ئێمە لە تۆرە کۆمەڵایەتیەکان

کوردستان

پۆلیسی سلیمانی؛ كۆبونەوەی هاووڵاتیان لەگەڕەكەكاندا قەدەغەیە

خەڵك ـ بەشی هەواڵ

وتەبێژی پۆلیسی سلێمانی ڕایدەگەیەنێت ، لەماوەی ئەم چەند ڕۆژەدا ئاستی تاوانەكان سفرە، و هەموو هێزە ئەمنییەكان بەیەك تیم لە هەوڵدان بۆ پاراستنی ئەمنییەتی هاوڵاتیان و جێبەجێكردنی بڕیاری قەدەغەكردنی هاتووچۆ.

سەركەوت ئەحمەد، وتەبێژی پۆلیسی سلێمانی لە لێدوانێكی ڕۆژنامەوانیدا ڕایگەیاندووە، ڕۆژانە هاووڵاتییان پەیوەندییان پێوەدەكەن ، كە ڕێنماییەكان لەكۆڵانەكاندا جێبەجێ ناكرێن، بۆ ئەم مەبەستە هەڵمەتێكیان لەكۆڵانەكان دەستپێكرد بۆ ئەوەی كۆبوونەوەی هاووڵاتییان لە باخچە و دوكان و شوێنەكان ڕابگرن.
وتیشی ،”خۆبەختانە لەماوەی ئەم چەند ڕۆژەدا ئاستی تاوانەكان سفرە و هەموو هێزە ئەمنییەكان بەیەك تیم لە هەوڵدان بۆ پاراستنی ئەمنییەتی هاوڵاتیان و جێبەجێكردنی بڕیاری قەدەغەكردنی هاتووچۆ”.

ڕاشیگەیاند، بە هەموو شێوەیەك كۆبوونەوەی هاووڵاتییان لە كۆڵان و دوكان و شوێنەكان قەدەغەیە و بەهەموو شێوەیەك ڕێگری لێ دەكەن، تەنها چونەدەرەوەی هاووڵاتییان بۆ پێداویستی سەرەكی خۆیان ڕێگە پێدراوە، بەدەر لەوە لێپرسینەوەی یاسایی لەگەڵ دەكەن.

ئەوەشی خستەڕوو، لەناو شاردا لەسەدا 99ی ڕێنماییەكان جێبەجێدەكرێت، لەكۆڵانەكانیشدا، بەڕێژەیەك جێبەجێ ناكرێت، ئەویش داوادەكەن ڕێنماییەكان جێبەجێبكەن، و بەپێی یاسا مامەڵەیان لەگەڵدا دەكەن، ئەگەر پابەندنەبن.

