ئێمە لە تۆرە کۆمەڵایەتیەکان

عێراق

دانیشتنەكەی پەرلەمانی عیراق دواخرا


خەڵك- بەشی هەواڵ

بەهۆی تەواونەبوونی ڕێژەی یاسایی ئامادەبوان، پەرلەمانی عیراق دانیشتنی دەنگدانى بۆ متمانە بەخشین بە حكومەتی نوێ‌، دواخست.

تەلەفیزیۆنی فەرمی (العراقیە) بڵاویكردەوە، ئەمڕ‌ۆ پێنج شەممە، پەرلەمان دانیشتنی پەسەندكردنی حكومەتی نوێی دواخست كە پێشتر لەسەر داوای محەمەد تۆفیق عەللاوی سەرۆك وەزیرانی ڕاسپێردراو، داوای سازدانی كرابوو.

هەر بەپێی هەمان سەرچاوە، دانیشتنەكە ڕێژەی یاسایی تەواونەبوو، بەهۆی بایكۆتكردنی زۆرێك لە پەرلەمانتاران بۆ دانیشتنەكە كە پێشتر ناڕەزایی خۆیان بەرانبەر بە پێكهاتەی كابینە وەزارییەكەی عەللاوی دەربڕیبوو.

ئاژانسی دەنگوباسی (العراقیە) دەڵێت، سەرۆكی پەرلەمان پێشنیاری دواخستنی دانیشتنی بەخشینی متمانەی بە حكومەتەكەی محەمەد تۆفیق عەللاوی بۆ شەممەی داهاتوو بۆ سەرۆك فراكسیۆنەكان، پێشنیاركردبوو.

پێشتر سەرۆكایەتی پەرلەمان، بڕیاریدابوو، ئەمڕۆ پێنج شەممە، دانیشتنی دەنگدان بۆ بەخشینی متمانە بە حكومەتەكەی عەللاوی، سازبكات.

 

ریکلام

عێراق

پەرلەمانتارێك: وەزیرە كوردەكان لە حكومەتەكەی زورفیدا دەمێننەوە


خەڵك- بەشی هەواڵ
ئەندامێكی پەرلەمانی عیراق، ئاماژە بە مانەوە وەزیرە كوردەكان دەكات لە كابینەكەی عەدنان زورفی سەرۆك وەزیرانی ڕاسپێردراودا و دەڵێت، ئەم هەڵوێستە لەپێناو دەستبەركردنی پشتیوانی كوردە لەنێو پەرلەمان.

باسم خەشان پەرلەمانتاری سەربەخۆ لە پەرلەمانی عیراق، لە لێدوانێكیدا بۆ میدیاكانی عیراق ڕایگەیاندووە”عەدنان زورفی سەرۆك وەزیرانی ڕاسپێردراو، بەڵێنیداوە وەزیرە كوردەكان لە پۆستەكانیان بهێڵێتەوە”، هۆكاریی ئەمەش بۆ دەستخستنی پشتیوانی هێزە كوردییەكان دەگێڕێتەوە لە دانیشتنی تایبەت بە دەنگدان لەسەر كابینە حكومییەكەی لە پەرلەمان.

بە وتەی خەشان”كابینەكەی زورفی مانەوەی فوئاد حسێن وەزیری دارایی و پەنگین ڕێكانی وەزیری ئاوەدانكردنەوە و نیشتەجێكردن لەخۆدەگرێت، هێشتنەوەی ئەم وەزیرە كوردانەش لەپێناو دەستخستنی پشتیوانی كوردە لەنێو پەرلەمان و لەكاتی دانیشتنی تایبەت بە بەخشینی متمانە لە كابینەكەی”.

ئەو ئەندامەی پەرلەمانی عیراق پێیوایە”زورفی كۆدەنگی سیاسی شیعەی لەسەر نییە بۆ تێپەڕاندنی كابینەكەی، هێزە سونی و كوردییەكانیش سەركێشی ناكەن و تەوافوق ناشكێنن، بۆیە تێپەڕاندنی زورفی قوس و ڕەنگە ئەستەمیش بێت”.

بەردەوام بە لە خوێندنەوە

عێراق

هەزاری تێپەڕاند
عیراق، ئامارێكی نوێی تووشبوان بە كۆرۆنا بڵاوكرایەوە


خەڵك- بەشی هەواڵ
وەزارەتی تەندروستی عیراق ئاماژە بە تۆماركردنی 70 حاڵەتی توشبوونی نوێ‌ بە ڤایرۆسی كۆرۆنا و گیانلەدەستدانی سێ‌ كەس دەكات بەهۆی ڤایرۆسەكەوە، بەمشێوەیە ژمارەی تووشبوان لەئێستادا لە عیراق، بەربەستی هەزار كەسی تێپەڕاند.

