ئێمە لە تۆرە کۆمەڵایەتیەکان

کوردستان

لە سلێمانی بڕیار و رێنماییەكان لە بارەی كۆرۆناوە چووە بواری جێبەجێكردنەوە


 

خەڵك- بەشی هەواڵ

لە شاری سلێمانی كێشانی نێرگەلە لە كافتریاكان و لایڤ موزیك قەدەغە كرا و تاكاتێكی نادیاریش مەلەوانگەكان و هۆڵەكانی لەشجوانی بەڕووی هاوڵاتیاندا دادەخرێت , لە رێستۆرانت و چایخانەو شوێنە گشتیەكانیش رێوشوێنی پێویستی تەندروستی دەگیرێتەبەر هاوكات بۆنە كۆمەڵایەتی و ئاینیەكانیش سنوردار دەكرێن.

قائیمقامیەتی سلێمانی لە ڕاگەیەندراوێكدا نوسیویەتی”ئەمڕۆ پێنج شەممە 27.2.2020, ئاوات محەمەد قائیمقامی سلێمانی لەگەڵ بەڕێوەبەری فەرمانگە پەیوەندیدارەكانی شارەكەدا كۆبووەوە و دواین بڕیار و رێوشێنەكان تاوتوێكران كە بڕیارە لە سلێمانی بۆ رێگری كردن لە بڵاوبوونەوەی ڤایرۆسی كۆرۆنا بگیرێتە بەر”.

لە كۆنفراوسێكی رۆژنامەوانیشدا ئاوات محەمەد رایگەیاند: خۆشبەختانە تائێستا هیچ حاڵەتێكی ڤایرۆسی كۆرۆنا لە سلێمانی تۆمارنەكراوە و ئەوەی دەكرێت ئامادەكاری و گرتنەبەری چەند رێوشوێنێكی پێشوەختە بۆ رێگریكردن لە بڵاوبونەوەی ڤایرۆسەكە , ئاماژەی بۆ ئەوەشكرد لە ئەمڕۆوە كۆی ئەو بڕیار و رێنماییانەی كە بڕیاریان لە بارە دراوە دەچنە بواری جێبەجێ كردنەوە و هەر شوێنێك پابەند نەبێت رووبەڕووی سزای توندی یاسایی دەكرێنەوە و لیژنەهاوبەشەكان و كۆی لیژنەكانی چاودێریش راسپارێدران لەم رووەوە هەنگاوی پێویست بنێن.

ئەو بڕیار و راسپاردانەی كە لە سلێمانی چوونە بواری جێبەجێ كردنەوە ئەمانەن:

