەر كەرتی تەندروستی دراون بە وەزارەت، هەموو لایەكیش دڵنیادەكەینەوە پشتیوانی تەواو دەبین و بەیەكەوە سەردەكەوین بەسەر كۆڕۆنادا”.

لای خۆشیەوە سامان بەرزنجی وەزیری تەندروستی وێڕای سوپاسكردنی تیمەكە و وڵاتی چین ڕایگەیاند، هەڵسەنگاندنی خۆیان كردووە بۆ ئەو كارانەی كراون و ڕاسپاردەی خۆشیان لەڕاپۆرتی هەڵسەنگاندن ئاماژە پێكردووە، لەسەرجەم بواركانی كەرتی تەندروستی، جێگای خۆشحاڵیشە تیمێكی لەم شێوەیە تەنها بۆ عیراق و هەرێم ڕەوانەكراون.

ئەوەشی خستەڕوو، تیمەكە پێیان وابووە هەرێمی كوردستان زۆرباش و زوو ڕێكاری پێویستی گرتووەتەبەر، دەبوایە زۆر وڵات هەمان ڕێكاریان بگرتایەتەبەر، هیواشیان خواستووە هاوڵاتیان زیاتر پابەندی ڕێكارەكان بن و لەماڵ بمێننەوە، ڕێكارەكانی قەدەغەی هاتووچۆ و كەرەنتینەكردنی گومانلێكراوان و ڕێكارەكانی تریان كاریگەری زۆر باشی هەبووە لەسەر كۆنتڕۆڵكردنی دۆخەكە، تائێستاش لەكۆی ۱٦۲ حاڵەت ۹۷ حاڵەت بەهۆی بەركەوتن تووشی كۆڕۆنا بوون.

بەردەوام بە لە خوێندنەوە

کوردستان