ئێمە لە تۆرە کۆمەڵایەتیەکان

کوردستان

كۆمپانیای پایۆنێر: دەرمانێك بۆ چارەسەری كۆرۆنا بەرهەم دەهێنێت


خەڵك – بەشی هەواڵ

كۆمپانیای پایۆنێر بۆ پیشەسازی دەرمان، بەرهەمهێنانی چارەسەرێك بۆ ڤایرۆسی كۆرۆنا ڕادەگەیەنێت، كە بۆ كەمكردنەوەی كاریگەرییەكانی ڤایرۆسی كۆرۆنا لە ئێستادا بەكاردێت.

سەعد فایەق كۆڵەك، سەرۆكی ئەنجومەنی بەڕێوەبردنی كۆمپانیای پایۆنێر، لەكۆنفرانسێكی ڕۆژنامەوانیدا ڕایگەیاند، ئەو دەرمانەی دروستیان كردوە بۆ كەمكردنەوەی نیشانەكانی ڤایرۆسی كۆرۆنایەو لە داهاتوویەكی نزیكدا بۆ چارەسەری بەركەوتووانی ئەو ڤایرۆسە بەكار دەهێنرێت.

وتیشی، ئەو دەرمانە دەخرێتە بەردەست هەردوو وەزارەتی تەندروستی هەرێم و عیراق، لە داهاتووشدا وەك هاوكاری دەدرێت بە وڵاتانی دراوسێ‌.

هاوكات د.شوان کەمال بەڕێوەبەری کوالیتی لەکۆمپانیای پایۆنێر  ڕایگەیاند، کۆمپانیاکەیان بەردەوام چاودێری ئەنجامی توێژینەوەی سەرجەم سەنتەر و زانکۆکانی جیهان دەکات، بۆیە لەئێستادا گەیشتنە ئەوەی ئەو دەرمانەی لەجیهاندا بۆ ڤایرۆسی کۆرۆنا بەکاردێت بەرهەمی بهێنن.

ئاماژەی بەئەوەشدا، بەهیوان ئەم دەرمانە چارەسەری ئەم ڤایرۆسە بکات، بەڵام بێگومان خۆپارێزی لەچارەسەر باشترە، بۆئەوەی ئەم پەتایە نەگاتە ناو ماڵەکان.

باسی لەئەوەشکرد، ئەمە ڤاکسین نییە بۆ خۆپارێزی، بەڵکو ئەمە دەرمانێکە بۆ ئەوەی کە کەسەکە توشبوو بەکاریبهێنێت.

ئەوەشی خستەڕوو، ئەم دەرمانە کاریگەری لەسەر ڤایرۆسی کۆرۆنا کۆڤید 19 هەیە، کە سوڕی ژیانی ڤایرۆسەکە کەم دەکاتەوە.

وتیشی:” هەر ماددەیەک لەهەر سەنتەرێکی جیهانبێت، بەباشترین کوالیتی دەیکڕین و دەرمانەکەی لێ دروستیدەکەین، لەئێستاشدا چاوەڕێ دەکەین ماددە خامەکەمان لەڕێگەی فڕۆکەخانەی نێودەوڵەتی سلێمانییەوە بەدەستبگات، بۆ ئەوەی بەکرداری دەست بەدروستکردنی بکەین”.

پێشتر، د.هەڤاڵ ئەبوبەكر، پارێزگاری سلێمانی لە ڕاگەیەنراوێكدا، كە وێنەیەكی دەست (خەڵك) كەوتبوو ڕایگەیاندبوو، سەرۆكی ئەنجومەنی بەڕێوەبردنی كۆمپانیای پایۆنێر ئاگاداریكردینەوە، كە كۆمپانیای پایۆنێر بۆ پیشەسازیی دەرمان بەوپەڕی تواناوە سەرباری ئەم بارودۆخە سەختەی عیراق پێیدا تێدەپەڕێت بەهۆی ڤایرۆسی كۆرۆناوە، بەدرێژایی ڕۆژ بەردەوامە لە كاركردن.

