ئێمە لە تۆرە کۆمەڵایەتیەکان

کوردستان

دەربارەی هەردوو دەروازەی باشماخ و پەروێزخان هۆشداری توند دەدرێت

خەڵك- بەشی هەواڵ

ئەندامێكی ئەنجوومەنی پارێزگای سلێمانی ئاگاداركردنەوەیەك بەمەبەستی ڕێگریكردن لە بڵاوبوونەوەی ڤایرۆسی كۆرۆنا ئاڕاستەی لیژنەی باڵای ڕووبەڕووبوونەوەی ڤایرۆسی كۆرۆنا دەكات و داوایان لێ‌ دەكات هەرچی زووە دەروازەكانی پەروێزخان و باشماخ دابخەن و دەشڵێت: تەندروستی هەرێم بەرگەی بڵاوبوونەوەی ئەو ڤایرۆسە ناگرێت وەك ئەوەی لە ئێران هەیە”.

كەریم عەلی، سەرۆكی لیژنەی پیشەسازی و وزەی ئەنجوومەنی پارێزگای سلێمانی لە پەیامەكەیدا ئاماژەی بەوەكردووە، شۆفێران و كاسبكاران كە لەو دەروازانە كاردەكەن لەم ماوەیەدا بەهیچ شێوەیەك سەردانی ئەو دەروزانە نەكەن و لە ماڵەكانی خۆیاندا بمێننەوە نەبنە هۆكار بۆ توشكردنی منداڵ و خێزان و كەسە نزیكەكانیان بە ڤایرۆسی كۆرۆنا.

دەقی پەیامەكە:

ئیدارەی پارێزگای سلێمانی
ئیدارەی گەرمیان
تەوای شۆفێران و هاوڵاتیان
سەبارەت بە بڵاوبوونەوەی ڤایرۆسی كۆرۆنا لە جیهان و ناوچەكە ئامارەكان ئاماژەی زۆرترسناك دەخەنەڕوو بەتایبەت لە وڵاتی ئێران كە بە پێی ئامارە فەرمییەكانی ئەو وڵاتە ڕۆژانە لەسەروی هەزار كەس توشی ئەو ڤایرۆسە دەبن لە ناوچە جیاجیاكانی ئەو وڵاتە و ڕێژەی مردنیش زۆربەرزە ، ئەمە لە كاتێكدایە پێدەچێت ئامارەكان زۆرلەوە زیاتربێت كە ئەو وڵاتە دەیخاتە ڕوو .
بۆ ئەوەی هاوڵاتیانی هەرێمی كوردستان بەدووربن لەو ڤایرۆسە ترسناكە ئەم داواكاریانە دەخەممە ڕوو بە هیوام كاری جدی لەسەربكرێت لە لایەن لیژنەی باڵاو ئیدارەكانی پارێزگای سلێمانی و ئیدارەی گەرمیانەوە .

