ئێمە لە تۆرە کۆمەڵایەتیەکان

ژینگە

شەپۆلێكی بەفر و باران هەرێمی كوردستان دەگرێتەوە

خەڵك- بەشی هەواڵ
كەشناسی هەرێم پێشبینییەكانی بۆ دۆخی كەشوهەوای ئەم هەفتەیە بڵاودەكاتەوە و ئاشكرای دەكات، كە شەپۆلێكی باران بارینی بەلێزمە ناوچەكەمان دەگرێتەوە و لە ناوچە شاخاوییەكان بەفر دەبارێت و دەشڵێت: “ئەگەری خۆڵبارین هەیە لەگەڵ شەپۆلەكەدا”.

بەڕێوەبەرایەتی گشتی كەشناسی و بوومەلەرزەزانی هەرێمی كوردستان لە ڕاپۆرتێكدا ئاماژەی بەوەكردووە، هەرێمی كوردستان لە ماوەی ئەم چەند ڕۆژەی داهاتوودا بە كەشێكی ناسەقامگیر تێپەڕ دەبێت.

ڕوونیشی كردۆتەوە، ئەمڕۆ باران بارین بەشێك لە ناوچەكانی پارێزگای هەولێر و لێزمە باران بەشێك لە سنووری پارێزگای دهۆك دەگرێتەوە و سبەی چوار شەممە كاریگەری نزمە پاڵە پەستۆیەك، كە سەنتەری ئەم نزمە پاڵەپەستۆیە دەكەوێتە سەر بەشێك لە ناوچەكەمان. لە ئەمشەودا كاریگەری باران بارین درێژ دەبێتەوە بۆ سەر تەواوی ناوچەكەمان و ئاستی باران بارین لە دهۆك بەتایبەتی سنووری نێوان پارێزگای دهۆك و هەولێر وەك مێرگەسوور و بارزان و ئاكرێ و ئامیدی هەروەها سەنتەری دهۆك و ناوچەكانی دەورووبەری پارێزگای دهۆك، سەنتەری هەولێر و قەزا و ناحیەكانی و ناوچە شاخاویەكان ئەگەری باران بارینی بەلێزمە و زۆری هەیە.

ئاماژەی بەوەشكردووە، پارێزگای سلێمانی و هەڵەبجە و كركوك ئاستی بارانی مامناوەند دەبێت.

دەشڵێت: “پێشبینی بەفر بارین لەسەر لووتكەی ناوچە شاخاوییە سنووریەكان هەیە و ئەگەری بەرزبوونەوە بارستەیەك لە تۆز و خۆڵ هەیە لە ناوچەكانی باشووری هەرێم، كە لەگەڵ باران تێكەڵ دەبێت”.

كەشناسی هەرێم پێشبینیشی كردووە، “پلەكانی گەرما ڕوو لە نزم بوونەوە دەكات بە3 تا 6 پلەی سیلیزی و خێرای با زیاد دەكات و هەورەتریشقەش لە كاتی باران بارین دەبێت”.

جەختیشی كردۆتەوە، “ڕۆژی پێنج شەممە كاریگەری ئەم شەپۆڵە كۆتای دێت، بەڵام باران بارین لەسەر ناوچەكەمان بە پچڕپچڕی دەمێنێتەوە”.

ژینگە

كەشوهەوای ئەمڕۆ و سبەینێی شارەكانی هەرێمی كوردستان

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما بەرز دەبنەوە.

بەپێی پێشبینییەكانی كەشناسی، ئەمڕۆ سێ شەممە ئاسمان ساماڵ دەبێت.

هەر بەپێی پێشبینییەكان، سبەینێ چوار شەممە، ئاسمان ساماڵ دەبێت و پلەكانی گەرماش بەرز دەبنەوە.

بەردەوام بە لە خوێندنەوە

ژینگە

عەبدولڕەحمان سدیق پۆستێكی باڵای لە كابینەی نۆ وەرگرت

خەڵك – بەشی هەواڵ
نووسەر و ئەندازیار سیاسەتمەداری كوردو ئەندامێكی پێشووی سەركردایەتی یەكگرتووی ئیسلامیی كوردستان پۆستی سەرۆكی دەستەی پاراستن و چاككردنی ژینگە لە هەرێمی كوردستان وەرگرت و ئەمڕۆ سەرۆكی هەرێم واژۆی لەسەر كرد .

