ئێمە لە تۆرە کۆمەڵایەتیەکان

عێراق

زورفی و فوئاد حسێن كێشە هەڵپەسێردراوەكانی نێوان بەغدا و هەرێم تاوتوێ‌ دەكەن

خەڵك-بەشی هەواڵ
عەدنان زورفی سەرۆك وەزیرانی ڕاسپێردراو لەگەڵ فوئاد حسێن وەزیری دارایی حكومەتی فیدراڵ، كارنامەی حكومەتی نوێ‌ تاوتوێ‌ دەكەن.

كەناڵی (العراقیە)ی نیمچە فەرمی بڵاویكردەوە،”عەدنان زورفی سەرۆك وەزیرانی ڕاسپێردراو، چاوی بە فوئاد حسێن وەزیری دارایی حكومەتی فیدراڵی كەوتوو و لە چاوپێكەوتنەكەدا، باس لە دۆسێ‌ هەڵپەسێردراوەكانی نێوان حكومەتی فیدراڵ و هەرێمی كوردستان كراوە”.

بەگوێرەی هەواڵ”هەردوودا لە چاوپێكەوتنەكەدا، گفتووگۆیان لەسەر كارنامەی حكومەتی داهاتوو كرد”.

پێشتر یەكێتیی نیشتمانیی كوردستان بەخشینی متمانەی بە حكومەتەكەی عەدنان زورفی سەرۆك وەزیرانی ڕاسپێردراو، وابەستەی جێبەجێكردنی داواكارییەكانی كورد و بەدیهێنیان كردبۆوە كە “دەبێت هاوتای حكومەتە كاربەڕێكەرەكەی عادل عەبدولمەهدی بێت”.

عەدنان زورفی، دوای ئەوەی لەلایەن سەرۆك كۆماری عیراقەوە بۆ پێكهێنانی حكومەتی داهاتوو ڕاسپێردرا، لە كارنامەی حكومەتەكەیدا ئاماژەی خستنەگەڕی هەوڵەكان كردبوو بۆ چارەسەكردنی كێشە هەڵپەسێردراوەكان لەگەڵ حكومەتی هەرێمی كوردستان و پەرەپێدانی هێزەكانی پێشمەرگە، بەو پێیەی بەشێكن لە سیستمی سەربازی وڵات.

 

عێراق

زیاتر لە دوو هەزار تووشبووی کۆرۆنا لەعیراق چاکبوونەوە

خەڵک – بەشی هەواڵ

 

بەپێی نوێترین ئاماری تووشووانی کۆرۆنا لەعیراق لەماوەى ٢٤ کاتژمێری ڕابردوودا دوو هەزار و ١٧٢ تووشبووی کۆرۆنا چاکبوونەتەوە.

 

وەزارەتی تەندروستی عیراق ئاماری ٢٤ کاتژمێری ڕابردوودا بڵاوکردەوە، کە تێیدا سێ هەزار و ٤٦١ تووشبووی نوێی کۆرۆنا لەعیراق تۆمارکران و دوو هەزار و ١٧٢ تووشبووش چاکبوونەوە.

 

هەر بەپێی ئامارەکە، لەو ماوەیەدا ٧٥ تووشبووی کۆرۆنا گیانیان لەدەستدا.

 

بەردەوام بە لە خوێندنەوە

ئابوری

عیراق ئاستی بەرهەمهێنانی نەوت كەمدەكاتەوە

خەڵك – بەشی هەواڵ
وەزارەتی نەوتی عیراق بەڵێن دەدات كە 400 هەزار بەرمیل لە بەرهەمهێنانی نەوتی ڕۆژانە كەمبكاتەوە.

ئیحسان عەبدولجەبار وەزیری نەوت پەیوەندییەكی تەلەفۆنی لەگەڵ عەبدولعەزیز سەلمان وەزیری وزەی سعودیە ئەنجام دا و تێیدا باسیان لە بوژانەوەی بازاڕی نەوت و پابەندبوون بە ڕێككەوتنی ئۆپیك لەسەر دابەزاندنی ئاستی بەرهەمهێنانی نەوت كرد.

وەزیری نەوتی عیراق جەختیكردەوە لەوەی لەسەرەتا ئەم مانگەوە تا كۆتایی مانگی ئەیلولی داهاتوو، 100% پابەند دەبێت بە ڕێككەوتنەكەی ئۆپیكەوە.

ئیحسان عەبدولجەبار ئەوەشی خستەڕوو كە عیراق لە ماوەی ئەم دوو مانگەدا ڕۆژانە 400 هەزار بەرمیل نەوت كەمدەكاتەوە.

بەردەوام بە لە خوێندنەوە

عێراق

بەرهەم ساڵح و مستەفا كازمی: پتەوكردنی پەیوەندییەكانی نێوان هەولێر و بەغدا گرنگە

خەڵك – بەشی هەواڵ

نووسینگەی ڕاگەیاندنی سەرۆكایەتی كۆمار لە ڕاگەیەنراوێكدا ڕایگەیاند، سەرۆك كۆماری عیراق لە بەغدا پێشوازیی لە سەرۆك وەزیرانی وڵاتەكەی كرد و باسیان لە دۆخی سیاسی، ئابووریی، ئاسایش و تەندروستیی عیراق كرد و جەختیشیان لە بەهێزكردنی پەیوەندییەكانی نێوان بەغدا و هەولێر كردەوە.

نووسینگەی ڕاگەیاندنی سەرۆكایەتی كۆمار بڵاویكردەوە، بەرهەم ساڵح، سەرۆك كۆماری عیراق و مستەفا كازمی سەرۆك وەزیران لەبارەی پێویستیی نەهێشتنی تیرۆر و زیادكردنی سەركەوتنە ئەمنییەكان و دابینكردنی ئاسایشەوە پێداگر بوون.

لە بەشێكی تری كۆبوونەوەكەدا باسیان لە ڕووبەڕووبوونەوەی ڤایرۆسی كۆرۆنا كرد و پشتگیریی خۆیان بۆ لایەنە پزیشكی و تەندروستییەكان دەربڕی و جەختیان لە بەڕێوەچوونی هەڵبژاردنی پێشوەختە كردەوە.

نووسینگەی ڕاگەیاندنی سەرۆكایەتی كۆمار ئەوەشی خستووەتەڕوو، بۆ چارەسەركردنی قەیرانیی ئابووریی وڵات هەردوولا باسیان لە چەند ڕێكارێك كرد بۆ ئەوەی بیانگرنەبەر، بەتایبەت كەمكردنەوەی بەخشینە حكومییەكان و زیادكردنی سەرچاوەكانی داهات.
هەروەها، هەردوو لا جەختیان لە گرنگیی پتەوكردنی پەیوەندییەكانی نێوان حكومەتی ناوەندی و حكومەتی هەرێمی كوردستان و پێویستیی چارەسەركردنی گرفتە ماددییەكان بە گوێرەی دەستوور كردەوە.

بەردەوام بە لە خوێندنەوە

کوردستان