۱ ـ بە زووترین كات هەردوو دەروازەی نێودەوڵەتی ( باشماخ و پەروێزخان ) بەتەواوەتی دابخرێن و هەموو جۆرە ئاڵوگۆڕێكی بازرگانی ڕابگیرێت تا بەرواری ( ۲۰۲۰/٤/۱ ) چونكە بەریەك كەوتنی زۆرهەیە لە نێوان شۆفێران و بازرگانان و كاسبكاران هەردوو وڵات لەو دەروازانە ، ئەگەر ئەو دەروازانە دانەخرێن و كراوەبن بەدڵنیاییەو هاوڵاتیانی هەرێمی كوردستان و بەتایبەت سنووری پارێزگاكانی سلێمانی و هەڵەبجە و ئیدارەكانی گەرمیان و ڕاپەڕین دەبێت چاوەڕوانی بڵاوبوونەوەی ئەو ڤایرۆسە بكەن بەشێوازێكی ترسناك .
۲ ـ داواكارم لە تەوای شۆفێران و كاسبكاران كە لەو دەروازانە كاردەكەن لەم ماوەیەدا بەهیچ شێوەیەك سەردانی ئەو دەروزانە نەكەن و لە ماڵەكانی خۆیاندا بمێننەوە نەبنە هۆكار بۆ توشكردنی منداڵ و خێزان و كەسە نزیكەكانیان بە ڤایرۆسی كۆرۆنا لە پێناو داهاتێكی مادی كەم .
۳ ـ تكام لە هاوڵاتیان و دانیشتوان ئەوەیە كە بە هیچ شێوازێك نزیكی ئەو كەسانەو ماڵ و منداڵ و خێزانیان نەكەونەوە كە سەردانی دەروازەكان دەكەن و بەریەككەوتنیان هەیە لە گەڵ شۆفێر و كاسبكاری ئێرانی لەو دەروازانە .
هەموو لایەك ئاگاداردەكەمەوە كە كەرتی تەندروستی هەرێمی كوردستان بەرگەی بڵاوبوونەوەی ئەو ڤایرۆسە ناگرێت بەو شێوازەی كە لە وڵاتی ئێران بڵاوبووەتەوە بۆیە تەنها خۆپاراستنمان باشترین ڕێگرییە لەو ڤایرۆسە ترسناكە جیهانییە .

بەرواری / ۲۰۲۰/۳/۱۷

کوردستان

سەركردایەتی بزووتنەوەی ئیسلامی بەستنی كۆنگرەی حزبەكەی یەكلادەكاتەوە

خەڵك-بەشی هەواڵ

 

بڕیار بوو سەرەتای مانگی داهاتوو بزووتنەوەی ئیسلامی كۆنگرەی 12ی خۆی بە بەشداری 350 ئەندام ببەستێت، بەڵام بەهۆی قەیرانی كۆرۆنا و دۆخی نێوخۆی حزبەكە بڕیارە كۆنگرەكە دوابخرێت.
سەرچاوەیەك لە بزووتنەوەی ئیسلامی بە (خەڵك)ی ڕاگەیاند، ئەمڕۆ سێ شەممە ئەنجومەنی سەركردایەتی بزووتنەوەی ئیسلامی لە شاری سلێمانی كۆدەبێتەوە و بڕیاری یەكلاكەرەوە لەسەر بەستن یاخود دواخستنی كۆنگرەی 12ی حزبەكە دەدات.

سەرچاوەكەی خەڵك ئاشكرایكرد، هەرچەندە وەزارەتی ناوخۆی حكومەتی هەرێمی كوردستان كۆبوونەوە و كۆنفڕانسەكانی قەدەغە كردووە، بەڵام وەك بەشێك لە سەركردایەتی بزووتنەوە ئاماژەی بۆ دەكەن ژمارەیەك كادیر و فەرماندەی بزووتنەوە بەهۆی پەتاكەوە گیانیان لەدەستداوەو هاوكات بەشێكی دیكەش تووشی ڤایرۆسەكە بوون و ئەمەش دەبێتە كێشە بۆ ئەنجامدانی كۆنگرەكە.

ڕوونیشیكردەوە، كێشەی نێوخۆیی حزبەكەش كاریگەری لەسەر بەستن یاخود دواخستنی كۆنگرەی حزبەكە هەیە، بەڵام ئەمڕۆ ئەو پرسە یەكلایی دەكرێتەوە.

بەردەوام بە لە خوێندنەوە

کوردستان

پەڕلەمانی كوردستان كۆدەبێتەوە
ئەجێندای كۆبوونەوەكە لە سێ تەوەر پێكهاتووە

خەڵك-بەشی هەواڵ

 

ئەمڕۆ سێ شەممە پەڕلەمانی كوردستان كۆدەبێتەوە و لە یەكێك لە تەوەرەكاندا گفتوگۆ لەبارەی پرساندنی سەرۆك و جێگری سەرۆكی ئەنجومەنی وەزیران و وەزیری دارایی و ئابوری هەرێمی كوردستان دەكرێت.

