ئێمە لە تۆرە کۆمەڵایەتیەکان

ناوخۆیی

یانەی چەمچەماڵ داوا لە هاندەران دەکات بۆ پاراستنی تەندروستیان ئامادەی یاری کۆتایی نەبن


سەرچاوەکان – خەڵک سپۆرت

دوێنێ لە دیوانی قائیمقامیەتی چەمچەماڵ و بەسەرپەرشتی (ڕەمک ڕەمەزان) قائیمقامی چەمچەماڵ و بە ئامادەبوونی ئەندامانی لیژنەی ڕوبەڕووبونەوە ڤایرۆسی کۆرۆناو سەرۆکی یانەی چەمچەماڵ و بەڕێوەبەری سەنتەری گەنجان ، کۆبونەوەیەک ڕێکخرا.

کۆبونەوەکە بەمەبەستی میکانزمی بەڕێوەچوونی یاری کۆتایی خولی پلە یەکەکانی کوردستان بوو لە یاریگای چەمچەماڵ کە بڕیارە ڕۆژی پێنج شەممە لە قەزای چەمچەماڵ بەڕێوەبچێت .

لە کۆبونەوەکەدا باس لە لایەنە خراپەکانی ئامادەبوونی هاندەران کرا لەسەر تەندروستیان و هەموان هاو هەڵوێست بوون داوا لە هاندەران بکرێت لەیاریگا ئامادە نەبن .

لە کۆنگرەیەکی ڕۆژنامەوانیدا قائیمقامی چەمچەماڵ و سەرۆکی یانەی چەمچەماڵ و بەڕێوەبەری تەندروستی داوایان لەهاندەران و گەنجانی شارەکە کرد ئامادەی یارییەکەنەبن بۆئەوەی دوربین لە پەتای کۆرۆنا و وەک وەزارەتی تەندروستی ئەم دوو هەفتەیەی بە زۆر هەستیار داناوە بۆ بڵاوبونەوەی ڤایرۆسەکە .

سەرۆکی یانەی چەمچەماڵ وێڕای سوپاس گوزاری بۆ ئیدارەی قەزا و هاندەرانی یانەکە کە هەردەم پشت و پەنای یانەکە بوون و سەرکەوتنەکانیان پشکی ئەوانی تێدایە ، داوایکرد لەبەر سەلامەتی تەندروستیان هاندەران ئامادە نەبن لە یاریگا و لە ڕێگای کەناڵەکانی ڕاگەیاندن و پەیجەکانەوە بە کوالیتی بەرز بینەری یارییەکە بن .

ئیدارەی چەمچەماڵ وتەندروستی و یانەی چەمچەماڵ پاراستنی تەندروستی هاندەران بە سەرکەوتن دەزانن وداوا دەکەن هاوکاریانبن و هیچ کەسێک بەسووپاسەوە نەچێتە یاریگا بۆ بینینی یارییەکە

ریکلام

ناوخۆیی

ماراسۆنی ئاشتی كوردستان له‌ 14ی ئادار، بۆ كاتێكی نادیار دواخرا


خەڵک سپۆرت – ئارام سەردار

به‌هۆی ڤایرۆسی كۆرۆناوە رێكخراوی ماراسۆنی ئاشتی كوردستان سه‌رجه‌م چالاكییه‌كانی ڕاگرت.

كاپتن كارۆخ ساڵح  لەم بارەیەوە بە میتدیاکانی ڕاگەیاند :”بۆ به‌رژه‌وه‌ندی ته‌ندروستی هاووڵاتیان، سه‌رجه‌م چالاكییه‌كانمان راده‌گرین”.

هەروەها لە ڕاگەیاندراوێکدا سەبارەت بە ڕاگرتنی چالاکییەکان، کارۆخ ساڵح ئاماژەی کردووە: له‌ روانگه‌ی پابه‌ندبوون به‌ رێنمایی و راسپارده‌كانی حكومه‌تی هه‌رێمی كوردستان، بۆ جێبه‌جێكردنی رێنماییه‌كانی وه‌زاره‌تی ته‌ندروستی و سه‌رۆكایه‌تی ئه‌نجومه‌نی وه‌زیران، به‌مه‌به‌ستی خۆپاراستن له‌ ڤایرۆسی كۆرۆنا، ده‌سته‌ی باڵای ماراسۆنی ئاشتی كوردستان بڕیاریدا به‌ دواخستنی نیو ماراسۆنی ئاشتی كوردستان كه‌ بڕیاربوو شه‌ممه‌ی داهاتوو 14ی ئادار له‌ هه‌ولێر به‌ڕێوه‌بچێت.

