ئێمە لە تۆرە کۆمەڵایەتیەکان

جیهان

ئەمریكا، ژمارەی گیانلەدەستدان بەهۆی كۆرۆناوە 800 كەسی تێپەڕاند


خەڵك- بەشی هەواڵ
بەهۆی بڵاوبوونەوەی ڤایرۆسی كۆرۆنا لە ئەمریكا، 802 كەس گیانیانلەدەستدا، ژمارەی تووشبوانیش گەیشتۆتەوە زیاتر لە 55 هەزار و 200 كەس.

بەپێی ماڵپەڕی (روی لاپ)، كۆی گشتی تووشبوان بە ڤایرۆسی كۆرۆنا لە ویلایەتە یەكگرتووەكان، گەیشتۆتە 55 هەزار و 236 كەس كە زۆربەیان لە واشنتن و نیویۆركن، ژمارەی ئەوانەش كە بەهۆی ڤایرۆسەكەوە گیانیانلەدەستداوە گەیشتۆتە 802 كەس و 354 كەسیش نەخۆشییەكەیان پەڕاندووە و چاكبوونەتەوە.

بەپێی ئامارەكانی (روی لاپ)، ئەمریكا لە پلەی سێیەمدایە لەنێوان ئەو وڵاتانی زۆرترین زیانیان پێگەیشتووە بەهۆی ڤایرۆسی كۆرۆناوە.

بەگوێرەی هەواڵ، تا نیوەڕۆی ئەمڕۆ چوار شەممە، زیاتر لە 428 هەزار كەس لە جیهاندا تووشی كۆرۆنا بوون و زیاتر لە 19 هەزار كەسیش بەهۆی ڤایرۆسەكەوە گیانیانلەدەستداوە و 109 هەزار كەسیش چاكبوونەتەوە.

بڵاوبوونەوەی ڤایرۆسی كۆرۆنا، زۆرێك لە وڵاتانی جيهانى ناچار كردووە سنورەكانیان دابخەن و گەشتە ئاسمانییەكان ڕابگرن و قەدەغەكردنی هاتووچۆ بسەپێنن و خوێندن لەگەڕبخەن، وێڕای هەڵوەشاندنەوەی زۆرێك لە چالاكییەكان و گردبوونەوە گشتییەكان و داخستنی مزگەوت و كڵێساكان.

جیهان

لە ڕوسیا زیاتر لە 230 كەسی دیكە بە كۆرۆنا گیانیان لە دەست دا


خەڵك – بەشی هەواڵ
ژمارەی مردن و تووشبوون بە ڤایرۆسی كۆرۆنا لە ڕوسیا زیاد دەكات.

ئەمڕۆ هەینی ژووری ئۆپەراسیۆنەكانی بەرەنگاربوونەی ڤایرۆسی كۆرۆنا لە ڕوسیا ڕایگەیاند لە ماوەی 24 كاتژمێری ڕابردوودا 232 كەسی دیكە بە هۆی تووشبوونیان بە پەتاكە گیانیان لە دەست دا، بەوەش كۆی گشتی حاڵەتەكانی مردن گەیشتە چوار هەزار و 374.

ڕوونیشیكردەوە كە هەر لەو 24 كاتژمێرەدا هەشت هەزار و 572 حاڵەتی نوێی تووشبوون بە كۆرۆنا تۆماركراوە، ئەمەش لە كاتێكدایە كە ئامارەكانی دوێنێ 174 مردن و هەشت هەزار و 338 تووشبوو بوون.

بە پێی ئامارە فەرمییەكان تا ئێستا 387 هەزار و 623 كەس لە ڕوسیا تووشی كۆرۆنا بوون، كە 159 هەزار و 257یان چاكبوونەتەوە.

بەردەوام بە لە خوێندنەوە

جیهان

كۆریای باكور؛ ژن و مێردێك بە هۆی هەڵاتنیان لە كەرەنتین لەسێدارەدران


خەڵك – بەشی هەواڵ
ژن و مێردێك ویستیان بە هۆی ڕێوشوێنەكانی بەرەنگاربوونەوەی كۆرۆناوە لە كۆریای باكوری هەڵبێن، بەڵام دوای دەستگیركردنیان لەسێدارەدران.

رۆژنامەی دەیلی مەیڵی بەریتانی بڵاویكردەوە كە ژن و مێردێكی دانیشتووی ناوچەی هییسان لە باكوری هەرێمی ریانگ ئانگی كۆریای باكور كە لە ماڵەكەیاندا كەرەنتین كرابوون، هەوڵیاندا بەرەو كۆریای باشوور هەڵبێن.

ڕوونیشیكردەوە كە ئەو دوو هاووڵاتییە بەنیازبوون لە ڕێی ڕووباری یالوەوە خۆیان بگەنە چین و لەوێشەوە بچنە كۆریای باشوور، بەڵام پلانەكەیان سەرینەگرت و دەستگیركران.

بە پێی هەواڵی ڕۆژنامە بەریتانییەكە، هەردوو هاوسەرەكە كە لە پەنجاكانی تەمەنیاندا بوون، دوای ئەشكەنجەدانیان بە بێ دادگاییكردن لەسەر سنوور كوژران.

بەردەوام بە لە خوێندنەوە

جیهان

ئەردۆغان كوشتنی ڕەشپێستێك لە ئەمریكا ئیدانە دەكات


خەڵك – بەشی هەواڵ
ڕەجەب تەیب ئەردۆغان سەرۆك كۆماری توركیا كوژرانی ڕەشپێستێك لەلایەن پۆلیسی ئەمریكاوە ئیدانە دەكات.

ئەردۆغان لە ڕێی هەژماری فەرمی خۆی لە تۆڕی كۆمەڵایەتی تویتەر چەند پەیامێكی دەربارەی كوشتنی كەسێكی ڕەشپێست لەلایەن پۆلیسێكی ئەمریكییەوە بڵاوكردەوە كە لە ناوخۆی وڵاتەكەش ناڕەزایی لێكەوتووەتەوە.

سەرۆكی توركیا نووسیوێتی كوژرانی جۆرج فڵوید بە ئەشكەنجە نەك هەر هەموومانی بێزار كردووە، بەڵكو بووەتە یەكێك لە ئازاربەخشترین دیمەنەكانی جیهانی نادادگەری.

بە پێی دیمەنێكی ڤیدیۆیی كە ساتی گیانلەدەستدانی فڵوید تۆمار دەكات، پۆلیسێك ئەو ڕەشپێستەی خستووە بە زەویدا و بە توندی قاچی خستووەتە سەر گەردنی، هەرچەندە هاوار دەكات كە ناتوانێت هەناسە بدات، بەڵام پۆلیسەكە و هاوڕێكانیشی گوێی پێنادەن تاوەكو لەو شوێنەدا لە ژێر قاچی پۆلیسە سپیپێستەكەدا گیان لە دەست دەدات.

بەردەوام بە لە خوێندنەوە

کوردستان