1.لەكۆبوونەوەكەدا جەخت كرایەوە لەسەر هەموو بڕیارو ڕاسپاردەكانی كۆبوونەوەی ڕۆژی ٢٥/ ٢/ ٢٠٢٠ی ئەنجومەنی وەزیرانی كوردستان و بڕیارو ڕێنمایی‌و بەیانەكانی وەزارەتەكانی ناوخۆو تەندروستی لە كۆبوونەوەی ڕۆژی ٢٢/ ٢/ ٢٠٢٠ی وەزارەتی ناوخۆو ڕاسپاردەكانی كۆبوونەوەی ڕۆژی ٢٣/ ٢/ ٢٠٢٠ی پارێزگای سلێمانی بە سەرپەرشتیی جێگری سەرۆكی ئەنجومەنی وەزیران‌و كۆبوونەوەی ڕۆژی ٢٤/ ٢/ ٢٠٢٠ی فەرمانگە پەیوەندیدیدارەكانی پارێزگای سلێمانی بە سەرپەرشتیی پارێزگاری سلێمانی.
٢. میكانیزمی پێویست بۆ جێبەجێكردنی بڕیارو بەیان‌و ڕێنمایی‌و ڕاسپاردەكان دیاریكران، هەڵسەنگاندنی تەواو بۆ ئەو ژمارەو خزمەتگوزاریی‌و شوێن‌و چاودێری تەندروستی‌و پاراستنی ئەو هاووڵاتیانەی لە چین و كۆماری ئیسلامیی ئێران و شارەكانی نەجەف و كەركوكەوە گەڕاونەتەوە، كران.
٣. ڕێوشوێنی پێویست بۆ سەرپەرشتیكردن و چاودێریكردنی وردی دەروازە نێودەوڵەتی‌و مەرزو بازگەكان بۆ بەردەوامبوونی ئاڵوگۆڕی بازرگانیی دیاریكران.
٤. جەخت كردنەوە لەسەر داخستن‌و چاودێریكردنی وردی ڕێگا نایاساییەكانی گەڕانەوە بۆ هەرێمی كوردستان.
٥. هەر هاووڵاتیەك لەو شوێنانەوە گەڕابێتنەوە بۆ هەرێمی كوردستان كە لەپێشەوە باسكران لەدوای (٢٠/ ٢/ ٢٠٢٠)ەوە، بە هەر ڕێگاو ئامرازێك، پێویستە خۆیان بە دەزگا تەندروستیەكان بناسێنن، بەپێچەوانەوە ڕێكاری یاساییان لەبەرامبەردا دەگیرێتەبەر.
٦. هاتووچۆی پەناهەندەو ئاوارەكان بۆ شارەكانی تر قەدەغەیەو هەر كەسێك شوێنەكەی خۆی لە سنوری پارێزگای سلێمانی لەم ماوەیەدا بەجێ‌ بهێڵێت، ڕێی پێ نادرێت بگەڕێتەوە پارێزگای سلێمانی تا كاتێكی نادیار.
٧. دوای بڕیاری سەرۆكی ئەنجومەنی وەزیران‌و وەزارەتی دارایی، خەرجیی پێویست بۆ گشت پێداویستیە لۆجیستیی‌و خزمەتگوزارییەكانی فەرمانگە پەیوەندیدارەكان لەڕێی پارێزگای سلێمانیەوە تەرخان كران.
٨. بەڕێوەبەری گشتی تەندروستی سلێمانی راسپێردرا بەپێی ئەو بودجەیەی تایبەتە بە كەلوپەلی تەندروستی‌و هەڵمەتی هۆشیاری‌و ڕاهێنان لە وەزارەتەكانی تەندروستی و داراییەوە تەرخان كراوە، كاری پێویست بكات بۆ دابینكردنی پێداویستیە تەندروستیەكان.
٩. قائیمقامیەتی قەزای مەڵبەندی سلێمانی و یەكە كارگێڕییەكانی سنوری پارێزگای سلێمانی‌و لیژنەكانی قائیمقامیەت راسپێردران، كە بەوردی و لێپرسینەوەی تەواوەوە ڕێ لە هەر قۆرخكاریی‌و نرخ بەرزكردنەوەو كەلوپەل شاردنەوەیەك بگرن‌و هەركەس سەرپێچی بكات بەتوندترین شێوە سزای یاسایی دەدرێت.
١٠. پرۆسەی پشكنینی زانستی تاقیگەیی لەلایەن بەڕێوەبەرایەتی گشتی تەندروستی سلێمانیەوە دەستی پێكراوەو لە ڕۆژانێكی نزیكدا دەتوانرێت پشكنینی تەواو بۆ هەر گومانلێكراوێك بكرێت.
١١. هەموو فەرمانگە پەیوەندیدارەكان لەڕێی لیژنەكانی قائیمقامیەتی سلێمانی و یەكە كارگێڕییەكانی ترەوە ڕاسپێردران بۆ ڕێگریكردن لە هەر كۆبوونەوەو چالاكی‌و بۆنەو یادێكی گشتی، كە كۆبوونەوەو بەریەككەوتنی كۆمەڵایەتی تێدا ڕووبدات.
١٢. سەردانیكردنی نەخۆش‌و ڕاگیراوو بەندكراوەكان تا كاتێكی نادیار قەدەغەیە.
١٣. (قەدەغەكردنی نێرگەلەكێشان لە كافتریاو شوێنە گشتیەكاندا، داخستنی مەلەوانگەكان، ڕاگرتنی لایڤ میوزیك)و، هەر شوێنێكی تریش، كە فەرمانگە پەیوەندیدارەكان‌و لیژنەكانی قائیمقامیەت بەپێویستی بزانن دەگرێتەوە تا كاتێكی نادیار.
١٤. هاتنی گروپی گەشتیاریی و هاتنی گەشتیار لە كۆماری ئیسلامیی ئێران‌و شارەكانی نەجەف و كەركوكەوە، تا كاتێكی نادیار قەدەغە دەكرێت. پێویستە هەموو دامەزراوە گەشتیارییەكان پابەندی تەواوی ئەم بڕیارە بن.
١٥. پێویستە هەموو كەسێك بەوردی ڕێنماییە فەرمییەكانی وەزارەتی تەندروستی‌و بەڕێوەبەرایەتی گشتی تەندروستی سلێمانی پەیوەست بە خۆیان‌و ماڵا‌و شوێنی كاركردن‌و شوێنە گشتیەكان پەیڕەو بكەن بۆ خۆپارێزی باشتر.
١٦. تەنها سەرچاوەی ڕاگەیاندنی زانیاری‌و ئامارەكانی پەیوەست بەم پەتایە، وەزارەتی تەندروستی حكومەتی هەرێمی كوردستانەو هەر زانیاری‌و واتەواتێكی نافەرمیی ڕووبەڕووی لێپرسینەوەی یاسایی دەكرێتەوە.

