ئێمە لە تۆرە کۆمەڵایەتیەکان

کوردستان

‎سەرۆكی حكومەتی هەرێم: بە هاوكاری یەكتر ئەم قەیرانەش تێدەپەڕێنین


خەڵك- بەشی هەواڵ
سەرۆكی حكومەتی هەرێمی كوردستان بەبۆنەی هاتنەوەی جەژنی نەورۆز و سەری ساڵی نوێی كوردیەوە پەیامێك بڵاودەكاتەوە و ڕایدەگەیەنێت، ئەم دۆخەی ئێستاش، سوورترمان دەكات لە سەر بەردەوامبوون لەم چاكسازیانەدا.

مەسرور بارزانی، سەرۆكی حكومەتی هەرێم لە پەیامەكەیدا ئاماژەی بەوەكردووە، وەك دەزانن ئەمساڵ بە هۆی بڵاوبوونەوەی پەتای ڤایرۆسی كۆرۆنا و لێكەوتە ئابوورییەكانی، لە دۆخێكی سەختدا یادی ئەم جەژنە نیشتمانییە دەكەینەوە، بەڵام ڕێكارەكان بۆ سەلامەتی و پاراستنی هاووڵاتیانە.

دەقی پەیامەكە:
بەبۆنەی جەژنی نەورۆز و سەری ساڵی نوێی كوردییەوە ، پیرۆزباییەكی گەرم ئاراستەی گەلی كوردستان و بەتایبەتی پێشمەرگە قارەمانەكان و بنەماڵەی سەربەرزی شەهیدان دەكەم. هیوادارم مایەی خێر و خۆشی بێت بۆ خەڵكی كوردستان.
‎وەك دەزانن ئەمساڵ بە هۆی بڵاوبوونەوەی پەتای ڤایرۆسی كۆرۆنا و لێكەوتە ئابوورییەكانی، لە دۆخێكی سەختدا یادی ئەم جەژنە نیشتمانییە دەكەینەوە . سوپاستان دەكەم بۆ پابەندبوونتان بە رێنماییە تەندروستییەكان و ئەو رێكارانەی بۆ سەلامەتی و پاراستنی ئێوەی خۆشەویست گرتوومانەتەبەر لەوانەش سنوورداركردنی هاتووچۆ . دڵنیاین بە هاوكاری یەكتر ئەم قەیرانەش تێدەپەڕێنین وەك چۆن لە رابردوودا بە خۆڕاگرییەوە بەسەر زۆر باردۆخی سەختدا زاڵ بووین.
‎هیوادارم ئەم ئاستەنگیانەی هاتوونەتە پێشمان، ببنە دەرفەتێك بۆ بەخۆداچوونەوە و خۆپارێزیی زیاتر لە داهاتوودا و، لە ئاستی ئابووریش زیاتر هانمان دەدات بۆ بەردەوامبوون لە سەر جێبەجێكردنی پرۆسەی چاكسازی دارایی و كارگێڕی كە یەكێك لە كارە لە پێشینەكانی كابینەی نۆیەمی حكومەتی هەرێمی كوردستانە. بە تایبەتی كە ئێمە هەر لە سەرەتای دەستبەكاربوونمانەوە جەختمان لە سەر سیاسەتی هەمەچەشەنكردنی ئابووری هەرێمی كوردستان و پشت نەبەستن بە تاكە سەرچاوەیەكی داهات كردووەتەوە و، ئەم دۆخەی ئێستاش، سوورترمان دەكات لە سەر بەردەوامبوون لەم چاكسازیانەدا.

‎نەورۆزتان پیرۆز بێت و ئومێدەوارم كوردستانیش بەهێزتر و ئاوەدانتر بێت .

‎مەسرور بارزانی
‎سەرۆكی حكومەتی هەرێمی كوردستان
2020/3/20

کوردستان

داواكاری گشتی هەرێم: لیژنەمان لەسەر ملیار و 250 ملیۆن دۆلارەكە پێكهێنا


خەڵك – بەشی هەواڵ
سەرۆكایەتی داواكاری گشتی هەرێمی كوردستان ڕایگەیاند لیژنەی بەدواداچوونی بۆ دۆسێی ملیار دۆلارەكەی لوبنان و 250 ملیۆن دۆلارەكەی كۆمپانیای رۆسنەفت پێكهێنا.

سەرۆكایەتی داواكاری گشتی ڕوونیشیكردەوە كە بڕیارەكەیان لەسەر ڕاسپاردەی مەسرور بارزانی سەرۆكی حكومەت بووە.

دەقی ڕاگەیەندراوەكە:

بەیاننامەیەک لەسەرۆکایەتی داواکاری گشتی هەرێمی کوردستان

لەسەر ڕاسپاردەی سەرۆکی حکومەتی هەرێمی کوردستان رێزدار ( مسرور بارزانی ) لەلایەن سەرۆکایەتی داواکاری گشتی هەرێمی کوردستان لێژنەیەکی بەدواداچوون بۆ بەدەستهێنانی بەڵگەو راستیەکان پێکهێندرا بۆ بەدواداچوون لە دەنگۆی ئەو (۲٥۰) ملیۆن دۆلارەی کە گوایە کۆمپانیای روزنفت داویەتی بە لایەنێک و وە ئەو (۱۰۰۰۰۰۰۰۰۰) یەک ملیار دۆلار کە گوایە لە بانکێکی لوبنانە وە چەند رۆژێکە لە دەزگاکانی ڕاگەیاندن باس دەکرێ وە داوا دەکەیەن هەر لایەنێک بەڵگەی پێویستی لایە پێشکەش بەم لێژنەیەی سەرۆکایەتی داواکاری گشتی بکات بەمەبەستی پاراستنی موڵک و ماڵی گشتی لەرێگەی ئیمێل و ژمارەی مۆبایلی پەیجەکەمان. وە بە پێچەوانەوەهەر لایەنێک یان کەناڵێکی راگەیاندن یان کەسێک بە بێ بەڵگە ئەم بابەتە بروژێنێت رێککاری یاسایی بەرامبەریان دەگرینە بەر.

