ئێمە لە تۆرە کۆمەڵایەتیەکان

ژیاندۆستی

5 ڕووداوی مێژووی کە وایکرد مەککەی پیرۆز دابخرێت، ڤایرۆسی کۆرۆنا یەکێکیان بووە!

خێزان

بەدرێژایی مێژوو تا ئێستا ٥ جار بەناچاری کەعبە پیرۆز  لە شاری مەککە بەڕووی مسوڵماناندا داخراوە، ئەمەی خوارەوە گرنگترین ئەو ڕووداوە مێژوویانەیە کە وایکردووە دەرگای ئەم شوێنە پیرۆزە دابخرێت:

 

-ڕووداوی یەکەم لە ساڵی  ٥٧٠ی  زاینینی.

ئەبرەهەی حەبەشی لەساڵی ( ٥٧٠) زاینی لەشاری سەنعای پایتەختی یەمەن لەشکرێکی گەورەی ( 60 ) هەزار کەسی چەند فیلێکی هێنا بۆسەر شاری مەکە بۆ ڕووخاندنی کەعبە، بەڵام پەروەردگار ئەم لەشکرەی لەناو برد و کەعبەی پاراست،  بەم ساڵە دەوترێ ساڵی فیل، خوای گەورە لە قورئانی پیرۆز دا لەسورەتی فیل دا باسی ئەم ڕووداوە دەکات.

 

 

-ڕووداوی دووەم لە ساڵی ٦٩٣ – ٦٩٤  (٧٣ی هیجری)

لە سەردەمی دەسەڵاتی عەبدولمەلیکی کوڕی مەڕوان لە دەوڵەتی ئەمەوی، شۆڕشێک لەسەر دەستی (عەبدوڵڵای کوڕی زوبەیر) ڕوویدا لە شاری مەککە دژی دەسەڵاتی ئەمەویەکان، هەر بۆیە خەلیفەی ئەمەوەیکان فەرمانی کرد بە (حەجاج یوسف سەقەفی) کە شۆڕشەکە دابمرکێنیتەوە، بۆیە ئەویش هێزێکی زۆری کۆکردەوە و بە مەنجەنیق هێرشی کردە سەر مەککە و بەهۆیەوە زیانێکی زۆری لێیدا و بەشێکی کەعبە ڕوخا.

 

 

-ڕووداوی سێیەم 929 ی زاینی (٣١٧)ی هیجری

دەوڵەتی قەرامیتە، کە دەوڵەتێکی شیعە بوون و لە فاتمیەکان جیاببونەوە و پایتەختەکەیان (بەحرەین) بوو، لە کاتی حەجدا هێزیان کۆکردەوە و هێرشیانبرد بۆسەر شاری مەککە و کەعبەی پیرۆز، بەهۆی ئەوەوە زیاتر لە دە هەزار کەس لە دانیشتوانی مەککە و حاجیان کوژران و کوشت و بڕێکی زۆریان ئەنجامدا، دەرگای کەعبەیان شکاند و  بەردە ڕەشەکەی ناویان بردەوە بۆ پایتەختەکەی خۆیان لە بەحرەین و بۆماوەی ٢٢ ساڵ لایان مایەوە و دواتر گەڕێندرایەوە بۆ مەکە.

 

-ڕووداوی چوارەم لە ساڵی ١٩٧٩ی زاینی

پیاوێک بەناوی  (جهیمان العتیبی)  کە بەنگەشەی ئەوەی دەکرد ئیمامی مەهدییە لەگەڵ ژمارەیەک لە شوێنکەوتوانیدا لە ڕێگەی تابوتەوە چەکیان بردە ناو حەرەمی مەککەوە و ژمارەیەک خەڵکیشیان بە بارمتە گرت. لە پاش ٣ ڕۆژ شەڕ لەگەڵ دەسەڵاتدارانی سعوودیە، زۆرێکیان کوژران و ژمارەیەکیشیان بەدیلگیران کە دواتر ئەوانیش لەسێدارە دران.

 

-ڕووداوی پێنجەم لە ساڵی ٢٠٢٠ ی زاینی

بەهۆی بڵاوبوونەوەی ڤایرۆسی کۆرۆنا لە جیهاندا و گەشتنی ڤایرۆسەکە بۆ وڵاتی سعوودیە، حکومەتی سعودییە بۆ پاککردنەوەی حەرەمی مەککە و ڕێگری لە زیاتر لە بڵاوبوونەوەی، بەناچاری حەرەمی مەککەیان بەڕووی هاوڵاتیان و عەمرەکاراندا داخست.

