ئێمە لە تۆرە کۆمەڵایەتیەکان

کوردستان

ڕێکخراوی خێرخوازی حاجی هونەر سورچی، پڕۆژەیەکی کۆمەک و خێرخوازی ڕاگەیاند

خەڵک ـ بەشی هەواڵ

ڕێکخراوی خێرخوازی حاجی هونەر سورچی، پڕۆژەیەکی کۆمەک و خێرخوازی بە بڕی نزیکەی 100 ملیۆن دینار و دوو بینا بۆ نەخۆشخانە ڕادەگەیەنێت.

حاجی هونەر سورچی خاوەنی ڕێکخراوی خێرخوازی حاجی هونەر سورچی بە(خەڵک)ی ڕاگەیاند، پڕۆژەیەکی هاوکاری بۆ حکومەتی هەرێمی کوردستان و ڕووبەڕووبونەوەی ڤایرۆسی کۆرۆنا ڕادەگەیەنن.

ئاماژەی بەئەوەشدا، لەم پڕۆژەیەدا هەوڵیانداوە هاوکاری چین و توێژە جیاوازەکانی کۆمەڵگە بکەن و بڕی  100 ملیۆن دینار و دوو بینایان بۆ نەخۆشخانە تەرخانکردووە.

ئەم هاوکارییە بەهەماهەنگی لەگەڵ کۆمپانیا و ڕێکخراوی ئێف ئێس تی ئەنجامدەدرێت بەم شێوازەی خوارەوە دابەش دەكرێت:

سی ملیۆن دینار بۆ پارێزگاری سلێمانی

دە ملیۆن دینار بۆ دەربەندیخان

دە ملیۆن دینار بۆ هەڵەبجە

دە ملیۆن دینار بۆ ڕاپەڕین

دە ملیۆن دینار بۆ بۆ چەمچەماڵ

دە ملیۆن دینار بۆ خەلیفان

پێنج ملیۆن دینار بۆ تەق تەق.

پێنج ملیۆن دینار بۆ بێ سەرپەرشتانی گوندەکان

دووبینای ئامادەکراوە پێشکەشی حوکمەتی هەرێمی کوردستان دەکرێت بۆ نەخۆشخانە لەهەر حاڵەتێک پێویستیان پێی بوو.

نیو ملیۆن دینار بۆ هەریەک لە ڕێکخروەکانی :

تالاسیما

کەمئەندامان

کورتەباڵاکان

ئۆتیزمەکان

نابینایانکان

کۆمەڵەی ڕاهێنانی منداڵانی ئۆتیزم

پێدانی مووچە بە کارمەندانی باخچەی میوە، دایەنگای هیڕۆنی نوێ، کارمەندانی کۆمپانیای هیڕۆن، کارمەندانی دەزگای خێرخوازی هونەر سورچی سەڕای مانەوەیان لەماڵەوە و کارنەکردنیان

کوردستان

نێچیرڤان بارزانی: ئامادەین یارمەتیدەربین بۆ دڵنیابوونەوە لە سەقامگیریی عیراق

خەڵك – بەشی هەواڵ

سەرۆكی هەرێمی كوردستان ڕایدەگەیەنێت، نیگەرانن لە هێرش و هەڕەشەی ئەم دواییەی سەر ئەركە دیپلۆماتییەكان و بنكەكانی هاوپەیمانیی نێودەوڵەتی، ئامادەشن هاوكاریی عیراق بكەن بۆ دابینكردنی ئاسایش و سەقامگیری.

نێچیرڤان بارزانی سەرۆكی هەرێمی كوردستان ئەمڕۆ 25ی ئەیلول لە جریوەیەكدا لە تۆڕی كۆمەڵایەتی تویتەر نووسیویەتی، پاڵپشتیی هەوڵی سەركردە عیراقییەكان دەكەن بۆ ڕێگریكردن لەو هێرشانە. ئامادەی هاوكارین بۆ دڵنیابوونەوە لە ئاسایش و سەقامگیریی لە وڵاتدا.

 

دەقی جریوەكەی نێچیرڤان بارزانی:

بە نیگەرانییەكی زۆرەوە چاودێریی دوایین هێرش و هەڕەشەكان دژی ئەركە دیپلۆماتییەكان و بنكە سەربازییەكانی هاوپەیمانیی نێودەوڵەتی دەكەین كە عیراقییەكان لە “تیرۆر” دەپارێزن. پاڵپشتی لە هەوڵی سەركردە عیراقییەكان بۆ ڕێگەگرتن لە هێرشی زیاتر دەكەین و ئامادەین یارمەتیدەربین بۆ دڵنیابوونەوە لە ئاسایش و سەقامگیری لە وڵاتدا.

 

بەردەوام بە لە خوێندنەوە

کوردستان

كۆیە.. كچێكی دەرچووی 12 ئامادەیی كۆتایی بە ژیانی خۆی هێنا

خەڵك – بەشی هەواڵ

لە شاری كۆیە كچێكی تەمەن 18 ساڵ كۆتایی بە ژیانی خۆی هێنا.

ئێوارەی ئەمڕۆ هەینی لە شاری كۆیە كچێك بەناوی (گ.ب.ج) تەمەن 18 ساڵ دەرچووی پۆلی 12ی ئامادەیی دانیشتووی گەڕەكی كەكۆن، بە چەكی جۆری كڵاشینكۆف كۆتایی بە ژیانی خۆی هێنا.

بەپێی زانیارییەكانی (تۆڕی میدیایی خەڵك)، هۆكاری خۆكوشتنی ئەو كچە دەگەڕێتەوە بۆ بەدەستهێنانی نمرەی كەم لە پۆلی 12ی ئامادەیی.

لە ئێستادا پۆلیس پەڕاوی لێكۆڵینەوەی بۆ ڕووداوەكە كردووەتەوە.

بەردەوام بە لە خوێندنەوە

کوردستان

تەقتەق.. گەنجێك بە تەزووی كارەبا گیانی لەدەستدا

خەڵك – بەشی هەواڵ

لە شارەدێی تەقتەق گەنجێك لەكاتی پاككردنەوەی حەوزی ماسیدا بەهۆی تەزووی كارەباوە گیانی لەدەستدا.

ئێوارەی ئەمڕۆ هەینی، گەنجێك بەناوی (م.أ) دەرچووی زانكۆ / بەشی یاسا، دانیشتووی شارەدێی تەقتەق لەكاتی پاككردنەوەی پڕۆژەی بەخێوكردنی ماسیدا تەزووی كارەبا لێیداوە و بەهۆیەوە گیانی لەدەستداوە.

لە ئێستادا تەرمی ناوبراو گەیەنراوەتەوە پزیشكی دادی كۆیە و لێكۆڵینەوەش لەڕووداوەكە دەستپێكردووە.

بەردەوام بە لە خوێندنەوە

کوردستان