کوردستان

وەزارەتی خوێندنی باڵا و توێژینەوەی زانستی: خوێندنی ئەمساڵ نافەوتێت


خەڵك – بەشی هەواڵ

وەزارەتی خوێندنی باڵا و توێژینەوەی زانستی هەرێم ڕایدەگەیەنێت خوێندنی ئەمساڵ نافەوتێت.

وەزارەتی خوێندنی باڵا و توێژینەوەی زانستی هەرێم لە ڕاگەیەنراوێكدا ڕایگەیاند: ئەمڕۆ 8/4/2020 ئەنجومەنی وەزارەت كۆبووەتەوە و نۆ بڕیاریداوە.

ڕوونیشكراوەتەوە بڕیاردراوە: ئەنجومەنی وەزارەت دڵنیایی دەداتە هەمو قوتابیان و خوێندكارانی كوردستان و كەسوكاریان كە ساڵی خوێندنی (٢٠١٩-٢٠٢٠) بەفیڕۆ ناچێت و بە لەبەرچاوگرتنی بارودۆخەكە ڕێكاری زانستی پێویست دەگیرێتە بەر بۆ پاراستنی پڕۆسەی خوێندن.

ئاماژە بەوەشدراوە: زانكۆكان بەردوام دەبن لە ئامادەكارییەكانیان بۆ ئەوەی ئەگەر هەتا ڕێكەوتی (٢/٥/٢٠٢٠) نەتوانرا خوێندنی ئاسایی نێوكامپەس دەستپێبكاتەوە ئەوا خوێندنی ئەلكترۆنی بە شیوازی (پاڵپشتكاری) دەستپێدەكات بەمەبەستی تەواوكردنی ئەو بەشە كەمەی پرۆگرامی خوێندنی ئەمساڵ كە نەخوێنراوە.

وەزارەتی خوێندنی باڵا و توێژینەوەی زانستی رایگەیاند خوێندنی ئەمساڵ نافەوتێت.