له‌م باره‌یه‌وه‌ كاپتن (كارۆخ ساڵح) سه‌رپه‌رشتیاری ماراسۆن، له‌ لێدوانێكی رۆژنامه‌نووسیدا ئاماژه‌ی بۆ ئه‌وه‌ كرد: له‌سه‌ر راسپارده‌ی حكومه‌تی هه‌رێمی كوردستان به‌مه‌به‌ستی جێبه‌جێكردنی رێنماییه‌كانی سه‌رۆكایه‌تی ئه‌نجومه‌نی وه‌زیران و وه‌زاره‌تی ته‌ندروستی، بۆ خۆپاراستن له‌ په‌تای كۆرۆنا، ده‌سته‌ی باڵای ماراسۆنی ئاشتی كوردستان بڕیاریدا به‌ دواخستنی نیو ماراسۆنی ئاشتی كوردستان كه‌ بڕیاربوو شه‌ممه‌ی داهاتوو 14ی ئادار له‌ هه‌ولێر به‌ڕێوه‌بچێت‌.

هه‌روه‌ها ئاماژه‌ی بۆ ئه‌وه‌ كرد: بۆ به‌رژه‌وه‌ندی ته‌ندروستی هاووڵاتیان سه‌رجه‌م چالاكییه‌كانمان تا كاتێكی نادیار، راده‌گرین.

هه‌روه‌ها كاپتن كارۆخ ووتی: قه‌ره‌باڵغی و ھەر چالاکیەکی تری بە کۆمەڵ، ھۆکارە بۆ بڵاوبوونه‌وه‌ی په‌تاو نه‌خۆشی, بۆیه‌ له‌ ده‌سته‌ی باڵای ماراسۆنی ئاشتی كوردستان به‌چاكمانزانی سه‌رجه‌م چالاكییه‌كانمان رابگرین و به‌هیوای سه‌لامه‌تی و ته‌ندروستی باش بۆ هه‌موولایه‌ك .. خوا كوردستانی ئازیزمان بپارێزێت.

ئەم بڕیارەی سەرپەرشتیارانی ماراسۆنی ئاشتی پاش ئەوە دێت، کە یەکێتی تۆپی پێی کوردستان چالاکییەکانی تۆپی پێی بەتەواوی تا کاتێکی نادیار ڕاگرت.

بەردەوام بە لە خوێندنەوە

ناوخۆیی

ئەمینداری لیژنەی ئۆڵۆمپی کوردستان لەبارەی مەترسیەکانی کۆرۆناوە کۆنگرەی ڕۆژنامەوانی ئەنجامدا


خەڵک-ئارام سەردار

ئەمینداری گشتی لێژنەی ئولۆمپی کوردستان ڕایدەگەیەنێت، نابێت هەموو چالاکیەکان بوەستێت، بەڵکو لەگەڵ خۆپارێزی پێویستە ڕووبەڕووی کۆڕۆنا ببینەوە.

ئالان قادر، ئەمینداری گشتی لێژنەی ئولۆمپی کوردستان لەکۆنفڕانسێکی ڕۆژنامەوانیدا ڕایگەیاند، ئێمە لەکۆبوونەوەی مانگانەی خۆمان بەتایبەت لەکاتی ئێستادا کەوا کۆمەڵێک بابەتی هەنووکەیی هاتوونەتە پێشەوە پێویست بوو گفتووگۆی لەسەر بکەین، تاوەکو بزانین داهاتوومان چی دەبێت.

دەشڵێت، لێژنەی ئۆڵۆمپی بەکۆمەڵێک کێشەی گەورە تێپەڕ دەبێت، بەهۆی گۆڕانکاریەکانەوە ئەو دەزگایەش ڕووبەڕووی لێپرسینەوە بۆتەوە، هەوڵەکانی ئێمەش بەردەوامە لەگەڵ حکومەت و پەڕلەمان تاوەکو چارەنووسی ئەو دەزگایە یەکلا بکەینەوە.

