ئێمە لە تۆرە کۆمەڵایەتیەکان

کوردستان

دەبێت كوردستان، تووشبوون بە ئاسایی وەرگرێت!

خەڵك – بە شی هەواڵ

نووسەر ڕۆژنامەوانێكی كورد لە ئەمریكا لە شیكارییەكدا ئاماری تووشبوون و چارەسەر و گیانلەدەستدان بە ڤایرۆسی كۆرۆنا دەخاتەڕوو.

لوقمان غەفوور نووسەر و ڕۆژنامەوانی كورد لە ئەمریكا لە شیكارییەكدا كە پشتی بە ڕۆژنامەی (لۆس ئەنجلس تایمز) بەستووە سەبارەت بە ڤایرۆسی كۆرۆنا ڕایدەگەیەنێت”پێوەری جیهانی بۆ ئەم نەخۆشییە بەم شێوەیەیە: ٤٠٪ ی ناوچەكە تووشی نەخۆشییەكە دەبێت. ١٪ی ئەو ٤٠٪ دەمرێت. هەروەها ٨٠٪ ی ئەو ٤٠٪ بەسووكی تووش دەبن و مەرج نییە نەخۆشخانەیان بووێت و ١٠٠٪ چاكدەبنەوە. ٪١٠ ی ئەو ٤٠٪ـە سەروو ٨٠ ساڵن.

لوقمان غەفوور ئاماژە بەوەشدەكات، ئەم پێوەرە بۆ خراپترین ناوچەیە كە تێیدا بڵاودەبێتەوە وەك شاری وۆھان لە چین یان ناوچەی لۆمباردی ئیتالیا.

ئەو نووسەر و ڕۆژنامەنووسە دەشڵێت: كورتەی قسە ئەمەیە، ھەرێمی كوردستان نزیك ٥ ملیۆن كەسە، نابێت وەك شاری وۆھان یان ناوچەی لۆمبارد-ی سەیربكەین، بەڵام ناشبێت بیكەین بە تۆقینی گەورە لەكاتی تووشبوونی خەڵك بە نەخۆشییەكە. گەورەترین كار ئەوەیە خەڵكی كوردستان لە ماڵەكانیان نەیەنە دەرەوە.

ئەوەشدەخاتەڕوو، ئێستا ئەمڕۆ ٢٢ ی ئازار، (٧٥ ملیۆن) كەس لە ئەمریكا لە ماڵەوەیە. بەمەشەوە ئەمریكا خۆی بۆ قوربانی گەورە ئامادەكردووە.

لوقمان غەفوور ڕوونیشیدەكاتەوە، بەكورتی بۆ ئەوەی بەرچاو ڕوونتر بێت: ھەرێمی كوردستان ٥ ملێون كەسیش بێت تا ٢٠٠ ھەزار كەسیش ئاساییە تووشبێت. لەم ٢٠٠ ھەزار كەسە ١٦٠ ھەزاری پێویستی بە نەخۆشخانە نییە. خۆی لەماڵەوە بسرەوێت بە تەنیا لە ژوورێكدا بێت ١٠٠٪ چاكدەبێتەوە.

هەروەها،٤٠ ھەزار كەسەكەی تر كە ١٪ ی ئەگەری مردنی ھەیە دەكاتە ٤٠٠ كەس مردن لە كوردستان. لەم ٤٠٠ كەسە بە پێی پێوەری جیهانی ٤٠ كەسیان سەروو ٨٠ ساڵن، جا ئەمەی من باسی دەكەم خراپترین حاڵەتە كە ھیوادارم ھەرگیز یەك كەسیش نەمرێت.

لە كۆتاییدا ئەوەدەخاتەڕوو، بۆ ئەوەی ئەم ژمارانە ھیچی نەبێت پێویستە لە ماڵەوە دانیشن.

ك.ج

کوردستان

بڕیارێكى نوێ ده‌رباره‌ى جۆزه‌ى 20 ئه‌مپێرى قه‌زاو ناحییه‌كان

خەڵک – بەشی هەواڵ

 

بەڕێوەبەرایەتی گشتی کارەبای سلێمانى بڕیارێکی نوێی دەربارەى جۆزەی ٢٠ ئەمپێڕی دەرکرد.