پۆلیسی سلێمانی داوا لە هاوڵاتیان دەكات لە ماڵەكانیان بمێننەوە

ئه‌و كه‌سانه‌ی‌ له‌كۆڵانه‌كاندا كۆده‌بنه‌وه‌ لێپرسینه‌وه‌ی‌ یاساییان له‌گه‌ڵدا ده‌كرێتمه‌فره‌زه‌كانی‌ به‌ڕێوه‌به‌رایه‌تی‌ پۆلیسی‌ پارێزگای‌ سلێمانی‌ له‌كۆڵانه‌كاندا هاوڵاتیان هۆشیار ده‌كه‌نه‌وه‌و ڕیگریی له‌دروستبونی‌ قه‌ره‌باڵغی‌ ده‌كه‌نئه‌مڕۆ 2020/3/19، نه‌قیب سه‌ركه‌وت ئه‌حمه‌د، به‌ڕێوه‌به‌ری‌ به‌شی‌ ڕاگه‌یاندن‌و په‌یوه‌ندییه‌كانی‌ به‌ڕێوه‌به‌رایه‌تی‌ پۆلیسی‌ پارێزگای‌ سلێمانی‌ له‌كۆنگره‌یه‌كی‌ ڕۆژنامه‌وانیدا چه‌ند ڕێنمایی‌و داواكارییه‌كی‌ ئاراسته‌ی‌ هاوڵاتیان كرد.نه‌قیب سه‌ركه‌وت ڕایگه‌یاند، له‌لایه‌ن ژماره‌یه‌كی‌ زۆری‌ هاوڵاتییه‌وه‌ په‌یوه‌ندییمان پێوه‌ده‌كرێت كه‌ له‌گه‌ڕه‌كه‌كاندا ڕێنماییه‌ ته‌ندروستییه‌كان جێبه‌جێ ناكرێت‌، هاوڵاتیان له‌ناو كۆڵان‌و دوكانه‌كاندا كۆده‌بنه‌وه‌و پابه‌ندنین به‌بڕیاری‌ ڕاگه‌یاندنی‌ قه‌ده‌غه‌ی‌ هاتوچۆوه‌، بۆیه‌ هێزه‌كانی‌ پۆلیسی‌ سلێمانی‌ له‌گه‌ره‌كی‌ ڕاپه‌ڕینه‌وه‌ هه‌ڵمه‌تێكمان ده‌ستپێكردووه‌ بۆ ئاگاداركردنه‌وه‌ی‌ هاوڵاتیان تا له‌ماڵه‌كانیاندا بمێننه‌وه‌و نه‌یه‌نه‌ ده‌ره‌وه‌و قه‌ره‌باڵغی‌ دروست نه‌كه‌ن.وتیشی‌، هاوڵاتیان ئاگادار ده‌كه‌ینه‌وه‌ كه‌ كۆبونه‌وه‌یان له‌كۆڵان‌و دوكانه‌كاندا به‌هه‌مو شێوه‌یه‌ك ڕێگه‌پێنه‌دراوه‌، هه‌روه‌ها كۆبونه‌وه‌ی‌ گه‌نجان له‌كۆڵانه‌كان‌و باخچه‌كاندا بۆ نێرگه‌له‌كێشان قه‌ده‌غه‌یه‌، به‌پێچه‌وانه‌وه‌ ئێمه‌ ڕێگریی‌ له‌و جۆره‌ كۆبونه‌وانه‌ ده‌كه‌ین.دوپاتیشیكرده‌وه‌ كه‌ هاتوچۆی‌ ئۆتۆمبێل له‌سه‌ر شه‌قامه‌كان‌و كۆڵانه‌كاندا به‌هه‌مو شێوه‌یه‌ك قه‌ده‌غه‌یه‌و ئه‌و كه‌سانه‌ی‌ ڕێنماییه‌ ته‌ندروستییه‌كان جێبه‌جێ نه‌كات ڕوبه‌ڕوی‌ لێپرسینه‌وه‌ی‌ یاسایی ده‌كرێنه‌وه‌.نه‌قیب سه‌ركه‌وت ئه‌حمه‌د ڕاشیگه‌یاند، به‌هۆی‌ ئه‌وه‌ی‌ پابه‌ندی‌ ڕێنماییه‌كانی‌ وه‌زاره‌تی‌ ناوخۆو وه‌زاره‌تی‌ ته‌ندروستی‌ نه‌بون، چه‌ندین كه‌س ڕوبه‌ڕوی‌ لێپێچنه‌وه‌ بونه‌ته‌وه‌و ژماره‌یه‌ك ئۆتۆمبێلیش ده‌ستیبه‌سه‌رداگیراوه‌.به‌ڕێوه‌به‌رایه‌تی‌ پۆلیسی‌ پارێزگای‌ سلێمانی‌ – ڕاگه‌یاندن‌و په‌یوه‌ندییه‌كان

Posted by ‎Sulaymanya police پۆلیسی سلێمانی‎ on Thursday, March 19, 2020

ئابوری

ئومێد خۆشناو باسی گرێبەستە 50 ساڵییەكەی نەوت دەكات

خەڵك – بەشی هەواڵ

ئومێد خۆشناو سەرۆكی فڕاكسیۆنی پارتی لە پەرلەمانی كوردستان لەلاپەڕەی فەرمی خۆی لە تۆڕی كۆمەڵایەتی فەیسبوك بابەتێكی لەسەر گریببەستی 50 ساڵەی نەوتی هەرێم لەگەڵ توركیا بڵاوكردەوە و نووسیویەتی: گرێبەستی 50 ساڵە و چەند ڕاستییەك.

 

 

دەقی نووسینەكەی سەرۆكی فڕاكسیۆنی پارتی لە پەرلەمانی كوردستان :

 

گرێبەستی ٥٠ ساڵەو چەند ڕاستیەك.

