ئێمە لە تۆرە کۆمەڵایەتیەکان

کوردستان

مەلا یاسین: هەنگاوی هەوڵە خێرخوازییەكانمان بۆ قەزا و ناحیە دوورە دەستەكانە و (5000) خانەوادە بەسەر دەكەینەوە

خەڵك – بەشی هەواڵ

خاوەنی گروپی كۆمپانیاكانی بەڕێز لە ڕاگەیەنراوێكدا ڕایدەگەیەنێت:” بەهاوكاری براكانم، لەسەرەتای هەفتەی داهاتووەوە، هەڵەمەتێكی فراوانی گەیاندنی خۆێاک و پێویستی ڕۆژانە لەقەزا و ناحیەكان پاشان دێهاتە دوورە دەستەكان دەست پێدەکەین”.

یاسین مەحمود ڕەشید خاوەنی گروپی كۆمپانیاكانی بەڕێز دەشڵێت:”هەڵمەتە خێرخوازییەكەمان سەرەتا (5000) پێنج هەزار خانەوادە لە خۆدەگرێت و تا ئەم دۆخەش كۆتایی دێت لەبەخشین و بە دەمەوچوونی خەڵكی كوردستان بەردەوام دەبین”.

پێشتر، گروپی کۆمپانیاکانی بەڕێز، لەکڕینی ئامێری دەستنیشانکردنی ڤایرۆسی  کۆرۆنا، بۆ نەخۆشخانەی ئاسای تایبەت بە چارەسەری کۆرۆنا بەشدابووە و بەبڕێک پارەش بەدەم ئەو داوایەی حکومەتی هەرێمی کوردستان چووە کە بۆ ڕووبەڕووبوونەوەی کۆرۆنا بەرپرسانی حکومەت ڕایانگەیاند و ژمارە حسابییان بۆ دیاریکرد، ئەم هەوڵی کۆتایش،  بۆ گەیاندنی سەللەی خۆراکی دەچێتە چوارچێوەی سێیەم هەوڵی گروپی کۆمپانیاکانی بەڕێز، بۆ دەستگیرۆیی حکومەت و هاووڵاتیان.

 

دەقی ڕاگەیەنراوەكە:

هەنگاوی سێھەمان بۆ قەزا و ناحیە و دێهاتە دوورە دەستەكانە..

بەندە بە ھاوكاری براكانم ھەڵمەتێكی فراوان لە ڕۆژی شەمەوە دەست پێدەكەین بۆ قەزاو ناحیەكان و پاشان دێھاتە دوورەدەستەكان.

سەرەتا (٥٠٠٠) پێنج ھەزار خانەوادە لە خۆ دەگرێت و تا ئەم دۆخەش كۆتایی دێت لەبەخشین و بەدەمەوەچوونی خەڵكی كوردستان بەردەوام دەبین.

تێبینییەكی گرنگ و برایانەشم هەیە بۆ بازرگان و سەرمایەدارە بەخشندەكان.

بەڕێزان، لەئێستادا هەڵمەتێكی نیشتمانی گەورە لە لایەن خێرخوازانەوە دەستی پێكردووە بۆ دابەشكردنی پێداویستی ڕۆژانەی هاووڵاتیان!

بەڵام بەداخەوە بەهۆی نەبوونی هەماهەنگی لە نێوانماندا زۆر جار ئەو پێداویستیانەی دابەشی دەكەین ئامانجەكانی خۆی ناپێكێت بۆ نمونە، لە ھەندێك شۆین ھاوكارییەكان دووبارە و سێبارە دەدرێت بە هاووڵاتیان، بەڵام زۆر شوێنیش ھەیە تائێستا ھاوكاری نەگەیشتووەتە دەست كەمدەرامەتەكان و واش پێدەچێت ئەم دۆخە درێژە بكێشێت، بە پێویستی دەزانم گروپێك دروست بكەین لە نێوان خۆماندا لە ڕێگای یەكێك لە تۆڕە كۆمەڵایەتییەكان تا ئاگاداری هەڵمەتی دابەشكردنی كار و چالاكییەكانی یەكتربین بۆ ئەوەی بەشێوازێكی باشتر و دادپەروەرانە پێداویستییەكان بگاتە ھەموو شوێنێك.

پشتیوان بەخوای باڵادەست وەك گروپی كۆمپانیاكانی بەڕێز بە هاوكاری ڕێكخراوی خێرخوازیی خەڵك درێژە بە كار و چالاكییە خێرخوازییەكانمان دەدەین هەروەك چۆن لە قەیرانەكانی ڕابردووشدا هەمیشە پێشەنگ بووین.

خوای گەورە خۆی پشت و پەنا و پارێزەری هەموو لایەكمان بێت.

گروپی كۆمپانیاكانی بەڕێز

22-3-2020

تێبینی ھەر خانەوادەیەك دەیەوێت بەشداربێت لە دەستنیشانكردنی ماڵە ھەژارەكان تا ھاوكاری بگەینینە دەست، یان كەسێك بیەوێت سەبەتەیەك خۆراك پێشكەش بكات بەم كەمپینە باپەیوەندی بكەن بەم ژمارە تەلەفونانەوە بكات:

 

07701973737

07701582538

07729991114

07725227160

07740911275

07501962774

07501544372

کوردستان

نوێنەرێك: هەرێم ڕەزامەند نەبووە ڕاژەی فەرمانبەرەكانی بخرێتەسەر بەغدا

خەڵك – بەشی هەواڵ

ئەندامێكی لیژنەی دارایی ئەنجومەنی نوێنەرانی عیراق چەند زانیارییەكی نوێ لەبارەی گواستنەوەی میلاكی فەرمانبەرانی هەرێم بۆ سەر بەغدا بڵاودەكاتەوە و ئاشكرای دەكات پێشتر بەغدا قایل بووە بەو هەنگاوە، بەڵام هەرێمی كوردستان ڕەزامەند نەبووە.

