ئێمە لە تۆرە کۆمەڵایەتیەکان

ئابوری

بەرمیلێك بە 27 دۆلارە
ڕوسیا پێشنیارێكی عیراق لەبارەی نرخی نەوتەوە تاوتوێ‌ دەكات

خەڵك- بەشی هەواڵ

وتەبێژی سەرۆكایەتی ڕوسیا ڕایدەگەیەنێت، مۆسكۆ لە نزیكەوە چاودێری ڕەوشی بازاڕی نەوت دەكات و هەڵەسەنگاندیش بۆ پێشنیارێكی عیراقی دەكات سەبارەت بە سازدانی كۆبوونەوەیەكی “ئۆپیك”.

دیمتری پیسكۆڤ، وتەبێژی سەرۆكایەتی ڕوسیا بە ڕۆژنامەوانانی ڕاگەیاند” بە دڵنیاییەوە27 دۆلار بۆ بەرمیلێك نەوت، نرخێكی گەنجاو نییە بۆ ڕوسیا، ئەم نرخە زۆر نزمە و دەمانویست نرخەكە بەرزتر بێت”.

دوای ئەوەی نرخی بەرمیلێك نەوت لە سەرەتای ئەم ساڵدا بە 66 دۆلارەوە مامەڵەی پێوەدەكرا، لەئێستادا نرخی بەرمیلێك نەوتی جۆری برنت بە 27 دۆلارە.

هۆكاری دابەزینی نرخی نەوت، پەیوەندی بە سعودیە و ڕوسیاوە هەیە، بەو هۆیەی هەردوو وڵات لە مانگی ئاداردا نەگەیشتنە ڕێكەوتن سەبارەت بە كەمكردنەوەی ئاستی بەرهەم و بەردەوام بوون لەسەر مەرجەكانی پێشووی ڕێكەوتنی نێوان ئۆپیك و ڕوسیا.

ئابوری

چین: ئەمریکا گێچەڵمان پێدەکات

خەڵك-بەشی هەواڵ

 

سبەینێ لە ئەمریكا هەردوو بەرنامەی تیك تۆك و ویچات ڕادەگیرێت و وەزارەتی بازرگانی چین-یش ڕایدەگەیەنێت، پەكین بەم نزیكانە ڕێكاری تایبەت بەرامبەر بەم بڕیارە دەگرێتەبەر.

ئاژانسی ڕۆیتەرز بڵاویكردەوە وەزارەتی بازرگانی چین ئەمڕۆ شەممە قەدەغەكردنی ئەپڵیكەیشنی تیك تۆك و ویچادی لەلایەن حكومەتی ئەمریكاوە بە “گێچەڵ” ناوبرد و دژایەتی وڵاتەكەشی بەرامبەر ئەو هەنگاوە خستەڕوو، داواشی لە واشنتن كرد دەستبەرداری ئەو هەڵسوكەوتانەی بێت.

ئاشكراشیكرد، ئەگەر ئەمریكا هەڵەی خۆی بەم نزیكانە چاك نەكاتەوە، ئەوا چین ڕێكاری پێویست بۆ پاراستنی بەرژەوەندییە ڕەواكانی كۆمپانیاكانی خۆی دەگرێتەبەر.

بەردەوام بە لە خوێندنەوە

ئابوری

نرخی زێڕ و دراوەکان

خەڵک – بەشی هەواڵ

 

نرخی زێڕ و دراوەکان بۆ ئەمڕۆ شەممە لەبازاڕەکانی هەرێمی کوردستان بەم جۆرەى خوارەوەیە:

 

نرخی 100 دۆلاری ئەمریكی بەرامبەر 123هەزار و 200 دینارە.

نرخی 100 یۆرۆ بەرامبەر 144 هەزار دینارە.

نرخی 100 پاوەن بەرامبەر 156 هەزار دینارە.

نرخی 100 هەزار تمەن بەرامبەر ٥ هەزار و 750 دینارە.

نرخی 100 لیرەی توركی بەرامبەر 16 هەزار و 500 دینارە.

 

نرخی مسقاڵێک زێڕی عەیارە 18 بەرامبەر 289 هەزار دینارە.

نرخی مسقاڵێک زێڕی عەیارە 21 بەرامبەر 346 هەزار دینارە.

نرخی مسقاڵێک زێڕی عەیارە 24 بەرامبەر 385 هەزار دینارە.

بەردەوام بە لە خوێندنەوە

ئابوری

باندێکی ساختەکاری پارە دەستگیرکرا

 

خەڵک – بەشی هەواڵ

باندێکی ساختەکاری پارە لەڕەواندوز دەستگیرکران، کە لەدەرەوە هاتبوو و دەیانویست پارەى ساختە لەناو بازاڕەکانی هەرێمی کوردستان سافبکەنەوە.

 

حاتم زوبێر بەڕێوەبەری ئاسایشی ڕەواندوز لەکۆنفڕانسێکی ڕۆژنامەوانیدا ڕایگەیاند، باندێکی سێ کەسییان دەستگیرکرد، کە پارەی ساختەیان پێبووە و ویستوویانە ساغیبکەنەوە.

 

ئاماژەى بەئەوەشدا، ئەو پارە ساختانە بەشێوەیەکی زۆر ورد دروستکرابوو، کە زەحمەتبوو پارەکە بناسرێنەوە، بەڵام لەکاتی مامەڵەکردنیان بەپارەکەوە هەستیان پێکراوە، بۆ نمونە بۆ شەربەتێک ١٠٠ دۆلاریان بەشەربەت فرۆشکەداوە.

 

ئەوەشی خستەڕوو، شەو و ڕۆژ لەخزمەتى هاوڵاتییاندان و داوا لەهاوڵاتییانیش دەکات هەر شتێکی گوماناوییان بینی ئاگاداریان بکەنەوە.

 

بەردەوام بە لە خوێندنەوە

کوردستان