ئێمە لە تۆرە کۆمەڵایەتیەکان

کوردستان

قوباد تاڵەبانی: نەورۆز لە ماڵەكانمان دەكەینەوە


خەڵك- بەشی هەواڵ
جێگری سەرۆكی حكومەتی هەرێم ڕایدەگەیەنێت، خۆشبەختانە هەموو جارێك بە سەربەرزی و سەركەوتنەوە لەو نەهامەتیانە دەرچووین و دەشڵێت: “خۆپارێزی و بڵاوبوونەوەی بەربڵاوی پەتای كۆرۆنا چەندە بارگرانی و ناخۆشە، هێندەش دەرفەتە بۆ بەدەمەوەچوونی یەكتر و دەرخستنی لایەنە باشەكانی هەماهەنگی مرۆڤایەتی”.

قوباد تاڵەبانی، جێگری سەرۆكی حكومەتی هەرێم لە پەیامێكدا ڕایگەیاند، لەم رۆژە نەتەوەییە پرشنگدارەدا كە ئەمساڵ لەناو ماڵەكانی خۆماندا یادی دەكەینەوە، سڵاوو رێزی تایبەت بۆ پێشمەرگە قارەمانەكان، هێزەكانی ئاسایش و پۆلیس، پزیشك و پەرستار و كارمەندە جوامێرەكانی كەرتی تەندروستی دەنێرین كە ئازایانە لە سەنگەری بەرگری و بەرەنگاری نەخۆشییەكەدان.

دەقی پەیامەكە:
نەورۆز و سەری ساڵی كوردیتان پیرۆزبێت
نەورۆز و بەهار بۆ كورد هەمیشە سیمبولی هیوای سەركەوتن و مژدەی ئاوەدانی و بووژانەوە بووە، كە لە ئەمساڵدا لە هەمووكات زیاتر پێویستمان پێیەتی بۆ تێپەڕاندنی بارودۆخی هەستیاری تەندروستی لەسایەی مەترسییەكانی بڵاوبونەوەی ڤایرۆسی كۆرۆنا.

لەم رۆژە نەتەوەییە پرشنگدارەدا كە ئەمساڵ لەناو ماڵەكانی خۆماندا یادی دەكەینەوە، سڵاوو رێزی تایبەت بۆ پێشمەرگە قارەمانەكان، هێزەكانی ئاسایش و پۆلیس، پزیشك و پەرستار و كارمەندە جوامێرەكانی كەرتی تەندروستی دەنێرین كە ئازایانە لە سەنگەری بەرگری و بەرەنگاری نەخۆشییەكەدان. هیوای چاكبوونەوەی بەپەلەش بۆ تووشبوان دەخوازین و پیرۆزبایی لەوانەش دەكەین كە‌ چاك بوونەتەوە.

گەلی كورد لە بەرەبەیانی دەركەوتنییەوە لەمێژوودا، زۆرجار رووبەڕووی ئاستەنگی و قەیران و نەهەماتی و گەمارۆ بووەتەوە، خۆشبەختانە هەموو جارێك بە سەربەرزی و سەركەوتنەوە لەو نەهامەتیانە دەرچووە، بۆ كۆتاییهاتنی ئەم دۆخەی ئێستاش پێویستمان بە هەمان ئەو رۆحیەت و ورە بەرزییە كوردانەیە هەیە لەگەڵ زیاتركردنی پابەندیی بەرێنماییە تەندروستییەكان و مانەوە لەماڵەكان. ئەوەشی پەیوەندی بە حكومەتی هەرێمی كوردستانەوە هەبێت ئەوە درێغی ناكات لە هەوڵدان بۆ بەرەنگاربوونەوەی نەخۆشییەكە و لێكەوتەكانی كە بووەتە كێشە بۆ هەموو جیهان.

