ئێمە لە تۆرە کۆمەڵایەتیەکان

جیهانی

دوای لێدوانەکانی… ڕایۆلا یەکێک لەم پێنج بۆندە گەورەیە لەگەڵ ڕیاڵ مەدرید ئیمزا دەکات


خەڵک سپۆرت

مینۆ ڕایۆلا، لێپرسراوی کاروباری یاریزانان و یەکێک لە بەهێزترین کەسایەتییە بازرگانییەکانی بواری تۆپی پێ بەڵێن دەدات لەگواستنەوەکانی هاوینەدا یەکێک لە بریکارەکانی بگوێزێتەوە بۆ یانەی ڕیاڵ مەدرید.

لەماوەی ڕابردوودا ڕایۆلای ناسراو بە “ڕێوی گواستنەوەکان” لەچاوپێکەوتنێکدا بە ڕۆژنامەی “مارکا”ی ئیسپانی ڕاگەیاند :” پەیوەندیم لەگەڵ ئەنخێل سانچێزی بەڕێوەبەری جێبەجێکاری یانەی ڕیاڵ مەدرید زۆر باشە، دەمەوێت لە گواستنەوەکانی هاوینە یەکێک لە یاریزانەکانم بگوێزمەوە بۆ یانەی ڕیاڵ مەدرید، کە ئەوە شەرەفە بۆ خۆم و ئەو یاریزانەش”.

سەرچاوەکان پێیان وایە، بەڵێنەکانی ڕایۆلا ڕاستەقینە بوون و لە هاوینی داهاتوو یەکێک لەو یاریزانە ناودارانەی سەرپەرشتییان دەکات ئاڕاستەی یانەی ڕیاڵ مەدرید دەکات.

پرسیارەکە ئەوەیە: کام یاریزانانەی تایبەتن بە مینۆ ڕایۆلا لەلایەن یانەی ڕیاڵ مەدریدەوە خواستیان لەسەربووە؟

وەک وەڵامێک، میدیاکانی ئەوروپا ئەگەرەکانیان لەسەر چوار یاریزان بونیادناوە، ئەوانیش ئەم یاریزانانەن:

  • پۆل پۆگبا: ناوەندسازە فەرەنسییەکە دوو وەرزە داواکراوی یانەی ڕیاڵ مەدریدە و حەز دەکات درێسی مێرەنگی بپۆشێت، بەڵام کێشە لە یانەی مانچستەر یونایتددایە ئامادەنین دەستبەرداری بن بە کەمتر لە (١٠٠) ملیۆن یورۆ.

 

  • جیانلویجی دونارۆما: گۆڵپارێزە لاوەکەی یانەی میلان یەکێکە لەو یاریزانانەی زۆرینەی یانە زەبەلاحەکانەوە چاویان بڕیوەتە تواناکانی، سەرباری ئەوەی ئەگەرێک هەیە پەیوەندی بە یانەی ڕیاڵ مەدریدەوە بکات، بەڵام بوونی تیبۆ کۆرتوا دەمانگەیەنێتە ئەو بۆچوونەی گواستنەوەکە ئەگەرێکی لاوازە.

 

  • مارکۆ ڤیراتی: لەڕابردوودا داواکراوی یانەی ڕیاڵ مەدرید و تەنانەت یانەی بەرشلۆنەش بووە، ئەگەر پەیوەندی بە یانەی ڕیاڵ مەدریدەوە بکات بەخێرایی جێگەی خۆی لە پێکهاتەکانی زینەدین زێداندا دەکاتەوە، چونکە ڕاهێنەرەکە بەدوای شوێنگرەوەی لوکا مۆدریچدا دەگەڕێت و ڤیراتی هاوشانی پۆگبا و ڤان دی بیک بۆ ئەو پێگەیە دیاریکراون.

 

  • دونێل مالین: لاوێکی بەهرەمەندی یانەی ئایندهۆڤنی هۆڵەندییە و لەم وەرزەدا بە تۆمارکردنی ١٧ گۆڵ لە ٢٥ یارییدا سەرنجی یانە گەورەکانی ڕاکێشاوە، تەمەنی ٢١ ساڵە و گواستنەوەی بۆ یانەی ڕیاڵ مەدرید قورسە، چونکە چەندین یانەی تری وەک بەرشلۆنە و یانە ئینگلیزییەکان ئامادەییان نیشانداوە بۆندی گەورەی پێشکەش بکەن.

 

  • ئێرلینگ هالاند: هێرشبەرە زەبەلاحەکەی نەرویج لەزستانی ٢٠٢٠ لە یانەی سالزبۆرگەوە پەیوەندی بە یانەی دۆرتمۆندەوە کرد، بەدرێسی یانە ئەڵمانییەکەوە هەمووانی سەرسام کردووە، تەنانەت بەر لەوەی هەنگاو بۆ ئەڵمانیا بنێت لەلایەن چەندین یانەی گەورەی وەک ڕیاڵ و بارسا و یونایتد و سیتیەوە داواکراو بووە.

جیهانی

دۆرتمۆند دەرگای بۆ سانچۆ کردەوە: ناچارین بەرامبەر خواستی یاریزانەکە کۆڵبدەین


خەڵک سپۆرت

بەڕێوەبەری جێبەجێکاری یانەی بروسیا دۆرتمۆندی ئەڵمانی دەرگای گواستنەوە بۆ جادۆن سانچۆی ئەڵمانی دەکاتەوە و دەڵێت: ناچارین بەرامبەر خواستی یاریزانەکە کۆڵبدەین.

سانچۆی ئەستێرەی هەڵکشاوی یانەی بروسیا دۆرتمۆند لەلایەن چەندین یانەی زەبەلاحی ئینگلیزییەوە داواکراوە لەپێش هەموویانەوە یانەی مانچستەر یونایتد.

سەرچاوەکان ئاماژەیان کردووە، کە ئیدارەی یانەی مان یونایتد هەوڵەکانیان بە ئاڕاستەی گەوهەرە ئینگلیزییەکە چڕکردۆتەوە و لە گواستنەوەکانی هاوینەی ٢٠٢٠ بۆندی هەژێنەری پێشکەش دەکەن، تەنانەت میدیاکانی ئەو وڵاتە پێیان وایە ئیمزاکردنی بۆندەکەی مسۆگەرە.

لەم بارەیەوە هانز یواکیم ڤاتسکەی بەڕێوەبەری جێبەجێکاری یانە ئەڵمانییەکە بە بێڵدی ئەڵمانی ڕاگەیاندووە :” بەر لە دروستبوونی قەیرانی کۆرۆنا بڕیارماندا سانچۆ لەڕیزەکانمان بهێڵینەوە، بەڵام لەکۆتاییدا وا دیارە دەبێت بەرامبەر خواستی یاریزانەکە کۆڵبدەین”.

سانچۆ لەم وەرزەدا ٣٥ یاریی بۆ یانەی دۆرتمۆند کردووە و ١٧ گۆڵی تۆمارکردووە و ١٩ گۆڵیشی دروستکردووە، زۆرینەی سەرچاوەکان پێیان وایە یاریزانە تەمەن ٢٠ ساڵەکە بە بڕی ١٠٠ ملیۆن یورۆ پەیوەندی بە یونایتدەوە دەکات.

ڕۆژنامەی “دەیلی ستار”ی بەریتانیش دووپاتی کردۆتەوە، کە یاریزانە لاوەکە ئۆفەرەکانی یانەی مان سیتی و پاریس سانت جێرمانی ڕەتکردۆتەوە و چاوەڕوانی هەنگاوی یەکلاکەرەوەی ئید ودواردی بەڕێوەبەری جێبەجێکاری یانەی مانچستەر یونایتدە.

بەردەوام بە لە خوێندنەوە

جیهانی

مانچستەر یونایتد بە گواستنەوەی گەوهەرەکەی ئەتلەتیکۆ گرانبەهاترین بۆند لەمێژوویدا ئیمزا دەکات


خەڵک سپۆرت

سەرچاوەکانی هەواڵ لە بەریتانیا دووپاتیدەکەنەوە، ئیدارەی یانەی مانچستەر یونایتد خۆیان بۆ قۆناغی دوای پۆل پۆگبای فەرەنسی ئامادەکردووە و چاویان بڕیوەتە گەوهەرێکی یانەی ئەتلەتیکۆ مەدرید.

ڕۆژنامەی “دەیلی ستار”ی بەریتانی ئاشکرای کردووە، نوێنەرانی یانەی مانچستەر یونایتد لەڕووبەڕوبونەوەی نێوان یانەکانی ئەتلەتیکۆ مەدرید و لیڤەرپوڵ چاودێری بەردەوامی ساول نیگوێزی ئیسپانی ئەستێرەی لاوی یانەی ئەتلەتییان کردووە.

بەپێی سەرچاوەکە، ئۆلی گۆنار سۆڵشایەری نەرویجی ڕاهێنەری یانەی مان یونایتد پێی وایە نیگوێز بەباشترین شێوە پێگەی پۆل پۆگبا پڕدەکاتەوە، لەحاڵی ماڵئاواییکردنی یاریزانە فەرەنسییەکەدا.

هەوڵەکانی یونایتد دوای ئەوەدێت کە یانەکانی ڕیاڵ مەدرید و یوڤانتۆس سوربوونی خۆیان لەسەر کڕینی پۆگبای فەرەنسی دەربڕیوە و بڕیارە لە هاوینی ٢٠٢٠ بۆندی گەورەی پێشکەش بکەن.

دەیلی ستار ئاماژەی کردووە کە نرخی پۆگبا بۆ هەر یانەیەکی داواکراو لە (١٠٠) ملیۆن پاوەند زیاترە، ئەگەر گواستنەوەکە ئەنجام بدرێت ئەوا ئید ودواردی بەڕێوەبەری جێبەجێکاری یانە سورە زەبەلاحەکەی مانچستەر پارەی بەدەستهاتووە لەکڕینی ساول نیگوێزدا بەکاردەخاتەوە، کە بڕی گواستنەوەی دەگاتە سنوری (١٣٥) ملیۆن پاوەند.

نیگوێز تەمەنی ٢٥ ساڵە و یەکێکە لە یاریزانە کاریگەرەکانی پێکهاتەی دیێگۆ سیمیۆنی، چەند وەرزێکە بە ئاستە بەرزەکەی سەرنجی یانە زەبەلاحەکانی ئینگلتەرای ڕاکێشاوە.

بەردەوام بە لە خوێندنەوە

جیهانی

ڕیاڵ و بارسا و لیڤەرپوڵ.. کلاسیکۆی سێ قۆڵی لەسەر بەرگریکارێکی خولی ئەڵمانیا ڕوودەدات


خەڵک سپۆرت

یانەکانی ڕیاڵ مەدرید و بەرشلۆنە و لیڤەرپوڵ لە وادەی گواستنەوەکانی هاوینەی ٢٠٢٠دا ململانێ لەسەر گواستنەوەی بەرگریکارێکی فەرەنسی دەکەن.

ڕۆژنامەی “ئاس”ی ئیسپانی ئاشکرای کردووە، کیکی سیتینی ڕاهێنەری یانەی بەرشلۆنە گڵۆپی سەوزی بۆ ئیرک ئەبیدال و بەڕێوەبەرانی یانە کەتەلۆنییەکە داگیرساندووە تا لە گواستنەوەکانی هاوینەی ٢٠٢٠دا گفتوگۆی گواستنەوەی دایۆت ئۆپامیکانۆی بەرگریکاری فەرەنسی یانەی لایپزیگی ئەڵمانی بکەن.

ڕاهێنەرە ئیسپانییەکە پێی وایە، ئۆپامیانکۆی فەرەنسی لەتوانایدایە کێشە بەرگرییەکانی ئەم وەرزەی بەرشلۆنە چارەسەر بکات، بەڵام پێناچێت گواستنەوەکە بە ئاسانی ئەنجام بدرێت.

سەرچاوەکە ئاشکرای کردووە، کە بەهەمان شێوە زینەدین زێدانی فەرەنسی ڕاهێنەری یانەی ڕیاڵ مەدرید و یۆرگن کلۆپی ئەڵمانی ڕاهێنەری یانەی لیڤەرپوڵ داوای بەرگریکارەکەیان کردووە.

سێ یانەی ناوبراو بەشێوازی جیاواز و لە سێ جەمسەرەوە هەوڵەکانی خۆیان بۆ ئیمزاکردنی بۆندی ئۆپامیکانۆ دەستپێدەکەن و نزیکترینیان ئەو یانەیە دەبێت کە پارەی باشتر دەخاتە سەر مێزی گفتوگۆکان.

ئۆپامیکانۆ یەکێکە لە باشترین بەرگریکارەکانی ئێستای فەرەنسا و خولی ئەڵمانیا، نرخی گواستنەوەی بەبڕی ٦٠ ملیۆن یورۆ خەمڵێنراوە، بەڵام ململانێی سێ یانە زەبەلاحەکە بەدڵنیاییەوە نرخەکە بەرزتر دەکاتەوە.

بەردەوام بە لە خوێندنەوە

کوردستان