ئێمە لە تۆرە کۆمەڵایەتیەکان

کوردستان

لە سلێمانی 3027 كەس سەردانی كلینكی كۆرۆنایان كردووە


خەڵك – بەشی هەواڵ

بەمەبەستی ئەنجامدانی پكشنینی كۆرۆنا، لە سەروەختی كردنەوەی و لەماوەی پانزە رۆژی رابردوودا  3027 كەس سەردانی كلینيكی كۆرۆنایان لەكلینیكی عەلی ناجی لە شاری سلێمانی كردووە.

پێگەی تایبەتی تەندروستی سلێمانی بڵاویكردووەتەوە: لەكلینيكی عەلی ناجی تایبەت بەكۆرۆنا پشكنین بۆ سەرجەم هاوڵاتیان دەكرێت بەتیابەت ئەوانەی لەدەرەوەی وڵات گەڕاونەتەوە، لەگەڵ ئەو كەسانەی گومانی تووشبوونیان بەڤایرۆسی كۆرۆنا لێ دەكرێت و لەماوەی پانزدە رۆژی رابردووشدا 3207 كەس سەردانی ئەو كلینيكەیان كردووە و 1054 نمونە وەرگیراوە و پشكنینان بۆ كراوە.

ستاف و كارمەندانی كلینيكی عەلی ناجی تایبەت بەكۆرۆنا رۆژانە لەكاتژمێر 8ی بەیانی تاوەكو 12ی شەو و بەردەوام لەرۆژانی هەینی و پشووەكاندا كاردەكەن.

لەسەر بڕیاری د.سەباح نەسرەدین بەرێوبەری گشتی تەندروستی سلێمانی لەماوەی 72 كاتژمێردا لەڕێكەوتی 2-3-2020 كلینكی عەلی ناجی تایبەت بەكۆرۆنا كرایەوە و لە4-3 یەكەم نەخۆش لەو كلینيكە بینرا.

کوردستان

وەزیرێكی گۆڕان: كۆدەنگی لەسەر چاكسازی هەیە و عەدالەتیش دەچەسپێت


خەڵك – بەشی هەواڵ
وەزیری بازرگانی حكومەتی هەرێم لە پشكی گۆڕان ڕایدەگەیەنێت، یاسای چاكسازی خراوەتە بواری جێبەجێكردنەوە، ئەم جارە كۆدەنگی لەسەر چاكسازی هەیە و عەدالەتیش دەچەسپێت، دەشڵێت: “خەڵكێكی زۆر بە ناشایستەیی خانەنشین بوون و هەموو ئەوانە و بندیوار و دوو مووچەییش كۆتاییان دێت”.

كەمال موسلیم، وەزیری بازرگانی حكومەتی هەرێم بە ماڵپەڕی فەرمی پارتی ڕاگەیاندووە، جێبەجێكرنی یاسای چاكسازی جێگەی خۆی دەگرێت، بەوەی كە بەدیهێنانی عەدالەتە لەنێو فەرمانبەراندا و ئەوانەیشی بە ناحەق سوودمەند بوون لادەبرێن.

دەشڵێت: “ئەم جارە كۆدەنگی لەسەر چاكسازی هەیە و عەدالەتیش دەچەسپێت و بەهۆی چاكسازییەوە داهاتێكی زۆریش بۆ حكومەت دەگەڕێتەوە، چونكە خەڵكێكی زۆر بە ناشایستەیی خانەنشین بوون و هەموو ئەوانە و بندیوار و دوو مووچەیش كۆتاییان دێت”.

ڕاشیگەیاندووە، لەبارەی ڕەوشی ئێستا و ئەنجامدانی چاكسازی بەردەوام و هەفتانە كۆدەبینەوە و بڕیارەكە هەموومان دەنگمان بۆ چاكسازی داوە، ئەگەر كۆدەنگی لەسەر نەبێت، بۆچی دەنگی بۆ دەدەین، كۆدەنگی لەسەر چاكسازی ھەبووە و ھەموو ئەندامانی ئەنجوومەنی وەزیرانیش دەنگیان بۆ جێبەجێكردنی داوە.

بەردەوام بە لە خوێندنەوە

کوردستان

هەرێم؛ لە 24 كاتژمێری ڕابردوودا ڕێژەی چاكبوونەوە و زیاترە لە توشبوون بە ڤایرۆسی كۆرۆنا


خەڵك- بەشی هەواڵ

وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 204 حاڵەتی تووشبوون بە كۆرۆنا تۆماركراوە و 9 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، هەزار و 569 پشكنین ئەنجامدراوە و دەركەوتووە لە هەولێر 25 كەس و سلێمانی 108 كەس و لە گەرمیان 68 كەس و 3 دهۆك تووشی كۆرۆنا بوون.