جەمال كۆچەر ئەندامی لیژنەی دارایی ئەنجومەنی نوێنەرانی عیراق بە (میللەت)ی ڕاگەیاندووە، پێشتر حكومەتی فیدراڵ قایل بووە میلاكی تەواوی فەرمانبەرانی هەرێم بخرێتەسەر بەغدا و مووچەیان لەرێی حكومەتی عیراقەوە بۆ دابین بكرێت بەو مەرجەی خۆیان وردبینی لەناو و لیستی فەرمانبەراندا بكەن.

ئەو ئەندامەی لیژنەی دارایی ئەنجومەنی نوێنەرانی عیراق ئاشكرای كردووە، بەغدا قایلبوونەكەی بەو مەرجە بووە خۆیان لیژنەی تایبەتمەند ڕەوانەی هەرێمی كوردستان بكەن و وردبینی لەمیلاك و ناوی فەرمانبەراندا بكەن پێشتریش وردبینیان لە میلاكی چەند وەزارەت و فەرمانگەیەكیشدا كردووە، بەڵام پێناچێت ئێستا بەغدا قایل بێت، چونكە خۆیان كێشەی دابینكردنی مووچەی مووچەخۆرانیان هەیە.

جەمال كۆچەر ئاماژەی بۆ ئەوەشكردووە، پێشتر هەرێم ڕەزامەند نەبووە ڕاژەی فەرمانبەرەكانی بخرێتەسەر بەغدا و وەكو ئاسایشی نەتەوەی مامەڵەی لەگەڵ ئەو دۆسیەیە كردووە و خوێندنەوەیان بە جۆرێك بۆ كردووە كەئەگەر ڕاژەی فەرمانبەران بگوازرێتەوە بۆ سەر بەغدا مەترسی بۆ سەر ئاسایشی نەتەوەیی هەرێم دروستدەبێت.

ئەندامەكەی لیژنەی دارایی وتیشی، بەغدا خۆی كێشەی هەیە و پێناچێت لەم قۆناغەدا بەو داوایە قایل بێت.

بەردەوام بە لە خوێندنەوە

کوردستان

پۆلیسی سلێمانی: تەقەكەرێك دەستگیر كرا

خەڵك – بەشی هەواڵ

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا ئاشكرایكرد، شەوی ڕابردوو تەقەكەرێك لەگەڕەكی بەكرەجۆی شاری سلێمانی لەلایەن ھێزەكانی پۆلیسەوە دەستگیركرا.

پۆلیسی سلێمانی ڕایگەیاند:”دوای ئەوەی شەوی ڕابردوو تۆمەتبارێك تەقەی لەماڵی دوو ھاووڵاتی كرد و دواتر ھەڵھات، پاش وەرگرتنی بڕیاری بەڕێز دادوەر، ھێزەكانی پۆلیس لێكۆڵینەوەكانیان دەستیپێكرد و توانرا لەماوەیەكی كەمدا تۆمەتبارەكە بدۆزرێتەوە و دەستگیربكرێت”.

پۆلیسی سلێمانی ئاماژەی بەوەشداوە:”ھاوكات دەستیشگیرا بەسەر ئوتۆمبێلی تۆمەتبار و چەكێك لەجۆری كڵاشینكۆفدا كە تۆمەتبارەكە تەقەكانی پێكردبوو”.

بەڕێوەبەرایەتی پۆلیسی پارێزگای سلێمانی ئەوەشی خستەڕوو:”لەئێستادا تۆمەتبار (ب، ن، ر) لە دایكبووی ١٩٨١دانیشتووی شاری سلێمانی بەفەرمانی بەڕێز دادوەر و بەپێی ماددەی ٣١/٤٠٥ ڕاگیراوە و لەبەردەم دادوەردا دانی بەتاوانەكەیدا ناوە”.

بەردەوام بە لە خوێندنەوە

کوردستان

تەندروستی سلێمانی: لە 24 كاتژمێری ڕابردوودا 15 تووشبووی كۆرۆنا چاكبوونەتەوە

خەڵك – بەشی هەواڵ

وتەبێژی بەڕێوەبەرایەتی‌ گشتی‌ تەندروستی‌ سلێمانی‌ ڕایدەگەیەنێت: لە ماوەی 24 كاتژمێری ڕابردوودا 15 تووشبووی كۆرۆنا چاكبوونەتەوە و 6 تووشبووش گیانیان لەدەستداوە.

د.یاد نەقشبەندی‌ وتەبێژی‌ بەڕێوەبەرایەتی‌ گشتی‌ تەندروستی‌ سلێمانی‌ لە ڕاگەیەندراوێكدا ئاشكرایكرد: لە 24 كاتژمێری‌ ڕابردوودا 41 نەخۆش داخڵی‌ نەخۆشخانەكانی‌ كۆرۆنا بوون و 15 تووشبووش نەخۆشخانەیان جێهێشتووە.

وتەبێژی بەڕێوەبەرایەتی‌ گشتی‌ تەندروستی‌ سلێمانی ‌ئاماژەی بەوەشداوە: هاتووە 120 تووشبوو لە نەخۆشخانەكان ماونەتەوە و لەو ژمارەیە 28 تووشبوو لە چاودێری‌ چڕن و هاوكات لە 24 كاتژمێری‌ ڕابردوو 6 تووشبووی‌ كۆرۆنا گیانیان لەدەستداوە.

بەردەوام بە لە خوێندنەوە

کوردستان