ئێمە لە تۆرە کۆمەڵایەتیەکان

کوردستان

سلێمانی، ئەو تۆمەتبارەی تەقەی لە براكەی خۆی كردبوو دەستگیركرا

خەڵك – بەشی هەواڵ

بەتۆمەتی تەقەكردن لەبرایەكی خۆی، مەفرەزەكانی بنكەی پۆلیسی سەرچنار تۆمەتبارێك دەستگیردەكەن.

بەپێی ڕاگەیەندراوێك كە لەلایەن پۆلیسی پارێزگەی سلێمانییەوە بڵاوكراوەتەوە”پاش ئەوەی درەنگانێكی شەوی ڕابردو لەیەكێك لەباخچەكانی گەڕەكی سەرچنار دەنگی تەقە بیسترا، دەستبەجی ھێزەكانی پۆلیس گەیشتنە شوێنی ڕوداوەكەو دەركەوت كە كەسێك بەفیشەك بریندار كراوە، دواتر بریندارەكە گەیەندرایە نەخۆشخانەی فریاكەوتن”.

هەر لە ڕاگەیەندراوەكەدا هاتووە”دوای لێكۆڵینەوە سەرەتاییەكان، دەركەوت كەسەكە لەلایەن برایەكی خۆیەوە تەقەی لێكراوەو بەو ھۆیەوە بریندار بووە، پاش تێپەربونی چەند كاتژمێرێكی كەم بەسەر ڕوداوەكەداو كاتژمێر ٤ی بەرەبەیانی ئەمڕۆ ٢٠٢٠/٣/١٦ توانرا تۆمەتبارەكە لەلایەن مەفرەزەكانی بنكەی پۆلیسی سەرچنارەوە دەستگیربكرێت”.

پۆلیسی سلێمانی دەڵێت”لەئێستادا تۆمەتبار (م، ن، ف) بەفەرمانی بەڕێز دادوەرو بەپێی ماددەی (٤٠٥/٣١) لەیاسای سزادانی عێراقی ڕاگیراوەو لێكۆڵینەوەكان بەردەوامن”.

کوردستان

وەزیرێكی عیراق گەیشتە شاری سلێمانی

خەڵك-بەشی هەواڵ

 

وەزیری لاوان و وەرزشی عیراق گەیشتە شاری سلێمانی.

بەرەبەیانی ئەمڕۆ پێنج شەممە 26-11-2020، عەدنان دەرجال وەزیری لاوان و وەرزشی عیراق گەیشتە شاری سلێمانی و لە لایەن پارێزگاری سلێمانی و وەفدێكی وەرزشی شارەكەوە پێشوازی لێكرا.

عەدنان دەرجال وەزیری لاوانا و وەرزشی عیراق لە لێدوانێكدا ڕایگەیاند، ئامانجی هاتنی بۆ سلێمانی بەسەركردنەوەی چەند یەكەیەكی وەرزشی و سازدانی چەندین كۆبوونەوە دەبێت لەگەڵ وەرزشكارانی سلێمانی.

بەپێی زانیارییەكان، سبەینێ ناوبراو سەردانی شاری كەركوك دەكات.

بەردەوام بە لە خوێندنەوە

کوردستان

لە ڕووداوێكی هاتوچۆدا كەسێك بووە قوربانی

خەڵك-بەشی هەواڵ

 

بەڕێوەبەرایەتی هاتوچۆی سلێمانی ڕایدەگەیەنێت، لە ڕووداوێكی هاتووچۆدا لەنزیك كەمپی ئاوارەكانی عەرەبەت كەسێك برینداربوو.
بەڕێوەبەرایەتی هاتوچۆی سلێمانی لە ڕاگەیەنراوێكدا ئاماژە بۆ ئەوە دەكات، ڕووداوەكە بەهۆی پەڕینەوەی ئاژەڵێكەوە ڕوویداوە، كەبەهۆی تاریكییەوە ئۆتۆمبێلی بارهەڵگر جۆری ئەتیكۆ مارسیدس لە ئاژەڵەكە دەدات و لەوكاتەدا ئۆتۆمبێلی دواتریش كە لەجۆری بارهەڵگرە كۆنتڕۆڵی خێرایی لەدەستدەدات و خۆی دەكێشێت بە ئۆتۆمبێلی یەكەمدا.

ئاشكراشیكرد، بەهۆی ڕووداوەكەوە كەسێك بریندار بووە و زیانی مادیی بەر هەردوو ئۆتۆبێلەكە كەوتووە.

بەردەوام بە لە خوێندنەوە

کوردستان

ئەمینداری یەكگرتوو: توندوتیژی لەگەڵ ژندا نیشانەی كزی ئیمانە

خەڵك-بەشی هەواڵ

 

ئەمینداری گشتی یەكگرتوو ڕایدەگەیەنێت، توندوتیژی لەگەڵ ژندا نیشانەی كزی ئیمانە.

سەلاحەدین محەممەد بەهائەدین ئەمینداری گشتی یەكگرتووی ئیسلامی كوردستان لە تویتێكدا بە بۆنەی ڕۆژی جیهانی بەرەنگاربوونەوەی توندوتیژی دژی ژنان ئاماژە بۆ ئەوە دەكات، ٢٥ نۆڤەمبەر، ڕۆژی بەرەنگاری توندوتیژی دژی ژنان، ڕێنماییەكانی پێغەمبەری سەروەرمان بیر دەخاتەوە (درودی خوای لەسەر بێت) كەدەفەرموێ: ( النساء شقائق الرجال، ما أكرمهن إلا كريم، وما أهانهن إلا لئيم”) توندوتیژی لەگەڵ ژندا نیشانەی كزی ئیمان و سەقەتی ئەخلاق و نزمی ئاستی نەجابەت و ڕەسەنایەتییە.

دوێنێ 25-11-2020 ڕۆژی جیهانی توندوتیژی دژی ژن بوو، بەو بۆنەوە سەرۆكایەتی هەرێم و سەرۆكایەتی حكومەت و پەڕلەمان و لایەنە پەیوەندیدارەكانی هەرێم ڕاگەیەنراویان لەو بارەوە بڵاوكردەوە.

بەردەوام بە لە خوێندنەوە

کوردستان