 

لەڕاگەیەندراوێکدا به‌ڕێوه‌به‌رایه‌تى گشتى كاره‌باى سلێمانى ڕایگەیاند، “دوابه‌دواى نوسراومان بۆ هه‌ردوو پارێزگاى سلێمانى و هه‌ڵه‌بجه‌، سه‌باره‌ت به‌ ڕاگرتنى به‌رنامه‌ى كاره‌باى تایبه‌ت به‌وناوچانه‌ى كه‌ جۆزه‌ى (20) ئه‌مپێرییان هه‌یه‌ و سه‌رپشككردنی ئیداره‌كان و هاوڵاتیان به‌وه‌ى كه‌ جۆزه‌كانیان لابرێت یان بمێنێته‌وه‌”.

 

ئەوەش خراوەتەڕوو، “به‌ڵام دواى بڕیاره‌كه‌ هه‌موو ئه‌و ناوچانه‌ و ئیداره‌كان په‌یوه‌ندییان پێوه‌كردین كه‌ لابردینى جۆزه‌كانى كارێكى قورسه‌ و هاوڵاتیان پێیان باشه‌ لانه‌برێت، له‌و چوارچێوه‌یه‌دا ئێمه‌ش وه‌ك به‌ڕێوه‌به‌رایه‌تى گشتى كاره‌باى سلێمانى پشتیوانى له‌دواكارییه‌كه‌یان ده‌كه‌ین به‌ مانه‌وه‌ى جۆزه‌كان، به‌وپێیه‌ى له‌ رابردوودا ئه‌و جۆزانه‌ پارێزگارى باشى كردووه‌ له‌ گۆڕه‌ڕكان و وێستگه‌كانى گۆڕین و تۆڕه‌كانى كاره‌با”.

 

باس لەئەوەشکراوە، “ئه‌وه‌ى داواكارى ئێمه‌یه‌ كه‌ یه‌كه‌ كارگێرییه‌كانى ئه‌و ناوچانه‌ى جۆزه‌ى 20 ئه‌مپێرییان بۆ دانراوه‌، له‌ رێگه‌ى لیژنه‌یه‌كى تایبه‌تى خۆیان به‌دواداچوون بكه‌ن بۆ نه‌هێشتن و لابردنى سه‌رپێچى سه‌ر جۆزه‌كان و ئه‌و كێشیه‌ چاره‌سه‌ره‌ بكه‌ن، ئێمه‌ش به‌به‌پێى بڕى ئه‌و كاره‌بایه‌ى ده‌گه‌ڕێته‌وه‌ لهو‌ ناوچانه‌ هاوكارییه‌كى باشیان ده‌كه‌ین به‌به‌راود به‌و ناوچانه‌ى كه‌ جۆزه‌یان بۆ دانه‌نراوه‌”.

 

بەردەوام بە لە خوێندنەوە

کوردستان

مەسرور بارزانی: بە وێستگەی کارەبای هەڵمی خەبات لەسەدا ١٠ کارەبا زیاد دەکات

خەڵک  – بەشی هەواڵ

مەسرور بارزانی ڕایدەگەیەنێت، لەحکومەتى هەرێم داوایان لەوەزارەتى کارەبا و لایەنە پەیوەندیدارەکان کردووە، کە بەدواداچوون لەبەرهەمهێنان و گەیاندن و بەکارهێنانی کارەبا بکەن.

 

مەسرور بارزانی سەرۆکی ئەنجومەنی وەزیرانی هەرێمی کوردستان لەمیانی کردنەوەی پڕۆژەى وێستگەی کارەبای هەڵمی خەبات ڕایگەیاند، ئەمە دووهەمین پڕۆژەى ستراتیژییە کە لەم هەفتەیەدا دەستیان بەجێبەجێکردنی کردووە، ئەمەش دەرخەری ئەوەیە، کە لەگەڵ ئەوەی هەرێمی کوردستان تووشی دۆخێکی خراپ بووەتەوە، بەڵام لەهەوڵی خزمەت و پڕۆژەکان بەردەوامدەبن.

 

ئاماژەى بەئەوەشدا، ڕاستە پڕۆژەکە لەخەباتە بەڵام بەرهەمەکەی بۆ هەموو هەرێمی کوردستانە.

 

ئەوەشی خستەڕوو، بەگەڕخستنی پڕۆژەى وێستگەی کارەبای هەڵمی خەبات، تواناى بەرهەمهێنانی ٣٠٠ مێگاوات کارەبای هەیە و لەسەدا ١٠ بڕی بەرهەمهێنانی کارەبا لەهەرێمی کوردستان زیاددەکات.

 

باسی لەئەوەشکرد، لەحکومەتى هەرێم داوایان لەوەزارەتى کارەبا و لایەنە پەیوەندیدارەکان کردووە، کە بەدواداچوون بەبەرهەمهێنان و گەیاندن و بەکارهێنانی کارەبا بکەن.

 

وتیشی، لە كوردستان هه‌م بەهۆی ژماره‌ی به‌كارهێنه‌رانی كاره‌با و هه‌م بەهۆی زیادبوونی كارگه‌كان و كۆمپانیاكان پێداویستی كاره‌با زیاتر بووە، پێشتر پشت به‌ به‌كارهێنانی گازوایل بەستراوە، به‌ڵام ئێستا پشت به‌ گاز ده‌به‌ستین، بۆیه‌ هه‌وڵمانداوه‌ به‌رهه‌می گاز به‌شێوه‌یه‌كی زیاتر به‌كاربهێنرێت.

بەردەوام بە لە خوێندنەوە

کوردستان

سلێمانی؛ هه‌ردوو ڕێستۆرانتی سایه‌گوڵ و VIP داخران

خەڵك – بەشی هەواڵ
به‌هۆی پابه‌ند نه‌بوون به‌ مه‌رج و ڕێنماییه‌كانی كاركردن و سه‌رپێچیكردنی‌ رێكاره‌كانی خۆپارێزی له‌ ڤایرۆسی كۆرۆنا، لیژنه‌كانی قایمقامیه‌تی سلێمانی دوو ریستۆرانتیان داخست و هۆشداری دەدەنە سەرجەم شوێنە گشتییەكان.

ئه‌مڕۆ سێشه‌ممه‌، لیژنه‌ی ڕێستۆرانی قایمقامیه‌ت ڕایگەیاند هه‌ردوو ڕێستۆرانتی (سایه‌گوڵی2 و VIP) له‌ گه‌ڕه‌كی سه‌رچناری شاری سلێمانی پابه‌ند نابن به‌ مه‌رج و ڕێنماییه‌كانی ته‌ندروستی و ڕێكاره‌كانی خۆپارێزی له‌ ڤایرۆسی كۆرۆنا.

ڕوونیشیكردەوە كە به‌ فه‌رمانی قایمقامی سلێمانی هه‌ردوو ‌ڕێستۆرانتەكە دادەخرێن و خاوه‌نه‌كانیشیان ڕووبه‌ڕووی ڕێكاری‌ یاسایی ده‌كرێنه‌وه‌.

لیژنه‌ی باڵای قائیمقامیه‌تی سلێمانی، هه‌موو ئه‌و شوێنانه‌ ئاگادار ده‌كاته‌وه‌ كه‌ به‌ پێی ڕێنماییه‌كانی ژووری ئۆپەراسیۆنه‌كان كراونه‌ته‌وه‌ و به‌هۆی سه‌رپێچییەوە جارێك داخراون، له‌كاتی دووباره‌كردنه‌ی سه‌رپێچیدا شوێنه‌كه‌یان بۆ ماوه‌ی یه‌ك مانگ داده‌خرێت و خاوه‌نه‌كه‌شیان ڕووبه‌ڕووی ڕێكاری یاسایی توند ده‌كرێته‌وه‌.

بەردەوام بە لە خوێندنەوە

کوردستان