ئێمە لە تۆرە کۆمەڵایەتیەکان

کوردستان

سەردار عەبدوڵڵا: شەمخانی لە جیاتی سولەیمانی مەلەفی عیراقی گرتووەتە دەست


خەڵك- بەشی هەواڵ

بەشێوەیەكی چاوەڕواننەكراو و لە ناو بڵابوونەوەی ڤایرۆسی كۆرۆنا و كێشەی ڕێكنەكەوتنی لایەنەكانی عیراقدا بۆ پێكنەهێنانی كابینەی نوێ‌، عەلی شەمخانی، ئەمینداری گشتی ئەنجومەنی باڵای ئاسایشی نەتەوەیی ئێران گەیشتە عیراق و چاودێرێكی سیاسیش پێیوایە، شەمخانی لەمكاتەدا سەرپەرشتی مەلەفی عیراق دەكات.

سەردار عەبدوڵڵا، سیاسەتمەداری سەربەخۆ و سەرۆكی پێشووتری فراكسیۆنی گۆڕان لە پەرلەمانی عيراق لە وتارێكدا باسی ڕۆڵی شەمخانی كردووە لەماوەی ڕابردوودا، بەتایبەتی جیاوازی بۆچونی لە قاسم سولەیمانی لە بابەتی ڕێگری لە دانانەوەی نوری مالكی بۆ خولی سێهەمی سەرۆكایەتی وەزیران.

سەردار عەبدڵڵا لە بەشێكی وتارەكەدا نوسیویەتی “ئەدمیراڵ عەلی شەمخانی بەڕەگەز عەرەبی لەدایكبووی ئەهوازە، تەمەنی ٦٥ساڵە. وێڕای ئەوەی لەسەر باڵی ریفۆرمخواز ماڵە، كەچی زۆر جاریش وەك پردی پێكگەیشتنی باڵە ناكۆكەكان ناو دەبرێ.. ماوەیەك وەزیری پاسداران و چوار ساڵیش لە ویلایەتی یەكەمی خاتەمیدا وەزیری بەرگری بوو، كاندیدی سەرۆكایەتی بوو بۆ ڕكابەری خاتەمی لە ویلایەتی دووهەمیدا، لەناو چەندین كاندیددا پلەی سێیەمی دەنگەكانی هەبوو، سەرباری ئەوەش خاتەمی لە كابینیە دووهەمیشیدا وەك وەزیری بەرگری هێشتییەوە”.

هەر لە نووسینكەیدا ناوبراو باسی ڕۆڵی شەمخانی كردووە لە عیراق لە ماوەی ڕابردوودا و نوسیویەتی”ساڵی ٢٠١٤و لەپاش هەلبژاردنی كۆتایی نیساندا، پێكهێنانی حكومەتی عیراق بوویەوە بە كێشە.. لەوەش خراپتر ئەوەی بوو كە ناوەندی بڕیاری ئێرانیش دابەشبوو، بەسەر دووبەرەدا ،یەكەمیان بریتی بوون لە قاسم سولەیمانی و عەلی ئەكبەر ویلایەتی بە پاڵپشتی خامنەئی، كە پشتگیریی مالیكییان دەكرد بۆ ویلایەتی سێیەمی حوكمڕانیی، دووهەمیش بریتی بوون لە رەفسەنجانی و روحانی و شەمخانی، كە دژی ئەوە بوون مالیكی ببێتەوە بە سەرۆك وەزیران.. ئەو كاتە بەشێوەی شەخسی زۆر بە خەستیی دەرگیری ئەو كێشەیە بووم.”

سەردار عەبدوڵڵا، سیاسەتمەداری سەربەخۆ

سەبارەت بە ڕۆڵی شەمخانی دوای كوژرانی سولەیمانیش سەردار عەبدوڵڵا وتویەتی “لە پاش ئەو بۆشاییە گەورەیەی كوشتنی قاسم سولەیمانی لە عیراقدا دروستی كرد، ئیدی شەمخانی هەوڵ دەدات، سەرباری هەموو ئەو كێشانەی باسمان كردن، یەكخستنەوەی ماڵی شیعە یەكێك لەهەرە ئەولەویەتە سەرەكییەكانی بێت.. واش پێدەچێ لەمەودوا شەمخانی لە مەلەفی عیراقدا رۆڵی زۆر گەورەتر بگێڕێت. بەتایبەتیش كە سەرچاوەكان باس لەوە دەكەن كە خامنەئی رایسپاردوە مەلەفی عیراق بگرێتە دەست تا ئەو كاتەی قائانی دەتوانێ بەتەواوەتی وەری بگرێتەوە”.

کوردستان

قائیمقامی سلێمانی: پلانێكی گشتگیر بۆ دوای ٤٨ كاتژمێرەكەی قەدەغەی ھاتووچۆ دانراوە


خەڵك – بەشی هەواڵ

قائیمقامیەتی سلێمانی ڕایدەگەیەنێت، لەئەگەری درێژنەكردنەوەی ٤٨ كاتژمێرەكەی قەدەغەی ھاتوچۆ، لە سلێمانی پلانێكی گشتگیریان داناوە.

