ئێمە لە تۆرە کۆمەڵایەتیەکان

کوردستان

دژی بەرەنگاربوونەوەی كۆرۆنا
زانایەكی ئایینی: بەڕێوەنەچوونی نوێژی هەینی و نوێژی بە كۆمەڵ ڕەوایە

خەڵك-بەشی هەواڵ

پێشنوێژی هەینی شاری سنە ڕایدەگەیەنێت، ئەگەر پسپۆڕانی تەندروستی لەسەر ئەو بڕوایەن كۆبوونەوەكان دەبێتە هۆكاری تووشبوونی هاوڵاتیانی بە ڤایرۆسەكان، بەڕێوەنەچوونی نوێژی هەینی و نوێژی بەكۆمەڵ ڕەوایە.

میدیای ئێرانی بڵاویكردەوە، بە ئامادەبوونی سەرۆكی زانكۆی زانستە پزیشكییەكان و ژمارەیەك لە بەرپرسانی پارێزگای سنە، مامۆستا ئەمین لە كۆبوونەوەی شوڕای باڵای فەتوای ئەهلی سوننەی كوردستان ڕایگەیاند، پاراستنی گیانی مرۆڤ لە گرنگترینی پرسەكانە و ئیسلام بەردەوام جەختی لێكردووەتەوە و بەپێی فیقهی سوننە و شیعە بۆ پاراستنی تەندروستی كۆمەڵگا، ڕاگرتنی هەندێك لە فەرزەكان پێویستە.

ئاشكراشیكرد، دەتوانین هەندێك لە فەرزەكان بەپێی پێویستی و بۆ پاراستنی تەندروستی بەجێبهێڵین.

ئاماژەی بۆ ئەوەش كرد، عەقڵی تەواو لە لەشی تەندروستدایە و ئەمڕۆ بە پێی عەقڵ و ژیری پێویستە بۆ پاراستنی كۆمەڵگا و پێشگری لە پەرەسەندنی نەخۆشی ڤایرۆسی كۆرۆنا هەندێك لە واجبەكانی وەك نوێژی هەینی و نوێژی بەكۆمەڵ بەڕێوەنەبەین.

ڕوونیشیكردەوە، وەك كۆمەڵەی ڕۆحانی و مامۆستایان دەبێت بە دەركردنی فەتوا پێشگیری بكەین لە زیانگەیشتن بە كۆمەڵگای ئیسلامی.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان