ئێمە لە تۆرە کۆمەڵایەتیەکان

جیهان

كۆرۆنا لە چین پاشەكشە و لە ئەوروپاش تەشەنە دەكات

خەڵك – بەشی هەواڵ
لە كاتێكدا تووشبوونی كۆرۆنا لە چین لە پاشەكشەدایە، ڤایرۆسەكە لە ئەوروپا و كۆریای باشوور تەشەنە دەكات.

ئەمڕۆ چوارشەممە لیژنەی نیشتمانیی تەندروستی چین ڕایگەیاند لە ماوەی 24 كاتژمێری ڕابردوودا تەنها 24 حاڵەتی تووشبوون بە كۆرۆنایان تۆماركردووە.

بە پێی ئامارە فەرمییەكان، تا ئێستا 80783 كەس لە چین تووشی كۆرۆنا بوون و لەو ژمارەیەش 3158 كەس گیانیان لەدەست داوە، نزیكەی 61500 كەسیش چاكبوونەتەوە.

بەڵام لە كۆریای باشوور هێشتا تەشەنەكردنی كۆرۆنا بەردەوامە و بە پێی ئامارەكان، تا بەیانی ئەمڕۆ چوار شەممە 7755 كەس تووشی ڤایرۆسەكە بوون و 60 كەسیش گیانیان لەدەست داوە.

لە ئیتاڵیاش هێشتا دۆخەكە هەستیارە و تا ئەمڕۆ 631 كەس بە هۆی ڤایرۆسەكەوە گیانیان لەدەست داوە كە لەو ژمارەیەش 168 حاڵەتیان تازەیە، كۆی گشتی تووشبووانیش بۆ 10149 كەس بەرزبووەتەوە.

لە فەڕەنساش ئاماری مردووانی كۆرۆنا بۆ 30 كەس بەرزبووەوە و پاتریك سترزودا بەڕێوەبەری دیوانی سەرۆكی فەڕەنساش بۆ ماوەی دوو هەفتە دەخرێتە ژێر چاودێری پزیشكییەوە.

لەلایەكی دیكەشەوە بەریتانیا ڕایگەیاند نادین دۆریس وەزیری تەندروستی وڵاتەكە تووشی كۆرۆنا بووە و توركیاش یەكەم حاڵەتی تووشبوونی بە ڤایرۆسەكە تۆماركرد.

جیهان

لوبنان؛ ژمارەی كوژراوانی تەقینەوەكە گەیشتە 154 كەس

خەڵك – بەشی هەواڵ
ژمارەی كوژراوانی تەقینەوەكەی بەیروتی پایتەختی لوبنان بەزربووەوە و باری تەندروستی 120 برینداریش ناجێگیرە.

حەمەد حەسەن وەزیری تەندروستی لوبنان ڕایگەیاند بەپێی دوایین ئامار ژمارەی قوربانییانی تەقینەوەكەی بەندەری بەیروت بەرزبووەتەوە بۆ 154 كوژراو و پێنج هەزار بریندار.

ڕوونیشیكردەوە كە برینی زۆربەی برینداربووانی تەقینەوەكە، سەختە و رەوشی 120شیان ناجێگیرە.

ڕۆژی سێشەممەی ڕابردوو تەقینەوەیەكی بەهێز لە بەندەری بەیروت ڕووی دا كە جگە لە زیانێكی زۆری گیانی، زیانێكی زۆری ماددیشی لێكەوتەوە كە بە نزیكەی 15 ملیار دۆلار مەزەندە دەكرێت.

بەردەوام بە لە خوێندنەوە

جیهان

زیاتر لە 260 هەزار كەسی دیكە تووشی كۆرۆنا بوون

خەڵك – بەشی هەواڵ
ژمارەی تووشبووانی كۆرۆنا لە جیهاندا زۆر بە خێرایی بەرزدەبێتەوە و لە ماوەی كەمتر لە دوو ڕۆژیشدا زیاتر لە 260 هەزار كەسی دیكە تووشی پەتاكە بوون.

بە پێی نوێترین ئامار، تاوەكو بەیانی ئەمڕۆ هەینی ژمارەی تووشبووانی كۆرۆنا لە جیهاندا گەیشتووەتەوە 19 ملیۆن و 266 هەزار و 340 كەس.

ئەویش دوای ئەوەی شەوی چوار شەممە تووشبووانی پەتاكە لە جیهاندا گەیشتە 19 ملیۆن.

ئامارەكان دەریدەخەن كە 717 هەزار و 792 كەسیش بە هۆی كۆرۆناوە گیانیان لە دەست داوە و تا ئێستا 12 ملیۆن و 367 هەزاریش چاكبوونەتەوە.

بەردەوام بە لە خوێندنەوە

جیهان

پۆمپیۆ: نوێنەری تایبەتی ئەمریكا بۆ كاروباری ئێران دەستلەكاردەكێشێتەوە

خەڵك – بەشی هەواڵ

وەزیری دەرەوەی ئەمریكا ڕایدەگەیەنێت، نوێنەری تایبەتی وڵاتەكەی بۆ كاروباری ئێران بڕیاریداوە دەستلەكاربكێشێتەوە.

مایك پۆمپیۆ، وەزیری دەرەوەی ئەمریكا ڕایگەیاند، برایان هۆك، نوێنەری تایبەتی وڵاتەكەی بۆ كاروباری ئێران بەنیازە واز لە پۆستەكەی بهێنێت و ئیلیۆت ئەبرام، نوێنەری تایبەتی ئەمریكا بۆ كاروباری ڤەنزوێلا ئەركەكەی دەگرێتە ئەستۆ.

وەزیری دەرەوەی ئەمریكا هیچ ئاماژەیەكی بە هۆكاری وازهێنانەكەی برایان هۆك نەكردووە.

بڕیاری برایان هۆك بۆ وازهێنان لەكاتێكدایە كە ئەنجومەنی ئاسایشی نێودەوڵەتی ئامادەكاری دەكات بۆ ئەوەی هەفتەی داهاتوو دەنگ لەسەر پڕۆژە یاسایەكی ئەمریكا بدات بۆ درێژكردنەوەی گەمارۆی چەك لەسەر ئێران.

جێی ئاماژەیە، لە چوار ساڵی كاركردنی وەكو نێردەی تایبەتی ئەمریكا، برایان هۆك ببووە ڕووخساری سەپاندنی سزاكانی ئەمریكا بەسەر ئێراندا.

بەردەوام بە لە خوێندنەوە

کوردستان