ئێمە لە تۆرە کۆمەڵایەتیەکان

کوردستان

هاووڵاتییەك لە هەولێر گیانی لەدەستدا


خەڵك-ئارام سەردار
ئەمڕۆ چوار شەممە ۱۹ی ئاداری ۲۰۲۰ لەئەنجامی باران بارینی بەخوڕ لەشاری هەولێر، بوو بەهۆی دروستبوونی لافاو، جگە لەزیانی ماددی، زیانی گیانیشی لێ كەوتەوە، لەبەشێكی شەقامەكانی شاری هەولێریش ئاوێكی زۆر كۆبووەوە.

سەركەوت كاڕەش، بەڕێوەبەری ڕاگەیاندنی بەرگری شارستانی هەولێر بە(خەڵك)ی ڕاگەیاند، بەهۆی بارینی بارانی بەخووڕ و بەردەوام لافاو دروست بووە، كە بوو بەهۆی زیان گەیاندن بەچەند ماڵێك و ئاو چووبووە ژوورەوە.

دەشڵێت: “لەنزیك ئەنجوومەنی وەزیران بەهۆی لافاوەوە ئۆتۆمبێلی هاووڵاتیەك لەكار كەوت و لەكاتی هاتنە خوارەوەی لەئۆتۆمبێلەكەی لەئەنجامی كەوتنەخوارەوەی تەلی كارەبا بۆناو ئاوەكە كارەبا گرتوویەتی و گیانی لەدەستداوە.

ڕوونیشیكردەوە، ئێستا هیچ كێشەیەك لەهەولێر نەماوە وهەمووی كۆنتڕۆڵكراوە، بەڵام لە كۆمەڵگەی شاوێس لەسەر ڕێگەی هەولێر- پیرمام، لافاو دروست بووە و لەگەڵ تیمێكی گەورەی بەرگری شارستانی بەرەو شاوێس بەڕێگاوەین.

بەپێی زانیارییەكانی (خەڵك) ئەو كەسە ناوی (شوان ئەمین)ە و پیشەی مامۆستایە.

کوردستان

“هەرێمی كوردستان، دە ڕۆژی پڕ مەترسی لەبەردەمدایە”


خەڵك-بەشی هەواڵ

بەڕێوەبەری دیوانی وەزارەتی تەندروستی حكومەتی هەرێم ڕایدەگەیەنێت، تكایە لەماڵ بمێننەوە، پابەندی ڕێنماییەكان بن .

خالس قادر بەڕێوەبەری دیوانی وەزارەتی تەندروستی حكومەتی هەرێم لە هەژماری خۆی بڵاویكردەوە، بەداخەوە، ئێستا ئێمە بەرەو لوتكەی پەتاكە دەڕۆین، دە ڕۆژی داهاتوو بۆمان پڕ مەترسییە بۆ تەشەنەكردن و بڵاوبوونەوە یان سنوورداركردنی ڤایرۆسەكە.
وتیشی”دوای ئەوە، دە ڕۆژی سەخت بۆ نەخۆشخانە پزیشك و كارمەندانمان دەست پێدەكات بۆ چارەسەر و چاودێری حاڵەتە قورس و توندەكان گیانلەدەستدانەكان، خودا پەنامان بدا و پشت و پەنامان بێت بتوانین بە كەمترین لەدەستدان ئەو قۆناغەسەختە تێبپەڕێنین”.

ئاماژەی بۆ ئەوەش كرد، دوای ئەوە پەتاكە هێور دەبێتەوە و حاڵەكان ڕوو لە كەمی دەكەن و بەرەو قۆناغی كۆنتڕۆڵكردن دەچین، ئەگەر خەڵك بەباشی پابەند بێت و لەماڵ بمێننەوە و تێكەڵ نەبن و خۆیان و خانەوادەكان و خەڵكی تر بپارێزن بەدڵنیایی پشت بەخوا زیانەكانمان زۆر كەم دەبێت ئەگەر نا ئەنجامەكان هەموومان ئازار دەدات.

بەردەوام بە لە خوێندنەوە

کوردستان

هاووڵاتیانی ڕۆژئاوای كوردستان لە پارەی دوو مانگی ئاو و كارەبا بەخشران


خەڵك-بەشی هەواڵ

بەڕێوەبەرایەتی خۆسەر لە ڕۆژئاوای كوردستان لە پارەی دوو مانگی سەرجەم هاووڵاتیان خۆش بوو.

بەپێی نووسراوێك كە واژووی سەرۆكایەتی هاوبەشی بەڕێوەبەرایەتی خۆسەری ڕۆژئاوای كوردستانی لەسەر ئاماژە بۆ ئەوە دەكات، بەرێوەبەرایەتی خۆسەر لە پارەی دوو مانگی ئاو و كارەبای هاوڵاتیان خۆشبوو.

ئاشكراشیدەكات، لێخۆشبوونەكە وەك هاوكارییەكە بۆ هاووڵاتیان لەم كاتی قەدەغەی هاتوچۆ و هاتنی ڤایرۆسی كۆرۆنایەدا.

بەردەوام بە لە خوێندنەوە

کوردستان

وەزیری تەندروستی: هەرێمی كوردستان لەبەردەم كارەساتێكی گەورەی مرۆیی دایە


خەڵك – بەشی هەواڵ
وەزیری تەندروستی هۆشداری دەدات لە دروستبوونی كارەساتێكی گەورەی مرۆیی.

ئەمڕۆ دوو شەممە پەیجی وەزارەتی تەندروستی لە زاری د. سامان بەرزنجی وەزیری تەندروستییەوە بڵاویكردەوە كە “هەرێمی کوردستان لەبەردەم مەترسیەکی گەورە و کارەساتی مرۆیی دایە”.

ئەمەش دوای ئەوە هات كە 41 حاڵەتی نوێی تووشبوون بە كۆرۆنا لە هەولێر تۆمار كرا.

زۆربەی تووشبووەكان بەركەوتەی كەسانی دوو پرسەكەی هەولێرن.

بەردەوام بە لە خوێندنەوە

کوردستان