ئێمە لە تۆرە کۆمەڵایەتیەکان

کوردستان

له‌چین، ڤایرۆسه‌كه‌ سه‌ریهه‌ڵداوه‌ته‌وه‌

خەڵک ـ لوقمان غه‌فوور

ڤایرۆسی كۆرۆنا كه‌ وۆهان سه‌نته‌ری بڵاوبوونه‌وه‌ی ڤایرۆسه‌كه‌ بوو دوو رۆژه‌ له‌ چه‌ند كه‌رتێكی تر له‌ چین سه‌ریهه‌ڵداوه‌ته‌وه‌ و 78ی كه‌یسی نوێ له‌ كه‌رتی هێبی، رۆژی 23ی ئازار تۆماركراوه‌.

رێكخراوی ته‌ندروستی جیهانی هه‌موو ئومێدێكی له‌سه‌ر كۆنترۆڵكردنی ڤایرۆسی كۆرۆنا (COVID-19) له‌ چین هه‌ڵچنیبوو. ئه‌ویش دوای 5 رۆژ له‌ تۆمارنه‌كردنی هیچ كه‌یسێك له‌ شاری وۆهان كه‌چی له‌ناكاو له‌ له‌ كه‌رتی هێبی ڤایرۆسی كۆرۆنا رۆژی 22ی ئازار-ه‌وه‌ سه‌ریهه‌ڵداوه‌ته‌وه‌ 35 كه‌یش تۆماركراوه‌ و رۆژی 23ی ئازاریش بووه‌ته‌ نزیكه‌ی دوو ئه‌وه‌نده‌ (78) كه‌یس و7 كه‌سیش مردوون.

به‌پێی راپۆرتێكی رۆیته‌رز، سه‌نته‌ری سه‌ره‌كی ڤایرۆسه‌كه‌ له‌ چین دوو هێنده‌ی رۆژانی رابردوو تووشبوون زیادی كردووه‌ له‌كاتێكدا هێشتا هیچ جوله‌یه‌كی هاتووچۆ له‌ شاره‌كانی چین ئاسایی نه‌بۆته‌وه‌ ته‌نیا ده‌روازه‌ی شاره‌كه‌ به‌رووی یه‌كدا كراوه‌ته‌وه‌.

هه‌روه‌ها به‌پێی سه‌رچاوه‌یه‌كی یو ئێس نیوز، لیژنه‌ی نیشتمانی چین رایگه‌یاندووه‌ كه‌ پایته‌ختی چین كه‌ په‌كین-ه‌ زیرترین تووشبووی تۆماركردووه‌ كه‌ 31 حاڵه‌ته‌ و كه‌رتی گواندۆنگ 14 كه‌یس و سه‌نته‌ری شه‌نگهای دارایی 9 خاڵه‌ت. تێكراش له‌سه‌تاسه‌ری چین به‌ كه‌رتی هێبی-یه‌وه‌ گه‌یشتۆته‌ 427 له‌ نێوان 22-23 مانگ.

كۆرۆنا ڤایرۆس ده‌ردێكی كوشنده‌ سه‌رتاپای جیهانی گرتۆته‌وه‌ كه‌ تووشی كۆئه‌ندامی هه‌ناسه‌ ده‌بێت. تا رۆژی 24ی ئازار ژماره‌ی ئه‌وانه‌ی تووشی ڤایرۆسه‌كه‌ بوون گه‌یشتۆته‌ 384 هه‌زار و 146 كه‌س و ئه‌وانه‌شی مردوون به‌ نه‌خۆشییه‌كه‌ گه‌یشتۆته‌ 16 هه‌زار و 575 كه‌س و 105 هه‌زار و 243 كه‌سیش چاكبوونه‌ته‌وه‌.

کوردستان

وێنە.. لە شارەزوور ژمارەیەك گەنجی خۆبەخش بەشێك لە هێما شكاوەكانی هاتوچۆی سنوورەكە و نوێدەكەنەوە

خەڵك – یەحیا حبیب

ئەمشەو دووشەممە، ژمارەیەك لە گەنجانی شارۆچكەی شارەزوور هەستان بە چاككردنی بەشێك لە هێما شكاوەكانی هاتوچۆی سنوورەكە و نوێكردنەوە و دانانی لەزگەی درەوشاوەی هاتوچۆ بۆ هێماكان.

كاروان كەریم، یەكێكە لەو گەنجە خۆبەخشانە و بە (تۆڕی میدیایی خەڵك)ی ڕایگەیاند، “ئێمە لە سۆنگەی بەرپرسیارێتیمانەوە لەگەڵ ستافێك لە گەنجی ماندوو نەناسی سنوورەكە هەڵدەستین بە چاكردنەوەی ئەو هێمای هاتوچۆیانەی كە شكاون بە هەر هۆكارێك یان خراپ بوون، لەگەڵ ئەوەشدا لەزگەی درەوشاوەی شەو لەو هێمایانە دەدەین كە شۆفێر پێویستە ئاگاداری بێت لە پێشییەوە چی هەیە “.

ئەو گەنجە خۆبەخشە وتیشی، “ڕێگای شارەزوور، دەربەندیخان و ئیدارەی گەرمیان و مەرزی پەروێزخان و سەیدسادق و پێنجوێن و پارێزگای هەڵەبجە پێكەوە دەبەستێت، بۆیە زۆرینەی شۆفێرەكان دەكرێت نوێ بن وە شارەزار ڕێگا نەبن”.

