ئێمە لە تۆرە کۆمەڵایەتیەکان

جیهان

ترەمپ: ڕەگەزپەرست نیم بەڵام كۆرۆنا لە چینەوە هات

خەڵك-بەشی هەواڵ
سەرۆكی ئەمریكا دەڵێت، ڕەگەزپەرست نیم، بەڵام ڤایرۆسی كۆرۆنا لە چینەوە هات.

دۆناڵد ترەمپ سەرۆكی ئەمریكا لە كۆنفرانسێكی ڕۆژنامەوانیدا ڕایگەیاند”ڕگەزپەرست نیم، بەڵام ڤایرۆسی كۆرۆنای نوێ‌ لە وڵاتی چینەوە سەرچاوەی گرت، لەگەڵ ئەمەشدا توانیان بەوپەڕی تواناوە مامەڵە لەگەڵ ئەو پەتایەدا بكەن و ڕۆڵی گرنكیان لەو ڕووەوە هەبێت”.

بە تەوی ترەمپ”هەر لە سەرەتاوە توانییان سنورەكان لەگەڵ چین دابخەن بۆ بەرگرتن لە بڵاونەبوونەوەی ڤایرۆسە كوشندەكە لە ویلایەتە یەكگرتووەكانی ئەمریكا”.

سەرۆكی ئەمریكا پێیوایە”بەردەوام لەگەڵ ئەو ڤایرۆسە چینییەدا بەشێوەیەكی ڕاستەقینە كارییان كردووە، بە بڕیارە پێشوەختەكەشیان بۆ داخستنی سنور لەگەڵ چین كە تائاستێك دژ بە خواستی هەموان بوو، لەو ڕێگەیەوە گیانی زۆرێك ڕزگاركرا”، هۆشداریشیدا لە مەترسی پڕوپاگەندەی “هەندێك میدیای نوێ‌ كە گێڕانەوەی هەڵبەستراو باس دەكەن”.

 

ئابوری

چین: ئەمریکا گێچەڵمان پێدەکات

خەڵك-بەشی هەواڵ

 

سبەینێ لە ئەمریكا هەردوو بەرنامەی تیك تۆك و ویچات ڕادەگیرێت و وەزارەتی بازرگانی چین-یش ڕایدەگەیەنێت، پەكین بەم نزیكانە ڕێكاری تایبەت بەرامبەر بەم بڕیارە دەگرێتەبەر.

ئاژانسی ڕۆیتەرز بڵاویكردەوە وەزارەتی بازرگانی چین ئەمڕۆ شەممە قەدەغەكردنی ئەپڵیكەیشنی تیك تۆك و ویچادی لەلایەن حكومەتی ئەمریكاوە بە “گێچەڵ” ناوبرد و دژایەتی وڵاتەكەشی بەرامبەر ئەو هەنگاوە خستەڕوو، داواشی لە واشنتن كرد دەستبەرداری ئەو هەڵسوكەوتانەی بێت.

ئاشكراشیكرد، ئەگەر ئەمریكا هەڵەی خۆی بەم نزیكانە چاك نەكاتەوە، ئەوا چین ڕێكاری پێویست بۆ پاراستنی بەرژەوەندییە ڕەواكانی كۆمپانیاكانی خۆی دەگرێتەبەر.

بەردەوام بە لە خوێندنەوە

جیهان

لە میسر، خۆپیشاندانی دژی سیسی بەڕێوەچوو

خەڵك-بەشی هەواڵ

 

خۆپیشاندان دژی سەرۆك كۆماری ميسر ئەنجامدرا.

 

كەناڵی تەلەفزیۆنی موكەمیلین بڵاویكردەوە، گروپێك لە ناوچەی عەرەب مەعمەل لە شاری سوێز-ی ڕۆژهەڵاتی قاهیرەی پایتەخت خۆپیشاندانیان دژ سیسی ئەنجامدا و هوتافی “ناتوانم بخەوم ئاسوودە نابم، بڕوخێ سیسی بڕوخێ” دەوتەوە.

بەپێی زانیارییەكان، بڕیارە ٢٠ی ئەیلول خۆپیشاندان ساز بكرێت و لەم خۆپیشاندانەشدا پەیامی “ناترسین، ناترسین، لەنێوان ئێمە و تۆدا ڕۆژی ٢٠ی ئەیلول هەیە”یان بە ڕژێم دەوتەوە.

ئەمەش لەكاتێكدایە، محەمەد عەلی سەركردەی ئۆپۆزسیۆنی میسری، كە لە ئیسپانیا دەژی، داوای لە گەلەكەی كرد لە ٢٠ی ئەیلول خۆپیشاندان دژی سیسی ئەنجام بدەن.

بەردەوام بە لە خوێندنەوە

جیهان

تووشبووانی كۆرۆنا لە ئەمریكا لە 7 ملیۆن نزیك دەبێتەوە

خەڵك-بەشی هەواڵ

بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە 30 ملیۆن و 701 هەزار و 291 حاڵەت.

بە گوێرەی ئامارە جیهانییەكان، تاكو كاتژمێر 9:30ی ئەمڕۆ شەممە ژمارەی تووشبووانی كۆرۆنا لە جیهاندا گەیشتە 30 ملیۆن و 701 هەزار و 291 حاڵەت، لەو ژمارەیەش نۆسەد و 56 هەزار و 498 حاڵەتی گیانلەدەستدانیش هەبووە.

لەسەر ئاستی وڵاتانی جیهان، ئەمریكا زۆرترین ڕێژەی تووشبوون بە پەتاكەی تێدا تۆماركراوە و گەیشتووەتە شەش ملیۆن و 925 هەزار و 941 كەس و 203 هەزار و 171 كەسیش گیانیان لەدەستداوە.

ڤایرۆسی كۆرۆنا نەخۆشییەكی كوشندەیە و مانگی 12ی ساڵی ڕابردوو لەشاری وۆهانی وڵاتی چین سەریهەڵداو لەئێستاشدا لە زیاتر لە 210 وڵات و ناوچەی جیهان بڵاوبووەتەوە.

بەردەوام بە لە خوێندنەوە

کوردستان