ئێمە لە تۆرە کۆمەڵایەتیەکان

کوردستان

فڕاكسیۆنی یەكگرتوو لەسەر دواخستنی مووچە داوای دانیشتنی پەرلەمان دەكات
داوای بانگهێشكردنی سەرۆكی حكومەت و جێگرەكەیی و وەزیری دارایی دەكات


خەڵك – بەشی هەواڵ

فڕاكسیۆنی یەكگرتوو لە پەرلەمانی كوردستان لە ڕاگەیەنراوێكدا دوا لە سەرۆكایەتی پەرلەمان دەكات دانیشتنێك لەبارەی دواكەوتنی مووچەی فەرمانبەران ئەنجام بدات و بۆ گفتوگۆكردن لەسەر ئەو پرسە سەرۆكی حكومەت و جێگرەكەیی و وەزیری دارایی بۆ دانیشتنەكە بانگهێشت بكرێن.

دەقی ڕاگەیەنراوەكە:

بەڕێز/ سەرۆكایەتی پەرلەمانی كوردستان

بابەت/ ئەنجامدانی دانیشتنی پەرلەمان

لەبەر خراپی بارودۆخی گوزەرانی هاوڵاتیان بەگشتی و موچەخۆران بەتایبەتی، وێڕای سەختی باری تەندروستی هەرێم و وەستانی سەرجەم سێكتەرەكان، هەروەها بوونی توانای دارایی حكومەتی هەرێمی كوردستان بۆ دابەشكردنی مووچەی فەرمانبەران و مامۆستایان، بەڵام بە بەهانەی بەرەنگاربوونەوەی ڤایرۆسی كۆرۆنا حكومەتی هەرێم موچە دابەش ناكات، بەمەش هێندەی تر هاوڵاتیان و موچەخۆران شەكەت و ماندوو و گیرفان بەتاڵ بوون، كە ئەمە سەرەتاییترین مافی ئەوانەو ئەركی حكومەت داراییە كە پێشێلی كردوە.

ئێمە لە فراكسیۆنی یەكگرتووی ئیسلامی كوردستان لە سۆنگەی هەستكردنمان بە بەرپرسیارێتی و بەدەمەوەهاتنی گوزەرانی خەڵك، ودوای پەیرەوكردنی رێكارەتەندرووستیەكان داوای دانیشتنی پەرلەمان دەكەین تایبەت بە هۆكاری دابەشنەكردنی موچە لە لایەن حكومەتی هەرێمی كوردستانەوە، كە تیایدا هەریەكە لە بەرێزان سەرۆكی حكومەت و جێگرەكەی و وەزیری دارایی بانگهێشت بكرێن بۆ گفتوگۆ كردن لەسەر ئەو پرسە، بە مەبەستی گەیشتن بە چارەسەرو دەرئەنجامی دروست و گونجاو و دووبارە نەبوونەوەی ئەو گرفتە، هەروەها گەڕانەوەی دڵنیایی بۆ سەرجەم موچەخۆران بە وەرگرتنی موچەكانیان لە كات و ساتی دیاریكراوی خۆیداو نەهێشتنی دڵەڕاوكێ لەسەر بارودۆخی دارایی.

فراكسیۆنی یەكگرتوو لە پەرلەمانی كوردستان

24/3/2020

 

ك.ج

کوردستان

فەرمانگەی داواکاری گشتى سلێمانی ئاگادارییەکی بڵاوکردەوە


خەڵک – بەشی هەواڵ

فەرمانگەی داواکاری گشتى سلێمانی ئاگاداری هاوڵاتییان دەکات، کە ڕۆژانی بەک شەممە و سێ شەممە و پێنج شەممە دەوامی ئاسایی دەکەن.

 

فەرمانگەی داواکاری گشتى سلێمانی لەڕێگەی ڕاگەیەندراوێکەوە ڕایگەیاند، هاوڵاتییان و لایەنەکان هەر سکاڵا و هەواڵ و زانیارییەکیان هەیە، کە پەیوەستە بەمافی گشتییەوە دەتوانن بیگەیەننە فەرمانگەکەیان یاخود لەڕێگەی پەیوەندی تەلەفۆنییەوە ئاگاداریان بکەنەوە.