دەمێكە چەند كەسێك لە ئاستی سەرو ناوەندو خوارووی هەندێ حزب، باسی ئەوە دەكەن گوایە ئاگاداری ناوەڕۆكی گرێبەستی ٥٠ ساڵەی نێوان كوردستان و توركیا نین!

ئەو كەسانە پێویسته لە نوێنەرانی خۆیان لە حكومەت بپرسن ئایە ئەو گرێبەستە چیەو چەند ئاگادارن؟، پێویست ناكات ڕای گشتی چەواشە بكەن، بەڵام بۆزانیاری هەموولایەك ئەوچەند ڕاستیە دەخەمەڕوو.

١/ گرێبەستی ٥٠ ساڵە لەسەردەمی كابینەی ٧ی حكومەتی هەرێمی كوردستانەو لەو دەم ئەنجومەنی هەرێمی نەوت و غاز بەو شێوەیە بوو.

*سەرۆك وەزیران نێچیرڤان بارزانی

*جێگری سەرۆك وەزیران عیماد ئەحمەد

*وەزیری سامانە سروشتیەكان ئاشتی هەورامی

*وەزیری دارایی خوالێخۆشبوو شێخ بایز تاڵەبانی

*وەزیری پلاندانان دكتۆر عەلی سندی

*سكرتێری ئەنجومەنی وەزیران دكتۆر ئامانج ڕەحیم.

ئەرێ خەڵكی كوردستان ئەو بەڕێزانە كێن و لە چ حزبێكن؟

ئەرێ چ جارێك یەكێك لەو بەڕێزانه باسی ئەوەی كردوە ئاگاداری گرێبەستەكە نەبن؟.

٢/ لەسەردەمی كابینەی ٨ حكومەتی هەرێمی كوردستان بۆ دەوڵەمەندكردن و پێداچوونەوه بە گرێبەستەكە، شاندێكی حكومەتی هەرێمی كوردستان كە پێكهاتبوو لە:

*قوباد تاڵەبانی جێگری سەرۆك وەزیران

*ڕێباز حەملان وەزیری دارایی و نوێنەری ئەوكاتی بزوتنەوەی گۆڕان

*ئاشتی هەورامی وەزیری سامانە سروشتیەكان

*د. عەلی سندی وەزیری پلاندانان

*د.ئامانج ڕەحیم سكرتێری ئەنجومەنی وەزیران، لەسەردەمی كابینەی ٨ چوونە توركیا و هەمواری ڕێكەوتنەكەیانكرد.

دیسان ئەرێ خەڵكی كوردستان ئەوانە كێ بوون و لە چ حزبێك بوون؟

ڕۆژێك لە ڕۆژان كەسێكتان بینی لەوانە بڵێن ئاگادارنین؟.

٣/چەند جارێك ئەنجومەنی هەرێمی نەوت و گاز، بۆ زانیاری دان لەگەڵ سكرتێر و ڕێكخەری حزبەكان و مەكتەبی سیاسی حزبەكان كۆبوونەوەو زانیاری ووردیان پێدان.

بۆیه واباشە چیتر خۆڵ نەكەنە چاوی خەڵك و ڕای گشتی چەواشە نەكەن، هەر پرسیارێكتان هەیە لە نوێنەرانی خۆتان لەحكومەت بكەن.

بەری ڕۆژ بە بێژینگ ناگیرێ، كاتی دەرخستنی زۆر لە ڕاستیەكان هات و ئێمەو ئێوە، بە ئەرگۆمێنت و دیكۆمێنت قسان دەكەین، لۆژیك و مەنتق و نیشاندانی ڕاستی كاری ئێمە دەبێ و ئێوەش لە چەواشەكاری و ناڕاستی بەردەوام بن و داوجاریش خەڵكی وویژدان زیندووی كوردستان لە نێوان ئێمەو ئێوە حاكم و حەكەم دەبێ.