ریکلام

ژیاندۆستی

6 کاری هەڵە کە خانمان بەحسابی خۆیان بۆ سەرنجڕاکێشانی پیاوان ئەنجامی دەدەن، بەڵام پێچەوانەکەی ڕاستە

خێزان

كۆمه‌ڵێك كار هه‌یه‌ كه‌ زۆرێك له‌ خانمان بۆ ئه‌وه‌ی سه‌رنجی پیاوانی پێ ڕابكێشن ئه‌نجامی ده‌ده‌ن، ئه‌مه‌ش له‌ كاتێكدایه‌ كه‌ پێچه‌وانه‌كه‌ی ڕاسته‌:

 

-به‌شێك له‌ ژنان بۆ سه‌رنجڕاكێشانی پیاوان جلوبه‌رگی ڕوت له‌به‌رده‌كه‌ن، له‌ كاتێكدا به‌لای پیاوانه‌وه‌ شیكپۆشی و ئه‌ناقه‌ت گرنگه‌ نه‌ك ڕووتی.

 

 

-لاسایكردنه‌وه‌ی كچه‌ مۆدێله‌كان یه‌كێكی دیكه‌یه‌ له‌ هه‌ڵه‌كان، پیاوان حه‌ز به‌ كچانی سروشتی ده‌كه‌ن، هه‌ر بۆیه‌ هه‌وڵبده‌ خۆت بیت.

 

 

-هه‌ندێك له‌ ژنان له‌ هه‌موو شتێكدا پشت به‌ پیاوه‌كانیان ده‌به‌ستن و خۆیان بێده‌سه‌ڵات نیشان ده‌ده‌ن، له‌ كاتێكدا گرنگه ژنان هه‌ندێك كات پشت به‌خۆشیان ببه‌ستن و ئه‌و جۆره‌ ژنانه‌ سه‌رنج ڕاكێشترن.

 

 

-به‌شێك له‌ ژنان به‌ ته‌واوه‌تی ژیانی تایبه‌تی خۆیان له‌ بیر ده‌كه‌ن و هه‌موو شتێك به‌ به‌رامبه‌ره‌كه‌یانه‌وه‌ ده‌به‌ستنه‌وه‌، پێچه‌وانه‌ی ئه‌م جۆره‌ خانمانه‌ به‌لای پیاوانه‌وه‌ سه‌رنج ڕاكێشترن كه‌ جاروبار بوارێك ده‌هێڵنه‌وه‌ بۆ ژیانی تایبه‌تی.

 

 

-به‌شێك له‌ خانمان له‌سه‌ر ئه‌و بۆچونه‌ن كه‌ پیاوان حه‌ز به‌ ژنی ئاقڵ ناكه‌ن، بۆیه‌ خۆیان بە نه‌زان نیشان ده‌ده‌ن، له‌ كاتێكدا ئه‌و پیاوه‌ی په‌یوه‌ندی ڕاسته‌قینه‌ی بوێت به‌دوای ژنی ئاقڵدا ده‌گه‌ڕێت.

 

 

-به‌شێك له‌ خانمان پێیان وایه‌ ماكیاجی زۆر به‌لای پیاوانه‌وه‌ سه‌رنج ڕاكێشه‌، ئه‌مه‌ش هه‌ڵه‌یه‌و تا سروشتی بیت جوانتریت.

 

بەردەوام بە لە خوێندنەوە

ژیاندۆستی

چۆن کاتی ئاڵتوونی و کاتی شین بۆ وێنەگرتن دەدۆزیتەوە؟

خێزان

کاتی ئاڵتوونی و کاتی شین بە دوو کاتی زۆر جوان دادەنرێت بۆ وێنەگرتن، کە ئیفێکتێکی سروشتی بۆ وێنەکانت درووستدەبێت، ئەمەی خوارەوە کاتی دیاریکردنی ئەو کاتانەیە:

 

-کاتی ئاڵووتنی

کاتی ئاڵتوونی لە کاتی خۆر ئاوابوون و خۆرهەڵاتندایە لە بەیانیان و ئێواران، لەم کاتەدا تیشکی ڕوناکی زۆر نەرم و زەردباوە  و وێنەکان جوانتر دەردەچن.

 

 

-کاتی شین

کاتی شین بە گشتی 20  بۆ ٣٠ خولەک بەر لە خۆرهەڵهاتن و پاش خۆرئاوابونە، کە ڕوناکی ناوچەکەت شین دەردەکەوێت، لەم ماڵپەڕەوە دەتوانیت کاتی شین لە ناوچەکەی خۆتدا بزانیت.

 

 

 

بەردەوام بە لە خوێندنەوە

ژیاندۆستی

کۆمەڵێک نامەی پێکەنیناوی کوڕان بۆ کچان لە فەیسبووکەوە

خێزان

ئەمەی خوارەوە کۆمەڵێک نامەی پێکەنیناوی کوڕانە بۆ کچان لە فەیسبووکەوە کە کچان بۆخۆیان بڵاویان کردۆتەوە و ئاماژە بەوەدەدەن کە ڕۆژانە نامەی لەمجۆرەیان زۆر پێدەگات:

 

 

بەردەوام بە لە خوێندنەوە

کوردستان