ئێمە لە تۆرە کۆمەڵایەتیەکان

عێراق

بەرپرسێكی پارتی هۆكاری دواكەوتنی مووچەی فەرمانبەرانی ئاشكراكرد


خەڵك- بەشی هەواڵ
بەرپرسێكی پارتی دیموكراتی كوردستان ڕایدەگەیەنێت، بەڕێوەبەرێكی گشتی لە وەزارەتی دارایی، دەسەڵاتی نەناردنی بودجەی هەرێمی كوردستان و بڕینی مووچەی 6 ملیۆن كەسی لە هەرێم بۆخۆی قۆرخ دەكات.

فەرهاد ئەتروشی، پارێزگاری دهۆك و یەكێك لە بەرپرسە دەركەوتووەكانی پارتی دیموكراتی كوردستان لە تویتێكیدا لەسەر تۆڕی كۆمەڵایەتی (تویتەر) نووسیویەتی، “لەڕابردوودا دەمانوت بودجەی هەرێم لەلایەن یەك كەسەوە دەبڕدرێت و نانێردرێت، كە ئەویش كەسی سەرۆك وەزیرانی پێشوو بوو”.

بە وتەی ئەتروشی، “لەئێستادا دەبینین، كە بەڕێوەبەرێكی گشتی لەسەر ئاستی وەزارەتی دارایی، دەتوانێت و مافی ئەوە دەداتە خۆی، كە بودجەی دەستوری و یاسایی هەرێم نەنێرێت و مووچەی زیاتر لە 6 ملیۆن كەس ببڕێت.. بەڕاستی دەوڵەتێكی مەزنە”!.

پێشتر ئەحمەد حاجی ڕەشید، پەڕلەمانتاری كۆمەڵی ئیسلامی، ڕایگەیاندبوو، “بەغدا ناتوانێت مووچەی فەرمانبەرانی هەرێمی كوردستان ببڕێت، تەنانەت ئەگەر داهاتەكانی نەوتیشی لەلایەن هەولێرەوە ڕادەست نەكرێت”.

بە وتەی ئەحمەدی حاجی ڕەشید، “ماددەیەكی دەستوری هەیە، كە لەلایەن پەڕلەمانەوە دەنگی لەسەردراوە، حكومەتی فیدراڵ ناچار دەكات بەردەوام بێت لەسەر ناردنی مووچەی فەرمانبەرانی هەرێمی كوردستان لە كاتی خۆی و گەمەنەكردن بە قوتی هاووڵاتیان، ماددەی 10ی یاسای بودجەی فیدڕاڵیش ڕێگە لە هەموو كاربەدەستدانی بەغدا دەگرێت، مووچەی فەرمانبەران ببڕن و ڕەوانەی نەكەن بۆ كوردستان، تەنانەت گەر حكومەتی هەرێم داهاتەكانی نەوتیش ڕەوانەی بەغدا حكومەتی فیدراڵ نەكات”.

عێراق

پڕۆسەی خوێندن كۆتایی هات و دوابڕیار لە تاقیكردنەوە و نمرەی خوێندكاران درا


خەڵك- بەشی هەواڵ
وەزارەتی پەروەردەی حكومەتی عیراق ڕایدەگەیەنێت، كە پڕۆسەی خوێندن بەهۆی ڤایرۆسی كۆرۆنا و قەدەغەی هاتووچۆوە كۆتایی هات و لیژنەی پەروەردەی پەڕلەمانی عیراق-یش 7 پێشنیار دەربارەی پڕۆسەی خوێندنی ئەمساڵ بە لیژنەی قەیرانەكان دەدات.

حەیدەر فاروق، وتەبێژی وەزارەتی پەروەردەی حكومەتی عیراق لە بەیاننامەیەكدا ئاماژەی بەوەكردووە، بۆ هەریەكە لە پۆلەكانی 6ی سەرەتایی و 3ی ناوەندی و 6ی ئامادەیی سەرجەم خوێندكاران بە داخڵبوونی گشتی هەژمار دەكرێن و دەچنە تاقیكردنەوەی وەزاری و پرسیارەكانیش بۆ هاوكاری خوێندكاران ئاسان دەبن.

ڕاشیگەیاندووە، خوێندنی ئەمساڵ بۆ قۆناغی سەرەتایی لە پۆلی یەك تا پێنج كۆتایی پێهات و نمرەكانی نیوەی ساڵ هەژمار دەكرێت.

لای خۆشیەوە، قوسەی موحسین یاسری، سەرۆكی لیژنەی پەروەردە لە پەڕلەمانی عیراق پڕۆژە پێشنیارێكی داوەتە لیژنەی قەیرانەكان سەبارەت بە پڕۆسەی خوێندن و كاتی تاقیكردنەوەكان و بەفیڕۆنەچوونی پڕۆسەی خوێندنی ئەمساڵ.

هەر بەپێی پڕۆژەكە، داواكراوە وەزارەتی پەروەردە خشتەی تاقیكردنەوەكانی كۆتایی ساڵ دابنێ‌ لەدوای 15ی حوزەیرانەوە و تاقیكردنەوەی پۆلە ناكۆتاكانیش بەپێی ئەو بەشە بێت، كە خوێندراوە، تەنانەت ئەگەر وەرزێكیش خوێندرابێت.