 

ئومێد خۆشناو
سەرۆكی فراكسیۆنی پارتی لە پەرلەمان

بەردەوام بە لە خوێندنەوە

کوردستان

ڤیدیۆ.. لە هەولێر ئۆتۆمبێلێك خۆی بەنێو خەڵكدا كرد و دوو كەس گیانیان لەدەستدا

خەڵك – بەشی هەواڵ

لەسەر شەقامی 60 مەتری هەولێر، ئۆتۆمبێلێكی جۆری (بی ئێم دەبلیو) خۆی بەنێو خەڵكدا دەكات و بەهۆیەوە دوو كەس گیانیان لەدەستداوە و كەسێكی تریش برینداربوو.

مقەدەم فازڵ حاجی، وتەبێژی هاتووچۆی هەولێر لە لاپەڕەی فەرمی خۆی لە تۆڕی كۆمەڵایەتی فەیسبوك بڵاویكردەوە ڕایگەیاند، كەمێك بەر لە ئێستا لەسەر شەقامی 60 مەتری لە بەرامبەر مزگەوتی سپی ئۆتۆمبێلێكی جۆری (بی ئێم دەبلیو)ی تایبەت بەهۆی پێشبڕكێ كردن لەگەڵ ئۆتۆمبێلێكی تر كۆنتڕۆڵی لەدەستدا و دوای ئەوەی لەگەڵ ئۆتۆمبێلەكە بەریەك كەوتن.

وتەبێژی هاتووچۆی هەولێر ئاماژەی بەوەشداەی، بەپێی زانیارییە سەرەتاییەكان دوو كەس كە لەسەر شۆستە بوون و جگەرەفرۆشن گیانیان لەدەستداوە و كەسێكیش برینداربووە و زیانێكی زۆریش كەوتووەتەوە.

 

بەردەوام بە لە خوێندنەوە

کوردستان

بەپرسێكی پارتی: ئەوەی ئێستا دەگوزەرێ‌ قەیرانی عەقڵیەتی بەڕێوەبردنە

خەڵك- بەشی هەواڵ
سەركردەیەكی باڵای پارتی دیموكراتی كوردستان ڕەخنە لە حزبە بەشدارەكانی ناو حكومەتی هەرێم دەگرێت و ڕایدەگەیەنێت، حكومەتی ھەرێمی كوردستان بەھی خۆیان نازانێ.

لە دوو ڕۆژی ڕابردوودا خۆپیشاندان و ناڕەزایی دژی نەبوونی مووچە شاری سلێمانی و چەند شوێنێكی دیكەی گرتەوە و یەكێتی و گۆڕان، كە بەشدارن لە حكومەتی هەرێم پشتیوانیان بۆ خۆپیشاندەران و دابینكردنی مافەكانیان ڕاگەیاند.

ئەحمەد كانی، ئەندامی ئەنجوومەنی سەركردایەتی پارتی و بەرپرسی لقی دووی ئەو حزبە لە هەژماری خۆی لە فەیسبووك ڕایگەیاندووە، ئەوەی ئێستا لەكوردستاندا دەگوزەرێ بەر لەھەموو قەیرانەكان، قەیرانی ویژدان و قەیرانی عەقڵیەتی بەڕێوەبردنی دەوڵەتە .

دەشڵێت: “عەقڵیەتی ئینتیما بۆ حزب و كەسایەتیەكانی ناو حزب زۆر بەھێزتر و زاڵترە لە جوڵاندنی ویژدان و بیركردنەوە بەعەقڵیەتی بەڕێوەبردنی دەوڵەت”.

ئاماژەی بەوەشكردووە، ھەندێك لەكادیرەكان و بگرە لەبەرپرسە باڵاكانی خودی حزبێك چ ئەوەی بەشدارە لە حكومەت یا ئەوەی دەیەوێت خۆی وەكو ئۆپۆزسیۆن وێنا بكات حكومەتی ھەرێمی كوردستان بەھی خۆیان نازانێ، بەڵكو خوازیارە ھەموو دەسكەوتەكان بۆ حزبەكەی ھەژمار بكرێت، لەناو حزبەكەشیدا ھەموو دەسكەوتەكان بۆ خۆی ھەژمار بكرێت، ئەگەر نا بەپێچەوانەی ئەوەوە حكومەت دەبێت ھەمیشە بەگومانەوە سەیر بكرێت و بخرێتە ژێر ھێمای پرسیارەوە .

بەردەوام بە لە خوێندنەوە

کوردستان