ئاشكراشی كردووە، كە 9 حاڵەتی مردن هەبووە لەگەڵ چاكبوونەوەی 268 كەس.

بەردەوام بە لە خوێندنەوە

کوردستان

هەپەگە؛ لەسەر شەڕەكەی خواكوڕك ڕاگەیەنراوێكی بڵاوكردەوە


خەڵك – بەشی هەواڵ
هێزەكانی پاراستنی گەل ڕایدەگەیەنێت، گەریلاكانیان لە دەڤەری چوارچەلای سەر بە هەرێمی زاگرۆس چالاكیان ئەنجامداوە، لە خواكوركیش شەڕێكی قۆرس لەنێوان سوپای توركیا و گەریلادا ڕوویداوە.

ناوەندی ڕاگەیاندن و چاپەمەنی هێزەكانی پاراستنی گەل-هەپەگە لە بارەی چالاكی گەریلاكان و ئۆپڕاسیۆنی سەربازیی سوپای توركیا ڕاگەیەنراوێكی بڵاوكردەوە ڕایگەیاندووە،”هێزەكانیان لە چوارچێوەی هەنگاوی شەهید باگەر و شەهید ڕۆنیادا، لە ٢٧ی حوزەیران لە دەڤەری چوارچەلای سەر بە هەرێمی زاگرۆس لە دژی سوپا چالاكیەكیان ئەنجامدا و لەو چالاكیەدا سەربازێك كوژرا.

دەقی ڕاگەیەنراوەكەی هەپەگە :
لە خواكورك شەڕێك قورس ڕوویدا
١ی تەموز لە كاتژمێر ١٠:٣٠ خولەك لە دەڤەری ئەرموشی سەر بە هەرێمی خواكوركی سەر بە هەرێمەكانی پاراستنی مەدیا لەنێوان هێزەكانی ئێمە و داگیركەرانی دەوڵەتی توركدا شەڕێكی قوڕس روویدا. لەو شەڕەدا چەندین سەربازی تورك سزا دران، درونێكی داگیركەرانیش خرایە خوارەوە، دوو لە هەڤاڵانیشمان بە ناوەكانی ماسیرۆ و شاهۆ كە بە قارەمانانە تا دوا گولـلەیان لە دژی داگیركەران شەڕیان كرد، شەهید بوون.

“لە دێرسم ئۆپڕاسیۆنە داگیركەریەكان بەردەوامن”
٢٤ی حوزەیران سوپای دەوڵەتی تورك لە دەڤەری نەینكای سەر بە هەرێمی پولوری دەرسم دەستی بە ئۆپڕاسیۆنێكی داگیركاری كرد، سوپای دەوڵەتی تورك بە فڕۆكەی جەنگی و هەلیكوپتەر ناوچەكەیان بوردوومان كرد، داگیركەران دوای بوردوومانەكە، هێزێكی سەربازیی لە ناوچەكە جێگیركرد و دواتر لەنێوان ئەوان و هێزەكانی ئێمەدا شەڕ و پێكدادان ڕوویدا، لەو شەڕەدا ٣ لە هەڤاڵنمان كە بە قارەمانانە شەڕیان كرد، شەهید بوون، ئۆپڕاسیۆنەكە تا ئێستاش بەردەوامە.

هێرشە ئاسمانیەكان
فڕۆكە جەنگیەكانی سوپای دەوڵەتی داگیركەری تورك بەردەوامە لە هێرشە ئاسمانیەكانی بۆ سەر هەرێمەكانی پاراستنی میدیا و لەم چوارچێوەیەدا؛
٢ی تەموز كاتژمێر ٢٠:٠٠ فڕۆكە جەنگیەكان دەڤەری بەكتورای سەر بە هەرێمی حەفتانین و گردی شەهید زناریان بوردوومان كرد.
٣ی تەموز فڕۆكە جەنگیەكان لە كاتژمێر ١٠:٣٠ خولەك دەڤەری كوروزەروی هەرێمی زاپ و لە كاتژمێر ١٧:٠٠ دەڤەری ئەشكەوتی بریندارانیان بوردوومان كرد”.

بەردەوام بە لە خوێندنەوە

کوردستان