ئەمڕۆ ئەنجومەنی وەزارەتی خوێندنی باڵا و توێژینەوەی زانستی كۆبووەوە و هەڵسەنگاندن كرا بۆ دۆخی ئێستای بڵاوبونەوەی پەتای كۆرۆنا و رێكارەكانی حكومەتی هەرێمی كوردستان و دەستخۆشی ئاراستەی هەموو زانكۆكانی كوردستان كرا بۆ بەشداری و پشتگیریان لە سەرخستنی ڕێكاری حكومەتی هەرێمی كوردستان لە ڕووبەروبوونەوەی ئەم پەتایە.

هەروەها سوپاسی تایبەتی ئاراستەی ئەو زانكۆیانە كرا كە لەڕێگای بنیاتنانی تاقیگەو بەشداری لە پرۆسەی دەستنیشانكردنی نەخۆشییەكەو دابینكردنی مادەی پێویست بۆ تێستەكان و پێكهێنانی تیمەكانی ڕاوێژكاری و هۆشیاری تەندروستی پشتیوانی دامەزراوەكانی وەزارەتی تەندروستی بون.

تەوەرێكی دیكەی كۆبونەوەكە تایبەت بو بە دیراسەكردنی بژاردەكانی بەردەم زانكۆكانی كوردستان بۆ پاراستنی پرۆسەی خوێندنی ٢٠١٩/٢٠٢٠، بۆ ئەم مەبەستە ئەنجومەنی وەزارەتی خویندنی باڵا و توێژینەوەی زانستی ئەم بڕیارانەی لای خوارەوەی دەركرد:

1. ئەنجومەنی وەزارەت دڵنیایی دەداتە هەمو قوتابیان و خوێندكارانی كوردستان و كەسوكاریان كە ساڵی خوێندنی (٢٠١٩-٢٠٢٠) بەفیڕۆ ناچێت و بە لەبەرچاوگرتنی بارودۆخەكە ڕێكاری زانستی پێویست دەگیرێتە بەر بۆ پاراستنی پرۆسەی خوێندن.

2. زانكۆكان بەردوام دەبن لە ئامادەكارییەكانیان بۆ ئەوەی ئەگەر هەتا ڕێكەوتی (٢/٥/٢٠٢٠) نەتوانرا خوێندنی ئاسایی نێوكامپەس دەستپێبكاتەوە ئەوا خوێندنی ئەلكترۆنی بە شیوازی (پاڵپشتكاری) دەستپێدەكات بەمەبەستی تەواوكردنی ئەو بەشە كەمەی پرۆگرامی خوێندنی ئەمساڵ كە نەخوێنراوە.

3. لە حاڵەتی پیادەكردنی خوێندنی ئەلكترۆنی بە شێوازی (پاڵپشتكاری)، ئەوا لە چوارچێوەی سەربەخۆیی زانستی و ئەكادیمی دەستەڵات دەدرێتە زانكۆكان بۆ ئەوەی سەربەست بن لە بەكارهێنانی هەر جۆرە پلاتفۆرم و ئەپلیكەیشنێك كە لەگەڵ تایبەتمەندێتی زانكۆكانیاندا دەگونجێت بۆ جێبەجێكردنی سیستمی ناوبراو.

4. وەزارەتی خوێندنی باڵا هاوكاری زانكۆكان دەبێت بۆ چارەسەركردنی هەموو ئەو گرفت و ئاڵنگاریانەی كە دێنە بەردەم جێبەجێكردنی ئەم پرۆسەیە.

5. ئەو قوتابی و خوێندكارانەی كە پێشتر دەستیان بە پڕۆسەی خوێندنی باڵا (دبلۆم/ ماستەر/ دكتۆرا) كردووە و لە قۆناغەكانی (كۆرسات، توێژینەوە، گفتوگۆی نامە)-دان ئەوا بە هەمان ‌شێوازی خوێندنی ئەلكترۆنی درێژە بە پرۆسەی خوێندن دەدەن. هەروەها ئەو قوتابی و خوێندكارانەی كە پێویستیان بە بەكارهێنانی تاقیگەی هەبێت، دوای ڕەزامەندی سەرۆكایەتی زانكۆ، هاوكاری دەكرێن بۆ وەرگرتنی ڕەزامەندی لایەنە پەیوەندیدارەكان بۆ ئەوەی بتوانن كارەكانیان لە تاقیگەكان ئەنجام بدەن بەمەرجی پابەندبوون بە رێكارە تەندروستییەكان.