پارێزگاری سلێمانی ڕایگەیاندبوو، كۆمپانیای پایۆنێر بۆ پیشەسازی دەرمان بەردەوامە لە كاركردن بۆ بەرهەمهێنانی گیراوە خوێنبەرییەكان بەهەموو جۆرەكانیەوە.

ئەوەشی وتبوو: “دەستیان كردووە بەدروستكردنی ئەو دەرمانەی لە عیراقەوە ڕێگەی پێدراوە بۆ ئەوەی بدرێتە نەخۆش، مانگی داهاتووش بێ بەرامبەر دەدرێتە نەخۆشانی ئەو پەتایە” .

کوردستان

وەزیرێكی گۆڕان: كۆدەنگی لەسەر چاكسازی هەیە و عەدالەتیش دەچەسپێت


خەڵك – بەشی هەواڵ
وەزیری بازرگانی حكومەتی هەرێم لە پشكی گۆڕان ڕایدەگەیەنێت، یاسای چاكسازی خراوەتە بواری جێبەجێكردنەوە، ئەم جارە كۆدەنگی لەسەر چاكسازی هەیە و عەدالەتیش دەچەسپێت، دەشڵێت: “خەڵكێكی زۆر بە ناشایستەیی خانەنشین بوون و هەموو ئەوانە و بندیوار و دوو مووچەییش كۆتاییان دێت”.

كەمال موسلیم، وەزیری بازرگانی حكومەتی هەرێم بە ماڵپەڕی فەرمی پارتی ڕاگەیاندووە، جێبەجێكرنی یاسای چاكسازی جێگەی خۆی دەگرێت، بەوەی كە بەدیهێنانی عەدالەتە لەنێو فەرمانبەراندا و ئەوانەیشی بە ناحەق سوودمەند بوون لادەبرێن.

دەشڵێت: “ئەم جارە كۆدەنگی لەسەر چاكسازی هەیە و عەدالەتیش دەچەسپێت و بەهۆی چاكسازییەوە داهاتێكی زۆریش بۆ حكومەت دەگەڕێتەوە، چونكە خەڵكێكی زۆر بە ناشایستەیی خانەنشین بوون و هەموو ئەوانە و بندیوار و دوو مووچەیش كۆتاییان دێت”.

ڕاشیگەیاندووە، لەبارەی ڕەوشی ئێستا و ئەنجامدانی چاكسازی بەردەوام و هەفتانە كۆدەبینەوە و بڕیارەكە هەموومان دەنگمان بۆ چاكسازی داوە، ئەگەر كۆدەنگی لەسەر نەبێت، بۆچی دەنگی بۆ دەدەین، كۆدەنگی لەسەر چاكسازی ھەبووە و ھەموو ئەندامانی ئەنجوومەنی وەزیرانیش دەنگیان بۆ جێبەجێكردنی داوە.

بەردەوام بە لە خوێندنەوە

کوردستان

هەرێم؛ لە 24 كاتژمێری ڕابردوودا ڕێژەی چاكبوونەوە و زیاترە لە توشبوون بە ڤایرۆسی كۆرۆنا


خەڵك- بەشی هەواڵ

وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 204 حاڵەتی تووشبوون بە كۆرۆنا تۆماركراوە و 9 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، هەزار و 569 پشكنین ئەنجامدراوە و دەركەوتووە لە هەولێر 25 كەس و سلێمانی 108 كەس و لە گەرمیان 68 كەس و 3 دهۆك تووشی كۆرۆنا بوون.

ئاشكراشی كردووە، كە 9 حاڵەتی مردن هەبووە لەگەڵ چاكبوونەوەی 268 كەس.

