ئێمە لە تۆرە کۆمەڵایەتیەکان

عێراق

دوو ڕۆژنامەنووس تووشی كۆرۆنا بوون
لە عیراق 13 تووشبووی دیكە بە كۆرۆنا ڕاگەیەنرا


خەڵك- بەشی هەواڵ
سەندیكای ڕۆژنامەنووسانی عیراق ئاشكرای دەكات، كە دوو ڕۆژنامەوان تووشی كۆرۆنا بوون و پارێزگاری نەجەف-یش دەڵێت:”13 حاڵەتی نوێ‌ تۆماركراوە”.

موئەیەد لامی، نەقیبی سەندیكای ڕۆژنامەنووسانی عیراق لە تویتەری خۆی ئاشكرای كردووە، كە دوو ڕۆژنامەوان تووشی كۆرۆنا بوون، كە یەكێكیان لە نەجەفە و لە دەرەوەی عیراق چارەسەر وەردەگرێت بەهۆی نەخۆشییەكەی مەترسیدارەوە و دواتریش تووشی ئەو پەتایە بووە.

نەقیبی سەندیكای ڕۆژنامەنووسانی عیراق لەبەر پاراستنی تایبەتمەندی ڕۆژنامەنووسەكان ناوەكانیانی بڵاونەكردۆتەوە.

لای خۆشیەوە، لوئەی یاسری، پارێزگاری نەجەف لە بەیاننامەیەكدا ڕایگەیاندووە، كە 13 كەسی دیكە لە پارێزگاكە تووشی كۆرۆنا بوون، كە دووانیان لە سووریا بوون.

عێراق

سائیرون: ئەم لایەنانە دەیانەوێت عەدنان زورفی دووربخەنەوە


خەڵك- بەشی هەواڵ
هاوپەیمانی سائیرون ڕایدەگەیەنێت، هەفتەیەك زیاترە هێزە شیعەكان كۆبوونەوەی چڕ ئەنجام دەدەن بە ئاگاداری موقتەدا سەدر ڕابەری ڕەوتی سەدر، ناوەڕۆكی كۆبوونەوەكەشیان لە چەند نامەیەكدا بۆ حەنانە بارەگای سەدر لە نەجەف ڕەوانەكردووە.

ڕیاز مەسعودی، پەرلەمانتاری هاوپەیمانی سائیرون لە لێدوانێكی ڕۆژنامەوانیدا ڕایگەیاند”ئەو لایەنانەی كۆبوونەوەیان كردووە بریتین لە دەوڵەتی یاسا و فەتح و حكیمە و عەقدی نیشتمانی و فەزیلە، ئەمانن كە هەوڵ دەدەن جێگرەوەیەك بۆ عەدنان زورفی بدۆزنەوە”

بە وتەی مەسعودی”هێزە سیاسییەكان گەیشتوونەتە ئەو بڕوایەی كە یان دەبێت كابینەكەی زورفی تێبپەڕێنن و وادەیەك بۆ هەڵبژاردنی پێشوەخت دیاریی بكەن، یان جێگرەوەیەك بۆ زورفی بدۆزنەوە، ئەمەش لەڕێی داوای لێبوردنی زورفی لە ڕاسپاردنەكەی یان تەواوبوونی ماوە دەستوریی ڕاسپاردنەكەیەوە دەبێت”.

نوری مالیكی و هادی عامری و عەممار حەكیم، لە كۆبوونەوەیەكی نێوانیان لەسەر جێگرەوەی عەدنان زورفی ڕاسپێردراو بۆ پێكهێنانی حكومەت ڕێكەوتبوون كە ئەویش مستەفا كازمی سەرۆكی دەزگای هەواڵگری نیشتمانییە.

ناكرێت ناوی كازمی وەك كاندید پێشكەش بكرێت، تا ئەو كاتەی زورفی شكستخواردوو دەبێت لە تێپەڕاندنی حكومەتەكەی لە پەرلەمان لە ماوەی ئەو مۆڵەتە دەستورییەی بۆی دیاریی كراوە.

بە بۆچوونی چاودێران، رێكەوتنەكەی مالیكی عامری و حەكیم، دوای سەردانەكەی ئەم دواییەی ئیسماعیل قائانی فەرماندەی فەیلەقی قودسی ئێرانی بوو بۆ عیراق كە هەوڵیدابوو هێزە شیعەكان لەبارەی پێكهێنانی حكومەتی نوێوە لەیەكتر نزیكبكاتەوە.

 

بەردەوام بە لە خوێندنەوە

عێراق

كەركوك، داعش ئەفسەرێك و دوو پۆلیسی ڕفاند


خەڵك- بەشی هەواڵ
سەرچاوەیەكی ئەمنی ڕایدەگەیەنێت، چەكدارانی ڕێكخراوی داعش سێ‌  پۆلیسی فیدراڵیان لە باشووری خۆرئاوای پارێزگەی كەركوك ڕفاند.

ئەمڕۆ سێ‌ شەممە، سەرچاوەیەكی ئەمنی بە میدیاكانی عیراقی ڕاگەیاند، هێزێكی سەر بە لیوای شەشی پۆلیسی فیدراڵی دەستییان كرد بە ئەنجامدانی ئۆپەراسیۆنێكی ئەمنی لە ناوچەكانی گەڕەكی (تەنەك) لە قەزای دیس لە باشووری خۆرئاوای كەركوك.

بە وتەی سەرچاوەكە، چەكدارانی ڕێكخراوی داعش بۆسەیەكیان بۆ ئەو هێزە دانابوو، لە دوای پێكداهەڵپژان، چەكدارەكان توانییان ئەفسەرێك و دوو پۆلیسی فیدراڵی بڕفێنن و بەرەو شوێنێكی نادیارییان ببەن.

سەرچاوە ئەمنییە دەڵێت، هێزەكانی پۆلیسی فیدراڵی دەستییان كردووە بە هەڵمەتی گەڕان و پشكنیین لەپێناو دۆزینەوەی ڕفێنەران، ئەمەش لەكاتێكدایە كە لەماوەی 24 كاتژمێری ڕابردوودا پێنج پۆلیسی فیدراڵی لەڕێی هێرش و پەلاری جیاجیاوە لە پارێزگەی كەركوك كوژران.

 

بەردەوام بە لە خوێندنەوە

عێراق

لە بەسڕە 6 حاڵەتی كۆرۆنا تۆماركرا و 4 كەسیش چاكبوونەوە


خەڵك- بەشی هەواڵ
فەرمانگەی تەندروستی پارێزگای بەسڕە ئاشكرای دەكات، كە 6 كەسی دیكە تووشی كۆرۆنا بوون و چەند كەسێكیش چاكبوونەوە.

فەرمانگەی تەندروستی بەسڕە لە ڕاگەیەنراوێكدا ئاماژەی بەوەكردووە، كە لە 24 كاتژمێری ڕابردوودا 6 كەس لە شارەكە تووشی ڤایرۆسی كۆرۆنا بوون و 4 كەسیش چاكبوونەتەوە.

ڕاشیگەیاندووە، كۆی گشتی ئەوانەی لە سنووری پارێزگاكە تووشی كۆرۆنا بوون تا ئێستتا گەیشتۆتە 147 كەس و لەهەمان كاتدا 52 كەس چاكبوونەتەوە.

ڕوونیشی كردۆتەوە، كە تاوەكو ئێستا 82 نەخۆش لەژێر چاودێری پزیشكیدان و لەژێر وەرگرتنی دەرماندان.

بەردەوام بە لە خوێندنەوە

کوردستان