ئێمە لە تۆرە کۆمەڵایەتیەکان

کوردستان

قەدەغەی هاتوچۆ ئەم كەسانە ناگرێتەوە


خەڵك-بەشی هەواڵ

 

ژووری ئۆپەراسیۆنی پارێزگای هەولێر ڕایدەگەیەنێت ، ئەو كەسانەی ڕێگەیان پێدراوە هاتوچۆ بكەن بە پێی مۆڵەت دەتوانن هاتوچۆ بكەن.

ژووری ئۆپەراسیۆنی پارێزگای هەولێر لە نووسراوێكدا كە ئاڕاستەی لایەنە پەیوەندیدارەكانی كردووە ئاماژە بۆ ئەوە دەكات، كرێكارەكانی نانەواخانە و سەمونخانەكان و بەنزینخانەكان و ئۆتۆمبێلی فرۆشتنی میوە و سەوزە لە گەڕەكەكان دەتوانن هاتوچۆ بكەن بەپێی ئەو مۆڵەتەی پێیان دراوە.

دەقی نوسراوەكە ..

کوردستان

زۆرترین تووشبووی کۆرۆنا لەهەرێمی کوردستان تەمەنیان لەخوار 20 ساڵەوەیە


خەڵک – نزار جەزا

 

بەپێی نوێترین ئامار زۆرترین توشبووی ڤایرۆسی کۆرۆنا لەهەرێمی کوردستان تەمەنیان لەخوار ٢٠ ساڵەوەیە.

 

بەپێی ئامارەکانى وەزارەتى تەندروستی حکومەتى هەرێم و زانیارییە کۆکراوەکانی زانکۆی سلێمانی، بەڕێژەى لەسەدا 27.2ی توشبووانی ڤایرۆسی کۆرۆنا تەمەنیان لەنێوان 11 بۆ 20 ساڵدایە و بەڕێژەى لەسەدا 9.9ی توشبووان تەمەنیان لە 11 ساڵ بچوکترە ، کە زۆرین تووشبوو لەم تەمەنەدان.

 

هەر بەپێی ئەو ئامارە، بەڕیژەى لەسەدا 17.3ی تووشبووان تەمەنیان لەنێوان 31 بۆ 40 ساڵدایە، بەڕێژەى لەسەدا 16ی تووشبووان تەمەنیان لەنێوان 21 بۆ 30 ساڵدایە، بەڕێژەى لەسەدا 13.6ی توشبووان تەمەنیان لەنێوان ٤١ بۆ ٥٠ ساڵدایە.

 

بەپێی ئامارەکە، بەڕێژەى لەسەدا 9.9 تەمەنیان لەنێوان 61 بۆ 70 ساڵدایە، بەڕێژەى لەسەدا 6.2 تەمەنیان لەنێوان 51 بۆ 60 ساڵدایە.

 

هەر بەپێی ئامارەکان، بەڕێژەى لەسەدا 53.9ی توشبووان لەڕەگەزی نێرن، بەڕێژەى لەسەدا 46.1 لەڕەگەزی مێن.

 

بەپێی ئامارە فەرمییەکانی وەزارەتى تەندروستی کە ڕۆژانە بڵاویاندەکاتەوە، لەهەرێمی کوردستان ٢١٤ توشبووی ڤایرۆسی کۆرۆنا تۆمارکراون، کەلەناویاندا ٧٤ کەس چاکبوونەتەوە و دوو کەسیش گیانیان لەدەستداوە.

بەردەوام بە لە خوێندنەوە

کوردستان

هۆشداری دەدرێتە فەرمانبەرانی فڕۆكەخانەكان


 

خەڵك-بەشی هەواڵ

 

فڕۆكەخانەی نێودەوڵەتی سلێمانی ڕایدەگەیەنێت، هەر فەرمانبەرێكی فڕۆكەخانە لە ئەركدا نەبێت و پێناسی فڕۆكەخانە بۆ كاری تایبەتی خۆی بەكاربهێنێت، سزایی یاسایی دەدرێت.

فڕۆكەخانەی نێودەوڵەتی سلێمانی لە ڕاگەیەنراوێكدا ئاماژە بۆ ئەوە دەكات، ئاماژە بە پەیوەندی نێوان بەڕێزان سەرۆكی لیژنەی باڵای ئۆپراسیۆنەكانی پارێزگای سلێمانی و بەڕێوەبەری گشتی فڕۆكەخانە، لەلایەن هێزەكانی ئاسایشی ناوخۆ وە كارئاسانی بۆ فەرمانبەرانی فڕۆكەخانە دەكرێت بۆ گەیشتنیان بەدەوام و گەڕاوەنەوەیان بۆ ماڵەوە.

ئاشكراشیدەكات، هەر فەرمانبەرێكی فڕۆكەخانە لە ئەركدا نەبێت و پێناسی فڕۆكەخانە بۆ كاری تایبەتی خۆی بەكاربهێنێت، بەپێی بەیانی ژمارە (٢٤) لەلایەن هێزە ئەمنیەكانەوە مامەڵەی یاسایی لەگەڵدا دەكرێت و لەلایەن فڕۆكەخانەشەوە سزایی یاسایی دەدرێت.

بەردەوام بە لە خوێندنەوە

کوردستان

بەوێنە..هێزە ئەمنییەكان داوای داخستنی سەرجەم دوكان و بازاڕەكان دەكەن


خەڵك-بەشی هەواڵ

هێزە ئەمنیەكان ئاگاداری سەرجەم خاوەن دوكانەكان دەكەنەوە كاتژمێر ۱۲ دوكانەكانیان دابخەن.

بەهۆی قەدەغەی هاتوچۆوە، هاووڵاتیان پێداویستییەكانیان دەكڕن، چونكە مەترسیان هەیە كاتی قەدەغەی هاتووچۆ بەم شێوەیەی ئەمڕۆ درێژەی هەبێت.

هاوكات ڕەخنەش لە بڕیارەكەی وەزارەتی ناوخۆ گیرا بەوەی كە هاووڵاتیان بەشێوەیەك بەرچاو چوونە دەرەوە و ئەمەش كاریگەری نەرێنی هەیە لەسەر بڵاوبوونەوەی ڤایرۆسی كۆرۆنا.

بەردەوام بە لە خوێندنەوە

کوردستان