كاروان كەریم ئاماژەی بەوەشكرد، “چاككردنی هێماكان و نوێكرنەوەی لەزگەی هاتوچۆ سوودێكی باشی دەبێت بەتایبەت لە شەواندا، چونكە هێماكانی هاتوچۆ لەگەڵ شۆفێراندا دەدوێت و بەمەش ڕووداوی نەخوازراوی هاتوچۆ لە ناوچەكە زۆر كەمتر دەكات”.

 

بەردەوام بە لە خوێندنەوە

کوردستان

قەڵادزێ.. بەهۆی دەمەقاڵێوە دوو كەس بریندار بوون

خەڵك – بەشی هەواڵ

بەڕێوەبەرایەتی پۆلیسی ڕاپەڕین ڕایدەگەیەنێت: ئەمڕۆ دوو بریندار گەیەنرانە نەخۆشخانەی قەڵادزی كە شوێنی فیشەك و چەقۆ بەسەر جەستەیانەوە بووە.

بەڕێوەبەرایەتی پۆلیسی ڕاپەڕین لە ڕاگەیەنراوێكدا ڕایگەیاند: ئێوارەی ئەمڕۆ دوو بریندار گەیەنرانە نەخۆشخانە كە یەكێك لە بریندارەكان بەناوی ( ع . ح . م ) لەدایك بووی ساڵی 1997 پیشەی كاسب، دانیشتووی قەڵادزێ گەڕەكی كارەبا شوێنەواری دوو فیشەك بە هەردوو قاچییەوە هەیە و بریندارەكەی تریش شوێنەواری چەقۆ بەسەر جەستەیەوە هەیە.

پۆلیسی ڕاپەڕین ڕوونیشیكردووەتەوە، بەوتەی یەكێك لە بریندارەكان بەهۆی دەمەقاڵێ شەڕ لەنێوان ئەوان و چەند گەنجێكی تر دروستبووە و دواتر ئاڵۆزی كەوتووەتە نێوانیان و چەكی جۆری دەمانچە و چەقۆ بەكار هاتووە.

بەڕێوەبەرایەتی پۆلیسی ڕاپەڕین ئاشكراشیكردووە، دۆسیەی لێكۆڵینەوە بە ماددەكانی 405 /31 لە یاسایی سزادانی عیراقی و ماددەی 413 لە یاسای سزادانی عیراقی ڕێكخراوە و لێكۆڵینەوەش بەردەوامە.

بەڕێوەبەرایەتی پۆلیسی ڕاپەڕین ئاماژەی بەوەشداوە، بە بڕیاری دادوەر 3 كەس لە هەردوو لایەن ڕاگیركران و دوای ڕووداوەكەش مەفرەزەكانیان لە نووسینگەی نەهێشتنی تاوانی پشدەر و پۆلیسی فریاكەوتنی پشدەر گەیشتوونەتە شوێنی مەبەست و دەستبەجێ ڕووداوەكەیان كۆنتڕۆڵكردووە و دەستیش گیراوە بەسەر چەكی بەكارهاتوو و چەقۆكەدا.

بەردەوام بە لە خوێندنەوە

کوردستان

فەرهاد پیرباڵ دامەزرایەوە

خەڵك – بەشی هەواڵ

بە فەرمانی مەسرور بارزانی سەرۆكی حكومەتی هەرێم فەرهاد پیرباڵ وەك مامۆستای زانكۆی سەلاحەدین دامەزرایەوە.

د. فەرهاد پیرباڵ مامۆستای زانكۆ ماوەی زیاتر لە ساڵ و نیوێكە لە كارەكەی دوورخراوەتەوە، ئەمڕۆش بە فەرمانی ژمارە (1354) لە 28/7/2020 كە واژۆی د. ئومێد سەباح سەرۆكی دیوانی ئەنجومەنی وەزیرانی هەرێمی لەسەرە ئاماژە بەوەكراوە لەسەر فەرمانی سەرۆكی ئەنجومەنی وەزیران بڕیاریانداوە بە دامەزراندنەوەی (د.فەرهاد پیرباڵ عومەر) بەناونیشانی (مامۆستا) بە شێوەی هەمیشەیی) لەسەر میلاكی وەزارەتی خوێندنی باڵا و توێژینەوەی زانستی / زانكۆی سەڵاحەدین / كۆلیژی پەرەوەردە. بەمووچە و دەرماڵەی شایستە لە ڕێكەوتی دەستبەكاربوونی.

د. فەرهاد پیرباڵ لە بارەی دووبارە دامەزراندنەوەی لە لاپەڕەی فەڕمی خۆی لە تۆڕی كۆمەڵایەتی فەیسبوك دەڵێت:”ٳنشا‌ءاللە دەچمەوە خزمەتی قوتابیەكانم، سوپاسی هەمووان دەكەم،، تكایە بگات بەدەستی سەرۆك زانكۆی سەلاحەددین دكتۆر جەوهەر: لە بڕیارەكە نووسراوە “دامەزراندنەوە”. ئەمەش واتە دیارە من پێشتر فەسڵكرابووم و ساڵێك و 8 مانگە یەك فلس مووچەی زانكۆشم وەرنەگرتووە.. ئێستا بەم بڕیارەی سەرۆك حكوومەت، سەرلەنوێ، وەك ئەوەی تازە لە پاریس هاتبوومەوە لە 1994 دامەزرام لە زانكۆ.”.

بەردەوام بە لە خوێندنەوە

کوردستان