6. زانكۆ و پەیمانگە تایبەتەكانیش بەهەمان شێوازی زانكۆ حكومییەكان پێویستە پاپەندبن بە جێبەجێكردنی تەواوی خاڵەكانی سەرەوە.

7. (دەزگای سەرپەرشتی و دڵنیای جۆری) و (فەرمانگەی خوێندن و پلان دانان و بەدواداچوون) لە وەزارەتی خوێندنی باڵا و توێژیەوەی زانستی بەدواداچوونی بەردەوام دەكەن بۆ دڵنیابوون لە چۆنییەتی بەڕێوەچوونی پرۆسەی خوێندنی ئەلكترۆنی.

8. وەزارەتی خوێندنی باڵا و توێژینەوەی زانستی داوا لە سەرۆكایەتی ئەنجومەنی وەزیران دەكات كە لە ڕێگەی وەزارەتی گواستنەوە و گەیاندن داوا لەسەرجەم كۆمپانیاكانی ئینتەرنێت بكرێت كە پاكێجی تایبەتی ئینتەرنێت بدەن بە زانكۆكان و مامۆستایان و خوێندكاران و قوتابییان بەشێوەیەك كە خێرایی و نرخەكەی گونجاو بێت و ئەڕكی سەرشانییان كەم بكاتەوە.

9. وەزارەتی خوێندنی باڵا و توێژینەوەی زانستی لە ڕێگای ئەنجومەنی وەزیرانی بەڕێزەوە كار دەكات بۆ چارەسەركردنی ئەو گرفتە یاسایی و داراییانەی كە دێنە ڕێگای جێبەجێكردنی ئەم پرۆسەیە.

بەردەوام بە لە خوێندنەوە

کوردستان

پەرلەمانتارانی پارتی لە پەرلەمانی كوردستان مووچەكانیان دەبەخشنە دەزگای خێرخوازی بارزانی


خەڵك – بەشی هەواڵ

دوابەدوای ڕاگەیەنراوەكەی پەرلەمانتارانی فڕاكسیۆنی سەوز لە پەرلەمانی كوردستان كە تێیدا ڕایانگەیاندبوو بۆ دەربازبوون لە قەیرانی كۆرۆنا، بەشێكی زۆری مووچەكانیان دەبەخەشنە هاووڵاتیانی هەژار و كەمدەرامەت، پەرلەمانتارانی فڕاكسیۆنی پارتی لە پەرلەمانی كوردستان لە ڕاگەیەنراوێكدا ڕایانگەیاند:”سبەی لەگەڵ هاتنی مووچەی پەرلەمان لە بڕیارێكی دەستەجەمعیدا فڕاكسیۆنی پارتی هەر چل و پێنج هەڤاڵ و ڕاوێژكارانی پارتی لە پەرلەمان بڕیارماندا مووچەمان بدەینە دەزگای خێرخوازی بارزانی بۆ ئەوەی هاوكاری هەژارانی پێبكەن”.

 

دەقی ڕاگەیەنراوەكە:

بڕیارێكی پێكەوەیی لە فراكسیۆنی پارتییەوە

‏‎لەوەتەی دەستپێكی هاتنی نەخۆشی كۆرۆنا داوامان لەسەرجەم هەڤاڵانمان كرد كە لەناوچەكانی خۆیان هاوكاری خەڵك بن بەبێ جیاوازی چیان پێكرا بیكەن ولەگەڵ دەزگای خێرخوازی بارزانیش خۆبەخشانە هاوكاربن.