ئاماژە بەوەشكراوە، كە تاقیكردنەوەی وزاری بۆ 6ی سەرەتایی تەنها بۆ ئەمساڵ هەڵپەسێردرێت و لەگەڵ پۆلە ناكۆتاكان تاقیكردنەوە بكەن.

بەردەوام بە لە خوێندنەوە

عێراق

لە عیراق و هەرێم 83 حاڵەتی تووشبوون بە كۆرۆنا ڕاگەیەنرا


خەڵك- بەشی هەواڵ
وەزارەتی تەندروستی حكومەتی عیراق 83 حاڵەتی تووشبوون بە ڤایرۆسی كۆرۆنای لە شارە جیاوازەكانی وڵات بە هەرێمی كوردستانیشەوە ڕاگەیاند و جەختیشی كردەوە، كە 5 كەس مردوون و 20 كەسیش چاكبوونەتەوە.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە دوای دەرچووونی پشكنینە پزیشكییەكان لە تاقیگەكان 83 حاڵەتی پۆزەتیڤ (ئەرێنی) هەبووە و دەركەوتووە ئەو كەسانە تووشی كۆرۆنا بوون.

بەپێی بەیاننامەكە، “لە بەغدا 23 كەس (كەرخ 2 كەس و روسافە 21 كەس) و شاری پزیشكی 4 كەس و بەسرە 10 و نەجەف 6 و سلێمانی 1 و هەولێر 18 و دیالە 5 و موسەنا 6 و بابل 1 و كەربەلا 4 و كەركوك 4 و زیقار 1 كەس) تووشی كۆرۆنا بوون”.

ئاشكراشی كردووە، كە لەكۆی حاڵەتەكان 5 كەس گیانیان لەدەستداوە، كە (2 كەس لە ڕەسافە و یەك لە نەجەف و یەك لە سلێمانی و یەك كەسیش لە دیالە) بووون و هەروەها 20 كەسیش چاكبوونەتەوە و ڕەوانەی ماڵەوە كراونەتەوە.

ڕاشیگەیاندووە، كە كۆی حاڵەتەكانی تووشبوون بە كۆرۆنا لە تەواوی وڵات گەیشتۆتە 961 كەس، كە 61 كەس گیانیان لەدەستداوە و 279 كەسیش چاكبوونەتەوە.

بەردەوام بە لە خوێندنەوە

عێراق

“هەفتەی داهاتوو دەنگ بە كابینەكەی زورفی دەدرێت”


خەڵك-بەشی هەواڵ

 

سەرچاوەیەكی نزیك لە عەدنان زورفی ئاشكرایدەكات، هەفتەی داهاتوو پەڕلەمانی عیراق لەسەر متمانەدان بە كابینەكەی زورفی كۆدەبێتەوە.

سەرچاوەیەكی نزیك لە عەدنان زورفی كاندیدی ڕاسپێردراو بۆ پێكهێنانی كابینەی حكومەتی عیراق كە نەیویستووە ناوی ئاشكرا بكرێت بە سۆمەرییەنیوزی ڕاگەیاندووە، چوار شەممە و پێنج شەممەی هەفتەی داهاتوو پەڕلەمانی عیراق بۆ متمانەدان بە كابینەكەی زورفی كۆدەبێتەوە و لە چەند كاتژمێری داهاتووش ڕاگەیەنراوی سەرۆكایەتی پەڕلەمان بۆ ئەو مەبەستە ئاشكرا دەكرێت.
وتیشی”زورفی لە چەند ڕۆژی ڕابردوودا توانیوێتی پشتیوانی زۆرینەی ئەندامانی پەڕلەمان بەدەست بهێنێت لە كوتلە جیاوازەكان، دەنگی پەڕلەمانتارانیش دووورە لە بڕیاری حزبە سیاسییەكانی عیراق”.
ناوبراو بۆ پێكهێنانی كابینەكەی دوێنێ شەممە بەرنامەی كابینەكەی دایە سەرۆكی پەڕلەمان و چەندین لایەنی جیاوازی حوكمڕانی عیراقی لەخۆی گرتبوو.
پێنج هاوپەیمانی ڕێگرن لە پێكهێنانی حكومەت بە سەۆكایەتی زورفی، بەڵام زورفی بەبێ ئەوەی داوای پشتیوانیان لێبكات لە هەوڵدایە بۆ پێكهێنانی حكومەت.
(خەڵك) پەیوەندی بە چەند پەڕلەمانتارێكی كوردستانەوە كرد، بەڵام هەریەكەیان بە بیانووی خراپی دۆخەكەوە هیچ ڕوونكردەوەیەكیان لەسەر هەڵوێستی كورد نەدا.
بەپێی زانیارییەكان، لایەنە شیعییەكان لەسەر زورفی هاوڕا نین و كێشەیان لەگەڵی هەیە، كوردیش نایەوێت لەبەر زورفی پەیوەندییەكانی لەگەڵ شیعە تێكبدات.

بەردەوام بە لە خوێندنەوە

کوردستان