خۆ پارێزی و بڵاوبوونەوەی بەربڵاوی پەتای كۆرۆنا چەندە بارگرانی و ناخۆشە، هێندەش دەرفەتە بۆ بەدەمەوەچوونی یەكتر و دەرخستنی لایەنە باشەكانی هەماهەنگی مرۆڤایەتی و ئەزموونێكیشە بۆ خەڵك و حكومەتەكانی دنیا، ئێمەش لەم تاقیكردنەوەیەدا چاومان لەسەر سەركەوتنی گەورەیە و بە دڵنیاییەوە بە خۆپارێزی و بە روح و ورەبەرزی كوردانەوە سەردەكەوین.

نەورۆز لەهەموو كوردان پیرۆز بێت لەسەرانسەری جیهان و هیوای تەندروستی بۆ هەموو لایەك دەخوازم

قوباد تاڵەبانی
جێگری سەرۆكی حكومەتی هەرێم

کوردستان

تەندروستی هەولێر: قەدەغەی هاتووچۆ ژمارەی تووشبووانی كەمكردەوە


خەڵك- ئارام سەردار
بەڕێوبەری گشتیی تەندروستیی ھەولێر ڕایدەگەیەنێت، قەدەغەی ھاتووچۆ لە هەولێر لەچەند ڕۆژی ڕابردوو ژمارەی تووشبووانی كۆرۆنای كەمكردەوە، ئەمەش وایكرد تا ڕادەیەك بارودۆخی تەندروستی لە پارێزگای ھەولێر جێگیر بێت، پابەندی هاووڵاتیانیش زیاتر دۆخەكە جێگیردەكات.

دلۆڤان محەمەد، بەڕێوبەری گشتیی تەندروستیی ھەولێر لەكۆنفڕانسێكی ڕۆژنامەوانیدا ڕایگەیاند، قەدەغەی ھاتووچۆ باشترین ڕێكار بوو بۆ كەمكردنەوەی حاڵەتەكانی تووشبووان، بۆیە قەدەغەی ھاتووچۆ لە هەولێر لەچەند ڕۆژی ڕابردوو ژمارەی تووشبووانی كۆرۆنای كەمكردەوە.

دەشڵێت: “داوایان لە ژووری ئۆپەڕاسیۆنەكان كردووە ئەگەر قەدەغەی تەواوی هاتووچۆش بەردەوام نەبێت بەهۆی گوزەرانی خەڵك، بەڵام لە شەواندا قەدەغەی ھاتووچۆ ھەبێت و ڕێكارەكان تووند بكرین بۆ ئەوەی بارودۆخەكە بە جێگیری بمێنێتەوە”.

ئەوەشی خستەڕوو، لە ٦ی ئادار تاوەكو ۱۹ی ئایاری ۲۰۲۰، تەنها ۲۱۲ نەخۆش تۆماركرابوو، لەماوەی ۸۰ ڕۆژ نزیكەی ڕۆژانە ۳ كەس تووش دەبوو لەو كاتەدا بەڵام لەماوەی ئێستا هەزار و ۳٦۰ نەخۆش تووشبووە لەماوەی ٤٤ ڕۆژ لەدوای ۱۹ی ئایار، واتە ڕۆژانە نزیكەی ۳۱ كەس تووشبوون، حاڵەتەكانی مردنیش لە ۲۱۲ تووشبوو یەك حاڵەت مردن هەبوو، بەڵام ئێستا ۲۸ حاڵەتی مردن هەیە، واتە ڕێژەی مردنیش زیادی كردوە.

وتیشی، “تاوەكو ۱۹ئایار ۳۲هەزار پشكنین ئەنجامدرابوو، واتە ڕۆژانە نزیكەی ٤۰۰ پشكنین لە ۲۰۰ پشكنین یەك حاڵەت تۆمار دەكرا بەڵام ئێستا ڕۆژانە ۷۲۲ پشكنین ئەنجام دەدرێت لە ۲۰۰ پشكنین ۸ حاڵەت تۆماردەكرێت، بۆیە ئێستا بەهۆی قەدەغەی هاتووچۆ لەدوو ڕۆژی ڕابردوو زۆر كەم بۆتەوە، ئەنجامەكەش لەڕۆژانی داهاتوو كەمتر دەبێت.”

