ئێمە لە تۆرە کۆمەڵایەتیەکان

جیهان

پەیوەندی بە كۆرۆناوە هەیە
دەست بە قورئان خوێندنی بەردەوام دەكرێت لە مزگەوتی گەورەی مۆسكۆ

خەڵك- بەشی هەواڵ
ئەنجومەنی موفتی ڕوسیا، دەستكردن بە قورئان خوێندنی بەردەوام ڕادەگەیەنێت لە “مزگەوتی گەورەی مۆسكۆ”، بەهۆی بڵاوبوونەوەی پەتای كۆرۆنای نوێ‌ لە وڵاتەكەدا.

بەپێی بەیاننامەیەك كە لەلایەن ئەنجومەنی موفتی ڕوسیاوە بڵاوكراوەتەوە”لە 17ی ئادارەوە بەپیرۆزبایی سەماحەتی شێخ راویل عەینەدین موفتی و سەرۆكی ئیدارەی ڕوحی مسوڵمانانی ڕوسیا، لە مزگەوتی گەورەی مۆسكۆ دەستدەكرێت بە قورئان خوێندن بە درێژایی 24 كاتژمێر و بەشێوەیەكی بەردەوام، ئامانج لەم قورئان خوێندنەش وەك نزا و پاڕانەوەیە لە خودا، تا بە بەزەیی و میهرەبانی خۆی تەواوی جیهان لە مەترسی بڵاوبوونەوەی ڤایرۆسی كۆرۆنا بپارێزێت”.

ڕێكخراوی تەندروستی جیهانی، لە 11ی ئەم مانگەدا، ڤایرۆسی كۆرۆنای نوێی وەك پەتایەكی جیهانی پۆلێن كرد و تەئكیدی لەسەر زیادبوونی ژمارەی توشبوان و خێرا بڵاوبوونەوەی كردەوە.

ئەو نەخۆشییە كە لە كۆتایی ساڵی ڕابردوو لە هەرێمی هۆبی لە چین دەركەوت، لەئێستادا لانی كەم 155 وڵاتی گرتۆتەوە و بۆتە مایەی گیانلەدەستدانی زیاتر لە 7100 كەس و تۆماركردنی زیاتر لە 182 حاڵەتی توشبوون.

جیهان

خامنەیی: سەدام و ئەمریكا رێككەوتنیان دژی ئێران هەبوو

خەڵك- بەشی هەواڵ

لە ساڵرۆژی هەڵگیرسانی جەنگی هەشت ساڵەی ئێران – عێراقدا، رابەری شۆڕشی ئیسلامی ئێران رایگەیاند ئامانجی شەڕی عێراق – ئێران لەناوبردنی ئێران بوو.

عەلی خامنەیی لە وتارێكدا لە تاران وتی: ئەمریكا لەگەڵ سەدام حسێن سەرۆكی پێشووتری عێراق رێككەوتبوون لە دژی ئێران.

ناوبراو رونیكردەوە، زانیاری هەواڵگری دەدرایە سوپای عێراق سەبارەت بە سوپای ئێران، ئەمانە لە رێگای ئیمارات و سعودیە ئەنجام دەدران و هەواڵگرەكان زانیارییان بۆ بەغدا دەگواستەوە.

رۆژی 22ی ئەیلوولی 1980 سوپای عێراق بەشێكی خاكی ئێرانی داگیركرد و بووە هۆی هەڵگیرسانی جەنگێكی هەشت ساڵە نێوان هەردوو وڵات و زیانێكی گەورەی گیانی و مادی لێكەوتەوە.

عێراق بە ئامانجی رێگری لە فراوانخوازییەكانی شۆڕشی ئیسلامی ئێران كە تازە هاتبوونە سەر دەسەڵات بە پشتیوانی وڵاتانی كەنداو و خۆرئاوایی هێرشیكردەسەر ئێران.

بەردەوام بە لە خوێندنەوە

جیهان

نوێترین ئاماری تووشبوون بەکۆرۆنا لەجیهاندا

خەڵک – بەشی هەواڵ

 

بەپێی نوێترین ئامار، نزیکی ٢٢ ملیۆن  و ٨٣٦ هەزار تووشبووی کۆرۆنا لەجیهاندا چاکبوونەتەوە.

 

بەپێی نوێترین ئامار لەسەرەتای بڵاوبوونەوەى ڤایرۆسی کۆرۆنا تاکو ئێستا  زیاتر لە ٣١ ملیۆن و ٢٤٠ هەزار تووشبووی ڤایرۆسی کۆرۆنای نوێ تۆمارکراون.

هەر بەپێی ئەو ئامارە، لەوماوەیەدا نزیکی ٢٢ ملیۆن  و ٨٣٦ هەزار تووشبووی کۆرۆنا چاکبوونەتەوە، کە لەبەرامبەردا نزیکی ٩٦٥ هەزار کەس گیانیان لەدەستداوە، ئەوانی دیکەش لەژێر چارەسەردان.

بەردەوام بە لە خوێندنەوە

جیهان

ڕوحانی: ئەوەی ئەمریكا دەرهەق بە وڵاتەكەمان دەیكات تەنیا خۆ سەپاندنە

خەڵك – بەشی هەواڵ

سەرۆكی كۆماری ئیسلامی ئێران ڕایدەگەیەنێت: هەر هەنگاوێك بەئاڕاستەی جێبەجێكردنی سزای زیاتری وڵاتەكەی بنرێت، ئەوا تاران بەتوندترین شێوە بەرپەرچی دەداتەوە.

حەسەن ڕوحانی سەرۆكی كۆماری ئیسلامی ئێران لەبەهای هەوڵەكانی ئەمریكا بۆ درێژكردنەوەی سزاكانی سەر تاران كەمكردەوە و ئاماژەی بەوەكرد: ئەگەر واشنتۆن كار بە بڕیارەكانی پێشووی نەتەوە یەكگرتووەكان بكات لەدژی ئێران ئەوا وەڵام دەدرێتەوە، چونكە هیچ دەوڵەتێكی نێو ئەنجومەنی ئاسایشی نێودەوڵەتی ڕەزامەند نەبووە بە سەرلەنوێ سەپاندنەوەی سزاكان بەسەر ئێراندا و ئەوەی ئەمریكاش دەرهەق بەوڵاتەكەیان دەیكات تەنیا خۆ سەپاندنە.

سەرۆكی ئێران ئامادەیی وڵاتەكەی نیشاندا بۆ پابەندبوونی بە ڕێككەوتننامە ئەتۆمییەكە ئەگەر لایەنی بەرامبەر پابەندی ڕێككەوتننامەكە بێت.

بەردەوام بە لە خوێندنەوە

کوردستان