ئێمە لە تۆرە کۆمەڵایەتیەکان

عێراق

پێیوایە گێچەڵی سەرۆك كۆمارە
عامری سەرۆك وەزیرانی ڕاسپێردراو ڕەتدەكاتەوە

خەڵك- بەشی هەواڵ
هاوپەیمانی فەتح كە لەلایەن هادی عامرییەوە سەرۆكایەتی دەكرێت، لەبارەی ڕاسپاردنی عەدنان زەرفی بۆ پێكهێنانی حكومەت بەیاننامەیەك بڵاودەكاتەوە و بەرپرسیارێتی ئەو هەنگاوە دەخاتە ئەستۆی بەرهەم ساڵح سەرۆك كۆمار و بە “گێچەڵكردن”یش ناوی دەبات.

بەپێی بەیاننامەیەك كە لەلایەن هاوپەیمانی فەتحەوە بڵاوكرایەوە”ئەو هەنگاوە نادەستورییە ڕەتدەكەینەوە كە سەرۆك كۆمار ناویەتی لەڕووی ڕاسپاردنی كاندیدێك لە دەرەوەی ڕێكارە دەستورییەكان كە دەبوو كاندید لەلایەن گەورەترین كوتلەی پەرلەمانییەوە بێت، بۆیە ڕاگەیاندنی كارەكەی بەشێوەیەكی فەرمی، سەرپێچی دەستورە”.

هەر لە بەیاننامەكەدا هاتووە”ئەو لەلایەك سەرپێچی دەستوری كردووە و پابەند نەبووە بە پێكهاتنی نێوان هێزە سیاسییەكان و لەلایەكی تر، بەرپرسیارێتی تەواوەتی ئەو هەنگاوە گێچەڵكردنەی دەكەوێتە ئەستۆ”.

فەتح بەڵێنیداوە، “هەموو ڕێوشوێنێك بگرێتەبەر بۆ ڕێگرتن بەو سوكایەتیكردنە بە دەستور و یاسا”.

هەر لەو چوارچێوەیەدا پەرلەمانتارێكی هاوپەیمانی فەتح پێشبینی كردبوو، حكومەتەكەی عەدنان زەرفی ڕاسپێردراو لە پەرلەمان تێنەپەڕێنرێت، بەو پێیەی “لەلایەن سەرۆك كۆمارەوە كاندیدكراوە”.

ئەمڕۆ سێ‌ شەممە، بەرهەم ساڵح سەرۆك كۆماری عیراق، بەشێوەیەكی فەرمی عەدنان زەرفی بۆ پێكهێنانی حكومەت ڕاسپارد و لە میانی مەڕاسیمی ڕاسپاردنەكەشدا، هیوای خواست كار بۆ ئەنجامدانی هەڵبژاردنی پێشوەخت و بەدیهێنانی خواستی عیراقییەكان بكرێت.

عێراق

داوای ناردنی هێز بۆ دەستگیركردنی گەندەڵەكانی كەركوك دەكرێت

خەڵك- بەشی هەواڵ

سەرۆكی بەرەی توركمانی ئەمڕۆ دوو شەممە داوای لە مستەفا كازمی سەرۆك وەزیرانی عێراق كرد بەپەلە لیوای ئەحمەد ئەبو رغیف رەوانەی پارێزگای كەركوك بكات.

ساڵحی لە تویتێكدا لە تویتەر وتی: خەڵكی كەركوك داوای لێكۆڵینەوە لە سیاسییەكان دەكەن كە پشتیوانی لایەنگرانیان دەكەن بۆ زیادەڕەوی بۆ موڵكی دەوڵەت.

وتیشی: داواش دەكەین ئەوانەی نەوت و بەرهەمەكانی كەركوك دەدزن و دەستدرێژی دەكەنە سەر خانووبەرە ئاشكرابكرێن و پێویستە كازمی لیوای ئەحمەد ئەبو رغیف بەپەلە بنێرێت بۆ كەركوك بۆ گەندەڵەكان.

رۆژی سێشەممە سەرۆكی دەستەی خانەنشینی ئەحمەد ساعدی دەستگیركرا لەگەڵ ژمارەیەك بەرپرسی دیكە لەسەر گەندەڵی بە فەرمانی حكومەتی عێراق.

بەردەوام بە لە خوێندنەوە

عێراق

لە زیقار خۆپیشاندەران هێرشیانكردەسەر كۆمپانیایەكی نەوت

خەڵك- بەشی هەواڵ

ئەمڕۆ دوو شەممە خۆپیشاندەران لە باشوری عێراق كۆمپانیایەكی نەوتیان داخست و كارمەندەكانیان ناچاركرد بگەڕێنەوە ماڵەوە.

ئاژانسەكانی عێراق بڵاویانكردەوە ئەمڕۆ ناڕازییەكان تایەیان سوتاندووە لە بەردەم كۆمپانیای نەوتی زیقار و دەرگای كۆمپانیاكەیان داخستووە و داوای دامەزراندن دەكەن.

دەرچووانی ئەندازیاری و پەیمانگای تەكنیكی زیقار بەردەوامن لە ناڕەزایەتییەكانن لە بەردەم دەرگای سەرەكی كۆمپانیای نەوتی زیقار.

بەردەوام بە لە خوێندنەوە

عێراق

مانگی داهاتوو كازمی لە پاریس دەبێت

خەڵك- بەشی هەواڵ

وەزیری دەرەوەی عێراق ئاشكرایكرد مستەفا كازمی سەرۆك وەزیرانی عێراق سەردانی فەرەنسا دەكات لە ناوەڕاستی مانگی داهاتوو.

فوئاد حسێن بە رۆژنامەی سەباحی وت: سەرۆك وەزیران كازمی سەردانی فەرەنسا دەكات لە ناوەڕاستی مانگی تشرینی یەكەمی داهاتوو لەچوارچێوەی خواستەكانی هەردوولایەن بۆ پەرەدان بە پەیوەندییە دووقۆڵییەكان.

فوئاد حسێن وتی: یەكێك لەو داواكاریانەی سەرۆك وەزیران دەیخاتەڕوو لەسەردانەكەیدا بۆ پاریس داواكردنی كڕینی چەكە بەپێی پێویستی سوپای عێراق.

ئاماژەی بەوەشكرد ئامانجێكی دیكەی سەرۆك وەزیران لە ئەوروپا داواكردنە لە پەرلەمانی ئەوروپا بۆ ناردنی چاودێر بۆ هەڵبژاردنە پێشوەختەكەی عێراق كە بڕیارە ساڵی ئایندە بكرێت و داواش دەكات عێراق لە لیستی پشتیوانانی تیرۆر لاببرێت.

بەردەوام بە لە خوێندنەوە

کوردستان