ئاوات محەمەد قائیمقامی سلێمانی لەگەڵ بەڕێوەبەری فەرمانگە پەیوەندیدارەكان كۆبووەوە و ڕایگەیاند: لەئەگەری درێژنەكردنەوەی ٤٨ كاتژمێرەكەی قەدەغەی ھاتوچۆ، لە سلێمانی پلانێكی گشتگیریان داناوە بۆ ڕێگەدان بە كردنەوەی بەشێك لەو شوێنانەی كە پەیوەندیدارن بە ژیانی ڕۆژانەی خەڵكەوە.

قائیمقامی سلێمانی وتیشی: كاركردنی ئەو شوێنانە تەواو جیاواز دەبێت لە شێوازی كاركردنی پێشووتر و بە ڕەچاوگرتنی ھەموو ڕێنماییە تەندروستییەكان و گرتنەبەری چەند ڕێكار و ڕێوشوێنێكی گونجاو ڕێگە بەكاركردنیان دەدرێت.

قائیمقامی سلێمانی ئاماژە بەوەشدەكات، ئەگەر دۆخەكە لەباربێت بەپێی چەند مەرج و ڕێنماییەكی نوێ كە دواتر بڵاویان دەكەینەوە ڕێگەبەكردنەوەی بەشێك لە “ماركێت و دەرمانخانە و نانەوا و سەمونخانەكان و عەلوە” دەدرێت.

ئاوات محەمەد ڕاشیگەیاند: ھاووڵاتیان دڵنیادەكەینەوە ھەموو بڕیار و ڕێنماییەكان بەڕەچاوگرتنی مەترسی قۆناغەكە دەدرێن و پاراستنی لایەنی تەندروستی خەڵك لە ئاستێكی باڵادا لە بەرچاو دەگیرێت.

هاوكات، قائیمقامی سلێمانی سوپاسی پابەندبوونی بەرچاوی ھاووڵاتیانی سلێمانی دەكات بە قەدەغەكردنی ھاتوچۆ و جێبەجێ كردنی ڕێنماییە تەندروستییەكان و دەڵێت: بە پابەندبوونی ئێوە و مانەوەتان لەماڵەكانتان مەترسییەكانی كۆرۆنا زووتر تێدەپەڕێنین و نزیكتر دەبینەوە لە ئاسایی بوونەوەی ژیان لە ھەرێمی كوردستان.

بەردەوام بە لە خوێندنەوە

کوردستان

هەولێر.. گەورەترین كارگەی بەرهەمهێنان و دروستكردنی دەمامك دەكرێتەوە


خەڵك – بەشی هەواڵ

پارێزگای هەولێر ڕایدەگەیەنێت، گەورەترین كارگەی بەرهەمهێنان و دروستكردنی دەمامك دەكرێتەوە كە لەتوانایدایە لەماوەی مانگێكدا زیاتر لە 10 ملیۆن دەمامك بەرهەم بهێنێت.

پارێزگای هەولێر لە ڕاگەیەنراوێكدا ئاشكرایكرد، كۆمپانیایی جیهانی پزیشكی (عالم الطب) لەچەند ڕۆژی داهاتوودا، گەورەترین كارگەی بەرهەمهێنان و دروستكردنی دەمامك (ماسك) لە سەرئاستی عیراق و ناوچەكە بە كوالێتی بەرز و ستانداردی جیهانی لە هەولێر دەكاتەوە.

لە ڕاگەیەنراوەكەی پارێزگای هەولێردا ڕوونكراوەتەوە، ئەم كارگەیە لەماوەی مانگێكدا لەتوانایدا هەیە زیاتر لە (10) ملیۆن دەمامك دروستبكات و بەرهەمبهێنێت، جگە لە دروستكردن و بەرهەمهێنانی دەماك (جلوبەرگ و سێتی نەشتەرگەری دسپۆزەبڵ)ی پزیشكیش دروست دەكات و بە یەكێك لە گەوەرەترین كارگەكان لەسەر ئاستی عیراق و ناوچەكە هەژماردەكرێت.

بەردەوام بە لە خوێندنەوە

کوردستان

كارمەندێكی ئاسایش 13 ڕۆژ دوای لەدایكبوونی چاوی بە كۆرپەكەی كەوت


خەڵك – ئارام سەردار

كارمەندێكی ئاسایشی هەولێر بە هۆی بەردەوامبوونی لە دەوام بۆ ماوەی 18 ڕۆژ، ئەمڕۆ بۆ یەكەم جار چاوی بە كۆرپەكەی كەوت، كە پێش 13 ڕۆژ لەدایك بووە.

هێرش بندیان كارمەندێكی ئاسایشی هەولێرە و لە هەژماری خۆیدا لە تۆڕی كۆمەڵایەتی فەیسبوك وێنەیەكی خۆی و كۆرپەكەی بڵاوكردووەتەوە، بە دڵخۆشییەوە نووسیویەتی كە ئەمڕۆ دوای 18 ڕۆژ بەردەوامبوون لە ئەرك، گەڕاوەتەوە ماڵەوە و بۆ یەكەم جار كۆرپەكەی بینی.

هێرش دەڵێت “لە ئەركی 18 ڕۆژەم گەڕامەوە، خودا پەپولەیەكی پێبەخشیوم و ئێستا تەمەنی 13 ڕۆژە، بۆ یەكەم جار ئەمڕۆ چاوم پێیكەوت، خودا تەمەندرێژی بكات لەسەر كاری چاك”.

بەردەوام بە لە خوێندنەوە

کوردستان