ڕێواز فایەق سەرۆكی پەڕلەمانی كوردستان لە نووسراوێكدا بانگهێشتی گشت ئەندامانی پەڕلەمانی دەكات بۆ ئامادەبوون لەدانیشتنی ژمارە 9ی ئاسایی خولی پایزەی ساڵی دووەم لەخولی هەڵبژاردنی پێنجەمی پەڕلەمانی كوردستان، لەكاتژمێر 2:00ی پاشنیوەڕۆی ئەمڕۆ.

بەپێی كارنامەی كۆبوونەوەكەش، لە تەوەری یەكەمدا خوێندنەوەی یەكەم بۆ هەریەكە لە پێشنیازە یاساكانی پاراستنی تۆڕ و بنچینەكانی ئاو و ئاوەڕۆ لە هەرێمی كوردستان ـ عیراق)، پێشنیازی یاسای (بەڕێوەبردن و پاراستنی ئاو لە هەرێمی كوردستان ـ عیراق)، لە تەوەری دووەمیشدا دانانی ئەندامی پەڕلەمان (عومەر عەبدوڵڵا فەتاح) لە لیژنەی دارایی و كاروباری ئابووری.

لە تەوەری سێیەمیشدا گفتوگۆی پرساندن و وەڵامەكانی (سەرۆكی ئەنجومەنی وەزیران) و جێگری سەرۆكی ئەنجومەنی وەزیران و وەزیری دارایی و ئابوری بەپێی حوكمی ماددەكانی (70، 71، 73) لە پەیڕەوی ناوخۆی پەڕلەمانی كوردستان.

بەردەوام بە لە خوێندنەوە

کوردستان

دوای زیاتر لە چوار ساڵ داواكردن، بڕیارە شۆفڵ و ئەمبوڵانسێك بۆ سەیدسادق دابین بكرێت

خەڵك – یەحیا حبیب

قائیمقامیەتی شارۆچكەی سەیدسادق ڕایگەیاند، “بڕیارە بەڕێوەبەرایەتی تەندروستی بۆ شارۆچكەكە بكرێتەوە و ئۆتۆمبێلێكی ئەمبۆڵانسییش بۆ تەرخان بكرێت، هەروەها ئامێرێكی شۆفڵیش بۆ شارەوانی دابین بكرێت”.

قائیمقامیەتی شارۆچكەی سەیدسادق ڕایگەیاند،”لە سەرەتای دەستبەكاربوونی كابینەی نۆیەمی حكومەتی هەرێم و لە ساڵی 2017وە لە سەر داوا بەردەوامەكانی قائیمقامیەتی شارۆچكەی سەیدسادق بۆ هەردوو كەرتەكانی تەندروستی و شارەوانی بڕیاردرا شۆفڵێك و ئۆتۆمبیلێكی ئەمبوڵانس دابین بكەن”.

قائیمقامیەتی سەید سادق ئاماژەی بەوەشداوە،”شۆفڵەكە بۆ شارەوانی دابینكراوە و ئەمبوڵانسەكەش بۆ نەخۆشخانەی تایبەت بە ڤایرۆسی كۆرۆنا دابین دەكرێت”.

ئەمەش لە كاتێدایە، ڕۆژی یەكشەممە ڕێكەوتی 26/10/2020 قوباد تاڵەبانی، جێگری سەرۆكی حكومەتی هەرێم لەگەڵ قائیمقامەكانی سنووری پارێزگای سلێمانی كۆبووەوە بەمەبەستی گفتوگۆكردن لە بارەی داواكاری و پێداویستییەكانی هاووڵاتیان و كێشە و گیروگرفتەكانی یەكە كارگێڕییەكان.

بەردەوام بە لە خوێندنەوە

کوردستان