بەردەوام بە لە خوێندنەوە

کوردستان

هەپەگە؛ لەسەر شەڕەكەی خواكوڕك ڕاگەیەنراوێكی بڵاوكردەوە


خەڵك – بەشی هەواڵ
هێزەكانی پاراستنی گەل ڕایدەگەیەنێت، گەریلاكانیان لە دەڤەری چوارچەلای سەر بە هەرێمی زاگرۆس چالاكیان ئەنجامداوە، لە خواكوركیش شەڕێكی قۆرس لەنێوان سوپای توركیا و گەریلادا ڕوویداوە.

ناوەندی ڕاگەیاندن و چاپەمەنی هێزەكانی پاراستنی گەل-هەپەگە لە بارەی چالاكی گەریلاكان و ئۆپڕاسیۆنی سەربازیی سوپای توركیا ڕاگەیەنراوێكی بڵاوكردەوە ڕایگەیاندووە،”هێزەكانیان لە چوارچێوەی هەنگاوی شەهید باگەر و شەهید ڕۆنیادا، لە ٢٧ی حوزەیران لە دەڤەری چوارچەلای سەر بە هەرێمی زاگرۆس لە دژی سوپا چالاكیەكیان ئەنجامدا و لەو چالاكیەدا سەربازێك كوژرا.

دەقی ڕاگەیەنراوەكەی هەپەگە :
لە خواكورك شەڕێك قورس ڕوویدا
١ی تەموز لە كاتژمێر ١٠:٣٠ خولەك لە دەڤەری ئەرموشی سەر بە هەرێمی خواكوركی سەر بە هەرێمەكانی پاراستنی مەدیا لەنێوان هێزەكانی ئێمە و داگیركەرانی دەوڵەتی توركدا شەڕێكی قوڕس روویدا. لەو شەڕەدا چەندین سەربازی تورك سزا دران، درونێكی داگیركەرانیش خرایە خوارەوە، دوو لە هەڤاڵانیشمان بە ناوەكانی ماسیرۆ و شاهۆ كە بە قارەمانانە تا دوا گولـلەیان لە دژی داگیركەران شەڕیان كرد، شەهید بوون.

“لە دێرسم ئۆپڕاسیۆنە داگیركەریەكان بەردەوامن”
٢٤ی حوزەیران سوپای دەوڵەتی تورك لە دەڤەری نەینكای سەر بە هەرێمی پولوری دەرسم دەستی بە ئۆپڕاسیۆنێكی داگیركاری كرد، سوپای دەوڵەتی تورك بە فڕۆكەی جەنگی و هەلیكوپتەر ناوچەكەیان بوردوومان كرد، داگیركەران دوای بوردوومانەكە، هێزێكی سەربازیی لە ناوچەكە جێگیركرد و دواتر لەنێوان ئەوان و هێزەكانی ئێمەدا شەڕ و پێكدادان ڕوویدا، لەو شەڕەدا ٣ لە هەڤاڵنمان كە بە قارەمانانە شەڕیان كرد، شەهید بوون، ئۆپڕاسیۆنەكە تا ئێستاش بەردەوامە.

هێرشە ئاسمانیەكان
فڕۆكە جەنگیەكانی سوپای دەوڵەتی داگیركەری تورك بەردەوامە لە هێرشە ئاسمانیەكانی بۆ سەر هەرێمەكانی پاراستنی میدیا و لەم چوارچێوەیەدا؛
٢ی تەموز كاتژمێر ٢٠:٠٠ فڕۆكە جەنگیەكان دەڤەری بەكتورای سەر بە هەرێمی حەفتانین و گردی شەهید زناریان بوردوومان كرد.
٣ی تەموز فڕۆكە جەنگیەكان لە كاتژمێر ١٠:٣٠ خولەك دەڤەری كوروزەروی هەرێمی زاپ و لە كاتژمێر ١٧:٠٠ دەڤەری ئەشكەوتی بریندارانیان بوردوومان كرد”.

بەردەوام بە لە خوێندنەوە

کوردستان