ئێمە لە تۆرە کۆمەڵایەتیەکان

ئابوری

كۆرۆنا مانگی 100 ملیار یورۆ زیان بە ئیتاڵیا دەگەیەنێت

خەڵك-بەشی هەواڵ
یەكێتی پیشەسازی ئیتاڵیا، زیانە ئابوورییەكانی وڵاتەكە مەزەندە دەكات بەهۆی ڕاوەستانی كەرتەكانی بەرهەمهێنان بۆ بەرگرتن لە بڵاوبوونەوەی ڤایرۆسی كۆرۆنا كە ژمارەی تووشبوان بەو ڤایرۆسە كوشندەیە لەو وڵاتەدا 59 هەزار حاڵەتی تێپەڕاندووە.

ڤینسنزۆ بۆكیا سەرۆكی یەكێتی پیشەسازی لە ئیتاڵیا ڕایگەیاندووە”زیانە ئابوورییەكانی وڵات بەهۆی ڕاوەستانی بەرهەم لە مانگێكدا دەگاتە 100 ملیار یورۆ”.

بە وتەی بۆكیا”ئابووری ئیتاڵیا لە دوای هەڵپەساردنی چالاكییەكانی بەرهەمهێنان، لە ئابووری باریی نائاساییەوە گوازرایەوە بۆ ئابووری سەربازی. كۆی گشتی قەبارەی بەرهەمی ئابووری ناوخۆی ئیتاڵیا كە دەگەیشتە 1800 ملیار یورۆ لە ساڵێكدا، لەگەڵ رٍِاوەستانی 70%ی بەرهەم، واتای ئەوەی دەگەیەنێت كە وڵات مانگانە 100 ملیار یورۆ زیانی پێگەیشتووە”.

ئەو بەرپرسە ئیتاڵییە دەڵێت”نزیكەی 70%ی چالاكییەكانی بەرهەمهێنان لەدوای ڕێنماییەكانی حكومەتەوە ڕاوەستاون”.

لە چوارچێوەی بەرگرتن لە بڵاوبوونەوەی ڤایرۆسی كۆرۆنا، دوێنێ‌ یەك شەممە، حكومەتی ئیتاڵیا فەرمانی كرد بە ڕاگرتنی تەواوی چالاكییەكانی بەرهەمهێنان لە ئیتاڵیا، جگە لە بەرهەم ستراتیژی و پێویستەكان.

بەپێی دوایین پەرەسەندنی پەیوەست بە كۆرۆنا لە ئیتاڵیا، ئاژانسی (رۆیتەرز) لە زاری سەرچاوەیەكی ئاگادارەوە بڵاویكردەوە، 320 حاڵەتی گیانلەدەستدانی نوێ‌ بە كۆرۆنا لە هەرێمی لۆمباردیای ئیتاڵیا تۆماركراوە، ئەمەش كەمبوونەوەیەكی بەرچاو لە ژمارەی گیانلەدەستدان لەو ناوچەیەدا دەگەیەنێت كە بە سەرچاوەی بڵاوبوونەوەی ڤایرۆسەكە لە ئیتاڵیا دادەنرێت.

.

ئابوری

كەی دابەشكردنی مووچە دەستپێدەكات؟

خەڵك- بەشی هەواڵ
نزیكەی 40 ڕۆژ تێدەپەڕێت بەسەر دابەشكردنی مووچەی مانگی (شوبات)، بەڵام تا ئێستا هیچ وادەیەك بۆ دابەشكردنی مووچەی مانگی (ئازار)ی فەرمانبەران دیاری نەكراوە و حكومەتی هەرێم خۆی لەئاستی بێدەنگ كردووە.

لە 27ی حوزەیرانی ئەمساڵ بە وەزارەتی تەندروستی دابەشكردنی مووچەی مانگی شوبات دەستی پێكرد بە لێبڕینی 21% بۆ فەرمانبەران و 50% بۆ پلەباڵاكان ئەویش دوای دواكەوتنی بۆ نزیكەی 60 ڕۆژ، هاوكات لە ئێستاشدا نزیكەی 40 ڕۆژ تێدەپەڕێت بەسەر ئەو بەروارەدا و هیچ وادەیەك بۆ پێدانی مووچەی مانگی ئازار دیاری نەكراوە و بەرپرسانی دارایی-ش هیچ لێدوانێك لەو بارەیەوە نادەن.

لە ماوەی ڕابردوودا، جوتیار عادل، وتەبێژی فەرمی حكومەتی هەرێم لە كۆنگرەیەكی ڕۆژنامەوانیدا ڕایگەیاند، كە ئەولەویەتی حكومەتی هەرێم دابەشكردنی مووچەیە، بەڵام داهات كەمی كردووە و بەپێی بەردەستبوونی داهات مووچە دەدرێت.

بەگوێرەی زانیارییەكان، حكومەتی هەرێم چاوەڕێی ڕێككەوتنە لەگەڵ بەغدا بۆ ئەوەی پارەی لە بەغداوە بۆ بێت و ئەوجا دەست بە دابەشكردنی مووچە بكات، بەڵام تا ئێستا حكومەت نیازی خۆی ئاشكرانەكردووە ئاخۆ بەتەواوی مووچە دابەش دەكات یاخود بە لێبڕینەوە.

جێ باسە لە ئێستادا بڕی پارەی مووچەخۆرانی هەرێم لای حکومەت بەم شێوەیەیە:
12 مووچەی تەواو
32 مووچەی پاشەکەوت
یەک مووچەی لێبڕینی 21%

بەردەوام بە لە خوێندنەوە

ئابوری

خەڵك؛ زانیاری لەسەر بەشەخۆراكی مانگانەی هاووڵاتیان بڵاودەكاتەوە

خەڵك- بەشی هەواڵ
هەرچەندە بەهۆی بڵاوبوونەوەی ڤایرۆسی كۆرۆنا و قەیرانی داراییەوە چەند مانگێكە تەنها برنج وەك بەشەخۆراك دابەشكراوە، بەڵام بڕیارە لە ڕۆژانی داهاتوودا بەشەخۆراكی مانگانە بەشێوەی ئاسایی دەست بە دابەشكردنی بكرێتەوە.

شەوكەت محەمەد، بەڕێوەبەری كۆمپانیای دابەشكردنی خۆراك لە سلێمانی بۆ (خەڵك) ڕایگەیاند، كە ماوەی چەند مانگێكە بەشێوەیەكی زۆر كەم بەشەخۆراك دێت بۆ سلێمانی و تەنها برنج دابەش كراوە و بۆ ئەم مانگەش تەنها برنج هاتووە و دابەش دەكرێت.

ڕاشیگەیاند، كە هۆكاری ئەوە پەیوەندی بە قەیرانی دارایی و ڕێكارەكانی قەدەغەی هاتووچۆ و خۆپارێزی لە ڤایرۆسی كۆرۆنا بووە، چونكە عیراقیش بە قۆناغێكی سەختدا تێدەپەڕێت و لە قەیراندایە.

ئاشكراشی كرد، كە لەگەڵ بەڕێوەبەری گشتی دابەشكردنی خۆاك لە بەغدا قسەی كردووە و بڕیاریانداوە دوای جەژنی قوربان بەشەخۆراكی تەواو ڕەوانە بكرێت و دەست بە دابەشكردنی بكەن.

بەردەوام بە لە خوێندنەوە

ئابوری

عیراق خاوەنی پێنجەم گەورەترین یەدەگی نەوتە لە جیهاندا

خەڵك- بەشی هەواڵ
عیراق لە پلەی پێنجەمی جیهان و لە پلەی دووەمی وڵاتانی عەرەبیدایە لەڕووی یەدەگی نەوت، ئەمەش بەپێی دامەزراوەی پۆلێنی GFPی جیهانی.

دامەزراوەكە لە ڕاپۆرتێكیدا بۆ ساڵی 2020 ڕایگەیاندووە”یەدەگی نەوتی خاوی عیراق دەگاتە 142 ملیار و 500 ملیۆن بەرمیل، بەمشێوەیە لە پلەی پێنجەمی جیهاندایە لە دوای هەریەك لە ڤەنزوێلا كە خاوەنی 3 ملیار و 700 ملیۆن بەرمیلە، و سعودیە كە لە پلەی دووەمدایە بە بڕی 266 ملیار و 500 ملیۆن بەرمیل، و كەنەدا لە پلەی سێیەمدایە بە بڕی 169 ملیار و 700 ملیۆن بەرمیل، لەپلەی چوارەمیش ئێرانە كە خاوەنی 158 ملیار و 400 ملیۆن بەرمیلە”.

هەر لە ڕپۆرتەكەی GFPدا هاتووە”عیراق لە دوای سعودیە لە پلەی دووەمی وڵاتە عەرەبییەكانە كە خاوەنی گەورەترین یەدەگی نەوتە، پاشان كوێت لە پلەی سێیەمدایە كە بڕی 101 ملیار و 500 ملیۆن بەرمیل نەوتی یەدەگی هەیە، لە پلەی چوارەمی وڵاتانی عەرەبیش ناوی ئیمارات هاتووە كە 97 ملیار و 800 ملیۆن بەرمیل نەوتی یەدەگی هەیە”.

وەزارەتی نەوتی عیراق، لە ساڵی 2017 ڕایگەیاندبوو، یەدەگی نەوتی عیراقی بۆ 153 ملیار بەرمیل بەرزبۆتەوە، ئاماژەی بە داواكارییەكیش كردبوو كە پێكەشی ئۆپیكی دەكات، تا لە ڕێكخراوەكە پشتی پێببەسترێت.

بەردەوام بە لە خوێندنەوە

کوردستان