 

بەردەوام بە لە خوێندنەوە

کوردستان

پڕۆژە پێشنیازێک بۆ نەفەوتانى خوێندنی ئەمساڵی خوێندکاران دەخرێتەڕوو


خەڵک – بەشی هەواڵ

ڕێکخراوی قوتابیانی کوردستان پڕۆژە پێشنیازێک بۆ نەفەوتانى خوێندنی ئەمساڵی خوێندکارانی زانکۆ و پەیمانگاکان و قوتابخانەکان دەخاتەڕوو.

 

ڕێکخراوی قوتابیانی کوردستان لەو پڕۆژەیەیدا کە پێشکەشی وەزارەتى خوێندنی باڵا و وەزارەتى پەروەردە و لیژنەى پەروەردە و خوێندنی باڵای پەڕلەمانى کوردستانی کردووە، داوا دەکات بەهیچ شێوەیەک خوێندنی ئەمساڵ نەفەوتێت و ڕێگەچارەى گونجاوی خستۆتەڕوو.

 

دەقی پڕۆژە پێشنیازەکە:

بەردەوام بە لە خوێندنەوە

کوردستان

تەندروستی هەولێر ڕوونكردنەوە لەسەر مردنی منداڵێك بە كۆرۆنا دەدات


خەڵك- بەشی هەواڵ

دوای ئەوەی بەڕێوەبەری تەندروستی خەبات لە(خەڵك)ەوە ڕەتی كردەوە، كە مردنی منداڵەكەی سێبیران بە كۆرۆنا بووبێت، بەڕێوەبەرایەتی گشتی تەندروستی هەولێر جەختدەكاتەوە، كە ئەو منداڵە شەلەل دەماغی هەبووە و ڤایرۆسی كۆرۆنای نەبووە.

بەڕێوەبەرایەتی گشتی تەندروستی هەولێر لە ڕوونكردنەوەیەكدا، كە وێنەی دراوە بە (خەڵك) ئاشكرای كردووە، دوای ئەوی لە گوندی سێبیران نیشانەكانی هەڵگری ڤایرۆسی كۆڕۆنا دەركەوت پشكنین بۆ هاووڵاتیانی ئەم گوندە ئەنجامدرا یەكێك لەم كەسانە منداڵێكی تەمەن(۸) ساڵان بوو، كە بۆخۆی شەلەل دەماغی بوو واتە (ئیفلیجی مێشك) كە لە ڕێكەوتی 16 ی ئەم مانگە لە ڕێگەی تیمە تەندروستیەكانمان پشكنینی بۆ ئەنجامدرابوو، دەركەوت هەڵگری ڤایرۆسی كۆڕۆنا نیە.

دەشڵێت: “كۆچی دوایی منداڵەكە هیچ پەیوەندییەكی بە ڤایرۆسی كۆرۆناوە نییە”.

ئەمە لەكاتێكدایە، كە پێشتر، دكتۆر هێرش سعید تەرجانی، بەڕێوەبەری تەندروستی شارۆچكەی خەبات بۆ (خەڵك) ئەو دەنگۆیانەی ڕەتكردبووەوە، كە ئەو منداڵەی خەڵكی سێبیرانە بەهۆی كۆرۆنا گیانی لەدەستدابێت و وتی، “بەهیچ شێوەیەك گیان لەدەستدانی ئەو منداڵە پەیوەندی بە ڤایرۆسی كۆرۆنا نیە”.

وتیشی، “منداڵەكە ناوی (ی.ت) تەمەنی ٨ ساڵە بەر لە كەرەنتینەكردنی سێبیران لەبەر نەخۆشی لە نەخۆشخانە خەوێندرابوو، چونكە كێشەی ئیفلیجی مێشكی هەبووە”.

ماوەی نزیكەی ٨ ڕۆژە كۆمەڵگای سێبیران بەتەواوەتی كەرەنتین كراوە ئەمەش دوای دۆزینەوەی حاڵەتێكی توشبوو، تائێستا تەنها ۱٥ حاڵەت لە كۆمەڵگاكە تۆماركراوە و تەندروستیان جێگیرە.

بەردەوام بە لە خوێندنەوە

کوردستان