‏‎سبەی لەگەڵ هاتنی مووچەی پەرلەمان لە بڕیارێكی دەستەجەمعیدا فراكسیۆنی پارتی هەر چل و پێنج هەڤاڵ و ڕاوێژكارانی پارتی لە پەرلەمان بڕیارماندا مووچەمان بدەینە دەزگای خێرخوازی بارزانی بۆ ئەوەی هاوكاری هەژارانی پێبكەن.

‏‎هەموومان پێكەوە دەست لە دەست پەنا بەخوا ئەم قەیرانە تێدەپەڕێنین، سوپاس بۆ حكوومەت و هەموو ئەو لایەنانەی لەئەركدان دژی نەخۆشی كۆرۆناو شەوو ڕۆژیان خستۆتە سەر یەك و پێكەوە ئەم دۆخە تێدەپەڕێنی.

‏‎فراكسیۆنی پارتی لەپەرلەمانی كوردستان
۸/٤/۲٠۲٠

بەردەوام بە لە خوێندنەوە

کوردستان

بۆ دەربازبوون لە قەیرانی كۆرۆنا؛ پەرلەمانتارانی یەكێتی لە پەرلەمانی كوردستان بەشێكی زۆری مووچەكانیان دەبەخشن


خەڵك – بەشی هەواڵ

پەرلەمانتارانی فڕاكسیۆنی سەوز لە پەرلەمانی كوردستان لە ڕاگەیەنراوێكدا ڕایدەگەیەنن: بەشێكی ھاووڵاتیان سەرباری گیرۆدەبوونیان بە ڤایرۆسی كۆرۆنا، بەھۆی وەستانی كار و كەسابەتی ڕۆژانەیان لەدۆخێكی سەختی ژیاندان و پێویستی زیاتریان بە ئاوڕلێدانەوە و بەدەمەوەچوون ھەیە بەتایبەت بە پێشكەشكردنی خۆراك و پێداویستی ڕۆژانە.

دەشڵێن:”ئێمە لەسۆنگەی ھەستكردنمان بە بەرپرسیاریەتی بەرامبەر ھاووڵاتیان ھەروەك چۆن لەسەرەتای دروست بوونی ئەو دۆخە نالەبارە ئەندامانی فڕاكسیۆنەكەمان بەردەوام بوون لە پێشكەش كردنی كۆمەك و بەخشین لە شار و شارۆچكە جیاوازەكانی كوردستان ، لە ئێستاشدا بەمەبەستی پەرەپێدان و ھاندان زیاتر بەكلتوری ھاوكاری و بەخشین، بڕیارماندا لەم مانگەشدا بەشی زۆری مووچەكانمان تەرخان بكەین بۆ پێشكەش كردنی سەبەتەی خۆراك بۆ ھاووڵاتیانی كەم دەرامەت و ھەژار لە شار و شارۆچكە جیاوازەكانی كوردستان”.

ڕاشیدەگەیەنن:” ھانی سەرمایەدار و خاوەن كۆمپانیا و و خێرخوازانی كوردستان و ھەموو لایەن و حزبە سیاسییەكان دەدەین وەك ئەركێكی نیشتمانی و مرۆیی و ئەخلاقی بەشداری ھەڵمەتی بەخشین بكەن بۆ ئەوەی ھەموولایەك بەیەكەوە ھاوكاربین بۆ تێپەڕاندنی ئەو قۆناغە سەختە”.

دەقی ڕاگەیەنراوەكە:

ڕاگەیاندراوێك لە فراكسیۆنی سەوز لە پەرلەمانی كوردستان
بەناوی خوای بەخشندەی میھرەبان

ھاوڵاتیانی ئازیز، كوردستانیانی خۆشەویست

لای ھەمووان ئاشكرایە ئەمرۆ كوردستان وەك ووڵاتانی تری جیھان ، بەھۆی گیرۆدەبوون بە پەتای ڤایرۆسی كۆرۆنا (كۆڤید ١٩) بەھەلومەرجێكی ھەستیار و سەختدا تێپەردەبێیت .
وێرای دەست خۆشی و پێزانینمان بۆ ھەوڵەكانی حكومەتی ھەرێمی كوردستان ، لەناوەندی پارێزگاكان و ئیدارە سەربەخۆكان و یەكە كارگێریەكان تایبەت بە ھەنگاو و رێكارەكانی خۆپارێزی لە رووبەروو بوونەوەی ڤایرۆسی كۆرۆنا .
رێزو خۆشەویستی بێ پایەنمان بۆ پزیشك و كارمەندانی تەندروستی دەردەبرین ،دەستی ماندوو بوون و شەونخونی ھێزەكانی ئاسایشی ناوخۆو ، پێشمەرگە قارەمانەكان دەكوشین ، رۆلی كارمەندان و فەرمانبەرانی خاڵەسنوریەكان و فرۆكەخانەكان و خزمەتگوزاریە گشتیەكان بەرزدەنرخێنین . ھەروەھا سوپاسی ئارامگرتن و خۆراگری ھاوڵاتیانی خۆشەویستی كوردستان دەكەین كە بەرگەی ئەو دۆخە تازەیان گرتوەو پابەندی رێنمایە تەندروستیەكان دەبن ، بێگومان پابەندبوونی ھاوڵاتیان بە مانەوە لەماڵەكانیان ھەنگاوێكی ئەرێنی خۆپارێزیە لە زیاتر تەشەنە نەسەندنی ڤایرۆسی كۆرۆنە، ئەمانە ھەموویان بەیەكەوە ھەنگاو دەسكەوتی گەورەن بەئامانجی سەركەوتنی گەلەكەمان و دەرباز بوون لەو قۆناغە سەختەدا.
دەمانەوێیت بڵێین لە ئێستادا بەشێكی ھاوڵاتیان سەرباری گیرۆدەبوونیان بە ڤایرۆسی كۆرۆنا ، بەھۆی وەستانی كارو كەسابەتیدرۆژانەیان لەدۆخێكی سەختی ژیاندان و پێویستی زیاتریان بە ئاورلێدانەوەو بەدەمەوەچوون ھەیە بەتایبەت بە پێشكەشكردنی خۆراك و پێداویستی رۆژانە.
ئێمە لەسۆنگەی ھەستكردنمان بە بەرپرسیاریەتی بەرامبەر ھاوڵاتیان ھەروەك چۆن لەسەرەتای دروست بوونی ئەو دۆخە نالەبارە ئەندامانی فراكسیۆنەكەمان بەردەوام بوون لە پێشكەش كردنی كۆمەك و بەخشین لە شارو شارۆچكە جیاوازەكانی كوردستان ، لە ئێستاشدا بەمەبەستی پەرەپێدان و ھاندان زیاتر بەكلتوری ھاوكاری و بەخشین ، بریارماندا لەم مانگەشدا بەشی زۆری مووچەكانمان تەرخان بكەین بۆ پێشكەش كردنی سەبەتەی خۆراك بۆ ھاوڵاتیانی كەم دەرامەت و ھەژار لە شارو شارۆچكە جیاوازەكانی كوردستان ، لێرەشەوە ھانی سەرمایەدارو خاوەن كۆمپانیاو و خێرخوازانی كوردستان و ھەموو لایەن و حزبە سیاسیەكان دەدەین وەك ئەركێكی نیشتمانی و مرۆیی و ئەخلاقی بەشداری ھەڵمەتی بەخشین بكەن بۆ ئەوەی ھەموولایەك بەیەكەوە ھاوكاربین بۆ تێپەراندنی ئەو قۆناغە سەختە ،سڵاو لە خۆراگری خەڵكی كوردستان ؛ خوا وولات و میللەتەكەمان بپارێزیت .

فراكسیۆنی سەوز لە پەرلەمانی كوردستان
٢٠٢٠/٤/٨

بەردەوام بە لە خوێندنەوە

کوردستان