نێچیرڤان بارزانی، سەرۆكی هەرێمی كوردستان ئەمڕۆ دووشەممە 10/8/2020، فەرمانی هەرێمی بۆ عەبدولڕەحمان سدیق، نووسەر و ئەندازیار سیاسەتمەدار ی كورد واژۆ كرد تا وەك سەرۆكی دەستەی پاراستن و چاككردنی ژینگە لە هەرێمی كوردستان دەست بەكار بێت.

سەرۆكی هەرێمی كوردستان لە دوای واژۆكردنی دەستبەكاربوونەكەی ستایشی شارەزایی و خزمەت و هەوڵەكانی بۆ پاراستنی ژینگە و بڵاوكردنەوەی كولتووری ژینگەپارێزی عەبدولڕەحمان سدیق كرد، كە هەر لەدوای ڕاپەرینی ئازاری 1991ـەوەبەردەوام بووە و هیوای سەركەوتن بۆ خواست .

بیۆگرافیا :
عەبدولڕەحمان سدیق لە دایكبووی ٢ی ئازاری ١٩٦٢ شاری كەركوك، نووسەر و ئەندازیار سیاسەتمەدار ی كوردە، ئەندامی پێشووی سەركردایەتی یەكگرتووی ئیسلامیی كوردستان بووە و بڕوانامەی ئەندازیاری هەیە و چالاكوانێكی بواری ژینگەیە، لەماوەی ٢٠٠٣ تاكوو ٢٠٠٤ وەزیری ژینگەی عێراق بوو هاوكات ئەندامی ئەنجوومەنی نوێنەران (پەڕلەمان)ی عیراق بوو.

بەردەوام بە لە خوێندنەوە

ژینگە

پۆلیسی دارستان و ژینگەی سلێمانی؛ لە ماوەی ٧٢ كاتژمێری ڕابردوودا نزیكەی 2هەزار دۆنم پوش و پاوان سووتا

خەڵك – بەشی هەواڵ

بەڕێوەبەرایەتی پۆلیسی دارستان و ژینگەی پارێزگای سلێمانی ڕایدەگەیەنێت ، لە ماوەی ٧٢ كاتژمێری ڕابردوودا بەهۆی چەندین ڕوداوی ئاگركەوتنەوە نزیكەی 2هەزار دۆنم پوش و پاوان دارستان و ڕەزوباخی هاووڵاتیان سوتاون.

بەڕێوەبەرایەتی پۆلیسی دارستان و ژینگەی پارێزگای سلێمانی لە ڕاگەیەنراوێكدا، كە وێنەیەكی بۆ (خەڵك) هاتووە ڕایگەیاندووە، لە ماوەی 72 كاتژمێری ڕابردوودا لە چەند ناوچەیەكی جیاوازی سنورەكەمان ، كە لە هەریەكە لە (شارەدێی سیتەك، گوندی قامیش سەر بە شارۆچكەی ماوەت، چیای زمناكۆ لە دەربەندیخان، سەرای سوبحان ئاغا لە سەیدسادق، شارەدێی ئەڵڵایی) ئاگر كەوتۆتەوە .

ڕاشیگەیاندووە، ڕووداوەكانی سوتانیش بووەتە هۆی زیان گەیاندن بە نزیكەی 2هەزار دۆنم پوش و پاوان دارستان و ڕەزوباخی هاووڵاتیان، كە لە سەرجەم حاڵەتەكانیشدا كارمەندانی پۆلیسی دارستان بە مەبەستی كوژاندنەوەی ئاگرەكان بە زووترین كات خۆیان گەیاندۆتە شوێنی مەبەست و بە هاوكاری لەگەڵ دام و دەزگا پەیوەندیدارەكان و هاووڵاتیان توانیویانە ئاگرەكان كۆنتڕۆڵ بكەن و كوژێنراونەتەوە.

ئاشكراشیكردووە ، هۆكاری كەوتنەوەی ئاگرەكان بریتین لە بۆردومانی فڕۆكە و بوونی مین و تەقەمەنی و هەروەها خەمساردی هاووڵاتیان لە بەجێهێشتنی پاشماوەی ئاگر.

بەردەوام بە لە خوێندنەوە

کوردستان