ئێمە لە تۆرە کۆمەڵایەتیەکان

کوردستان

زۆربەی شەقامەکانی هەولێر داخران


خەڵک-ئارام سەردار

دوای ئەوەی وەزارەتی ناوخۆی هەرێمی كوردستان بڕیاری دا ماوەی قەدەغەی هاتوچۆ لە تەواوی شارەکان درێژبكرێتەوە، لە پارێزگای هەولێر زۆربەی شەقامەکان بە بەربەستی كۆنكرێتی داخران.

ئەمڕۆ شەقامی ۱۲۰ مەتری کە شەقامێکی بازنەییە بەدەوری شاری هەولێر و تەواوی ئەو ڕێگایانەی لەو شەقامەوە دەچنەوە ناو شاری هەولێر بەبەربەرستی كۆنكرێتی داخران.

هاوکات ڕێگا لاوەکییەکانی قەزا و ناحیەکانیش داخران و ئەو هاووڵاتییانەی کە ڕێگەپێدراون، تەنها بەیەک ڕێگا دەتوانن هاتووچۆ بکەن.

هاوکات هەردوو ڕێگای هەولێر بۆ دهۆک و پڕدی نێوان شارەدێی کەڵەک و شارۆچکەی خەبات لە پارێزگای هەولێر بەدانانی بەربەرست داخراون، ئەم هەنگاوانەش بۆ زیاتر پابەندکردنی هاووڵاتییانە بە بڕیاری قەدەغەی هاتوچۆ، بۆ ئەوەی ڕێگربن لەزیاتر بڵاوبوونەوەی ڤایرۆسی کۆرۆنا.

کوردستان

هاوپەیمانی نێودەوڵەتی لە بنكە سەربازییەكەی كەركوك كشانەوە


خەڵك – بەشی هەواڵ
ئەمڕۆ یەك شەممە هێزەكانی هاوپەیمانی نێودەوڵەتی لە بنكەی سەربازیی كەی وەن لە كەركوك كشانەوە.

دوای واژۆكردنی ڕێككەوتنی كشانەوەی هاوپەیمانی نێودەوڵەتی و لایەنی عیراقی لە بنكەی سەربازی كەی وەن، عەمید ڤنسنت پاركەر لە هاوپەیمانی نێودەوڵەتی ڕایگەیاند، كشانەوەی هێزەكانیان لەسەر بنەمای ئەو دەستكەوتانەیە كە هێزە ئەمنییەكانی عیراق لە هەڵمەتی بەرەنگاربوونەوەی داعشدا بەدەستیانهێناوە.

ڕوونیشیكردەوە كە هاوپەیمانی نێودەوڵەتی هێزەكانی لە عیراق ڕێكدەخاتەوە و ماوەیەكی دوورودرێژیشە پلان بۆ ئەو گۆڕانكارییانە دادەنێن لەگەڵ حكومەتی عیراقدا.

فەرماندەكەی هاوپەیمانان ڕەتیشیكردەوە گواستنەوەی هێزەكانیان پەیوەندی هەبێت بەو هێرشانەی كە دەكرانە سەر ئەو بنكە عیراقییانەی كە هێزەكانی ئەمریكا و هاوپەیمانانیان تێدا جێگیركراوە.

بەردەوام بە لە خوێندنەوە

کوردستان

پڕۆسەی خوێندنی ئەمساڵ بە كوێ دەگات؟
(خەڵك) ڕێگاكانی چارەسەر بۆ پڕۆسەی خوێندنی ئەمساڵ ئاشكرا دەكات


خەڵك-سەعد مەلا عەبدوڵڵا گوڵپی

 

جێگری سەرۆكی یەكێتی مامۆستایانی كوردستان ڕایدەگەیەنێت، پێشبینی دەكەین خوێندنی ئەمساڵ كێشەی بۆ دروست نەبێت.

بەهۆی ڤایرۆسی كۆرۆناوە نزیكەی 2 مانگ پڕۆسەی خوێندن ڕادەوەستێت، ئەمەش بەهۆی كەشوهەوای هەرێمی كوردستانەوە پێشتریش چەند جارێك پشوو ڕاگەیەنراوە، هاوكات پڕۆسەی خوێندن لە دەیان وڵات بە تەواوەتی ڕاگیراوە و تا ئێستاش ئاسۆی چۆنێتی دەستپێكردنەوەی پڕۆسەی خوێندن ڕوون نییە و حكومەتی هەرێمیش تاكو 16ی مانگی داهاتووی وەك پشوو درێژكردەوە.

عەتا ئەحمەد جێگری سەرۆكی یەكێتی مامۆستایانی كوردستان بە (خەڵك)ی ڕاگەیاند، پێشبینی ناكەم دەوامی ئەمساڵ پەكی بكەوێت، چونكە لە وەرزی یەكەمدا لە هەرێمی كوردستان دەوامی باش كراوە، ئەوەشی فەوتاوە مانگی سێیە كە ئەویش زۆربەی پشووە.

وتیشی”ئەگەر مانگێكی دیكەشی بچێتەسەر دەكرێت ئەو ماوەیە قەرەبوو بكرێتەوە”.

عەتا ئەحمەد ڕوونیشیكردەوە، وەزارەتی پەروەردە چاوەڕێی دۆخەكە دەكات و جارێ ڕوون نییە هیچ بڕیارێك بدرێت، بەڵام ئەگەر هەیە دەوام دوابخرێت، لانیكەم مانگیكی دیكە دەوام بكرێت و تاقیكردنەوەی پۆلە كۆتاكانیش دوابخرێت.

لە ئەگەری درێژكردنەوەی دەوامی خوێندن، گرفتی كارەبا و فێنكەرەوە بۆ قوتابخانەو خوێندنگاكان دروست دەبێت، چونكە زۆرینەی قوتابخانەكان هیچ هۆكارێكی فێنكەرەوەیان نییە، لەو بارەوە عەتا ئەحمەد ڕایگەیاند، چارەسەر نییە و دۆخەكە هاتووەتە پێشەوە و دەبێت مامەڵەی لەگەل بكەیت، لە هەرێمیش زیاتر مانگی 7 و 8 گەرما دەست پێدەكات، ئەوەی كێشەی زۆر بێت پڕۆسەی پەروەردەیە لە عیراقدا.

بەردەوام بە لە خوێندنەوە

کوردستان

سێ تووشبووی دیكەی كۆرۆنا لە هەولێر چاكبوونەوە


خەڵك – بەشی هەواڵ
وەزارەتی تەندروستی هەرێمی كوردستان ڕایگەیاند سێ تووشبوونی ڤایرۆسی كۆرۆنا لە هەولێر چاكبوونەوە.

ڕوونیشیكردەوە یەكێك لە چاكبووەوەكان، ئەو پزیشكەیە كە پێشتر تووشی كۆرۆنا ببوو.

ئەمڕۆش وەزارەتەكە تووشبوونی سێ كەسی دیكەی بە كۆرۆنا لە هەولێر ڕاگەیاند.

بەردەوام بە لە خوێندنەوە

کوردستان