بەردەوام بە لە خوێندنەوە

کوردستان

لە دهۆك 11 تووشبووی كۆرۆنا چاكبوونەوە


خەڵك- بەشی هەواڵ
بەڕێوەبەرایەتی گشتی تەندروستی دهۆك ئاشكرای دەكات، كە 11 نەخۆشی تووشبوو بە ڤایرۆسی كۆرۆنا چاكبوونەتەوە.

بەڕێوەبەرایەتی گشتی تەندروستی دهۆك لە ڕاگەیەنراوێكدا ئاماژەی بەوەكردووە، ئەمڕۆ شەممە، 11 نەخۆشی تووشبوو بە ڤایرۆسی كۆرۆنای نوێ‌ بەتەواوی چارەسەر بوون و گەڕانەوە ماڵەوە.

ڕاشیگەیاندووە، ئەو نەخۆشانە هەموو پشكنینەكانیان بۆ ئەنجامدرا و دەركەوت بەتەواوی چاكبوونەوە و سەلامەت، بۆیە نەخۆشخانەیان جێهێشت.

ئاشكراشی كردووە، تاوەكو ئێستا 155 تووشبووی كۆرۆنا چاكبوونەتەوە و 31 كەسیش لەژێر چارەسەری پزیشكی لە نەخۆشخانە ماون.

بەردەوام بە لە خوێندنەوە

کوردستان

وەزیرێكی گۆڕان: كۆدەنگی لەسەر چاكسازی هەیە و عەدالەتیش دەچەسپێت


خەڵك – بەشی هەواڵ
وەزیری بازرگانی حكومەتی هەرێم لە پشكی گۆڕان ڕایدەگەیەنێت، یاسای چاكسازی خراوەتە بواری جێبەجێكردنەوە، ئەم جارە كۆدەنگی لەسەر چاكسازی هەیە و عەدالەتیش دەچەسپێت، دەشڵێت: “خەڵكێكی زۆر بە ناشایستەیی خانەنشین بوون و هەموو ئەوانە و بندیوار و دوو مووچەییش كۆتاییان دێت”.

كەمال موسلیم، وەزیری بازرگانی حكومەتی هەرێم بە ماڵپەڕی فەرمی پارتی ڕاگەیاندووە، جێبەجێكرنی یاسای چاكسازی جێگەی خۆی دەگرێت، بەوەی كە بەدیهێنانی عەدالەتە لەنێو فەرمانبەراندا و ئەوانەیشی بە ناحەق سوودمەند بوون لادەبرێن.

دەشڵێت: “ئەم جارە كۆدەنگی لەسەر چاكسازی هەیە و عەدالەتیش دەچەسپێت و بەهۆی چاكسازییەوە داهاتێكی زۆریش بۆ حكومەت دەگەڕێتەوە، چونكە خەڵكێكی زۆر بە ناشایستەیی خانەنشین بوون و هەموو ئەوانە و بندیوار و دوو مووچەیش كۆتاییان دێت”.

ڕاشیگەیاندووە، لەبارەی ڕەوشی ئێستا و ئەنجامدانی چاكسازی بەردەوام و هەفتانە كۆدەبینەوە و بڕیارەكە هەموومان دەنگمان بۆ چاكسازی داوە، ئەگەر كۆدەنگی لەسەر نەبێت، بۆچی دەنگی بۆ دەدەین، كۆدەنگی لەسەر چاكسازی ھەبووە و ھەموو ئەندامانی ئەنجوومەنی وەزیرانیش دەنگیان بۆ جێبەجێكردنی داوە.

بەردەوام بە لە خوێندنەوە

کوردستان