ئەوەشی خستەڕوو، بەهۆی بڵاوبوونەوەی ڤایرۆسی کۆڕۆنا تاوەکو بزانین بڕیار و ڕێنماییەکان بۆ ڕاگرتنی چاڵاکیەکان سەرجەم شوێنەکان دەگرێتەوە، یاخوود شوێن هەیە تایبەتمەندی پێبدرێت، بۆیە گفتووگۆمان کرد لەسەر بڕیار و ڕێنماییەکان و چاوەڕوانی ڕێنمایی و بڕیاری نوێ دەبین، پابەندی بڕیار و ڕێنماییەکانی حکومەتیش دەبین.

وتیشی، تائێستا ئەو بڕیارو ڕێنماییانەی هەن لەلایەن وەزارەتەکانی تەندروستی و ناوخۆ دەرچوون بۆ هەندێ شوێنی تایبەتن تائێستا وەک هۆڵە وەرزشیەکان و مەلەوانگەکان کەوا داخراون، بەڵام بۆ ئەو شوێنانەی سەرکراوەن تائێستا ڕێگاپێدراون، ئێمەش باشتر دیراسەی ئەم بابەتانە دەکەین، لەگەڵ ئەوەشین خۆپاراستن هەبێت و لەهەمان کاتدا نابێ ژیان بوەستێت، چونکە کاریگەری خراپی دەروونی دەبێت.

بەردەوام بە لە خوێندنەوە

ناوخۆیی

یەکێتی تۆپی پێی عیراق لە بڕیارەکەی پەشیمان بووەوە


خەڵک سپۆرت

پاش ڕێککەوتن لەسەر ئەنجامدانی یارییەکانی خولی نایابی تۆپی پێی عیراق بەبێ هاندەر، دوێنێ یەکیتیەکە لە بڕیارەکەی پەشیمانبووەوە.

دوێنێ ڕێکەوتی ٢٦/٢ یارییەکانی خولی نایابی عیراق دەستیانپێکردەوە، لە یەکەم رووبەڕوبونەوەدا یانەی شوڕتە بە ئەنجامی سێ گۆڵ بەرامبەر گۆلێک سەرکەوتنی بەسەر یانەی ئەمانە بەغداد تۆمار کرد، هاندەرانیش لە یاریگادا ئامادەبوون.

ئەحمەد عەباس سەرۆکی کاتیی یەکێتی تۆپی پیی عیراق بە سایتی غەدی ڕاگەیاندووە، ” یەکێتی تۆپی پێی عێراق بڕیاریدا ڕووبەڕوبونەوەکانی هەفتەی سێیەمی خولی نایابی عێراقی بەبێ هاندەر ئەنجام بدرێن، بڕیارەکەش لەسەر داواکاری وەزارەتی تەندروستی بڕیاری لەسەردراوە، ئێمە سورین لەسەر پاراستنی هاندەرانمان ڤایرۆسی کۆرۆنا”.

ئەوەی سەیرە، لەدوای چەند کاتژمێرێک لەم بڕیارە، یەکێتیەکە بەفەرمی ڕوونکردنەوەی بڵاوکردەوە و بڕیاریدا یارییەکان بە ئامادەبوونی هاندەران ئەنجام بدرێت، لە ڕوونکردنەوەکەدا هاتووە کە یەکێتی تۆپی پێی وڵاتەکە چاوەڕوانی بڕیاری وەزارەتی تەندروستی دەکات لەو بارەیەوە.

بڕیارە ئەمڕۆ و ڕۆژانی هەینی و شەممەی داهاتوو چەندین رووبەڕوبونەوەی تر لەیاریگا عیراقییەکان ئەنجام بدرێن و تا ئێستا نەزانراوە، یەکێتی تۆپی پێ لەبارەیانەوە بڕیارێکی جیاواز دەدات یان نا.

لەچەند ڕۆژی ڕابردوودا وەزارەتی تەندروستی عیراق پێنج حاڵەتی توشبوون بە ڤایرۆسی کۆرۆنای ڕاگەیاندووە، بەم هۆیەشەوە خوێندن لە زۆرینەی ناوچەکانی وڵات لەکارخراوە تا کاتێکی نادیار.

بەردەوام بە لە خوێندنەوە

کوردستان