لەگەڵ رێزدا

بەردەوام بە لە خوێندنەوە

کوردستان

هاوپەیمانی نێودەوڵەتی لە بنكە سەربازییەكەی كەركوك كشانەوە


خەڵك – بەشی هەواڵ
ئەمڕۆ یەك شەممە هێزەكانی هاوپەیمانی نێودەوڵەتی لە بنكەی سەربازیی كەی وەن لە كەركوك كشانەوە.

دوای واژۆكردنی ڕێككەوتنی كشانەوەی هاوپەیمانی نێودەوڵەتی و لایەنی عیراقی لە بنكەی سەربازی كەی وەن، عەمید ڤنسنت پاركەر لە هاوپەیمانی نێودەوڵەتی ڕایگەیاند، كشانەوەی هێزەكانیان لەسەر بنەمای ئەو دەستكەوتانەیە كە هێزە ئەمنییەكانی عیراق لە هەڵمەتی بەرەنگاربوونەوەی داعشدا بەدەستیانهێناوە.

ڕوونیشیكردەوە كە هاوپەیمانی نێودەوڵەتی هێزەكانی لە عیراق ڕێكدەخاتەوە و ماوەیەكی دوورودرێژیشە پلان بۆ ئەو گۆڕانكارییانە دادەنێن لەگەڵ حكومەتی عیراقدا.

فەرماندەكەی هاوپەیمانان ڕەتیشیكردەوە گواستنەوەی هێزەكانیان پەیوەندی هەبێت بەو هێرشانەی كە دەكرانە سەر ئەو بنكە عیراقییانەی كە هێزەكانی ئەمریكا و هاوپەیمانانیان تێدا جێگیركراوە.

بەردەوام بە لە خوێندنەوە

کوردستان

پڕۆسەی خوێندنی ئەمساڵ بە كوێ دەگات؟
(خەڵك) ڕێگاكانی چارەسەر بۆ پڕۆسەی خوێندنی ئەمساڵ ئاشكرا دەكات


خەڵك-سەعد مەلا عەبدوڵڵا گوڵپی

 

جێگری سەرۆكی یەكێتی مامۆستایانی كوردستان ڕایدەگەیەنێت، پێشبینی دەكەین خوێندنی ئەمساڵ كێشەی بۆ دروست نەبێت.

بەهۆی ڤایرۆسی كۆرۆناوە نزیكەی 2 مانگ پڕۆسەی خوێندن ڕادەوەستێت، ئەمەش بەهۆی كەشوهەوای هەرێمی كوردستانەوە پێشتریش چەند جارێك پشوو ڕاگەیەنراوە، هاوكات پڕۆسەی خوێندن لە دەیان وڵات بە تەواوەتی ڕاگیراوە و تا ئێستاش ئاسۆی چۆنێتی دەستپێكردنەوەی پڕۆسەی خوێندن ڕوون نییە و حكومەتی هەرێمیش تاكو 16ی مانگی داهاتووی وەك پشوو درێژكردەوە.

عەتا ئەحمەد جێگری سەرۆكی یەكێتی مامۆستایانی كوردستان بە (خەڵك)ی ڕاگەیاند، پێشبینی ناكەم دەوامی ئەمساڵ پەكی بكەوێت، چونكە لە وەرزی یەكەمدا لە هەرێمی كوردستان دەوامی باش كراوە، ئەوەشی فەوتاوە مانگی سێیە كە ئەویش زۆربەی پشووە.

وتیشی”ئەگەر مانگێكی دیكەشی بچێتەسەر دەكرێت ئەو ماوەیە قەرەبوو بكرێتەوە”.

عەتا ئەحمەد ڕوونیشیكردەوە، وەزارەتی پەروەردە چاوەڕێی دۆخەكە دەكات و جارێ ڕوون نییە هیچ بڕیارێك بدرێت، بەڵام ئەگەر هەیە دەوام دوابخرێت، لانیكەم مانگیكی دیكە دەوام بكرێت و تاقیكردنەوەی پۆلە كۆتاكانیش دوابخرێت.

لە ئەگەری درێژكردنەوەی دەوامی خوێندن، گرفتی كارەبا و فێنكەرەوە بۆ قوتابخانەو خوێندنگاكان دروست دەبێت، چونكە زۆرینەی قوتابخانەكان هیچ هۆكارێكی فێنكەرەوەیان نییە، لەو بارەوە عەتا ئەحمەد ڕایگەیاند، چارەسەر نییە و دۆخەكە هاتووەتە پێشەوە و دەبێت مامەڵەی لەگەل بكەیت، لە هەرێمیش زیاتر مانگی 7 و 8 گەرما دەست پێدەكات، ئەوەی كێشەی زۆر بێت پڕۆسەی پەروەردەیە لە عیراقدا.

بەردەوام بە لە خوێندنەوە

کوردستان