ئێمە لە تۆرە کۆمەڵایەتیەکان

کوردستان

هاووڵاتیەك لەكاتی كردنی گیای بەهارە لوغمی پێدا تەقییەوە

خەڵك- نزار مستەفا
هاووڵاتییەك لە ناوچەی حاجی ئۆمەران لەكاتی كردنی گیای بەهارە لوغم پێیدا تەقییەوە و گیانی لەدەستدا.

عەمیدی مافپەروەر، عیماد ڕێكانی، بەڕێوبەرایەتی بەرگری شارستانی سۆران بە(خەڵك)ی ڕاگەیاند، كاتژمێر (۱۱:٤۰) خولەكی پێشنیوەڕۆی ئەمڕۆ هەینی ئاگادار كراینەوە لە ڕووداوێكی (تەقینی لوغم) و تیمەكەمان دەرچوون بۆ شوێنی ڕووداوەكە و دەركەوت گەنجێك لەكاتی كردنی گیای بەهارە مین ەپێیدا تەقیوەتەوە.

ڕاشیگەیاندووە، بەمەبەستی گیای بەهارە گەنجێكی دانیشتووی گوندی پاشكۆزی سەر بە شارەدێی گەڵاڵە بەناوی (مستەفا ئیبراهیم حسێن)ی تەمەن ۳۰ ساڵانی خێزاندا لە لوتكە چیای پشتی پاشكۆز كەوتۆتە سەر ئەڵغامێك و گیانی لەدەستداوە.

ئاماژەی بەوەشكردووە، بەهاوكاری هاووڵاتیان و پۆلیسی چۆمان و تەندروستی توانیمان تەرمەكە بێنینە خوارەوە و لە ڕێگەی ئەمبووڵانسەوە بیگوازینەوە پزیشكی دادی سۆران .

ئابوری

ئەمڕۆ و سبەی چەند وەزارەت و دەزگایەك مووچە وەردەگرن

خەڵك-بەشی هەواڵ

 

بەپێی خشتەیەكی وەزارەتی دارایی حكومەتی هەرێمی كوردستان، ئەمڕۆ سێ شەممە 7/7 / 2020 مووچەی وەزارەتی شەهیدان، شەهیدانی هاووڵاتی، زیندانی سیاسی كە شایستەیان ماوە و دەزگای گشتی ئاسایش خەرج دەكرێت.

هەر بەپێی خشتەكە، سبەینێ چوار شەممە 8 /7 / 2020 مووچەی وەزارەتی پەروەردە، دەرەوەی شار و ڕۆژی پێنج شەممەش 9/ 7/ 2020 مووچەی وەزارەتی پەروەردە، ناوشار خەرج دەكرێت.

دابەشكردنی مووچە لەكاتێكدایە كە حكومەتی هەرێم لە مانگی حەوتی ئەمساڵداین و مووچەی مانگی شوبات دابەش دەكات و زۆرێك لە فەرمانبەرانی هەرێمیش بایكۆتی دەوامیان كردووە.

بەردەوام بە لە خوێندنەوە

کوردستان

تووشبووانی كۆرۆنا لە ئەمریكا 3 ملیۆن كەسی تێپەڕاند

خەڵك-بەشی هەواڵ

 

بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە 11 ملیۆن و 747 هەزار و 823 حاڵەت.

بە گوێرەی ئامارە جیهانییەكان، تاكو كاتژمێر 9ی ئەمڕۆ سێ شەممە ژمارەی تووشبووانی كۆرۆنا لە جیهاندا گەیشتە 11 ملیۆن و 747 هەزار و 823 حاڵەت، لەو ژمارەیەش پێنج سەد و 40 هەزار و 840 حاڵەتی گیانلەدەستدانیش هەبووە.

لەسەر ئاستی وڵاتانی جیهان، ئەمریكا زۆرترین ڕێژەی تووشبوون بە پەتاكەی تێدا تۆماركراوە و گەیشتووەتە سێ ملیۆن و 40 هەزار و 833 كەس و 132 هەزار و 979 كەسیش گیانیان لەدەستداوە.

ڤایرۆسی كۆرۆنا نەخۆشییەكی كوشندەیە و مانگی 12ی ساڵی ڕابردوو لەشاری وۆهانی وڵاتی چین سەریهەڵداو لەئێستاشدا لە زیاتر لە 210 وڵات و ناوچەی جیهان بڵاوبووەتەوە.

بەردەوام بە لە خوێندنەوە

کوردستان

هێزە ئەمنییەكانی ئێران، شوانێكی كوردیان تیرۆر كرد

خەڵك-بەشی هەواڵ

 

ڕێكخراوی مافی مرۆڤی هەنگاو ڕایدەگەیەنێت، هێزەكانی سوپای پاسداران لە سنوورەكانی سەردەشت تەقەیان لە شوانێك كردووە و كوشتوویانە.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، كاتژمێر ٣ی بەیانی ئەمڕۆ سێ شەممە، هێزەكانی سوپای پاسداران لە بەرزاییەكانی سنووری دەشتی وەزێنەی سەردەشت تەقەیان لە شوانێك بە ناوی ”یوسف ئەحمەدی“ كردووە و كوشتوویانە.

بەپێی زانیارییەكان، یوسف ئەحمەدی خەڵكی گوندی ئاڵواتانی سەر بە ناوچەی میراوای سەردەشت بووە.

ئەمەش لەكاتێكدایە، ڕۆژی هەینی ڕابردوو، هێزەكانی سوپای پاسداران لە سنووری پیرانشار لە كاتێكدا تەقەیان لە ئاژەڵدارانی هەرێمی كوردستان كردووە كە چەند كیلۆمەتر دوور بوون لە سنوورەكانی ئێران، لە ئەنجامدا شوانێكی تەمەن ١٧ ساڵ بە ناوی “ڕێبین ئیسماعیل” بە سەختی بریندار كرا.

بەردەوام بە لە خوێندنەوە

کوردستان