ئێمە لە تۆرە کۆمەڵایەتیەکان

عێراق

پۆمپیۆ بۆ عەبدولمەهدی: دەبێت لێپێچینەوە لەگەڵ ئەنجامدەرانی هێرشەكەی تاجیدا بكرێت

خەڵك- بەشی هەواڵ
وەزیری دەرەوەی ئەمریكا، بە عادل عەبدولمەهدی سەرۆك وەزیرانی دەستلەكاركێشاوەی عیراق ڕادەگەیەنێت، دەبێت لێپێچینەوە لەگەڵ ئەو گروپانەدا بكرێت كە دەستییان لە هێرشەكەی ئەم دواییەی سەر بنكەی تاجیدا هەبوو، ڕەتیشیدەكاتەوە ئەمریكا بەرانبەر بەو هێرش و هەڕەشانە لێبوردە بێت كە دەبنە مایەی گیانلەدەستدانی ئەمریكاییەكان.

مرۆگان ئۆرتاگۆس، وتەبێژی فەرمی وەزارەتی دەرەوەی ئەمریكا لە لێدوانێكی ڕۆژنامەوانیدا ڕایگەیاندووە، مایك پۆمپیۆ وەزیری دەرەوە بە تەلەفۆن قسەی لەگەڵ عادل عەبدولمەهدی سەرۆك وەزیرانی عیراقدا كردووە و باسی هێرشەكانی ئەم دواییەی سەر بنكە سەربازییە عیراقییەكە كردووە لە تاجی.

بە وتەی ئۆرتاگۆس”پۆمپیۆ جارێكی تر دووپاتیكردۆتەوە كە ئەركی حكومەتی عیراقە بەرگری لە سەربازانی هاوپەیمانی نێودەوڵەتی بكات كە پشتیوانی لە هەوڵەكانی حكومەتی عیراق دەكەن بۆ تێكشكاندنی داعش، بۆیە جەختی لەسەر پێویستی لێپێچینەوە لەو گروپانەش كردۆتەوە كە دەستییان لە هێرش و پەلامارەكانی ئەم دواییەدا هابوو”.

وەك وتەبێژی وەزارەتی دەرەوەی ئەمریكا دەڵێت”پۆمپیۆ بە عەبدولمەهدی ڕاگەیاندووە، ئەمریكا لێبوردنە نابێت بەرانبەر بەو هێرش و هەڕەشانەی دەكرێنە سەر ئەمریكاییەكان و ڕێوشوێنی زیاتر لە كاتی پێویستدا دەگرێتەبەر”.

لەم ماوەیەی دواییدا هێرشی مووشەكەی كرایە سەر بنكەی سەربازی تاجی لە باكووری بەغدا و بەو هۆیەوە دوو سەربازی ئەمریكایی و سەربازێكی بەریتانی كوژران، دوابەدوای ئەوەش فڕۆكە جەنگییەكانی ئەمریكا، ژمارەیەك پێگەی كەتیبەكانی حزبوڵڵای عیراقیان لە چوار پارێزگەی عیراقیدا بۆردومان كرد.

ئابوری

بەغدا هەڕەشەی بەكارهێنانی چەكی ئابووری دژ بە ئەنقەرە دەكات

خەڵك – بەشی هەواڵ

ناكۆكییەكانی عیراق و توركیا لەسەر كێشەی ئاو بەردەوامە و بەغدا هەڕەشەی بەكارهێنانی چەكی ئابووری لە دژی ئەنقەرە دەكات.

مەهدی ڕەشید حەمدانی وەزیری سەرچاوەكانی ئاوی عیراق ڕایگەیاند، توركیا بە دروستكردنی بەنداوی ئەلیسۆ لەسەر ڕووباری دیجلە، زیانی لە هەموو ڕێككەوتنەكانی لەگەڵ عیراق داوە.

وەزیری سەرچاوەكانی ئاوی عیراق وتیشی، بەكارهێنانی چەكی ئابووری لەلایەن عیراقەوە بەرامبەر توركیا دوور نییە.

بە وتەی مەهدی ڕەشید حەمدانی، مستەفا كازمی سەرۆك وەزیرانی عیراق، داوایكردووە دانوستانی ڕاستەوخۆ لەگەڵ توركیا بكرێت لەسەر كێشەی ئاو.

بەردەوام بە لە خوێندنەوە

جیهان

ترەمپ ژنێكی بە ڕەگەز عیراقی كردە دادوەری فیدراڵی ویلایەتی میشیگان

خەڵك – بەشی هەواڵ

باڵیۆزخانەی ئەمریكا لە بەغدا ڕایدەگەیەنێت، ئەنجومەنی پیران ڕەزامەندی لەسەر كاندیدێكی ژنی بە ڕەگەز عیراقی نیشانداوە كە ببێت بە دادوەری فیدراڵی ویلایەتی میشیگانی ئەمریكا.

باڵیۆزخانەی ئەمریكا لە بەغدا لە ڕاگەیەندراوێكدا ڕایگەیاند، دۆناڵد ترەمپ سەرۆكی ئەمریكا دادوەرێكی ژنی بە ڕەگەز عیراقی بۆ پۆستێكی باڵا كاندید كرد و ئەنجومەنی پیرانیش ڕەزامەندی لەسەر كاندیدكردنی نیشاندا.

باڵیۆزخانەی ئەمریكا لە بەغدا ئاماژەی بەوەشكردووە، لیژنەی دادوەری لە ئەنجومەنی پیران ڕەزامەندی دا لەسەر كاندیدكردنی هالە جەربووع دادوەری بازنەی ئۆكڵاند لە ویلایەتی میشیگان، بۆ بوونی بە دادوەری فیدراڵی نیشانداوە كە لەلایەن دۆناڵد ترەمپ سەرۆكی ئەمریكا بۆ ئەو پۆستە كاندید كرابوو.

باڵیۆزخانەی ئەمریكا لە بەغدا ئەوەشی خستووەتەڕوو، هالە جەربووع بە منداڵی لەگەڵ خێزانەكەی ڕوویان لە ئەمریكا كردووە، بەمەش دەبێتە یەكەم هاووڵاتیی كلدانی ئەمریكی وەك دادوەری فیدراڵی كاندید بكرێت.

 

بەردەوام بە لە خوێندنەوە

عێراق

66 حاڵەتی گیانلەدەستدانیش تۆماركرا
عیراق و هەرێم، 2735 كەس تووشی كۆرۆنا بوون

 

خەڵك- بەشی هەواڵ
وەزارەتی تەندروستی عیراق 2735 حاڵەتی توشبوونی نوێ‌ بە ڤایرۆسی كۆرۆنا لەعیراقدا ڕادەگەیەنێت و ئاماژە چاكبوونەوەی 2225 كەسیش دەكات كە نەخۆشییەكەیان پەڕاندووە و چاكبوونەتەوە.

بەپێی بەیاننامەیەك كە لەلایەن وەزارەتی تەندروستی عیراقەوە بڵاوكرایەوە” لەماوەی 24 كاتژمێری ڕابردوودا 2735 حاڵەتی توشبوونی نوێ‌ لە تێكڕای پارێزگەكانی عیراقدا تۆماركران و 2225 كەسیش بە تەواوەتی چاكبوونەوە و گەڕانەوە ماڵەكانیان.

بەپێی ئامارەكان، بەغدا زۆرترین ژمارەی مردن و تووشبوانی تۆماركردووە، و پاشان پارێزگەی كەربەلا لە پلەی دووەمدایە كە 300 كەس تووشی كۆرۆنا بوون و 2 كەسیش لە پارێزگەكەدا لەماوەی 24 كاتژمێری ڕابردوودا بەهۆی ڤایرۆسەكەوە گیانیانلەدەستداوە.

لە بەیاننامەكەی وەزارەتی تەندروستی عیراقدا هاتووە،” تۆماركردنی حاڵەتەكانی توشبوون بە كۆرۆنا بەسەر زۆرێك لە پارێزگەكاندا دابەشبوون كە بەمشێوەیەن: بەغدا، ڕەسافە: 183 حاڵەت، مەدینە توب: 66 حاڵەت، بەغدا كەرخ: 572 حاڵەت، بەسرە: 232 حاڵەت، نەجەف: 127 حاڵەت، سلێمانی: 50 حاڵەت، هەولێر: 207 حاڵەت، كەركوك: 65 حاڵەت، دهۆك: 77 حاڵەت، كەربەلا: 300 حاڵەت، واست: 52 حاڵەت، دیالە: 99 حاڵەت، میسان: 87 حاڵەت، زیقار: 59 حاڵەت، ئەنبار: 75 حاڵەت، بابل: 159 حاڵەت، سەڵاحەدین: 17 حاڵەت، نەینەوا: 132 حاڵەت، دیوانیە: 105 حاڵەت، موسەننا: 71 حاڵەت”.

هەر لە بەیاننامەكەدا وەزارەتی تەندروستی عیراق، ئاماژەی بە تۆماركردنی 66 حاڵەتی گیانلەدەستدانیش كردووە لەماوەی 24 كاتژمێری ڕابردوو لە تێكڕای پارێزگەكانی عیراق و هەرێمی كوردستان.

وەزارەتی تەندروستی عیراق دەڵێت”كۆی گشتی ژمارەی تووشبوان بە ڤایرۆسی كۆرۆنا لە وڵاتدا گەیشتۆتە 131886 كەس و لەو ژمارەیەش 4934 كەس گیانیانلەدەستداوە و 94111 كەس نەخۆشییەكەیان پەڕاندووە و چاكبوونەتەوە، ئەوانەش كە تائێستا لە نەخۆشخانەن و چارەسەرییان بۆ دەكرێت 32841 كەسن كە 514 حاڵەتیان باری تەندروستییان ناجێگیرە”.

بەردەوام بە لە خوێندنەوە

کوردستان