ئێمە لە تۆرە کۆمەڵایەتیەکان

کوردستان

وەزیری ناوخۆ لەگەڵ نوێنەری تایبەتی سكرتێری گشتیی نەتەوە یەكگرتووەكان كۆبووەوە


خەڵك – بەشی هەواڵ

ڕێبەر ئەحمەد وەزیری ناوخۆی حكومەتی هەرێمی كوردستان، لە میانەی كۆبوونەوەیەكدا لەگەڵ جینین هینیس بلاسخارت نوێنەری تایبەتیی سكرتێری گشتیی نەتەوە یەكگرتووەكان لە عیراق باسیان لە دۆخی ئێستای عیراق و هەرێمی كوردستان و پلانەكانی نەتەوە یەكگرتووەكان و كۆمەڵگەی نێودەوڵەتی بۆ هاوكارییەكان لە دۆخی ئێستادا كرد.

لە كۆبوونەوەكەدا نوێنەری تایبەتی سكرتێری گشتیی نەتەوە یەكگرتووەكان لە عیراق خۆشحاڵی خۆی بە هەماهەنگیی دامودەزگاكانی حكومەتی هەرێم بەگشتی و وەزارەتی ناوخۆ بەتایبەتی نیشاندا بۆ هاوكارییان لە ڕاپەڕاندنی كارەكانیان لە هەرێمی كوردستان، هیواشی خواست ئەم هەماهەنگی و هاوكارییانە بەردەوام بن و لە داهاتوودا زیاتریش پەرەبسێنن، هاوكات باسی پلانەكانی نەتەوە یەكگرتووەكان و كۆمەڵگەی نێودەوڵەتی بۆ هاوكاریكردنی عیراق لەم قۆناغەدا كرد بەتایبەتیش سەبارەت بە باشتركردنی دۆخی ئاوارە و پەنابەران لەنێو كەمپەكاندا و پاراستنیان لە بڵاوبوونەوەی ڤایرۆسی كۆرۆنا، هەروەها گفتوگۆكردن لەسەر چەند پرسێكی تری پەیوەست بە دۆخی ئێستای عیراق و هەرێمی كوردستان لایەنێكی تری كۆبوونەوەكە بوو.

وەزیری ناوخۆ بەناوی گەلی كوردستان و حكومەتی هەرێمەوە سوپاسی هەوڵ و هاوكارییە بەردەوامەكانی نەتەوە یەكگرتووەكان و كۆمەڵگەی نێودەوڵەتی كرد بۆ هەموو ئەو هاوكارییانەی لە ماوەی رابردوودا پێشكەش بە هەرێمی كوردستانیان كردووە و داواشی كرد ئەو هاوكاری و هەماهەنگییەكانیان بەردەوامبن بەتایبەتیش لە ڕووی مرۆیی و پێداویستییەكانی ئاوارە و پەنابەرانەوە كە ئێستا بەڕێژەیەكی زۆر لە كەمپەكاندا ماون.

وەزیری ناوخۆ جەختیشی كردەوە، وەك حكومەتی هەرێم لە هەوڵەكانیان بۆ خزمەتی زیاتری ئاوارەكان بەردەوام دەبن و هاوشێوەی سەنتەری شارەكان خزمەتگوزاری تەندروستی تەواو پێشكەش بە كەمپەكان دەكەن بۆ ڕووبەڕووبوونەوەی ڤایرۆسی كۆرۆنا كە بووەتە پەتایەكی جیهانی.

ك.ج

کوردستان

وێنە.. لە هەولێر سێ هۆتێل بۆ كەرەنتینەكردن بەخشرانە حكومەت


خەڵك – بەشی هەواڵ

سێ هۆتێلی شاری هەولێر، لەلایەن خاوەنەكانیانەوە بەخشرانە حكومەت، بۆ ئەوەی ببنە بەشێك لەو شوێنانەی وەزارەتی تەندروستی بۆ كەرەنتینەكردن سوودیان لێ ببینێت.

وەزارەتی شارەوانی و گەشتوگوزاری هەرێم بڵاویكردەوە، لە سەرەتای دەستپێكردنی پڕۆسەی كەرەنتینەكردنی هاووڵاتییانی گەڕاوە بۆ هەرێمی كوردستان، حكومەتی هەرێمی كوردستان، شوێنەكانی گەشتیاریی هەرێمی كوردستانی كردووەتە‌ شوێنی پێشوازی و كەرەنتینەكردن و پێشكەشكردنی خزمەتگوزاری كە لە ماوەی ڕابردوودا زیاتر لە 5 هەزار و 500 گەڕاوە كەرەنتین كراون.

وەزارەتی شارەوانی و گەشتوگوزاری هەرێم ئاماژەی بەوەشداوە، هەریەك لە هۆتێلەكانی “ماریانا” و “مای فلاوەر” و “دارین” لە شاری هەولێر، لەلایەن خاوەنەكانیانەوە، لە ڕێگەی وەزارەتی شارەوانی و گەشتوگوزار/ دەستەی گشتیی گەشتوگوزارەوە، بەخشرانە حكومەتی هەرێمی كوردستان، تا بۆ كەرەنتینەكردنی هاووڵاتییان بەكاریان بهێنێت، ئەمە جیا لەوەی چەند هۆتێلێكی تریش لە ڕێگەی هەمان دەستەوە ئامادەییان دەربڕیوە، ببنە بەشێك لە پلانەكانی حكومەتی هەرێمی كوردستان بۆ ڕووبەڕووبوونەوەی ڤایرۆسی كۆرۆنای نوێ (كۆڤید19).

بەردەوام بە لە خوێندنەوە

کوردستان

تەندروستی هەرێم: 8 حاڵەتی نوێی تووشبوون بە ڤایرۆسی كۆرۆنا تۆماركرا


خەڵك – بەشی هەواڵ
وەزارەتی تەندروستی هەرێم لە ڕاگەیەنراوێكدا ئاشكرایكرد: لە بەردەوامی پشكنینەكان و گەڕان بەدوای گومانلێكراوان، ھەشت تووشبووی ڤایرۆسی كۆرۆنای نوێ COVID-19 دەستنیشانكران.
وەزارەتی تەندروستی هەرێم ڕوونیشیكردووەتەوە: پێنج لە تووشبووان لە شاری سلێمانی (چوار ئافرەت و یەك پیاو) كە چوار لەوان بەركەوتەی تووشبووانی پێشوون و یەك لەوان حالەتی نوێیە، سێ لەتووشبووان دانیشتووی سلێمانی و دوو لە تووشبووان دانیشتووی شارۆچكەی دەربەندیخانن.
هەروەها، سێ لە تووشبووان لە شاری دهۆك (دوو پیاو و یەك ئافرەت) كە دوو لەوان دانیشتووی شارۆچكەی زاخۆ و یەك لەوان دانیشتووی شارۆچكەی ئامێدی یە.
دەقی ڕاگەیەنراوەكە:
دەرەنجامی نوێ …
لە بەردەوامی پشكنینەكان و گەڕان بەدوای گومانلێكراوان، ھەشت تووشبووی ڤایرۆسی كۆڕۆنای نوێ COVID-19 دەستنیشانكران، بەم شێوەیەی خوارەوە:
پێنج لە تووشبووان لە شاری سلێمانی (چوار ئافرەت و یەك پیاو) كە چوار لەوان بەركەوتەی تووشبووانی پێشوون و یەك لەوان حالەتی نوێیە، سێ لەتووشبووان دانیشتووی سلێمانی و دوو لە تووشبووان دانیشتووی قەزای دەربەندیخانن.
سێ لە تووشبووان لە شاری دهۆك (دوو پیاو و یەك ئافرەت) كە دوو لەوان دانیشتووی قەزای زاخۆ و یەك لەوان دانیشتووی قەزای ئامێدی یە.
وەزارەتی تەندروستی
31 ئازار ٢٠٢٠
بەردەوام بە لە خوێندنەوە

کوردستان

كاروانی كۆمەك و هاوكارییەكانی بەڕێز گرووپ گەیشتە دەربەندیخان


خەڵك – بەشی هەواڵ

هەڵمەتی گەیاندنی 5000 سەبەتەی خۆراك لەلایەن گرووپی كۆمپانیاكانی بەڕێز بەردەوامە و ئەمڕۆ 31-3-2020، كاروانی كۆمەك و هاوكارییەكان بۆ قەزاو ناحییەكانی سەر بە پارێزگای سلێمانی گەیشتە دەربەندیخان.

كۆمپانیای بەڕێز، لە پێناو سەلامەتی گیانی هاووڵاتیان و پەیڕەوكردنی ڕێنماییەكانی خۆپارێزی دژ بە ڤایرۆسی كۆرۆنا، كۆمەك و هاوكارییەكانی ڕادەستی بەرپرسانی یەكە ئیدارییەكان لە قەزاو ناحییەكان دەكات و لە ڕێی كەسایەتی و رێكخراوەكان دابەشی سەر هاووڵاتیانی دەكەن.

ئەمڕۆش ژمارەیەكی بەرچاو لە بەشە خۆراك كە خۆی لە زیاتر لە 300 سەبەتەی خۆراك دەبینییەوە ڕادەستی قایمقامیەتی دەربەندیخان كرا تا بدرێتـە دەست هاونیشتمانیان.

لەچوارچێوەی ئەم هەوڵەى بەڕێز گرووپ دا ، تا ئێستا هەر یەكە لە ناوچەكانی، قەزای شارەزوور، پارێزگای هەڵەبجە، هەورامان، دووكان، ڕانیە،پێنجوێن و شارباژێری بەسەر كردووەتەوە و بە بڕی جیاواز سەبەتەی خۆراكی ڕادەستی كەسایەتی و بەرپرسانی ئیداریی ناوچەكان كردووە.

بەردەوام بە لە خوێندنەوە

کوردستان