بەپێی بەیاننامەیەك كە ئەمڕۆ دوو شەممە لەلایەن وەزارەتی تەندروستی عیراقەوە بڵاوكرایەوە، لەماوەی 24 كاتژمێری ڕابردوودا 70 حاڵەتی توشبوونی نوێ‌ بە ڤایرۆسی كۆرۆنا لە وڵاتدا تۆماركراون.
هەر لە بەیاننامەكەی وەزارەتی تەندروستَیدا هاتووە”توشبووەكان بەسەر ئەم ناوچانەدا دابەشبوون: بەغدا كەرخ: 1 حاڵەت، بەغدا مەدینە توب: 3 حاڵەت، بەسرە: 9 حاڵەت، نەجەف: 4 حاڵەت، زیقار: 7 حاڵەت، هەولێر: 41 ، كەربەلا: 2 حاڵەت، سلێمانی:3 حاڵەت تۆماركراون”.

وەزارەتی تەندروستی عیراق لە بەیاننامەكەیدا ڕەتیكردەوە لەماوەی 24 كاتژمێری ڕابردوودا 3 حاڵەتی گیانلەدەستدان بەهۆی ڤایرۆسەكەوە تۆماركراون.
هەروەها تەئكیدی لەسەر بوونی 65 حاڵەتی نوێی چاكبوونەوەش كردووە كە لەم ناوچانەدا تۆماركراون: بەغدا ڕەسافە: 12 حاڵەت، بەسرە: 10 حاڵەت، نەجەف: 26 حاڵەت، هەولێر: 2 حاڵەت، واست/ 3 حاڵەت، سلێمانی: 11 حاڵەت، دهۆك: 1 حاڵەت”.

وەزارەتی تەندروستی عیراق دەڵێت، تائێستا كۆی گشتی تووشبوان بە ڤایرۆسی كۆرۆنای نوێ‌ گەیشتۆتە 1031 حاڵەت، لەو چوارچێوەیەشدا 64 حاڵەتی گیانلەدەستدان بەهۆی ڤایرۆسەكەوە تۆماركراون، كۆی گشتی حاڵەتەكانی چاكبوونەوەش گەیشتۆتە 344 حاڵەت.

 

بەردەوام بە لە خوێندنەوە

عێراق

بەڤیدیۆ، هێزە ئەمنییەكانى عيراق بەمشێوەیە ڕێز لە كادرانی تەندروستی دەگرن


نەخۆشخانەی فێركاری دیوانیە

خەڵك- بەشی هەواڵ
هێزە ئەمنییەكان لە پارێزگەی دیوانیەی باشووری عیراق، وەك ڕێزلێنان لە ماندوبوونی پزیشك و كادرانی تەندروستی، سڵاوی سەربازی بۆ ئەو تیمە پزیشكییە دەكەن كە بەشێوەیەكی دانبڕاوە لە فەرمانگە تەندروستییەكاندا لەم ڕەوشەی ئێستادا كاردەكەن.

بەپێی دیمەنێكی ڤیدیۆیی كە لەسەر تۆڕە كۆمەڵایەتییەكاندا بڵاوكراوەتەوە، هێزە ئەمنییەكان لە پارێزگەی دیوانیەی باشووری عیراق، بە مارشی نیشتمانی سڵاوی سەربازی لە پزيشك و كارمەندانی تەندروستی پارێزگەكە دەكەن لە نەخۆشخانەی دیوانیە، ئەمەش لەكاتێكدایە كە لەئێستادا پزیشكەكان و كارمەندانی تەندروستی بەشێوەیەكی دانبڕاو، ڕۆژ و شەوییان خستۆتەسەر یەك لەپێناو بەرگرتن لە زیاتر بڵاوبوونەوەی ڤایرۆسی كۆرۆنا لە وڵاتدا.

بەپێی دوایین ئاماری وەزارەتی تەندروستی و ژینگەی عیراق، تائێستا 961 حاڵەتی توشبوون بە ڤایرۆسی كۆرۆنا لە وڵاتدا تۆماركراون، لەو ژمارەیەش 61 حاڵەتی گیانلەدەستدان و 279 حاڵەتی چاكبوونەوە تۆماركراون.

بەردەوام بە لە خوێندنەوە

کوردستان