ئێمە لە تۆرە کۆمەڵایەتیەکان

کوردستان

شارەزایەكی ئایتی: خوێندنی ئۆنلاین لەهەرێمی كوردستان سەركەوتوو نابێت

خەڵك – بەشی هەواڵ

وەزارەتی خوێندنی باڵا و توێژینەوەی زانستی لەهەوڵدایە بۆ بەئۆنلاینكردنی سیستمی خوێندن، ئەمەش لەلایەن بەشێك لەشارەزایانی ئایتی و بەشێك لەخوێندكارانەوە ڕێگەیەكی سەركەوتوو نییە، چونكە خوێندكاران پێدوایستییەكانیان لەبەردەست نییە و ناكرێت بەشێك لەخوێندكاران بكرێنە قوربانی.

لەكۆتا كۆبوونەوەی ئەنجومەنی وەزارەتی خوێندنی باڵا و توێژینەوەی زانستی لەڕێگەی ڕاگەیەندراوێكەوە، دڵنیایی دەدرێتە خوێندكاران كە بژاردەی گونجاو لەبەردەستن بۆ پاراستنی خوێندنی ئەمساڵ، تا دەگاتە پەیڕەوكردنی شێواز و سیستمی ئۆنلاین، كە یەكێكە لەو بژاردانەو داوا لە زانكۆكان كرا، لەڕوی لۆجیستی و تەكنیكییەوە ئامادەكاری پێویستی بۆ بكەن.

سەركۆ هاوڕێ، شارەزا لەتەكنەلۆژیای زانیاری بە(خەڵك)ی ڕاگەیاند، لە هەرێمی كوردستان خوێندنی ئۆنلاین بەباشی جێبەجێناكرێت و ئەنجامێكی سەركەوتووی نابێت.

ئاماژەی بەئەوەشدا، بڕوانامەی خوێندنی ئۆنلاین لەیاساكانی عیراقدا دانپێدانراو نییە، بۆیە پێشئەوەی سیستمی خوێندن بكرێتە ئۆنلاین، دەبێت بەیاسا لەپەڕلەمانی عیراقەوە دانیپێدابنرێت، هاوكات بەجۆرێك بێت لەئاستی نێودەوڵەتی كار بەو بڕوانامەیە بكرێت.

ئەوەشی خستەڕوو، خوێندنی ئۆنلاین كۆمەڵێك پێویستی پێویستە، بۆ نمونە (ئینتەرنێتی بەردەوام و خێرا، كارەبای بەردەوام، ئیمەیڵی تایبەتی خوێندكار، ئامێرێك وەك لاپتۆپ یان مۆبایلێكی زیرەكی پێشكەوتوو)، بەڵام هیچ كام لەم پێداویستییانە بەبەردوامی لەبەردەستی خوێندكار نییە، بۆنمونە هێڵی ئینتەرنێت خاوە و هەموو خوێندكارێك نییەتی و ئەو خوێندكارانەی لەدەرەوەی شارەكانیشن هەندێكیان شەبەكەیان ناگاتێ، لەلایەكی دیكەوە بەشێك لەخوێندكاران لاپتۆپ و مۆبایلی زیرەكی پێشكەوتوویان نییە، كەواتە تەواوی پڕۆسەكە وەستا و سەركەوتوو نەبوو و زەرەرمەندی یەكەم خوێندكار دەبێت لەپڕۆسەكەدا.

وتیشی:” لێرە خوێندكار ڕاهاتووە لە هۆڵەكانی خوێندن وانە بخوێنێت و توانای تێگەیشتنی باشترە وەك لەوەی دابنیشێت بەدیار مۆبایلەكەیەوە و گوێ لە مامۆستاكەی یان ڤیدیۆیەك بگرێت”.

پێداگری لەوەكرد، كە ئەگەر حوكمەت یان زانكۆ بیەوێت پەیڕەوی سیستەمی ئۆنلاین بكات، پێویستە ئینتەرنێت و تەواوی پێویستییەكان بۆ تەواوی خوێندكاران و مامۆستایان لەسەرجەم شار و گوندەكان دابین بكات.

وتیشی:” لەهەرێمی كوردستان هەوڵێك هەیە، بۆئەوەی خوێندنی ئەمساڵ بەهەر شێوەیەكبێت تێپەڕێنرێت، بۆ ناوبانگی خۆیان لای وڵاتان جا سەركەوتووبێت یان نا لای ئەوان گرنگ نییە، ئەمە لەكاتێكدایە چەندین وڵاتی پێگەیشتوو و تێگەیشتوو خوێندنی ئەمساڵیان هەڵپەساردووە و خوێندكاری خۆیان ناكەنە قوربانی”.

ناوبراو دەشڵێت:”خوێندكار ڕوحی زانكۆیە، زانكۆ و پەیمانگاكان بۆ خزمەت و پێگەیاندنی خوێندكارە نەك بەڕێكردن، پێویستە خوێندكاران بڕیار بدەن ئایا دەتوانن و ئامادەن و پێویستییەكانیان هەیە بۆ خوێندن بەو شێوازە یان نا، نەوەك لەسەرەوە بە كۆبونەوەیەكی ئۆنلاین بڕیار دەربكەن، بێئەوەی گوێ بدەن بە گرفتەكانی هەزاران خوێندكار، دەبێت واقعەكەیان لەبەرچاوبێت، ئێرە سوید و ئەڵمانیا و یابان و چین نیە، ئێرە كوردستانە بە هەزاران كەموكوڕییەوە”.

ئەمە لەكاتێكدایە 91 توشبووی ڤایرۆسی كۆرۆنا و دوو حاڵەتی مردن و 22 چاكبوونەوە لەهەرێمی كوردستان تۆماركراون و ماوەی زیاتر لە 10 ڕۆژە قەدەغەی هاتوچۆ لەهەرێمی كوردستان بەمەبەستی خۆپارێزی لەڤایرۆسی كۆرۆنا ڕاگەیەندراوە.

ریکلام

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان