ئێمە لە تۆرە کۆمەڵایەتیەکان

جیهانی

بایرن کۆتایی بە خەونەکانی ڕیاڵ و بارسا هێنا و بۆندی ئەستێرەکەی نوێدەکاتەوە


خەڵک سپۆرت

یانەی بایرن میونشنی ئەڵمانی کۆتایی بە مەترسی یانەکانی بەرشلۆنە و ڕیاڵ مەدرید هێنا و گەیشتنە ڕێککەوتن بۆ نوێکردنەوەی بۆندی یەکێک لە باشترین بەرگریکارەکان.

داڤید ئالابای نەمسایی ئەستێرەی هێڵی بەرگری یانەی بایرن میونشن لەهاوینی ٢٠٢١ بۆندەکەی لەگەڵ یانە باڤارییەکە کۆتایی دێت، واتا ناوبراو لە هاوینی ٢٠٢٠ دەتوانێت بە نرخێکی کەمتر لە نرخی دیاریکراو ڕوو لە یانەیەکی دیکە بکات.

یانەکانی ڕیاڵ مەدرید و بەرشلۆنە دەیانویست سود لەو دۆخە ببینن کە ئالابا و یانە ئەڵمانییەکە تیایدان، بۆیە هەریەکەیان لەڕێگەی نوێنەرانیانەوە پەیوەندیان بە لێپرسراوی کاروباری یاریزانەکەوە کردووە، بەتایبەت یانەی بەرشلۆنە کە هەوڵ بۆ دابینکردنی بەرگریکاری باڵی ڕاست و چەپ دەدەن.

بەپێی زانیارییەکانی ڕۆژنامەی “بێڵد”، هەوڵەکانی ڕیاڵ و بارسا بۆ ئیدارەی یانەی بایرن میونشن مەترسی بووە، بۆیە لەنێوان دوێنێ و ئەمڕۆ گفتوگۆکانیان بۆ نوێکردنەوەی بۆندی بەرگریکارەکەیان چڕکردۆتەوە و گەیشتونەتە ڕێککەوتنێک.

بەم هۆیەشەوە یاریزانەکە دەرگای بەڕووی دوو زەبەلاحەکەی ئیسپانیا داخستووە و بڕیاریداوە لەگەڵ یانە ئەڵمانییەکەی بۆ چوار وەرزی تر بەردەوامبێت.

لەم وەرزەدا ئالابا (٢٨) یاریی بەدرێسی بایرن میونشنەوە ئەنجامداوە و تەنها گۆڵێکی تۆمارکردووە و دوو گۆڵیشی دروستکردووە، لەپێگەی بەرگری باڵی چەپ یەکێکە لە باشترینەکانی جیهان و چەندین ساڵە یانەی ڕیاڵ مەدرید هەوڵ بۆ گواستنەوەی دەدەن، بەڵام لە دابینکردنیدا سەرکەوتوو نەبوون.

جیهانی

دۆرتمۆند دەرگای بۆ سانچۆ کردەوە: ناچارین بەرامبەر خواستی یاریزانەکە کۆڵبدەین


خەڵک سپۆرت

بەڕێوەبەری جێبەجێکاری یانەی بروسیا دۆرتمۆندی ئەڵمانی دەرگای گواستنەوە بۆ جادۆن سانچۆی ئەڵمانی دەکاتەوە و دەڵێت: ناچارین بەرامبەر خواستی یاریزانەکە کۆڵبدەین.

سانچۆی ئەستێرەی هەڵکشاوی یانەی بروسیا دۆرتمۆند لەلایەن چەندین یانەی زەبەلاحی ئینگلیزییەوە داواکراوە لەپێش هەموویانەوە یانەی مانچستەر یونایتد.

سەرچاوەکان ئاماژەیان کردووە، کە ئیدارەی یانەی مان یونایتد هەوڵەکانیان بە ئاڕاستەی گەوهەرە ئینگلیزییەکە چڕکردۆتەوە و لە گواستنەوەکانی هاوینەی ٢٠٢٠ بۆندی هەژێنەری پێشکەش دەکەن، تەنانەت میدیاکانی ئەو وڵاتە پێیان وایە ئیمزاکردنی بۆندەکەی مسۆگەرە.

لەم بارەیەوە هانز یواکیم ڤاتسکەی بەڕێوەبەری جێبەجێکاری یانە ئەڵمانییەکە بە بێڵدی ئەڵمانی ڕاگەیاندووە :” بەر لە دروستبوونی قەیرانی کۆرۆنا بڕیارماندا سانچۆ لەڕیزەکانمان بهێڵینەوە، بەڵام لەکۆتاییدا وا دیارە دەبێت بەرامبەر خواستی یاریزانەکە کۆڵبدەین”.

سانچۆ لەم وەرزەدا ٣٥ یاریی بۆ یانەی دۆرتمۆند کردووە و ١٧ گۆڵی تۆمارکردووە و ١٩ گۆڵیشی دروستکردووە، زۆرینەی سەرچاوەکان پێیان وایە یاریزانە تەمەن ٢٠ ساڵەکە بە بڕی ١٠٠ ملیۆن یورۆ پەیوەندی بە یونایتدەوە دەکات.

ڕۆژنامەی “دەیلی ستار”ی بەریتانیش دووپاتی کردۆتەوە، کە یاریزانە لاوەکە ئۆفەرەکانی یانەی مان سیتی و پاریس سانت جێرمانی ڕەتکردۆتەوە و چاوەڕوانی هەنگاوی یەکلاکەرەوەی ئید ودواردی بەڕێوەبەری جێبەجێکاری یانەی مانچستەر یونایتدە.

