ئێمە لە تۆرە کۆمەڵایەتیەکان

عێراق

هاتووچۆی گشتی پێدانی تابلۆ و مۆڵەتی شۆفێری ڕاگرت

خەڵك- بەشی هەواڵ
بەڕێوەبەرایەتی گشتی هاتووچۆی فیدڕاڵی عیراق بڕیاریدا بە ڕاگرتنی كاروباری تایبەت بە پێدانی تابلۆی ئۆتۆمبێل و مۆڵەتی شۆفێری و دەشڵێت: “بڕیارەكە لەپێناو ڕێگرییە لە بڵاوبوونەوەی كۆرۆنا”.

بەڕێوەبەرایەتی گشتی هاتووچۆی فیدڕاڵی عیراق لە بەیاننامەیەكدا ئاماژەی بەوەكردووە، بڕیاریان داوەی بە ڕاگرتنی كاركردن لە فەرمانگەكانی تۆماركردنی ئۆتۆمبێل و دەركردنی مۆڵەتی شۆفێری لە تەواوی عیراق ئەوەش لەپێناو سەلامەتی هاووڵاتیان.

ڕاشیگەیاندووە، وەك بەدەمەوەچوون بۆ بڕیاری دیوانی ژمارە 55 لە 2020 و بەهۆی ئەوەی فەرمانگەكانی تۆماركردنی ئۆتۆمبێل و پێدانی مۆڵەتی شۆفێری لە بەغدا و پارێزگاكان بەردەوام قەرەباڵغن، بۆیە بۆ پاراستنی هاووڵاتیان و كارمەندان و ئەنجامدانی خۆپارێزی بۆ ڕێگری لە بڵاوبوونەوەی كۆرۆنا ئەو بڕیارە دراوە.

ڕۆژی سێ‌ شەممەی ڕابردوو، بەڕێوەبەرایەتی هاتووچۆی پارێزگاری سلێمانی لە ڕاگەیەنراوێكدا ئاماژەی بەوەكرد، بۆ پارێزگاری كردن لە تەندروستی ھاووڵاتیان و لە چوارچێوەی ڕێنماییە گشتیەكانی تەندروستیدا، بەرێوەبەرایەتیمان بە باشی دەزانێت تاقیكردنەوەكانی تیۆری و پراكتیكی مۆڵەتی شۆفێری ڕابگرێت تا كاتێكی تر.

دەشڵێت: “دواتر فێرخوازان ئاگادار ئەكەینەوە”.

عێراق

كازمی سامانی خۆی بۆ دەستەی دەستپاكی ئاشكرا كرد

خەڵك – بەشی هەواڵ
مستەفا كازمی سەرۆك وەزیرانی عیراق فۆڕمی ئاشكراكردنی سامانی خۆی بۆ دەستەی دەستپاكی ڕەوانەكرد.

ئەمڕۆ یەك شەممە دەستەی دەستپاكی عیراق ڕایگەیاند مستەفا كازمی سەرۆك وەزیران فۆڕمی ئاشكراكردنی سامانی خۆی پڕكردەوە و بۆ دەستەكەیانی ڕەوانە كرد.

پێشتر مستەفا كازمی داوای لە وەزیرانی كابینەكەی كردبوو، سامانی خۆیان بۆ دەستەی دەستپاكی ئاشكرا بكەن

بەردەوام بە لە خوێندنەوە

عێراق

سائیرون: حەلبوسی دژی هەڵبژاردنی پێشوەختە

خەڵك – بەشی هەواڵ

هاوپەیمانی سائیرون، سەرۆكی ئەنجومەنی نوێنەرانی عیراق بە پەكخستنی هەڵبژاردنی پێشوەخت و یاریكردن بە كات تۆمەتبار دەكات.

هاوپەیمانی سائیرون بە سەرۆكایەتی موقتەدا سەدر ڕایگەیاند، محەمەد حەلبوسی سەرۆكی ئەنجومەنی نوێنەران ڕێگرە لە بەردەم تێپەڕاندنی یاسای هەڵبژاردن و ئەنجامدانی هەڵبژاردنی پێشوەخت، بە ئامانجی مانەوەی لە پۆستەكەیدا.

هاوپەیمانی سائیرون ئاماژەی بۆ ئەوەشكردووە، هیچ ئیرادەیەكی سیاسی ڕاستەقینە نابینن بۆ ئەنجامدانی هەڵبژاردنی پێشوەخت، جێگەی سەرسوڕمانیشە كە محەمەد حەلبوسی بە ئاشكرا پشتگیری لە ئەنجامدانی هەڵبژاردنی پێشوەخت دەكات، بەڵام بە نهێنی لە دژیەتی و نایەوێت بكرێت.

بەردەوام بە لە خوێندنەوە

عێراق

بەرهەم ساڵح و فوئاد حسێن جەخت لە بەهێزكردنی پێگەی عیراق دەكەنەوە

خەڵك – بەشی هەواڵ

نووسینگەی ڕاگەیاندنی سەرۆكایەتی كۆمار بڵاویكردەوە، د.بەرهەم ساڵح سەرۆك كۆماری عیراق، ئەمڕۆ 8/8/2020، لە كۆشكی بەغدا، پێشوازیكرد لە فوئاد حسێن وەزیری دەرەوە و سەبارەت بە پەیوەندییە دەرەكییەكانی وڵات و چۆنیەتی بەرزكردنەوە و بەرەوپێشبردنی بۆ ئاستێكی بەرزتر لەگەڵ وڵاتان گفتوگۆی لەبارەوەكرا.

نووسینگەی ڕاگەیاندنی سەرۆكایەتی كۆمار ئەوەشی خستەڕوو، لە دیدارەكەدا سەرۆك كۆمار جەختی لەپێویستی بەهێزكردنی پێگەی عیراق لە ناوەندە نێودەوڵەتییەكان كردەوە، تا عیراق ببێتە بەشێك لە ڕەخساندنی كەشێكی لەبار بۆ لێكتێگەیشتن و دیالۆگی بونیادنەر بۆ چەسپاندنی ئاسایش و سەقامگیری لە نیوان وڵاتانی ناوچەكەدا، ھاوكات دوپاتیشیكردەوە لەگرنگی ڕۆڵی هاوسەنگ و ئەرێنی عیراق لە كاروانی پەیوەندییە دەرەكییەكان، بەجۆرێك ببێتە مایەی بەدیهێنانی ئاشتی و پێشكەوتن لە نێوان گەلان.

نووسینگەی ڕاگەیاندنی سەرۆكایەتی كۆمار ئاماژەی بەوەشداوە، هەر لەو دیدارەدا دواین پێشهاتەكان لەسەر ھەردوو ئاستی هەرێمایەتی و نێودەوڵەتی و كاریگەریان لەسەر گۆڕەپانی عیراق تاووتوێكرا.

بەردەوام بە لە خوێندنەوە

کوردستان