ئێمە لە تۆرە کۆمەڵایەتیەکان

کوردستان

پڕۆسەی خوێندن لە هەرێم بە شێوازێكی نوێ‌ دەستپێدەكاتەوە

خەڵك- بەشی هەواڵ
هەرچەندە بە بڕیاری لیژنەی باڵای ڕووبەڕووبوونەوەی ڤایرۆسی كۆرۆنا لە ئەنجوومەنی وەزیران تاوەكو 28ی ئەم مانگە پڕۆسەی خوێندن لە هەردوو كەرتی پەروەردە و خوێندنی باڵا بە حكومی و ئەهلییەوە ڕاگیراوە، بەڵام ئەگەر مەترسی ڤایرۆسی كۆرۆنا بەردەوامبێت بڕیارە بەشێوەی ئۆنلاین پڕۆسەی خوێندن لە زانكۆ و پەیمانگاكان دەستپێبكاتەوە.

د.جەوھەر ڕواندزی، سەرۆكی زانكۆی سەڵاحەدین بەوەكالەت بەماڵپەڕی فەرمی پارتی ڕاگەیاندووە، پێشنیارێك ئامادەكراوە بۆ ئەوەی خوێندنی ئەمساڵی زانكۆكانی ھەرێمی كوردستان بە شێوەی ئونلاین درێژەی پێبدرێت.

وتیشی، “بڕیارە لە ڕۆژانی داهاتوودا ئەنجوومەنی باڵای وەزارەتی خوێندنی باڵا و توێژینەوەی زانستی لەبارەی پرسی خوێندنی ئەمساڵ كۆببێتەوە”.

دەشڵێت: “ھەموو زانكۆكان بەشداری كۆبوونەوەكە دەكەن و ئەگەر بێتو پشووی خوێندن درێژبكرێتەوە ئەوا پێمان باشە سیستەمی خوێندنی ئونلاین بۆ تەواوكردنی ئەمساڵی خوێندن بڕیاری لەبارەوە بدرێت”.

سەرۆكی زانكۆی سەڵاحەدین بەوەكالەت ڕاشیگەیاندووە، جێبەجێكردنی سیستەمی ئونلاین بۆ بەرژەوەندی قوتابیان و ئاستی زانستی زانكۆكانە لەھەرێمی كوردستان، لەبەرئەوەی خوێندن تەنیا یەك مانگی ماوە، ئەگەر ئەم سیستمە جێبەجێ بكرێ ئەوا خوێندنی ئەمساڵ بێ كێشە تەواو دەبێت.

کوردستان

دوواین ئاماری تووشبووانی كۆرۆنا لە ڕۆژئاوای كوردستان

خەڵك-بەشی هەواڵ

 

بەڕێوەبەرایەتی تەندروستی ئیدارەی خۆسەری لە ڕۆژئاوای كوردستان ڕایدەگەیەنێت، ئەمڕۆ یەك شەممە 39 تووشبووی نوێ لە ناوچەكانی باكوری سوریا تۆماركراون و دوو تووشبووش گیانیان لەدەستداوە.

بەڕێوەبەرایەتی تەندروستی ئیدارەی خۆسەری لە ڕۆژئاوای كوردستان لە ڕاگەیەنراوێكدا ئاماژە بۆ ئەوە دەكات، لە 24 كاتژمێری ڕابردوودا 39 تووشبووی نوێی كۆرۆنا لەناوچەكانی ئیدارەی خۆسەر تۆماركراون كە زۆرترینیان لە قامشلۆ 9 تووشبوو، حەسەكە 17 تووشبوو و لە شارۆچكەی گركێ لەگی-یش 4 تووشبوو تۆماركراون.

ئاشكراشیدەكات، دوو تووشبووی كۆرۆنا لە كۆبانی گیانیان لەدەستداوە و 7 تووشبووی دیكەش چاكبوونەتەوە و كۆی گشتی تووشبووانیش گەیشتە هەزار و 398 كەس.

بەردەوام بە لە خوێندنەوە

کوردستان

ئەم هەواڵە نوێدەكرێتەوە..
خۆپیشاندانی سەرتاسەری مامۆستایان دەستیپێكرد

سلێمانی ـ نزار جەزا

ئەمڕۆ شەممە لە یەكەم رۆژی دەستپێكردنی ساڵی نوێی خوێندن لە شاری سلێمانی مامۆستایان نەچوونە هۆڵەكانی خوێندن و خۆپیشاندانیان دەستپێكرد.

پەیامنێری (خەڵك) لە شوێنی خۆپیشاندانەكەدا وتی: خۆپیشاندەران لە پێش بەڕێوەبەرایەتی پەروەردەی رۆژئاوا كۆبوونەتەوە و خۆپیشاندانیان سازكردووە و خەڵكی دیكەشیان لەگەڵدایە.

ئاماژەی بەوەشكرد خۆپیشاندەران داوای خەرجكردنی موچەكانیان دەكەن كە ماوەی چەند مانگە پێیان نەدراوە لەگەڵ دابەشكردنی موچە مانگانە لە كاتی خۆیدا.

ناڕازییەکان کە مامۆستایان ڕابەرییان دەکەن لەبەردەم بەڕێوەبەرایەتی پەروەردەی ڕۆژئاوای سلێمانی گردبوونەتەوە و دروشمی جۆراوجۆر دەڵێنەوە.

بڕیارە پاش کەمێکی دیکە بەڕێپێوان بەڕێبکەون بۆ بەردەم بینای پارێزگای سلێمانی و لەوێ بەیاننامەی خۆیان بخوێننەوە و تێیدا کۆی داواکارییەکانیان دەخەنەڕوو و هەنگاوی دواتریان ئاشکرادەکەن.

هاوكات لە شاری كەلار و كۆیەش خۆپیشاندانی مامۆستایان دەستیپێكردووە و لەبەردەم بەڕێوەبەرایەتییەكانی پەروەردەی شارەكانیاندا كۆبوونەتەوە.

هاوكات بڕیارە لە شاری هەڵەبجە و رانیەش خۆپیشاندانی مامۆستایان بەڕێوەبچێت.
زانیاری نوێتر…

بەردەوام بە لە خوێندنەوە

کوردستان

راوێژكاری ئاسایشی نەتەوەیی عێراق گەیشتە هەولێر

خەڵك- بەشی هەواڵ

راوێژكاری ئاسایشی نەتەوەیی عێراق قاسم ئەعرەجی گەیشتە هەولێر بە سەرۆكایەتی شاندێكی ئەمنی.

سەرچاوەیەك بۆ الاخباریە وتی: ئەعرەجی لەگەڵ شاندێكی ئەمنی گەیشتووەتە هەولێر.

ناوبراو لەگەڵ بەرپرسە ئەمنییەكانی هەرێمی كوردستاندا كۆدەبێتەوە.

زانیاری زیاتر لەبارەی سەردانەكە بڵاونەكراوەتەوە، بەڵام هاوكاتە لەگەڵ هەڕەشە و هۆشدارییەكانی ئەمریكا بۆ عێراق لەسەر هێرشكردنەسەر بەرژەوەندییەكانی ئەمریكا لەلایەن ملیشیا چەكدارەكانەوە.

هاوكات نێچیرڤان بارزانی سەرۆكی هەرێمی كوردستان ئامادەیی هاوكاری و پشتیوانی بۆ دابینكردنی سەقامگیری و ئاسایش لە عێراق نیشانداوە.

بەردەوام بە لە خوێندنەوە

کوردستان