بەردەوام بە لە خوێندنەوە

جیهانی

مانچستەر یونایتد بە گواستنەوەی گەوهەرەکەی ئەتلەتیکۆ گرانبەهاترین بۆند لەمێژوویدا ئیمزا دەکات


خەڵک سپۆرت

سەرچاوەکانی هەواڵ لە بەریتانیا دووپاتیدەکەنەوە، ئیدارەی یانەی مانچستەر یونایتد خۆیان بۆ قۆناغی دوای پۆل پۆگبای فەرەنسی ئامادەکردووە و چاویان بڕیوەتە گەوهەرێکی یانەی ئەتلەتیکۆ مەدرید.

ڕۆژنامەی “دەیلی ستار”ی بەریتانی ئاشکرای کردووە، نوێنەرانی یانەی مانچستەر یونایتد لەڕووبەڕوبونەوەی نێوان یانەکانی ئەتلەتیکۆ مەدرید و لیڤەرپوڵ چاودێری بەردەوامی ساول نیگوێزی ئیسپانی ئەستێرەی لاوی یانەی ئەتلەتییان کردووە.

بەپێی سەرچاوەکە، ئۆلی گۆنار سۆڵشایەری نەرویجی ڕاهێنەری یانەی مان یونایتد پێی وایە نیگوێز بەباشترین شێوە پێگەی پۆل پۆگبا پڕدەکاتەوە، لەحاڵی ماڵئاواییکردنی یاریزانە فەرەنسییەکەدا.

هەوڵەکانی یونایتد دوای ئەوەدێت کە یانەکانی ڕیاڵ مەدرید و یوڤانتۆس سوربوونی خۆیان لەسەر کڕینی پۆگبای فەرەنسی دەربڕیوە و بڕیارە لە هاوینی ٢٠٢٠ بۆندی گەورەی پێشکەش بکەن.

دەیلی ستار ئاماژەی کردووە کە نرخی پۆگبا بۆ هەر یانەیەکی داواکراو لە (١٠٠) ملیۆن پاوەند زیاترە، ئەگەر گواستنەوەکە ئەنجام بدرێت ئەوا ئید ودواردی بەڕێوەبەری جێبەجێکاری یانە سورە زەبەلاحەکەی مانچستەر پارەی بەدەستهاتووە لەکڕینی ساول نیگوێزدا بەکاردەخاتەوە، کە بڕی گواستنەوەی دەگاتە سنوری (١٣٥) ملیۆن پاوەند.

نیگوێز تەمەنی ٢٥ ساڵە و یەکێکە لە یاریزانە کاریگەرەکانی پێکهاتەی دیێگۆ سیمیۆنی، چەند وەرزێکە بە ئاستە بەرزەکەی سەرنجی یانە زەبەلاحەکانی ئینگلتەرای ڕاکێشاوە.

بەردەوام بە لە خوێندنەوە

جیهانی

ڕیاڵ و بارسا و لیڤەرپوڵ.. کلاسیکۆی سێ قۆڵی لەسەر بەرگریکارێکی خولی ئەڵمانیا ڕوودەدات


خەڵک سپۆرت

یانەکانی ڕیاڵ مەدرید و بەرشلۆنە و لیڤەرپوڵ لە وادەی گواستنەوەکانی هاوینەی ٢٠٢٠دا ململانێ لەسەر گواستنەوەی بەرگریکارێکی فەرەنسی دەکەن.

ڕۆژنامەی “ئاس”ی ئیسپانی ئاشکرای کردووە، کیکی سیتینی ڕاهێنەری یانەی بەرشلۆنە گڵۆپی سەوزی بۆ ئیرک ئەبیدال و بەڕێوەبەرانی یانە کەتەلۆنییەکە داگیرساندووە تا لە گواستنەوەکانی هاوینەی ٢٠٢٠دا گفتوگۆی گواستنەوەی دایۆت ئۆپامیکانۆی بەرگریکاری فەرەنسی یانەی لایپزیگی ئەڵمانی بکەن.

ڕاهێنەرە ئیسپانییەکە پێی وایە، ئۆپامیانکۆی فەرەنسی لەتوانایدایە کێشە بەرگرییەکانی ئەم وەرزەی بەرشلۆنە چارەسەر بکات، بەڵام پێناچێت گواستنەوەکە بە ئاسانی ئەنجام بدرێت.

سەرچاوەکە ئاشکرای کردووە، کە بەهەمان شێوە زینەدین زێدانی فەرەنسی ڕاهێنەری یانەی ڕیاڵ مەدرید و یۆرگن کلۆپی ئەڵمانی ڕاهێنەری یانەی لیڤەرپوڵ داوای بەرگریکارەکەیان کردووە.

سێ یانەی ناوبراو بەشێوازی جیاواز و لە سێ جەمسەرەوە هەوڵەکانی خۆیان بۆ ئیمزاکردنی بۆندی ئۆپامیکانۆ دەستپێدەکەن و نزیکترینیان ئەو یانەیە دەبێت کە پارەی باشتر دەخاتە سەر مێزی گفتوگۆکان.

ئۆپامیکانۆ یەکێکە لە باشترین بەرگریکارەکانی ئێستای فەرەنسا و خولی ئەڵمانیا، نرخی گواستنەوەی بەبڕی ٦٠ ملیۆن یورۆ خەمڵێنراوە، بەڵام ململانێی سێ یانە زەبەلاحەکە بەدڵنیاییەوە نرخەکە بەرزتر دەکاتەوە.

بەردەوام بە لە خوێندنەوە

کوردستان